Burma Democratic Concern has the firm determination to carry on doing until the democracy restore in Burma.

Monday 17 November 2008

မောင်တို့ ကြားကြ ကုန်လော့။ မယ်တို့ ကြားကြ ကုန်လော့။


(မင်းဒင် ရေးသည်။)

ကျုပ်လည်း ငယ်ရွယ် နုပျိုစဉ်ကတော့ မိုးကိုချည်း ဒူးနဲ့  တိုက်ခဲ့ တာကလား။ တိုက်ခဲ့  သမှ မိုးနဲ့ ဒူးနဲ့  တိုက်သံ တိန်တိန် နဲ့  စိန်ဗေဒါကြီး လက်သံ လိုတောင်နေ သေး။ အရွယ်လေး ရလာတော့ ဒူးကိုအနားပေး မဂ်တရား ဖိုလ်တရားလေးနဲ့ နေမယ် ကြံပါတယ် ၊ နေလို့ မရ ဘူးဗျာ ။ တခါတခါ စိတ်ထဲ မှာ.... ဟယ်လို ..ဟယ်လို.. ဘင်လာဒင် ၊အိုင်အမ် မင်းဒင် ၊အိုင်နိ ယူဝါ ဟဲ့လ်ပ၊ တောင် ရွတ်မိတဲ့  အထိ ။
....................................

ကျုပ်တယောက်တည်း နေမရတာ မဟုတ်ဘူး ဗျ။ မြန်မာလူမျိုး လူစိတ်ရှိတဲ့ သူတိုင်း ကိုနေ မရအောင်ဖြစ်နေတာ ။ ကျုပ်အသိ ရှိရှိသမျှ ပညာတတ်တွေကော ကူလီတွေ ပါ သေနတ် ရှိလား လှမ်းလှမ်းမေးနေပြီ။တကယ့်ကို လူယဉ်ကျေး ပညာတတ် အင်္ဂလန်က ကျုပ်မိတ်ဆွေ တယောက် ဆို မခံသာလွန်းလို့ ထင်ပါ့ ။ စစ်အစိုးရ ဆိုတဲ့ ကောင်တွေ ကုလားထိုင် သွားထိလို့ ကတော့  ဘုန်းတော်ကြီး တွေ ပါမကျန်အောင် ရိုက်သတ်၊ သူ့ နှမ ဟဝှာပြု မိတာထက်ဆိုး တယ် ဆိုတဲ့  ခပ်ရိုင်းရိုင်း စကားတွေတောင် ပါလာသဗျာ။
ဘယ်နေလို့ ရကြပါ့ မလဲ ဗျ။ မြန်မာမင်းများ ရက်စက်ပုံ ကမ်းကုန်လွန်းလို့ ။အစိုးရမင်းများက ရုံးပိတ်ရက်တောင် မနားပဲ တက်တက်ကြွကြွ ကို ထောင်ချပွဲကြီး ဝှဲချီးကျင်းပနေတုန်းပဲဗျို့  ။ ၆၅ နှစ် စီးရီးက မပြီးသေးဘူးဗျ။ မင်းကိုနိုင်၊ ကိုကိုကြီး ၊ကိုဌေးကြွယ် အပါအဝင် နောက်ထပ် ကိုးဦးကိုလည်း ရဲဘော်များနဲ့ သာတူညီမျှ ၆၅ နှစ်ပါပဲတဲ့ ။ ဒါလည်း ပုဒ်မတွေက ကမ္ဘာကုန် ကျယ်သရွေ့  ကျန်နေသေးသတဲ့  ဗျာ။ ကျန်တဲ့ အယောက်လေးဆယ် နီးပါးလည်း အသီးသီး အဿက အဿက ထောင်ဒါဏ်တွေ ရနေကြတုန်း ဗျာ။ မြန်မာပြည်ကြီး တိုးတက်ကြီး ပွား စေချင်တဲ့ ပုဂ္ဂိုလ်မှန်သမျှ ထောင်ထဲဝင်နေကြ ဆိုတဲ့  ပေါ်လစီ ပါလားဗျာ။
....................................

မပြောချင်လို့  ရေငုံနေတာ ဗျ။
တိုင်းပြည်ကသာ ဖြူကာဖျာကာ ကျနေတာ ၊ အစိုးရမင်းများက နန်းတော်ကြီး တွေထဲမှာ တနေ့  ဟင်းဆယ့်ခြောက်မျိုးနဲ့ စားနေတာ ကျုပ်က သိနေတယ်။ ဖြီးတယ် မထင်နဲ့ ။ အတိအကျပြောတာ ။ ကျုပ်မိတ်ဆွေ ဗိုလ်မှူးဟောင်းတယောက် လွန်ခဲ့တဲ့  နှစ်လကပဲ မြန်မာပြည်ရဲ့ ဒုတိယ အကြီးဆုံး ခေါင်းဆောင်အိမ်ကို ရောက်ခဲ့သေးတယ် ဗျ။
နေပြည်တော် အဝင်လမ်းမကြီး ရဲ့  ညာဖက်ခြမ်းက ဝန်ကြီးဌာန ရုံးတွေ ၊ဘယ်ဘက်ခြမ်း က အစိုးရမင်းများ ရဲ့ စံနန်းတော်တွေတဲ့ ၊နန်းတော်တွေ အဝင် လမ်း အဝမှာ လက္မတစ်ရာ ဧရာမ တီဗွီတွေ တပ်ထားပြီး ရုပ်ကော အသံပါ ဖမ်းထားသတဲ့ ။ စီးလာတဲ့ ကားတွေ အပြင်မှာ ထားခဲ့ ရတယ်။ ဂေါက်ကွင်းမှာ သုံးတဲ့  ကားသေးလေး(GOLF BUGGY)တွေနဲ့  လာကြိုတာ လိုက်သွားရသတဲ့ ။
ဆွေစဉ်မျိုးဆက်ချမ်းသာလာတဲ့  ကျုပ်မိတ်ဆွေတောင် နန်းတော်ကြီးကို ကြည့်ပြီး မှင်တက်မိ သွားသတဲ့ ။ သူပါ အဲဒီနန်းတော်မှာ ထမင်းတနပ်စားခဲ့တာ ဟင်း ဆယ့်ခြောက်မျိုးဆိုပဲ၊ ကျုပ်ကိုလည်း တရားဟောသွားလေရဲ့ ။ ကိုမင်းဒင် စိတ်သာချ ။ ဒီလို နန်းတော်မျိုးက ထွက်တော်မူ၊ ဖယ်ခွာပေးဘို့ ဆိုတာ အိပ်မက်တောင် မမက်ပါနဲ့ တော့ တဲ့ ။
............................................

ကျုပ်လည်း စိတ်ထဲ ခပ်ချဉ်ချဉ် ရှိတာနဲ့ .... ဦးရွှေအောင်.. ရေးတဲ့ ၁၉၄၄ ခုနှစ် ထုတ် မဏိဇောတ ဘာသာရေး မဂ္ဂဇင်း အတွဲ (၁)၊ အမှတ်(၂) ၊ ဗုဒ္ဓဝါဒ ပေါ်ထွန်းခြင်း (၂) ထဲက စာသား တချို့  လှန်ပြလိုက်မိတယ်၊ အဲဒီ စာပိုဒ်မှာ .... ။
... လောက၌ အမြဲထာဝရ အခိုင်အမာ အနေဖြင့် တစုံတခု ရှိသည်ဟု ယူခြင်းသည် အမြင်မှား ဖြစ်၏။ ထိုအမြင်မှားသည် ဘဝခရီး၌ သံသရာ၏ ဆွဲအား ဖြစ်၏။ ဆိုဆွဲအား ကို ဖယ်ရှားအပ်၏။
ဗုဒ္ဓဘာသာဝင်များ အနေဖြင့် လောက၌ အခိုင်အမာ အမြဲထာဝရ တည်ရှိနေသော တစ်စုံတခု ဟူသည် မရှိဟု ပြောဆိုသူ များပါ၏။သို့ ရာတွင် ပြောဆို သည့်အတိုင်း ယုံကြည်သူကား နည်းပါးလေ၏။ ထို့ ကြောင့် မိမိတို့ ၏ ဘဝမှတ်တမ်းကို ကမ္ဘာတည်သရွေ့  တည်အောင်ဟူသော ရည်ရွယ် ချက်ဖြင့် အားထုတ်ခြင်း ဖြစ်၏။ မတည်ပဲ ပျက်ကာမှ ပျက်ရော ၊ကမ္ဘာတည်သရွေ့ တည်အောင် ဟူသော ရည်ရွယ်ချက်ဖြင့် အားထုတ်သည်ကတော့  အမှန်၊
ထိုသို့  ကမ္ဘာတည်သရွေ့ တည်အောင် ဟူသော ရည်ရွယ်ချက်ဖြင့် အားထုတ်ခြင်းကာ ဘဝ တဏှာသာ ဖြစ်၏။ ဘဝတဏှာသည် သဿတ ဒိဋ္ဌိ နှင့် ယှဉ်၏။ ထို့ ကြောင့် ယင်းကို အမြင်မှား ဟူ၍ ဆိုရ၏။

အမှန်အားဖြင့် ဤလောက၌ ကာလမှ လွတ်သော တစုံတရာ ဟူ၍ မရှိ။ ကာလမှ လွတ်သော အရာဟူ၍ နိဗ္ဗာန်သာ ရှိ၏။ နိဗ္ဗာန်သာ ကာလ၏ အရှိန်အဝါမှ လွတ်၏။ ထို့  ကြောင့် နိဗ္ဗာန်သာ အစဉ်အမြဲ တည်ရှိနိုင်၏။ နိဗ္ဗာန်မှတပါး ကာလမှ အလွတ် တစ်စုံတစ်ရာ ဟူ၍ မရှိကောင်းသောကြောင့် အရာဝတ္ထု ဟူသမျှတို့ သည် သက်ရှိဖြစ်စေ၊ သက်မဲ့ ဖြစ်စေ၊ တစ်ခုသော အချိန်တွင် ဖြစ်၍ တစ်ခုသော အချိန်တွင် ပျက်ရမည်ကား ဓမ္မတာ ဖြစ်၏။...
လို့ ရေးထားသဗျာ။
.....................................
မြန်မာပြည်ကြီး ဖြစ်ချင်ရာဖြစ် ငါ့ဘာမှ မဖြစ်သရွေ့ ၊ အေးအေးနေမယ် ဆိုတဲ့  ပုဂ္ဂိုလ်တွေ အတွက် လည်း တရားလက်ဆောင်ပါးချင်သေးတယ် ဗျာ။ စောစော က ဆရာဦးရွှေအောင်
ရဲ့  ဆောင်းးပါး ပါပဲဗျာ။

လောကတွင် အတ္တဟိတ လည်း ရှိ၏။ ပရဟိတ လည်း ရှိ၏၊။ အတ္တဟိတ သက်သက်ကို ဆောင်ရွက်သူလည်း ရှိ၏။အစွန်းရောက် ဖြစ်၏။ ပရဟိတ ကိုဆောင်ရွက်သူသည်လည်း အစွန်းရောက် ဖြစ်၏ ။
အမှန်အားဖြင့် လူဟူသည် အတ္တဟိတကိုလည်း ဆောင်ရွက်ရ၏။ ပရဟိတ ကိုလည်း ဆောင်ရွက် ရ၏။ မြတ်စွာဘုရားသည် အတ္တဟိတ နှင့် ပရဟိတ္တ နှစ်မျိုးစလုံးကို ဆောင်ရွက် သူ ဖြစ်၏။ မြတ်စွာဘုရား၏ ကျင့်စဉ်မှာလည်း အတ္တဟိတ နှင့် ပရဟိတ နှစ်မျိုးလုံးကို ဆောင်ရွက်ခြင်း ဖြစ်၏။ နှစ်မျိုးလုံးကို ဆောင်ရွက်မှ မဇ္ဈိမ ပဋိပဒါ ကျလေ၏ ... တဲ့  ။
..............................
ဓမ္မကြောင်းကို နားမဝင်နိုင်သူများ ကိုထိုက်ဘလော့ ဂ် မှာ တင်ဘူးတဲ့ ပုံပြင်လေး ကို ဖတ်စေ့ချင်သဗျာ..
.........................

ကြွက်ထောင်ချောက်.... တဲ့ ။

ကြွက်ဟာ အက်ကွဲနေတဲ့  အုတ်နံရံကြားကနေ လယ်သမား လင်မယား အထုပ်တထုပ် ဖြေ နေတာ ကို စိတ်ဝင်တစား ကြည့်နေလေရဲ့ ။ အထဲမှာ ဘာမုန့် များပါမလဲ လို့  မျှော်တလင့် လင့် နဲ့  ကြည့်နေတယ်။ ဒါပေမဲ့  စိတ်ပျက်စွာ တွေ့ လိုက်ရတာက ကြွက်ထောင်ချောက်တခု ။ လယ်သမားကြီးဟာ တစ်နေရာမှာ သွားချထားလိုက်တယ်။ ဒါကို မြင်လိုက်တဲ့  ကြွက်ဟာ အသားကုန်အော်ပြီး လယ်ကွင်းထဲကို ပြေးထွက်သွားတယ်။ အားလုံးသိစေချင်လို့  အသိပေး တဲ့  သဘောပေါ့။
အိမ်ထဲမှာ ကြွက်ထောင်ချောက် တစ်ခု ရှိတယ်ဗျို့ ၊ အိမ်ထဲမှာ ကြွက်ထောင်ချောက် တစ်ခု ရှိတယ် ဗျို့ ။
မြေကြီးကို ခြေထောက်နဲ့  ယက်ပြီး အစာရှာနေတဲ့  ကြက်ဖကြီးက ခေါင်းမော်ကြည့်ပြီး စိတ်ပျက်တဲ့  လေသံနဲ့ ပြောလိုက်တယ်။ အော် .. ကိုကြွက်ရယ် ။ မင်းအတွက်တော့  သေတွင်းပဲလို့ ငါပြောလို့  ရတယ်။ ဒါပေမဲ့  ငါ့အတွက်တော့ အလကားပါ။ဘာမှ မဟုတ်တဲ့ ကိစ္စ ခေါင်းလာ မရှုပ်ပါနဲ့ ကွာ။

ကြွက် က ဝက်ဘက်ကို လှည့်ပြီး အိမ်ထဲမှာ ကြွက်ထောင်ချောက် တစ်ခု ရှိတယ် ဗျ လို့  ပြောလိုက်တယ်။ ဝက်က ကရုဏာသက်တဲ့  မျက်နှာပေးနဲ့  ကြည့်ပြီး ပြောလိုက်တာက .. အတော်လေးကို စိတ်မကောင်းပါဘူး ဗျာ။ တကယ့်တော့ ကျနော့် အနေနဲ့  ခင်ဗျားကို ဆုတောင်းပေးရုံ ကလွဲလို့  ဘာမှ မတတ်နိုင်ပါဘူး။ သေချာတာတခု ကတော့  ခင်ဗျား အတွက် ဆုတောင်းပေးနေပါတယ်။
ကြွက်က နွားဘက်ကို လှည်ြ့ပီး အိမ်ထဲမှာ ကြွက်ထောင်ချောက်တစ်ခု ရှိတဲ့  အကြောင်း ထပ်ပြောလိုက်တယ်။ နွားက ..... ဝိုး ဝိုး... ။ဝမ်းနည်းပါတယ်ဗျာ။ ဒါပေမဲ့  ကျနော့်  နှာခေါင်း ကိုတော့  ညှပ်စရာအကြောင်းမရှိဘူးလေ လို့ ပြန်ပြောလိုက်တယ်။
.................................

ဒီလိုနဲ့ ကြွက်ဟာ စိတ်ပျက်အားငယ်စွာနဲ့ ခေါင်းငိုက်စိုက်ပြီး အိမ်ထဲကိုပြန်ဝင်လာခဲ့တယ်။ အော် ... လယ်သမားကြီးရဲ့ ကြွက်ထောင်ချောက် ကို ငါတစ်ကောင်တည်း ရင်ဆိုင်ရတော့မှာ ပါလား။
တစ်ညတော့ "ဗြောင်း" ဆိုတဲ့ အသံက အိမ်ထဲမှာ အတော်လေး ညံသွားတယ်။ အကောင် တစ်ကောင်ကောင်ကို ညှပ်မိလို့ ကြွက်ထောင် ချောက်က မြည်တဲ့ အသံလိုပဲ။
လယ်သမားရဲ့ မိန်းမက ဘာအကောင်များ မိသလဲလို့ သိချင်ဇောနဲ့ ကြွက်ထောင်ချောက် ရှိတဲ့ဆီ အတင်းကို ပြေးသွားတယ်။ အမှောင်ထဲမှာ ဆိုတော့ အမြီး ညပ်လို့ ဒေါသ တချောင်းချောင်း ထွက်နေတဲ့ မြွေကို မမြင်လိုက်မိဘူး။ အဲဒီတော့ အမျိုးသမီးရဲ့ ခြေထောက်ကို မြွေပေါက်ခံ လိုက်ရတော့တယ်။
ဆေးကုသဖို့အတွက် လယ်သမားကြီးဟာ သူ့မိန်းမကို ဆေးရုံ အမြန်ပို့လိုက်ရတယ်။ အိမ်ပြန်ရောက်တော့ မြွေဆိပ်ကြောင့် အမျိုးသမီးကြီး အဖျားတွေ တက်နေတယ်။
အဖျားတက်နေတဲ့ လူနာကို အားရှိသွားအောင် လတ်ဆတ်တဲ့ ကြက်စွတ်ပြုပ် လုပ်တိုက်ရတယ် ဆိုတာ လူတိုင်း သိနှင့်ပြီးသားပါ။ ဒါနဲ့ လယ်သမားကြီး ဟာ ကြက်စွတ်ပြုပ် လုပ်ဖို့ လယ်ကွင်းထဲကို ဓါးတစ်ချောင်းနဲ့ ဆင်းသွားလေရဲ့။
ဒါပေမယ့် အမျိုးသမီးကြီးရဲ့ ကိုယ်ပူရှိန်ဟာ မကျဘဲ တက်မြဲ တက်နေလေရဲ့။အိမ်နီးနားချင်းတွေ၊ သူငယ်ချင်းတွေက လူနာလာမေးရင်း နေကောင်းစေဖို့ နည်းလမ်းကောင်းတွေ လာပြီး ဆွေးနွေးပေးကြတယ်။ တနေကုန်ပဲ ဆိုပါတော့။
သူတို့တွေကို ကျွေးဖို့ မွေးဖို့ ၀က်သားကို ဖော်ရတော့တယ်။ နောက်ဆုံးတော့ အမျိုးသမီးကြီး ဘယ်လိုမှ မသက်သာနိုင်ဘဲကွယ်လွန်သွား ရှာတယ်။ နာရေးမှာ လူအတော်များများ အသုဘရှု လာကြတယ်။
လာသမျှလူတွေကို ဧည့်ခံဖို့ လယ်သမားကြီး ခမျာ လောက်ငှအောင် အမဲသားဟင်းကို စီစဉ်ရတော့တယ်။.....
ကိုကြွက်ကတော့ ဖြစ်သမျှ အားလုံးကို အက်ကွဲနေတဲ့ အုတ်နံရံကြားကနေ စိတ်သောကကြီးစွာနဲ့ပဲ ကြည့်နေမိတော့တယ်။
.............................................................................

နောင်တစ်ချိန် လူတစ်ဦးတစ်ယောက်က ပြဿနာနဲ့ ရင်ဆိုင်နေရတဲ့အခါငါနဲ့မဆိုင်ပါဘူးလို့ တွေးလိုက်မိရင် ... သတိရပါ။ ကျနော်တို့ထဲက
တစ်ယောက်ယောက် ဟာ ခြိမ်းခြောက် ခံနေရပြီ ဆိုရင် အဲဒီ အန္တရာယ်ဟာ ကျနော်တို့အားလုံးအပေါ် ကျရောက်လာတာပဲ။ တခြားသူတွေ အပေါ်မှာ မျက်စိဒေါက်ထောက်ပြီးဂရုတစိုက် ရှိသင့်သလို တစ်ယောက်ကို တစ်ယောက်လည်း အားပေးပြီး အစွမ်းကုန်ကူညီတတ်ဖို့ လိုပါတယ်။ ကျနော်တို့ အားလုံးဟာ ဘ၀လို့ ခေါ်တဲ့ ခရီးစဉ်ထဲက တစ်ဖောင်တည်းစီး ခရီးသွားဖော်ချင်း အတူတူပါ။
ဒါကတော့ တောင်အာဖရိက ကနိုဘယ်လ်ဆုရှင် ဘုန်းတော်ကြီး ဒက်စ်မွန်တူးတူးရဲ့စကားပါ။ ရှေ့ကပုံပြင်နဲ့မတူပေမယ့် မဆိုင်သလိုနေတဲ့သူတွေ အတွက်ဥပမာပေးရာမှာတော့ နီးစပ်မှုရှိပါတယ်။
"မတရားမှုတခုမှာ သင်ဟာ ကြား(ဂျား) နေတယ်ဆိုရင် ... သင်ဟာ ဖိနှိပ်သူဘက်က လိုက်ဖို့ ရွေးချယ်လိုက်တာနဲ့ အတူတူဘဲ"
...................
ကဲ ...။ သဘောတူကြပါသလား ဗျာ..
...................
ကျုပ်ဟာ လူဆိုးလူမိုက် ပေါင်းစုံနဲ့  ပေါင်းခဲ့ဘူးသူပါ။ မိုက်တာ၊ ဆိုးတာကို ကျုပ် လက်ခံနိုင်တယ် ။ ပက်စက်၊ ယုတ်မာတာ ကို ခွင့်မလွှတ်နိုင်ဘူးဗျာ ။တွေ့ ဆုံဆွေးနွေးရေး ဆိုတာကို ကြည့် ၊ ဦးအောင်ကြည် ကို ဆက်ဆံရေးဝန်ကြီးခန့် တယ်။ တတိုင်းပြည် လုံးမွဲသမျှ ကျမ အပြစ်ပါရှင် ဆိုပြီး အနိုင်ကျင့် ဝန်ခံခိုင်းတယ်။ ကျုပ်လိုကောင်ကတော့  နားအေးပြီးရော ငြိမ့်ချင်ငြိမ့် မပေါ့ ။ သီလသမာဓိ၊ ကိုယ့်ကျင့်တရား၊ ခံယူချက်နဲ့  ဒေါ်အောင်ဆန်း စုကြည်က သူ့ အဖေ ဂုဏ်ပျက် အောင် အရူးတွေ ပြောတိုင်း ဘယ်ခေါင်းငြိမ့် ပါ့မလဲ ဗျ။
...............................................

ဘယ်ပြဿနာ မဆို လူလို ရှင်းရင် အလွယ်လေးပါဗျာ။
လိုလျှင်ကြံဆ နည်းလမ်းရသတဲ့  ဗျာ့ ။ ကျုပ် ကိုယ်တွေ့ လေး ပြောပါရစေ ။ ကျုပ်မှာလည်း နှမလေး တယောက်ရှိပါတယ် ။ ကျုပ်တို့  မွေးချင်းရှစ်ယောက်မှာ အမတယောက် ညီမတယောက် သာပါတော့  ဝိုင်းချစ်ကြတာပေါ့ ဗျာ။ မောင်ဖွား တွေ ဆိုတော့  နှမလေးကို မတော် တရော် မဖြစ်ရအောင် ထိန်းရသပေါ့ဗျာ။
ကျုပ်က အိမ်မှာ အထိုက်အလျောက် သြဇာလေး ရှိတော့  နှမလေးကို သူများထက်ပို ဆိုမိ ပြောမိသဗျ။ ဒါကို ကျုပ်နှမက ကျုပ်ရှိလို့ သူအိမ် မှာ မနေ ပါဘူး ဆိုသဗျာ၊ အိမ်ကနေထွက် ထွက်သွားတယ် ။ ယောက်ျားနောက် လိုက်တာတော့ မဟုတ်ရှာပါဘူး ။ သူ ခင်ရာ သူငယ် ချင်းတွေ အိမ် ထွက်ထွက် သွားတာ၊ သူ တခါ တခါ ထွက်သွားပြီ ဆိုရင် ကျုပ်မှာ ခေါင်းမီးကို တောက်လို့ ။အရွယ်ကလည်း နှစ်ဆယ်ဝန်းကျင် ဆိုတော့ ကျုပ်လည်း လိုက်ရှာ ၊ ပြန်ထိန်း ၊ ဆူရ ပူရ ၊ တခါတခါ လည်း လက်ပါ ရသပေါ့။
နှစ်ခါသုံးခါ ဖြစ်လာတော့  ဒီလိုတော့ ဆက်ဖြစ်လို့  မသင့်ချေဘူး ဆိုပြီး နည်းလမ်းရှာရတော့ တာပေါ့ ဗျာ။
..........................................

တကယ်တော့ ကျုပ်က ကျုပ်နှမလေးကို ချစ်လွန်းလို့  တင်းကြပ်နေတာဗျ။ မုန်းလို့  မဟုတ်ဘူး ။ သူနားလည်မဲ့ နည်းကို ကျုပ်စဉ်းစားမိတာနဲ့  သူ့ ကို လိုက်ခေါ်လာပြီးတဲ့ တနေ့  မှာ နှမလေးကို ဘာမှ ဆူတာပူတာ မလုပ်ပဲ ခုံမှာ အသာလေး ထိုင်ခိုင်းထားတယ်၊ ပြီးတော့ ကျုပ်က လေအေးလေးနဲ့  ငါ့ညီမ .... ။ ကိုကြီး က ငါ့ညီမ ကို မုန်းလို့  နှိပ်စက်တယ် လို့  များ ထင်နေရော့ သလား ။ ကျုပ်က အိမ်တိုင် ကို လက်နဲ့ ဖက်ပေးလိုက်တယ်။ နောက် ကျုပ် အောက်က ညီကို ခေါ်ပြီး မင်းငါ့ကို ကြိုးခုန်တဲ့  ကြိုးနဲ့  မညှာမတာသာ ရိုက်စမ်းကွာ ဆိုပြီး ခပ်ထန်ထန် အမိန့် ပေးလိုက်တယ်။
.........................

ကျုပ်ညီက လည်း ကျုပ်ကို ကြောက်ရသူဆိုတော့  ရုတ်တရက်တော့  ကျုပ်ကို မရိုက်ရဲ ရှာ ဘူး ။ သုံးကြိမ်လောက် ခပ်ထန်ထန် ပြောမှ အသားကုန် သုံးချက်စွတ်ရိုက်ပြီး မျက်ရည် စက်လက်နဲ့  ထွက်သွားသဗျာ ။
ကျုပ်လား ။ ကျောမှာ စုတ်ပြတ်ပြီး သွေးတစက်စက် ကျလာတော့ တာပဲ ၊ နာတော့ နာ တယ် ၊ ကျုပ် ဝမ်းမနည်းဘူး ၊ ဒီမှာတင် ကျုပ် နှမလေးလည်း ငိုလိုက်တာ ကြူကြူကို ပါ လို့  ၊ နောက် ဆို အိမ် က ထွက်ဘို့  လေသံတောင် မဟ တော့ ဘူးဗျာ။ ကျုပ် တခွန်းပြောလိုက် တာနဲ့  ငြိမ် ပဲ။ ဟော .. ။အခု ကျုပ် အသက် ငါးဆယ် ဝန်းကျင် ကျုပ်နှမလေးကလေးဆယ် ဝန်းကျင် သံယောဇဉ် ကြီးကြတုန်း ပါဗျာ၊
ပြဿနာ အေးဘို့ ဆိုတာ အားကြီးသူက စ ပြီး လျော့ ရတာ ဗျ။
လက်ရှိ အစိုးရမင်းများ လုပ်ပုံဆို ကျုပ်နှမလေးကို ပုဒ်မ ၁၀(က) နဲ့  အိမ်ထဲပိတ်ထား ။ ခဏ အပြင်ထွက် ဆိုပြီး လူမိုက်ငှား ရိုက်သတ် ရမလို ဖြစ်မနေ ဘူးလား၊
.........................

လူစိတ်မမွေး လို့ ကတော့ အစဉ်အလာ မကောင်းနိုင်ဘူးဗျ။
ရက်စက်မှုအပေါင်း သရဖူဆောင်းခဲ့တဲ့  အစိုးရမင်းများရဲ့  အစဉ်အလာ ဟာဘယ်တုံးက မှမကောင်းခဲ့ပါဘူး။
ခုခေတ်လူငယ်တွေ့ ကြားဘူးသာရုံသာ ရှိပြီး မကြုံဘူးလိုက်တဲ့ ဦးနေဝင်းဆိုတာ နေမဝင် အာဏာရှင် စာရင်းဝင်ခဲ့တာဗျ။ အခုလက်ရှိ အာဏာ အရှိဆုံး ဆို တဲ့  ပုဂ္ဂိုလ်တောင် ဦးနေဝင်းရှေ့ မှာ ကုတ်ကုတ်လေး နေရသတဲ့ ဗျာ။ ကျုပ် ရမ်းသမ်းပြော တာမဟုတ်ရပါဘူး။ ကျုပ်မိတ်ဆွေ ထောက်လှမ်းရေး အရာရှိ ဗိုလ်မှူးမြတ်နိုး ဆိုတဲ့  ပုဂ္ဂိုလ် ပြန်ပြောပြတာပါ။ သူမြင်ခဲ့ တာက ထောက်လှမ်းရေး အကြီးအကဲ ဟောင်း မျက်မှန် တင်ဦး အသုဘမှာတဲ့ ။ ဗိုလ်ချုပ်မှူးကြီး ဆိုတာ ဦးနေဝင်းရှေ့ မှာ ကြောင်ရှေ့ ရောက်တဲ့  ကြွက်လို ကုပ်ကုပ် ကလေး ဆိုပဲ။ဟော..။ အဲဒီ နေမဝင် အာဏာရှင် ဦးနေဝင်း သေ တော့ အသုဘ လိုက်ပို့ တာ ဆယ့်ခွန် နှစ်ယောက်ပဲ ရှိသတဲ့ ။မသေခင် လည်း သူ့ မြေးတွေ သေဒါဏ် အမိန့် ပေးခံရတာကို ကြုံသွားရသေးဗျာ။
............................................

သူ့ နောက် မှာ ကလေးလူကြီး မကျန် မဲမဲမြင် စွတ်ပစ်ခိုင်း(I SAVE BURMA) ဆိုပြီး အာဏာသိမ်းခဲ့ တဲ့  မောင် ၊ ဗိုလ်ချုပ်မှူးကြီး ဆိုတဲ့  ရာထူးကို စထွင်ပြီး ပုခုံးပေါ် စထွင်ပြီး တပ်ခဲ့တဲ့  ဦးစောမောင် လည်း စိတ်မနှံ့ ဘူး အပြောခံရပြီး ပြုတ်သွားရှာတာပဲ ဗျာ။ပြုတ်ပြီး မကြာခင် လူမသိသူမသိ သေရရှာ သဗျာ၊ သူ့  ကိုယ်ရံတော် မြန်မာ့လက်ရွေးစင် ဘောလုံး သမားဟောင်း ကျုပ်နဲ့ သောက်ဖော် သောက်ဖက် ဖြစ်ခဲ့ဘူး တဲ့  ဗိုလ်ကြီးတင်အေး ပြောတာ တော့  ရူးတာမဟုတ်ဘူး၊ဟသာင်္ကိုးသောင်းဇာတ် ဆိုပဲ ။
ကိုတင်အေးတို့  ကိုမြတ်နိုး တို့ လည်း အပင်လဲ အကိုင်းထင်းဖြစ် ဇာတ်ပဲပေါ့ ဗျာ။
..............................................
ဒါတင် ဘယ်ကမလဲ မောင်ရယ်။ ကျုပ်တို့ ခေတ်က လျှမ်းလျှမ်းတောက် တန်ခိုးထွား ခဲ့ ကြ တဲ့ သမတကြီးတွေဖြစ်တဲ့ ဦးစန်းယု ၊ဒေါက်တာမောင်မောင် ၊ဦးစိန်လွင်၊ ကာကွယ်ရေး ဦးစီး ချုပ်အဖြစ်တာဝန်ယူသွားတဲ့ သူရ ကျော်ထင်၊ ဝန်ကြီးချုပ် ဦးမောင်မောင်ခ ..ခမျာတို့  မှာ လည်း ဘယ်လို အလောင်း မြေကျသွားကြ မှန်းတောင် မသိလိုက်ရပါဘူး။
..............................................
ထောက်လှမ်းရေး မှူးချုပ် ၊ဝန်ကြီးချုပ် ဆိုတဲ့  မောင်ကော အခု ဘာဖြစ်သွားသလဲ။ တီဗွီ မင်းသား လို့ အခေါ်ခံခဲ့ ရတဲ့ သူ့ ခမျာလည်း စိတ်ထောင်း ကိုယ်ကြေ မုတ်ဆိတ်ကျင်စွယ် ဗလပွေနဲ့ ရွှေတိဂုံ ဘုရားပေါ် ပုတီး တက်စိပ် ချင်တာ တောင် ခွင့်ပြုမိန့် နဲ့  အစောင့်အကြပ် နဲ့  ဆိုပဲဗျာ။
ထာဝရအာဏာ လိုချင်သူတွေရဲ့ အစဉ်အလာဆိုးကြီး ဟာ လယ်ပြင်က ဆင်ခြေရာပဲဗျာ။
.........................................

စစ်ဝါဒ မြန်မာပြည်မှာ ချုပ်ငြိမ်း သွားဘို့ စစ်ဝတ်စုံ ဝတ်ပြီး အုပ်ချုပ်ရေး ယန္တရား မှာ လူတွင်ကျယ် ဝင်လုပ်နေတဲ့  စံနစ်ကြီး ပျောက်သွားဘို့  မြန်မာပြည် သားတိုင်း အပ္ပမာဒေန ၊သမ္မာဒေထ မှ ဖြစ်တော့ မဗျို့ ။

ကျုပ်တို့ လက်ရှိ မြန်မာမင်းများ အသက်သွင်းဘို့  ကြိုးစားနေဆဲ ကမ္ဘာပေါ်မှာ ခေတ်မစားတော့ တဲ့  နာဇီစစ်ဝါဒဟာ နယ်ဆင်မင်ဒဲလား သမတ ဖြစ်သွား ခဲ့တဲ့  ခေတ်ကြီး မှာ မလွဲမသွေ ကျဆုံးရမယ် ဆိုတာတော့ ယုံစေချင်သဗျာ။ ဒါမှ မဟုတ်ရင်လည်း သံဃာတောင် မချန်တဲ့  မောင်တွေ နတ်ပြည်နိဗ္ဗာန် ရောက်တယ် လို့ သာ ယုံစရာလမ်း ရှိတော့ သဗျ။
မြန်မာပြည်ကြီး လွတ်မြောက်ဘို့  ၊ဒီမိုကရေစီ ရဘို့ ဆိုတာ ဝေဘူဆရာတော်ကြီးဟောတဲ့  တရားရှာနည်း အတိုင်းသာ ကျင့်နိုင်ရင် အလွယ်လေး ပါဗျာ။ ဝေဘူဆရာတော်ကြီး က တရားဘယ်လို ရှာခိုင်းတယ် ဆိုတာ ဖတ်သာကြည့်ပေတော့ ဗျို့ ။

ဝေဘူဆရာတော်(မေး)။ ။ အခုဒကာ၊ ဒကာမကြီးများဟာ အခုလို တဆက်တည်း ပါအောင် အချိန်တိုင်း အချိန်တိုင်း လုပ်ကြရဲ့ လား။

ဒကာ၊ဒကာမ(ဖြေ)။ ။ အချိန်တိုင်း အချိန်တိုင်း ပါအောင် လုပ်ကြပါပြီ ဘုရား။

မေး။ ။ ဘယ်နေရာမှ မလပ်ဘူးလား။

ဖြေ။ ။ လပ်တဲ့ နေရာလည်း ရှိပါလိမ့် မယ် ဘုရား။

မေး။ ။ ဘယ်လောက်များလိုနေပါလိမ့်။

ဖြေ။ ။ လိုနေတာကတော့ ဖြင့် အများကြီး ထင်ပါရဲ့ ဘုရား။

မေး။ ။ အခုလုပ်ကြပြီ ဆိုပြီးတော့ လိုနေတာ အများကြီး ဆိုပြန်ပြီ။ ကဲဗျာ။ တပိဿာမှာ ဘယ်လောက်လိုနေ သလဲ ။

ဖြေ။ ။ တပိဿာမှာ တပိဿာပဲ လိုနေပါတယ် ဘုရား။

မေး။ ။ ဒါဖြင့်  နည်းနည်းပဲ လိုပါတော့လား။

ဖြေ။ ။ တပည့်တော် တို့ က ပါးစပ်ကသာ လုပ်နေကြတာပါ ဘုရား။

ဝေဘူဆရာတော်။ ။ လုပ်ကြဗျာ့ ။ ဘယ်ကစ လုပ်ရမလဲဆိုရင် ကိုယ့်အိမ်က စပြီးလုပ်ကြ။ အိမ်နီးနားချင်း မပါချင်နေပေ့စေ။ ကိုယ့်အိမ်က စပြီး လုပ်ကြ။ ဟုတ်ရဲ့ လား။
..............................................

ကဲ တွေ့  လား။ ဒီနည်းအတိုင်းသာ ကျုပ်တို့ အားလုံးလုပ်နိုင်ကြရင် ဒီမိုကရေစီ ဆိုတာတင်မကဘူး။ မဟာပထဝီ မြေကြီးပါ အိုးထိန်းစက်လို လည်သွား ပါလိမ့် မယ်ဗျာ။
စင်္ကြာဝဠာတိုက်တသောင်းက အက်ကွဲ မည်ဟည်း သံတွေ ပေါ်ထွက်လာပါလိမ့်မယ် ဗျာ။

ကိုမင်းဒင်
blog မှရယူပါသည်။ လေးစားလျှက်ပါ ကိုမင်းဒင်။



ထောင် ၆၅ နှစ်ချပြီးတာတောင် ကြောက်စိတ် မကုန်သေးတဲ့ နအဖ(နွားအဖွဲ့)

နိုင်ငံရေး အကျဉ်းသားများကို ထောင်အပြောင်းအရွှေ့များလုပ်


ချင်းမိုင်။ ။ နိုင်ငံရေး တက်ကြွ လှုပ်ရှားသူများအား နှစ်ရှည်ထောင်ဒဏ်များ ချမှတ်ပြီးနောက် ဆက်တိုက် လုပ်ဆောင်လာခဲ့သည်က လူစုခွဲ၍ ထောင်ပြောင်းရွှေ့နေခြင်း ဖြစ်သည်။

ယနေ့တွင် ၈၈ ကျောင်းသားခေါင်းဆောင် ကိုဥာဏ်လင်းနှင့် ဘလော့ဂ်ဂါ ကိုနေဘုန်းလတ်တို့အား ရန်ကုန် အင်းစိန်ထောင်မှ ကရင်ပြည်နယ် ဘားအံထောင်သို့ ပြောင်းရွှေ့လိုက်သည်။

"ကျနော် ခုနမှ အင်းစိန်ကို သွားပြီး မေးတယ်။ တာဝန်ရှိတဲ့လူက ဘားအံကို ပြောင်းလိုက်ပါတယ်လို့ ပြောတယ်၊ နေဘုန်းလတ်ရော။ ဘယ်အချိန် ပို့လိုက်တယ်ဆိုတာက အသေးစိတ်မသိဘူး" ကိုဥာဏ်လင်း၏ မိသားစုဝင် တဦးက မဇ္ဈိမကို ပြောသည်။

ကိုနေဘုန်းလတ်ကိုလည်း ဘားအံသို့ ပို့ဆောင်သည်ဟု ကြားသိရကြောင်းနှင့် လာမည့် ကြာသပတေးနေ့တွင် ထောင်ဝင်စာ သွားတွေ့မည်ဟု မိခင်ဖြစ်သူ ဒေါ်အေးသန်းက ပြောသည်။

ကိုဥာဏ်လင်း၏ မိသားစုဝင်က " သူတို့ကို ထောင်ဒဏ် ၆၅ နှစ် ချလိုက်တော့ ပေါင်းလိုက်ရင် နှစ် ၁၀၀ ကျော်နေပြီ။ ဆိုတော့ လူ့သက်တန်း ကုန်နေပြီ။ ဒီကြားထဲမှာ ထောင်ထဲမှာ ဘာမှ တုံ့ပြန်၊ စိုးရိမ်စရာ မရှိတော့တဲ့ ဘ၀ကို အေးအေးဆေးဆေး နေထိုင်ခွင့်လေးတောင် ပေးသင့်တယ်လို့ ယူဆတယ်လေ။ အဲဒီ နေထိုင်ခွင့်လေးတောင် မပေးဘူးဆိုတဲ့ သဘော သက်ရောက်နေတယ်လို့ မြင်တယ်" ဟု ပြောသည်။

ယမန်နေ့ကလည်း ထောင်ဒဏ် ၆၅ နှစ် ချမှတ်ထားသော ၈၈ မျိုးဆက် ကျောင်းသား ခေါင်းဆောင် ကိုမင်းကိုနိုင်နှင့် ကိုကိုကြီးအား ရှမ်းပြည်နယ် ကျိုင်းတုံထောင်သို့ ပို့ဆောင်လိုက်သည်။

၈၈ မျိုးဆက် ကျောင်းသားအဖွဲ့မှပင် ကိုအောင်သူအား ကချင်ပြင်နယ် ပူတာအို၊ ကိုလှမျိုးနောင်အား မြစ်ကြီးနား၊ ကိုမြအေးအား ကယားပြည်နယ် လွိုင်ကော်၊ ကိုဌေးကြွယ်အား ရခိုင်ပြည်နယ် ဘူးသီးတောင်၊ ကိုပြုံးချိုအား တနင်္သာရီ ကော့သောင်းသို့ ပို့လိုက်သည်။

"လိုရင်းပြောမယ်ဆိုရင် ပြစ်ဒဏ်ချလိုက်တဲ့ လူတွေကို နောက်ထပ် ပြစ်ဒဏ် ထပ်ချလိုက်တယ်လေ။ အကုန်လုံး စိတ်ဆင်းရဲ၊ လူဆင်းရဲ၊ ကာယကံရှင်ရော မိသားစုတွေရော၊ နောက်ထပ် ပြစ်ဒဏ် ထပ်ချတယ်လို့ပဲ မြင်ပါတယ်" ဟု အတိုက်အခံ နိုင်ငံရေး ပါတီကြီးဖြစ်သည့် အမျိုးသားဒီမိုကရေစီ အဖွဲ့ချုပ် ပြောရေးဆိုခွင့်ရှိသူ ဦးဥာဏ်ဝင်းက ပြောသည်။

ထို့အပြင် ပြီးခဲ့သည့် အတိုက်အခံများဘက်မှ လိုက်လံကူညီပေးနေသည့် ဗဟိုတရားရုံးချုပ် ရှေ့နေ ဦးအောင်သိန်းအား ပုသိမ်အကျဉ်းထောင်နှင့် ရှေ့နေ ဦးခင်မောင်ရှိန်အား မြောင်းမြထောင်သို့ ရွှေ့ပစ်လိုက်သည်။

ဗိုလ်ချုပ်မှူးကြီးသန်းရွှေကို ကဗျာဖြင့် "အာဏာရူး" ဟု ခေါ်ဝေါ်ခဲ့သော ကဗျာဆရာ ကိုစောဝေအား ရမည်းသင်းထောင်၊ လူ့အခွင့်အရေး လှုပ်ရှားသူ မစုစုနွေးအား မန္တလေးထောင်တို့ ပို့ဆောင်လိုက်သည်။

ထိုင်းနိုင်ငံ အခြေစိုက် နိုင်ငံရေးအကျဉ်းသားများ ကူညီစောင့်ရှောက်ရေးအသင်း (အေအေပီပီ) အဆိုအရ ၈၈ ကျောင်းသားခေါင်းဆောင်များ၊ လူ့အခွင့်အရေး လှုပ်ရှားသူ မစုစုနွေး၊ အန်အယ်လ်ဒီ ပါတီဝင်များ အပါအ၀င် စုစုပေါင်း ၂၁ ဦးအား နယ်ထောင်များသို့ ပြောင်းရွှေ့လိုက်သည်ဟု ဆိုသည်။

ကျောင်းသားခေါင်းဆောင် ၉ ယောက်ကို ထောင်ဒဏ် ၆၅ နှစ်ချမှတ်



ချင်းမိုင်။ ။ လောင်စာဆီဈေးနှုန်း ကျဆင်းရေး လမ်းလျှောက် ဆန္ဒပြခဲ့သူ ကိုမင်းကိုနိုင်အပါအ၀င် ၈၈ မျိုးဆက် ကျောင်းသားခေါင်းဆောင် ၉ ယောက်ကိုလည်း အခြားသော လုပ်ဖော်ကိုင်ဖက်များ ကဲ့သို့ပင် ဧရာဝတီတိုင်း မအူပင်ထောင်တွင်း အထူးတရားရုံးက ထောင်ဒဏ် ၆၅ နှစ်ချမှတ်ခဲ့ကြောင်း မိသားစုဝင်များနှင့် မိတ်ဆွေများ အပြောအရ သိရသည်။

ကိုမင်းကိုနိုင်၊ ကိုကိုကြီး၊ ကိုလှမျိုးနောင်၊ ကိုဌေးကြွယ်၊ ကိုမြအေး၊ ကိုညဏ်လင်း၊ ကိုပြုံးချို (ခ)ကိုဌေးဝင်းအောင်နှင့် ကိုအောင်နိုင်တို့ကို နိုဝင်ဘာလ ၁၁ ရက်နေ့က မအူပင်ထောင်တွင်း တံခါးပိတ်ခုံရုံးတွင် ရုံးထုတ်ကာ ထောင်ဒဏ် ချမှတ်လိုက်ခြင်း ဖြစ်သည်။

စစ်အစိုးရက တရားဆိုင်များအတွက် ခုခံလျောက်လှဲပေးမည့် ရှေ့နေများ ထားခွင့်မပြုတော့ဘဲ မတရားအသင်း ဖွဲ့ခြင်းနှင့် အီလက်ထရောနစ် အက်ဥပဒေ ချိုးဖောက်ခြင်းတို့ဖြင့် အရေးယူခဲ့ခြင်းဖြစ်ပြီး ကျန်ရှိနေသေးသော အမှု ၂၀ ခန့်အတွက် ဆက်လက် ရင်ဆိုင်ရဦးမည် ဖြစ်သည်။

ယနေ့တွင် သူတို့ကို ရန်ကုန် အင်းစိန်ထောင်သို့ ပြန်လည် ခေါ်ဆောင်လာရာ နံနက် ၈ နာရီခန့်တွင် အင်းစိန်ထောင်သို့ ပြန်လည် ရောက်ရှိလာခဲ့ပြီ ဖြစ်သည်ဟု မိသားစုဝင်များက မဇ္ဈိမသို့ ပြောပြသည်။

"ဒီနေ့ စနေနေ့ ခေါ်တာ မိသားစုဝင်များ မနက်အစောကြီး သွားကြတာ။ လမ်းမှာ ကားချင်း တွေ့ကြတယ်၊ ရဲကား၂စီး ညှပ်ထားတယ်။ ထောင်ကား လှမ်းအော်သွားတာတော့ တွေ့လိုက်တော့ ကိုယ့်လူမှန်း မသိလိုက်ဘူး။… အင်းစိန်ထောင်ကို ပို့လိုက်ပြီ ဆိုတာနဲ့ အင်းစိန်ကို ပြန်လိုက်လာတယ်"ဟု မိသားစုဝင်များနှင့် နီးစပ်သူ တဦးက ပြောသည်။

မိသားစုဝင်များနှင့် နာရီဝက်ခန့်ကြာ အင်းစိန်ထောင်တွင်းတွင် တွေ့ဆုံ စကားပြောခွင့် ရခဲ့ကြသည်။

ယမန်နှစ် သြဂုတ်လအတွင်းက စစ်အစိုးရက ခွဲတမ်းဖြင့် ပေးနေသော ဓာတ်ဆီ၊ ဒီဇယ်ဆီ၊ သဘာဝဓာတ်ငွေ့များကို ရုတ်တရက် ငါးဆအထိ မြင့်တင်လိုက်ရာ ပြန်လည်လျော့ချရန် ၈၈ မျိုးဆက်ကျောင်းသား အဖွဲ့ဝင်များက ရန်ကုန်မြို့တွင် စီတန်းလှည့်လည် ဆန္ဒပြ လမ်းလျှောက်မှု ပြုခဲ့ပြီးနောက် အဖမ်းခံခဲ့ရသည်။

ထို့နောက် ဆက်လက်၍ သံဃာတော်များ ဦးဆောင်သော "ရွှေဝါရောင် တော်လှန်ရေး" ဟု ခေါ်တွင်လာသည့် အနှစ် ၂၀ အတွင်း အကြီးမားဆုံးသော အစိုးရဆန့်ကျင့်သည့် လူထုအုံကြွမှု ပေါ်ပေါက်လာခဲ့ရာ စစ်တပ်က ပစ်ခတ်နှိမ်နင်းရာ အနည်းဆုံး လူ ၃၀ သေဆုံးခဲ့သည်။

ထောင်ဒဏ်ချခံ ကျောင်းသားခေါင်းဆောင်များအား နောက်ရက်များတွင် ထောင်ပြောင်းရန် အစီအစဉ်များ ရှိသည်ဟု ထောင်အာဏာပိုင်များမှတဆင့် မဇ္ဈိမက စုံစမ်း သိရှိရသည်။

အောက်တိုဘာလ ၂၉ ရက်နေ့က အင်းစိန်ထောင်တွင်းရှိ မြောက်ပိုင်းခရိုင် တရားရုံးတွင် အမှုကြားနာနေစဉ် ကိုမင်းကိုနိုင် အပါအ၀င် ကျောင်းသားခေါင်း ၉ဦးမှာ တရားရုံးကို မထီမဲ့မြင် ပြုသည်ဟုဆိုကာ ထောင်ဒဏ် ၆လစီ ချမှတ်လိုက်ပြီး နောက် မအူပင်ထောင်သို့ ပြောင်းရွှေ့ခဲ့သည်။

မအူပင်ထောင်တွင်းတွင် နေ့စဉ်ပင် တရားရုံးသို့ ခြေချင်းများ၊ လက်ထိပ်များဖြင့် ရုံးထုတ်ခဲ့သည်။

ထို့နောက်တွင်တော့ တက်ကြွလှုပ်ရှားသူများကို ထောင်ဒဏ်ချမှတ်သည့် လျို့ဝှက်ခုံရုံးများ ဆက်တိုက် ထွက်ပေါ်လာခဲ့သည်။

အခြားသော ၈၈ မျိုးဆက် ကျောင်းသားခေါင်းဆောင်များ ဖြစ်သည့် ကိုဂျင်မီ (ခ) ကိုကျော်မင်းယု၊ ကိုမင်းဇေယျ၊ ကိုအံ့ဘွယ်ကျော်၊ ကိုဇေယျ၊ ကိုသက်ဇော်၊ ကိုအေးသန်း (ခ) ကိုသန့်တင်၊ ကိုကျော်ကျော်ထွေး၊ ကိုဇော်ဇော်မင်း၊ မနီလာသိန်း၊ မမာမာဦး၊ မစန္ဒာမင်း၊ မမီးမီး (ခ) မသင်းသင်းအေး၊ မသက်သက်အောင်တို့လည်း ထောင်ဒဏ် ၆၅ နှစ် ကျခံရန် အင်းစိန်ထောင်တွင်း ချမှတ်ခဲ့သည်။

၁၉၈၈ လူထုအုံကြွမှုကြီး ဖြစ်ပွားစဉ်က ကျောင်းသားခေါင်းဆောင်များ ဖြစ်ခဲ့ကြပြီး သြဇာရှိ ဦးဆောင်မှုပေးခဲ့သော ယခု ၈၈ မျိုးဆက် ကျောင်းသားအဖွဲ့ဝင်များမှာ ယခင်ကလည်း ထောင်ဒဏ် ၇နှစ်မှ ၂၀နှစ် ထိ ချုပ်နှောင်ခံခဲ့ရသူများ ဖြစ်သည်။