ယနေ့ မနက်ပိုင်းက ကချင်ပြည်လွတ်လပ်ရေးအဖွဲ့ (ကေအိုင်အို) ဗဟိုဌာနချုပ်ရှိရာ တရုတ်-မြန်မာနယ်စပ် လိုင်ဇာမြို့ရှိ ဈေးအတွင်းမှတဆင့် မီးစတင်လောင်ကျွမ်းခဲ့ရာ ဆိုင်ခန်းများနှင့် နေအိမ်အချို့ မီးထဲပါသွားပြီး ကျပ်သိန်း (၉ဝဝဝ) ဝန်းကျင် ဆုံးရှုံးသွားသည်ဟု သိရသည်။
နံနက် (၁) နာရီကျော်မှ စတင်လောင်ခဲ့သည့် မီးကြောင့် လိုင်ဇာဈေးရှိ ဆိုင်ခန်း (၁၁၉) ခန်းနှင့် အိမ် (၉) လုံး မီးလောင်ပြာကျခဲ့ပြီး ဆုံးရှုံးမှုတန်ဘိုးအား ပဏာမ ခန့်မှန်းတွက်ချက်ထားမှုအရ ကျပ်သိန်း (၉ဝဝဝ) ရှိခဲ့သည်ဟု ကေအိုင်အို အုပ်ချုပ်ရေးရုံးနှင့် နီးစပ်သူတဦးက ပြောသည်။
၎င်းက “တရုတ်ငွေနဲ့ ဗမာငွေ လဲတဲ့ဆိုင်တို့၊ ငွေလွှဲဌာနတွေပါ ပါသွားတယ်။ တရုတ်ငွေချည်းပဲ ယွမ် (၃၅) သိန်း ကျော်တယ်။ ဗမာငွေနဲ့တွက်ရင် သိန်း (၅ဝဝဝ) ကျော်ရှိတယ်။ ဆိုင်ခန်းနဲ့ ပစ္စည်းတွေရဲ့ တန်ဖိုးက ကျပ်သိန်း (၃၄ဝဝ) ကျော်ရှိတယ်၊ အားလုံးစုစုပေါင်း သိန်း (၉ဝဝဝ) လောက်ရှိသွားတယ်” ဟု ပြောသည်။
Monday 25 October 2010
Subscribe to:
Post Comments (Atom)
No comments:
Post a Comment