လွန်ခဲ့သောနှစ် နှစ်က ဘားရပ်အိုဘားမား အမေရိကန်သမ္မတ ဖြစ်လာစဉ်တွင် ကမ္ဘာတစ်ဝန်းမှ ပြည်သူအများအပြားအပါအဝင် အမေရိကန် ပြည်သူအများစုက စိတ်အားထက် သန်စွာ အားပေးခဲ့ကြသည့် ပထမဆုံးလူမည်း အမေရိကန်သမ္မတတစ်ဦးဖြစ်သည်။ အိုဘားမား သည် နိုင်ငံ၏ပြည်တွင်းရေးပြဿနာများကို ဖြေ ရှင်းပေးပြီး နိုင်ငံတကာတွင်လည်း အမေရိကန်၏ ပုံရိပ်ကို ပြန်လည်မြှင့်တင်ပေးလိမ့်မည်ဟု မျှော် လင့်ခဲ့ကြသည်။ သို့သော် သမ္မတသက်တမ်း ၂နှစ်ပြည့်ခါနီးအချိန်တွင်ပင် အိုဘားမားအပေါ် လူထုထောက်ခံမှုသည် အနိမ့်ဆုံးအမှတ်သို့ တောက်လျှောက်ကျဆင်းလျက် ရှိသည်။ အို ဘားမားဘာကြောင့် ယခုကဲ့သို့ လူထု၏ ဆန့် ကျင်မှုမျိုးနှင့် ရင်ဆိုင်ရတာလဲဟူသော အချက် သည် စိတ်ဝင်စားဖွယ်ကောင်းလှ၏။ သူ့ကိုအပြစ် တင်နေကျသော ပြည်သူများမှာ စီးပွားရေးနှေး ကွေးလေးလံနေမှုကို ထောက်ပြကြ၏။ အလုပ် လက်မဲ့နှုန်းမြင့်မားနေမှုကို အပြစ်တင်ကြ၏။
သို့သော်စီးပွားရေးသည် နှစ် ၈ဝအတွင်း အဆိုး ဝါးဆုံး ဘဏ္ဍာရေးအကျပ်အတည်းမှ ရုန်းထွက် လာခါစဖြစ်သည်။ စရိတ်စကကြီးမားသော စစ်ပွဲကြီးနှစ်ခုကိုလည်း အမွေဆက်ခံခဲ့ရသေးသည် ထို့ပြင် အမေရိကန်၏ နိုင်ငံရေးစနစ်ဖွဲ့စည်းပုံအ ရ ကြီးကြီးမားမားအပြောင်းအလဲလုပ်ရန် အ ချိန်ကြာမြင့်တတ်သည်။ ထိုသို့သော အခြေအ နေအောက်တွင် သမ္မတအိုဘားမားအနေဖြင့် မျက်လှည့်ပြသလို ပြောင်းလဲတိုးတက်မှုမျိုးကို ပြုလုပ်ဖန်တီးနိုင်ပါမည်နည်း။
သူ့ကိုထိုကဲ့သို့ မျှော်လင့်ခဲ့သည်ဆိုလျှင် မျှော်လင့်ခဲ့သည်မဲဆန္ဒ ရှင်များ၏ အားနည်းချက်သာ ဖြစ်လိမ့်မည်။ သမ္မတအိုဘားမားက မဲဆွယ်စည်းရုံးစဉ်တွင် အလွယ်ကတိများ ပေးခဲ့သည်ကြောင့်လည်း ဖြစ်နိုင်သည်။ အိုဘားမားက အမေရိကန် စီး ပွားရေးတစ်ခုလုံးနှင့်ဆိုင်နေရသော ပြဿနာ၏ အတိမ်အနက်ကို လျော့တွက်ခဲ့ဟန်တူသည်။ ဒါမှမဟုတ်အကောင်းမြင်လွန်းသွားလို့လဲ ဖြစ်နိုင် သည်။ မည်သို့ပင်ဖြစ်စေ ရွေးကောက်ပွဲကာလ တွင် ပေးခဲ့သော စကားများအကောင်အထည် မဖော်နိုင်သည့်အတွက် ပြည်သူများကစိတ်ပျက် နေကြခြင်း ဖြစ်နိုင်သည်။
အလယ်အလတ်လမ်းစဉ်သမား
အိုဘားမားကို ဝေဖန်ကြသည့်သူများမှာ ဘက်ပေါင်းစုံကဖြစ်သည်။ လက်ဝဲကလည်း ဝေဖန်သည်။ လက်ယာသမားများကလည်း ဝေဖန်သည်။ Economist သတင်းစာအပါအဝင် အလယ်အလတ်သဘောထားရှိသူများကလည်း ဝေဖန်ကြသည်။ တကယ်တော့ အိုဘားမားသည် သမ္မတမဖြစ်မီကတည်းကပင် ပါတီကြီးနှစ်ခုညီ ညွတ်ကြရန် တောင်းဆိုခဲ့သူဖြစ်သည်။ သမ္မတ ဟောင်းဂျော့ဘု(ရှ်)၏ ကာကွယ်ရေးဝန်ကြီး ရောဘတ်ဂိတ်(စ်)ကိုပင် ဆက်လက်၍ ကာ ကွယ်ရေးဝန်ကြီးနေရာကိုပေးခဲ့သည်။ ဒီမိုက ရက်တစ်ပါတီအတွင်း စည်းလုံးမှုရှိစေရန်အတွက် လည်း ပြိုင်ဘက်ဟောင်းဖြစ်သူ ဟီလာရီက လင်တန်ကို နိုင်ငံခြားရေးဝန်ကြီးဌာနကို ပေး အပ်ခဲ့သည်။ စီးပွားရေးနှိုးဆွအစီအစဉ်တွင်လည်း ရီပတ်ပလင်ကန်များ ထောက်ခံကြစေရန် အခွန် ဖြတ်တောက်မှု (Tax cut) ကြီးမားစွာထည့်သွင်း ပေးခဲ့သည်။ ကျန်းမာရေးစောင့်ရှောက်မှု အစီအ စဉ်တွင်လည်း အာမခံကုမ္ပဏီကြီးများ၊ သမဂ္ဂ များ၊ ပါတီနှစ်ခုစလုံးမှ အမတ်များထောက်ခံမှု ရရှိစေရန် သတိထားရေးဆွဲခဲ့သည်။ သို့သော် အိုဘားမား၏ပြဿနာမှာ ထိုကဲ့သို့ အလယ်အ လတ်ကျသော ပေါ်လစီများကို ကျင့်သုံးနေမှုပင် ဖြစ်သည်။ လက်ဝဲလက်သမားများက သူ့ကို သတ္တိမရှိသောညှိနှိုင်းရေးသမားဟုစွပ်စွဲကြသည်။
သတ္တိမရှိသောညှိနှိုင်းရေးသမားဟုစွပ်စွဲကြသည်။ ကြီးကျယ်သော အပြောင်းအလဲများပြုလုပ်ရန် မဲပေးလိုက်သော ပြည်သူကို သစ္စာဖောက်ခြင်း ဖြစ်သည်ဟု သူတို့ကယူဆကြသည်။
http://ecovisionjournal.com/coverstory/images/coverstory-171-02.jpg
လက်ယာ သမားများကတော့ အစိုးရအရွယ်အစားကို ကြီးမားအောင်လုပ်ပြီး အခွန်ထမ်းပြည်သူတွေ၏ ဘဏ္ဍာငွေများကို ဖြုန်းတီးပစ်နေသည်ဟု ပြော ဆိုကြသည်။ အစိုးရ ဗျူရိုကရေစီယန္တရားကြီး မားလာပြီး ငွေတွေ တလွဲသုံးပစ်နေသည်ဟု ယူဆကြသည်။ သဘောထားပျော့ပြောင်းသည် မဲဆန္ဒရှင်မျာကပင် အိုဘားမားသည် သမ္မတတစ် ယောက်နေဖြင့် ကျွမ်းကျင်မှုမရှိဘဲ မဲဆွယ်စည်း ရုံးရေးတွင်သာ ကျွမ်းကျင်မှုရှိသည်ဟု ထင်မြင် လာကြသည်။ မဲဆွယ်စည်းရုံးရာတွင်တော့ အိုဘားမားသည် ပါရမီရှင်တစ်ဦးဖြစ်သည်ကို ငြင်းစရာမရှိပေ။ လူထုထောက်ခံမှုကျဆင်းနေ သည့် ယခုအချိန်တွင်ပင် အိုဘားမားမဲဆွယ်စည်း ရုံးသည့် ဟောပြောပွဲများတွင် လူများကြိတ် ကြိတ်တိုးစည်ကားလျက်ရှိသည်။ အိုဘားမား သည် သူ၏လူကြိုက်များမှု ရာခိုင်နှုန်းကိုထိန်း သိမ်းရန်အတွက်အလယ်အလတ်လမ်းစဉ်ကို လိုက်ခါမှပင် ဘက်ပေါင်းစုံမှ ဝိုင်းဝန်းဝေဖန်မှုကို ခံစားနေရသည်။
အိုဘားမား၏နိုင်ငံခြားရေးရာပေါ်လစီ
ယခုလွှတ်တော်ရွေးကောက်ပွဲတွင် နိုင်ငံ ခြားရေးမူဝါဒများက အဓိက မကျဘဲစီးပွားရေး ကသာ မဲဆန္ဒရှင်တို့၏ ဆန္ဒကို ဆွဲဆောင်နေဟန် တူသည်။ လွှတ်တော်အမတ်များက အီရတ်နှင့် အာဖဂန်အကြောင်း ဘယ်သူမှ မပြေကြ၊ တရုတ်နှင့်ကုန်သွယ်ရေးပြဿနာသည်ပင် နိုင်ငံ ရေးထက်စီးပွားရေး သဘောကို ပို၍အာရုံစိုက် ကြသည်။. အကောက်ခွန်များတိုးသင့်မတိုးသင့် သည်အရေးကြီး ပြဿနာဖြစ်နေသည်။
http://ecovisionjournal.com/coverstory/images/coverstory-171-03.jpg
အိုဘားမား၏ နိုင်ငံခြားရေးပေါ်လစီမှာ မတင်းလွန်းမပျော့လွန်းသော ပုံစံသာဖြစ်သည်။ အီရန်၊ မြောက်ကိုရီးယားတို့ကို စီးပွားရေးပိတ် ဆို့မှုအသစ်များ တိုးမြှင့်ချမှတ်သည်။ သို့သော် ထိထိရောက်ရောက်ကြီး ပြုလုပ်ခြင်းတော့ မဟုတ်။ အာဖဂန်သို့ စစ်တပ်များစေလွှတ်ရန် အချိန်အတော်ကြာ တုံ့ဆိုင်းနေခဲ့သည်။ ရီပတ် ပလင်ကန်များက အပြင်းအထန် ဝေဖန်လာ သည့်အခါမှ စစ်တပ်များ ထပ်မံလွှတ်ခဲ့သည် သို့သော် ထိုသို့စေလွှတ်မှုက သူ၏ဒီမိုကရက် တစ်ပါတီဝင်အချို့နှင့် နိုဗယ်ကော်မတီဝင်တို့ ကို စိတ်ပျက်စေခဲ့သည်။
နိုဗယ်ဆုပေးသည့် ကော်မတီမှာ စစ်တပ်များစေလွှတ်သင့်မသင့် အိုဘားမားစဉ်းစားနေချိန်တွင် ငြိမ်းချမ်းရေး နို ဗယ်ဆုချီးမြှင့်ခဲ့ခြင်းဖြစ်ပြီး အိုဘားမားအနေဖြင့် ထိုဆုကြောင့် စစ်တပ်များအာဖဂန်နစ္စတန်သို့ထပ်မပို့ရန် မျှော်လင့်ခဲ့ပုံရသည်။ အိုဘားမား သည် ပြည်တွင်းရေးနှင့်နိုင်ငံတကာရေးရာပြဿ နာများကို ဖြေရှင်းရာတွင် အဓိကပေါ်လစီမျှကို သာ ဆုံးဖြတ်ချက်ပေးပြီး အသေးစိတ်အချက် များကို သူ့ ဒီမိုကရက်တစ်ပါတီဝင်များကို လွှဲအပ်ပေးခဲ့သည်။ ဒေါ်လာ ၇၈၇ ဘီလီယံ (သန်းပေါင်း ၇၈၇ဝဝဝဒေါ်လာ)တန်စီးပွားရေးနိုး ဆွ အစီအစဉ်အသေးစိတ်ကို အိုဘားမားက သူ၏လွှတ်တော်အမတ်များကို လွှဲအပ်ပေးခဲ့ သည်။
သူ၏ ရွေးကောက်ပွဲကာလ အရေးကြီး ကတိတစ်ခုဖြစ်သောကျန်းမာရေးစောင့်ရှောက် မှုအစီအစဉ်ကိုလည်း ဒီမိုကရက်တစ်ခေါင်း ဆောင်များက စိတ်ကြိုက်ရေးဆွဲခဲ့ကြသည်။ အ ကယ်၍ အိုဘားမားသာ ထိုအစီအစဉ်များကို အသေးစိတ်ထိန်းချုပ်လမ်းကြောင်းပေးနိုင်ခဲ့လျှင် လူထုထောက်ခံမှု ယခုလောက်ကျဆင်းလိမ့်မည် မဟုတ်ချေ။ ယခုတော့ အိုဘားမား၏ စီးပွားရေး နိုးဆွအစီအစဉ်မှ ဒေါ်လာသန်းပေါင်းများစွား သည် ဒီမိုကရက်တစ်ပါတီ၏ အမာခံ Lobby သဘဘပ အဖွဲ့များဖြစ်သော သမဂ္ဂများ စိတ်ကြိုက်တွေ့မည့်လမ်းကြောင်းထဲသို့ ရောက်ရှိသွားခဲ့သည်။ ထို့ကြောင့်ကိန်း(စ်)ဘောဂဗေဒသဘောအရ စီးပွားရေးကျဆင်းမှု(Recession) ကိုတုန့်ပြန်ဖြေ ရှင်းသည် စီးပွားရေးနိုးဆွအစီအစဉ်မှာ သဘော တရားရေးအရ လုံးဝမှန်ကန်သော်လည်း ဖြစ်သင့် သလောက် မထိရောက်ခဲ့ဟု ပြောနိုင်ပေသည်။ ထို့ကြောင့်ပင် အလုပ်လက်မဲ့ရာခိုင်နှုန်းမှာ ၁ဝရာခိုင်နှုန်းနီးပါးတွင် ရပ်တန့်နေပြီး ကျဆင်း သွားခြင်း မရှိဘဲဖြစ်နေသည်။
အိုဘားမားမှာ သူ၏ စီးပွားရေးနိုးအစီအ စဉ်သည် အလုပ်အကိုင်ပေါင်း သုံးသန်းခန့်ဖန် တီးပေးနိုင်လိမ့်မည်ဟု ကြိုတင်ဟောကိန်းထုတ် ခဲ့ဖူးရာ လက်တွေ့ဖြစ်ရပ်နှင့် ကွာဟနေသည်။ အမေရိကန်စီးပွားရေးမှာ ၂ဝ၁ဝပြည့်နှစ်တွင် ပြန်လည်မြင့်တက်လာပြီးဖြစ်သော်လည်း အိမ်ခြံ မြေဈေးနှုန်းများမှာ ဆက်လက်ကျဆင်းနေပြီး ဘဏ်များကလည်း အလွယ်တကူငွေချေးငှား ခြင်း မပြုလုပ်ကြသေးချေ။
အီလီနွိုက်ပြည်နယ်မှ လူငယ်နိုင်ငံရေးသမား
ယခုလွှတ်တော်ရွေးကောက်ပွဲတွင် ဒီမိုက ရက်တစ်ပါတီတို့ရှုံးနိမ့်ခဲ့သော်လည်း အိုဘားမား ကတော့ နောက်ထပ်နှစ်နှစ်ဆက်လက်၍ သမ္မတဖြစ်နေဦးမည်ဖြစ်သည်။ အချို့က ဆိုလျှင် ၂ .၁၂ရွေးကောက်ပွဲ၌တွင်ပင် အိုဘားမားပြန် လည်အရွေးခံရဖွယ်ရှိသည်ဟုပင် ယူဆကြသည် အဘယ်ကြောင့်ဆိုသော် အိုဘားမားမှာ လူကြိုက် များမှုကျဆင်းနေသော်လည်းပြိုင်ဘက် ရီပတ်ပ လင်ကန်မှာလည်း အစားထိုးစရာနည်းလမ်း ကောင်းမရှိချေ။ ထို့ပြင်ရီပတ်ပလင်ကန်ပါတီမှာ ကာကွယ်ရေးနှင့်လုံခြုံရေးကို ပို၍အလေးထား သော စစ်တိုက်ခိုက်ရန် ပို၍စိတ်အားထက်သန် သောပါတီဟု ပြည်သူများက ယူဆထားရာ ယခုအချိန်တွင် စီးပွားရေးသာ အဓိကဖြစ်ရာ ရီပတ်ပလင်ကန်သမ္မတတစ်ယောက်ပေါ်လာရန် မလွယ်သေးဟု ပညာရှင်များက ယူဆကြသည်။
သမ္မတအိုဘားမားကို ကံကောင်းသော နိုင်ငံရေးသမားဟု အချို့ကသတ်မှတ်ကြသည်။ အီလီနွိုက်ပြည်နယ်မှ မထင်မရှားလူငယ်နိုင်ငံ ရေးသမားတစ်ဦး၊ ၂ဝဝ၅ခုနှစ်တွင်မှ လွှတ်တော် အမတ်ဖြစ်လာသူတစ်ယောက်သည် ၂ဝဝ၈တွင် သမ္မတဖြစ်လာရန် မလွယ်ကူလှချေ။ သို့သော် ကံကြမ္မာက အိုဘားမားကို မျက်နှာသာပေး ခဲ့သည်။ ၂ဝဝ၈ခုနှစ်တွင် လီမန်ဘရားသားဘဏ် ကြီးပြိုကျပြီး နှစ် ၈ဝအတွင်း အဆိုးဝါးဆုံးစီးပွား ရေးကျဆင်းမှုဂယက်နှင့် ကြုံတွေ့ခဲ့ရသည်။ ပြိုင်ဘက်ဂျွန်မက်ကိန်းမှာလည်း အသက်အရွယ် ကြီးရင့်နေပြီး စီးပွားရေးကျွမ်းကျင်သူမဟုတ် သော ဗီယက်နမ်စစ်ပြန်ကြီး တစ်ယောက်သာ ဖြစ်သည်။ ထိုအခါ ငယ်ရွယ်ပြီးတည်ငြိမ်အေး ဆေးပုံရသော၊ အာဝဇ္ဇန်းရွှင်ပြီး အလုပ်ကြိုးစား မည့်ပုံပေါ်သော လူမည်းကိုယ်စားလှယ်လောင်း လေးမှာ မဲဆန္ဒရှင်ပြည်သူများအမြင်တွင် အသင့် တော်ဆုံး လူတစ်ယောက်ဖြစ်လာခဲ့သည်။ ၂ဝဝ၈တွင်ဖြစ်ပေါ်နေသော ပြဿနာများကို ဖြေရှင်းပေးနိုင်လိမ့်မည်ဟု ပြည်သူများက မျှော် လင့်ခဲ့ကသည်။
အခြေအနေဆိုးတွေများပြားသောနှစ် နှစ်တာကာလ
အားလုံးသိကြသည့်အတိုင်း အိုဘားမား သမ္မတဖြစ်ချိန်သည် စီးပွားရေးအကျပ်အတည်း ကာလဖြစ်သည်။ အမေရိကန်နိုင်ငံနှင့် မိုင် ထောင်ပေါင်းများစွာ ဝေးကွားသောနေရာတွင် စစ်ပွဲကြီးနှစ်ခုဖြစ်နေပြီး အမေရိကန်စစ်သားများ ထိခိုက်သေဆုံးလျက်ရှိသည်။ ထိုကြားထဲတွင် ရာသီဥတုဖောက်ပြန်ပြောင်းလဲမှု ကမ္ဘာကြီးပူ နွေးမှုတို့ကြောင့် ကမ္ဘာတစ်ဝန်းတွင် သဘာဝကပ် ဘေးများ ပိုမိုကျရောက်နေသည်၊ အပူလိုင်းဖြတ် ခြင်း၊ မုန်တိုင်းများဖြစ်ပေါ်ခြင်းနှင့် ရေကြီးခြင်း တို့သည်သမိုင်းတစ်လျှောက် အဆိုးဝါးဆုံး၊ အ ပြင်းထန်ဆုံးများကိုစံချိန်ချိုးး၍ ၂ဝဝ၉-၂ဝ၁ဝပြည့် နှစ်များတွင် ဖြစ်ပေါ်ခဲ့သည်။ ထို့ပြင် အိုဘား မားကြိုတင် မျှော်လင့်မထားသော ဖြစ်ရပ်တစ် ခုကလည်း ပေါ်ပေါက်လာပြီး သူ့ကိုခေါင်းကိုက် စေခဲ့သည်။ အမေရိကန်သမိုင်းတစ်လျှောက် အဆိုးဝါးဆုံး ရေနံယိုဖိတ်မှုသည် မက္ကဆီကို ပင်လယ်ကွေ့တွင် ဖြစ်ပွားခဲ့ပြီး ရက်သတ္တပတ် ပေါင်းများစွာအထိ အမေရိကန်ပြည်သူတွေကို ထိတ်လန့်စေခဲ့သည်။ ပင်လယ်ထဲတွင် ရေနံယို ဖိတ်ခြင်းသည် သမ္မတအိုဘားမားနှင့်ဘာမျှသက် ဆိုင်မှု မရှိသော်လည်း ထုံးစံအတိုင်း အမေရိ ကန် ပြည်သူတို့မှာ အစိုးရအပေါ်သို့ အပြစ်ပုံချ ကြတော့သည်။ အိုဘားမားက ရေနံယိုဖိတ်မှု အတွက် အတတ်နိုင်ဆုံးကြိုးစားခဲ့သော်လည်း ပြည်သူတွေက အိုဘားမားသည် လုံလောက် အောင် ဂရုစိုက်မှုမရှိဟု ဝေဖန်ကြသည်။
http://ecovisionjournal.com/coverstory/images/coverstory-171-04.jpg
ပြည်သူ့ဆန္ဒနှင့်ကင်းကွာနေသလော
သမ္မတအိုဘားမားအပေါ် ဝေဖန်မှုအား လုံးသည် အပြစ်တင် ဝေဖန်မှုချည်းသက်သက်ပဲ မဟုတ်ကြချေ။ အိုဘားမားကို ဆက်လက် ထောက်ခံလိုသော အင်အားစုများကို ကိုယ်တိုင် က ၄င်းတို့အားမလိုအားမရဖြစ်ရသော အချက် များကို ထောက်ပြဝေဖန်ကြခြင်းဖြစ်သည်။ တနည်းပြောရလျှင် အိုဘားမား၏ ပေါ်လစီများ ယခုထက်ပို၍ အောင်မြင်မှုရရှိစေရန် သတိပေး နေကြခြင်းသာဖြစ်သည်။ သို့သော်ပြဿနာမှာ သမ္မတအိုဘားမားသည် သူ့အပေါ်ဝေဖန်မှုများ အပေါ် ဂရုစိုက်နားထောင်ခဲ့မှုမရှိခြင်းဖြစ်သည်။ အိုဘားမားသည် သူ၏ဘဝတစ်လျှောက်လုံး ဒီမိုကရက်တစ်ပါတီများနှင့်သာ ဆက်ဆံထိတွေ့ ခဲ့ရပြီး စီးပွားရေးလောကနှင့် အခြားအရေးကြီး သော အင်စတီကျူးရှင်းများနှင့် ထိတွေ့မှုနည်း ပါးခဲ့သည်။ သမ္မတအိုဘားမားမှာ အမေရိကန် တို့မှာ ကျန်းမာရေးစနစ်တွင် ပြဿနာရှိနေ ကြောင်း ပြုပြင်ဖို့လိုအပ်ကြောင်း နားလည်ကြ သည်။ကမ္ဘာကြီးပူနွေးမှုကိုလည်း ဂရုစိုက်သင့်သ လောက်စိုက်ကြသည်။ သို့သော် လတ်တလော တွင် အမေရိကန်တို့ အစိုးရိမ်ဆုံးကိစ္စမှာ စီးပွား ရေးနှင့် အလုပ်အကိုင်အခွင့်အလမ်းပျက်စီးဆုံး ရှုံးမှုတို့သာဖြစ်သည်။ အမေရိကန်ပြည်သူတို့မှာ သမ္မတထံမှ ထိုအရေးကိစ္စများနှင့်ပတ်သက်၍ ဂရုစိုက်မှု၊ အလေးထားမှုကို ရရှိလိုကြခြင်းသာ ဖြစ်သည်။ သမ္မတ အိုဘားမားက နယူးယောက် တိုင်း(မ်)သတင်းစာနှင့်အင်တာဗျူးဖြေကြားရာ တွင် ယခုကဲသို့ ဖြေကြားခဲ့သည်။
''ကျွန်တော်တို့ အစိုးရအဖွဲ့အနေနဲ့ ဂုဏ်ယူ စရာကောင်းတဲ့တစ်ခုက နိုင်ငံအတွက်လိုအပ်တဲ့ အရေးကြီးကိစ္စတွေကို ဆောင်ရွက်နိုင်ခဲ့တာပါပဲ လောလောဆယ်အခြေအနေမှာ ပြည်သူတွေ က မကြိုက်နှစ်သက်ကြသော်လည်းပေါ့လေ'' ဟု သူက ပြောကြားခဲ့သည်။
အိုဘားမားက သူ၏ကျန်းမာရေးစောင့် ရှောက်မှုအစီအစဉ်နှင့်ပတ်သက်၍ ပြောကြား ခဲ့ခြင်းဖြစ်သည်။ အမေရိကန်သမ္မတအဆက် ဆက်ကကြိုးပမ်းခဲ့သော ကိစ္စကို သူကအောင် မြင်စွာ အကောင်အထည်ဖော်နိုင်ခဲ့သည့်အ တွက် ဂုဏ်ယူပြီးပြောဆိုနေခြင်းဖြစ်သည်။ သို့ သော်သဘောထားစစ်တမ်းတစ်ခုအရ ပြည်သူ ၁ဝ ရာခိုင်နှုန်းသာ ကျန်းမာရေး စောင့် ရှောက်မှုက ယခုလာမည့်ရွေးကောက်ပွဲအတွက် အရေးပါသည်ဟု ဖြေကြားခဲ့ကြသည်။ နိုင်ငံ ရေးခေါင်းဆောင်များသည် သူတို့၏ပေါ်လစီများ ကို လူအများက ဆန့်ကျင်ကြသောအခါ ရေတို တွင် ဆန့်ကျင်မှုများရှိသော်လည်း ရေရှည်တွင် သူ၏ပေါ်လစီများကို လူတွေလက်ခံလာကြမည် ဟုပြောဆိုတတ်ကြသည်။ တစ်ခါတစ်ရံတွင် ထို အချက်သည် မှန်ကန်မှုရှိတတ်ပါသည်။ သို့သော် များသောအားဖြင့် ပြည်သူလူထုကသာ ၄င်းတို့ အမှန်တကယ်လိုအပ်သောအရာကို နားလည် သဘောပေါက်၏ကြပြီး နိုင်ငံခေါင်းဆောင်များက နားလည်မှုလွဲနေကြတာများသည်။ သမိုင်းတွင် အမေရိကန်သမ္မတ ထရူးမင်းက ကိုရီးယားစစ် ပွဲတွင် ပါဝင်ဆင်နွှဲခဲ့သည့်အတွက် ထိုအချိန်က အမေရိကန်များက မကြိုက်ကြချေ၊ သို့သော် ဒုတိယကမ္ဘာစစ်နောက်ပိုင်း အောင်မြင်မှုအရှိ ဆုံး စစ်ပွဲတစ်ပွဲအဖြစ် အမေရိကန်ပြည်သူတို့က သတ်မှတ်ကြပြီး သမ္မတထရူးမင်းကို အကောင်း ပြန်မြင်လာကြသည်။
သမ္မတအိုဘားမားအပေါ်လည်း ထိုကဲ့သို့ ပြန်လည်အကောင်းမြင်လာနိုင်ကြပါသည်။ သိပ်တော့ဖြစ်နိုင်ချေမရှိလှပါ။ ဘာပဲပြောပြော အမေရိကန်နိုင်ငံရေးသဘောသဘာဝအရ ယနေ့ ပြည်သူတို့၏ အချစ်တော်သည် နောက်နေ့တွင် လူဆိုးတစ်ယောက်ဖြစ်သွားနိုင်သလို လူမုန်း များခံရသည့် သမ္မတသည်လည်း တစ်ချိန်တွင် သူရဲကောင်းများဖြစ်လာနိုင်ပေသည်။ ကမ္ဘာ့အ ကောင်းဆုံး တက္ကသိုလ်ကြီးများတည် ရှိနေပြီး မည်သို့သော အလှုပ်အယမ်းများ ရှိနေသည့် တိုင်အောင် အမေရိကန်သည် တီထွင်ဖန်တီးမှု အရှိဆုံး စီးပွားရေးနိုင်ငံတစ်နိုင်ငံဖြစ်နေဦးမည် သာဖြစ်သည်။ ထိုအချက်က ဒီမိုကရက်တစ်အ မတ်များကို ကယ်တင်နိုင်ခဲ့မည်မဟုတ်သော် လည်း သမ္မတအိုဘားမားအတွက်တော့ မျှော် လင့်ချက်ပေးစွမ်းနိုင်ပါသေးသည်။ ၂ဝ၁၂အ ရောက်တွင် စီးပွားရေးပြန်ကောင်းလာနေပါက ဘာတွေပဲဖြစ်ခဲ့ဖြစ်ခဲ့ သမ္မတအိုဘားမားကို ထောက်ခံအားပေးမှု ပြန်ရလာနိုင်သည်။ ရွေးကောက်ပွဲများတွင် အမေရိကန်ကို အဓိက အာရုံစိုက်ကြသည်မှာ လတ်တလောစီးပွားရေး အခြေအနေပင်ဖြစ်နေသည် မဟုတ်ပါလား။
