ချေချင်းညာသည် မွတ်ဆလင် အများစု နေထိုင်ရာ ဒေသဖြစ်ပြီး ရုရှားနိုင်ငံမှ ခွဲထွက်နိုင်ရေး အစဉ်တစိုက် ကြိုးပမ်းနေသည့် လက်နက်ကိုင် စစ်သွေးကြွများ အင်အားကြီးကြီးမားမား ရှိနေဆဲ
ရုရှားနိုင်ငံ၊ ချေချင်းညာဒေသရှိ ပါလီမန်ကို အကြမ်းဖက် တိုက်ခိုက်မှုတစ်ခု ပြုလုပ်ခဲ့ရာ လူ(၇)ဦး သေဆုံးသွားကြောင်း သိရသည်။ ရုရှားသတင်းဌာနများက အောက်တိုဘာ (၁၉)ရက်နေ့ နံနက်ပိုင်းက (၃)ဦးမှ (၆)ဦးထိ အရေအတွက်ရှိနိုင်သော လက်နက်ကိုင် စစ်သွေးကြွများက ဂရော့ဇနီရှိ ပါလီမန် အဆောက်အအုံအတွင်း ၀င်ရောက်တိုက်ခိုက်ခဲ့ခြင်းဟု ဖော်ပြခဲ့သည်။ ယင်းတို့သည် ရုံးတက်ရန် ရောက်လာသည့် ဒေသဆိုင်ရာ အမတ်များနှင့် ၎င်းတို့၏ကားများကို ရောနှောကာ ပါလီမန်အတွင်း ၀င်ရောက်ခဲ့ကြသည်။ တိုက်ခိုက်ရေးသမား တစ်ဦးသည် အဆောက်အအုံ ပြင်ပတွင် မိမိကိုယ်ကိုယ် အသေခံဗုံးခွဲလိုက်ပြီး ကျန်တစ်ဦးကမူ ပါလီမန်ထဲ ၀င်ရောက်ပြီးချိန်တွင် ဖောက်ခွဲပစ်လိုက်ကြောင်း မျက်မြင်များက ပြောကြားခဲ့သည်။
ကျန်အကြမ်းဖက်သမားများသည် လုံခြုံရေးတပ်ဖွဲ့များက သုတ်သင်ရှင်းလင်းနိုင်ခြင်း မရှိသေးမီ အချိန်အတွင်း ပါလီမန် စတုတ္ထထပ်အထိ အင်နှင့်အားနှင့် ထိုးဖောက်ဝင်ရောက်ခဲ့သည်။ ယခုဖြစ်စဉ်သည် မော်စကိုရှိ ဗဟိုအစိုးရအား လိုလားသည့် ရမ်ဇန်ကာဒီရော့ဗ်၏ ဦးဆောင်မှုကို ဆန့်ကျင်သည့် အစွန်းရောက်များ၏ လက်ချက်ဖြစ်နိုင်ကြောင်း ယူဆရသော်လည်း မည်သည့်အဖွဲ့အစည်းကမျှ ထိုကိစ္စအတွက် တာဝန်ရှိကြောင်း မကြေညာသေးချေ။ RIA-Novosti သတင်းအေဂျင်စီက ချေချင်းညာသို့ ရုရှားပြည်ထဲရေးဝန်ကြီး ရာရှစ်နာဂလီယက်ဗ် တရားဝင် လာရောက်လည်ပတ်နေသည့် အချိန်တွင် ယခုတိုက်ခိုက်မှု ဖြစ်ပွားခဲ့ကြောင်း ဖော်ပြထားသည်။
ယခုအကြမ်းဖက်မှုအတွင်း လုံခြုံရေးဝန်ထမ်းနှင့် ပါလီမန်မှ ၀န်ထမ်းများ သေဆုံးခဲ့ကြောင်း သိရသည်။ ပြီးခဲ့သည့် နှစ်လခန့်ကလည်း ကာဒီရော့ဗ်၏ မွေးရပ်ဇာတိ ကျေးရွာလေး ဆန်ထရွိုင်တွင် အသေခံ ဗုံးခွဲမှုတစ်ခု ပြုလုပ်ခဲ့ရာ လူ(၁၀)ဦး သေဆုံးခဲ့သေးသည်။ ကာဒီရော့ဗ်သည် ချေချင်းညာရှိ မွတ်ဆလင် ခွဲထွက်ရေးတပ်ဖွဲ့များအား မထောက်ခံကြောင်း အကြိမ်ကြိမ် ပြောဆိုခဲ့ရာ ယင်းအတွက် စစ်သွေးကြွများက ရန်သူတော်နံပါတ်တစ်အဖြစ် သတ်မှတ်ခြင်း ခံထားရသည်။ ပြီးခဲ့သည့် ဆယ်စုနှစ် နှစ်ခုအတွင်း ချေချင်းညာတွင် ကြမ်းတမ်းသော စစ်ပွဲနှစ်ခု ဆင်နွှဲခဲ့ရသလို လူပေါင်းနှစ်သိန်းကျော် သေဆုံးခဲ့ရခြင်းအား ကြုံတွေ့ထားသည့် ရုရှားအစိုးရက ကာဒီရော့ဗ်၏ ချေချင်းညာ ငြိမ်းချမ်းရေး ဆောင်ရွက်မှုများအား ထောက်ခံကြောင်း ကြေညာထားသည့်တိုင် Plan B မရှိသော ကာဒီရော့ဗ်၏ လုပ်ဆောင်ချက်များအတွက် သတိကြီးစွာ စောင့်ကြည့်နေနိုင်ကြောင်း လေ့လာသူများက သုံးသပ်ခဲ့သည်။ ချေချင်းညာသည် မွတ်ဆလင် အများစု နေထိုင်ရာ ဒေသဖြစ်ပြီး ရုရှားနိုင်ငံမှ ခွဲထွက်နိုင်ရေး အစဉ်တစိုက် ကြိုးပမ်းနေသည့် လက်နက်ကိုင် စစ်သွေးကြွများ အင်အားကြီးကြီးမားမား ရှိနေဆဲဟု သတင်းများက ဖော်ပြခဲ့သည်။
Source: csmonitor
Friday 5 November 2010
Subscribe to:
Post Comments (Atom)
No comments:
Post a Comment