တနင်္လာနေ့၊ နိုဝင်ဘာလ 01 ရက် 2010 ခုနှစ် စောခါးစူးညား သတင်း - ကေအိုင်စီ
ကရင်ပြည်နယ် အနောက်မြောက်ပိုင်း ညောင်လေးပင်ခရိုင်၊ ကျောက်ကြီးမြို့နယ် အခြေစိုက် တောင်ပိုင်းတိုင်းစစ်ဌာနချုပ်လက် အောက်ခံ နအဖ ခလရ (၆၀)က ဒုက္ခိတ အဆောက်အအုံ တည်ဆောက်ရေးအတွက် ကုန်ကျသည့် ငွေများကို အဆိုပါ ဒေသရှိ ကျေးရွာအုပ်စု (၁၂) ခုမှ ရွာသားများထံ ကျပ်ငွေ (၁) သန်းကျော် အဓမ္မ တောင်းယူခဲ့သဖြင့် အောက်တိုဘာလ ၃၀ ရက်နေ့က အချိန်မီ ပို့ပေးခဲ့ရသည်ဟု စုံစမ်းသိရှိရသည်။
ကျောက်ကြီးမြို့နယ်ရှိ နံ့သာကွင်း၊ ကျောက်စရိတ်၊ ဒေါင်းမု၊ ဂမုန်းအိုင်၊ အင်းနက်၊ ၀က်လာတော၊ ပတ္တလား၊ နို့ဝေါ်၊ တခေါ်ပွာ၊ ဝေ့သွဲ၊ ကိုနီ၊ နို့ညာ့လာ့ စသည့် ကျေးရွာအုပ်စုတို့မှ အိမ်တအိမ်လျှင် ၁၂,၀၀၀ ကျပ်စီ ပေးရကာ ကျပ်ငွေ (၁၄,၄၀၀,၀၀၀) ကို ပြီးခဲ့သည့် အောက်တိုဘာလ ၇ ရက်နေ့က စစ်တပ်က တောင်းယူခဲ့ခြင်း ဖြစ်သည်။
ပြည်သူများထံ ယခု တောင်းခံသည့် ငွေသည် ယခင်တောင်းဆိုခဲ့ဖူးသည်ထက် အလွန်များပြားနေသည့်အတွက် ပြည်တွင်းဌာနေမဲ့ ကရင်ဒုက္ခသည်များဆိုင်ရာ ကော်မတီ (CIDKP) အဖွဲ့ဝင်တဦးဖြစ်သူ စောဘယ်ထူးက “သူတို့ ပြောတာက ဒဏ်ရာရတဲ့ ခြေပြတ် လက်ပြတ် ရဲဘော်တွေကို ဒီဒုက္ခိ အဆောက်အအုံမှာ ထားမယ်လို့ ပြောတာပဲ။ ဒါ သူတို့စစ်တပ်ရဲ့ ကိစ္စကို ကိုယ်တိုင် မရှင်းဘဲ ပြည်သူတွေကို ဒုက္ခပေးတဲ့ သဘောပဲ” ဟု ကေအိုင်စီကို ပြောသည်
ကျောက်ကြီးမြို့အတွင်းတွင် ဒုက္ခိတ အဆောက်အဦး (၄) လုံး တည်ဆောက်ရေးအတွက် လိုအပ်သည့် ငွေများကို ကျောက်ကြီးမြို့နယ် ဥက္ကဌ (နအဖ ဘက်) ဦးဇော်မျိုးညွှန့်က မပေးမနေရ စနစ်ဖြင့် တာဝန်ယူကောက်ခံပေးခဲ့သည်ဟု ဒေသခံ ပြည်သူတဦးက ကေအိုင်စီကို ယခုလို ပြောသည်။
သူက “သူက ကောက်ပေးတာပေါ့နော်။ သူတို့ (နအဖ) တွေ သေနတ်တွေ ကိုင်ထားတယ်ဆိုတော့ မပေးနိုင်လည်း ပေးရတာပဲ။ နှိပ်စက်တဲ့အထိ မရှိပေမဲ့ ကြောက်လို့ ပေးရတဲ့သူတွေချည်းအါပဲ။ တချို့သူတွေဆိုရင် ကျွဲ၊ နွား စတဲ့ ကိုယ်ပိုင်ဆိုင်တဲ့ အရာတချို့ကို ပစ္စည်းတမျိုးမျိုး ရောင်းပြီးမှ ပေးရတာတွေလည်း ရှိတယ်” ဟု ကေအိုင်စီကို ပြောသည်။
အလားတူ ပြီးခဲ့သည့် အောက်တိုဘာလ ၇ ရက်နေ့တွင် အဆိုပါ ဒေသရှိ နအဖ စစ်တပ် ခလရ (၆၀)သည် ပတ္တလား၊ နို့ဝေါ်နှင့် အင်းနက် ကျေးရွာအုပ်စုအတွင်းရှိ စပါးကြိတ်စက်ရှိသူ ရွာသားများထံမှ ဆန်စက်တလုံးလျှင် ကျပ်ငွေ ၅ ထောင်ကျပ် တောင်းခံ ခဲ့သည့်အတွက် စုစုပေါင်း စပါးကြိတ် စက် ၁၀ လုံးအတွက် ကျပ်ငွေ ၅ သောင်း ကောက်ခံရရှိခဲ့သည် သိရသည်။
နအဖ စစ်တပ်များသည် ရွာသားများထံ ယခုလို ငွေများ မကြာခဏ တောင်းခံခြင်းသည် ၎င်းတို့၏ တပ်ရင်းများအတွက် အသုံးပြုရန် ဖြစ်သည်ဟု အကြောင်းပြလေ့ရှိကြောင်း ဒေသခံပြည်သူများက ဆိုသည်။
ကျောက်ကြီးမြို့နယ်အတွင်းတွင် တောင်ပိုင်းတိုင်း စစ်ဌာနချုပ် လက်အောက်ခံတပ်ရင်း ခလရ (၆၀)၊ ခလရ (၄၈)၊ ခလရ (၅၃) ခမရ (၃၅၁)၊ ခမရ (၅၉၉)၊ ခမရ (၅၉၀)၊ ခမရ (၇၃)နှင့် ကေအဲန်အယ်လ်အေ တပ်ရင်း (၉)၊ ကေအဲန်ဒီအိုတပ်အချို့ ပုံမှန်လှုပ်ရှားလျှက် ရှိသည်။
http://burmese.bnionline.net/news/kic/5584-2010-11-01-14-40-27.html
Wednesday 3 November 2010
Subscribe to:
Post Comments (Atom)
No comments:
Post a Comment