အရှင်ဘုရား တပည့်တော် မရှင်းတာလေးရှိလို့မေးပါရစေဘုရား။ တပည့်တော် ကတော့ ၀န်ထမ်းတစ်ယောက်ပါ။ တပည့်တော်တို့သိချင်တာက သူတစ်ပါး၏အသက်ကို မိမိရဲ့စိတ်မပါဘဲ သူများခိုင်း၍ သတ်ရလျှင် ဘယ်သူ့မှာ အပြစ်ရှိပါသလဲဘူရား။ ကိုယ်ကိုယ်တိုင်က
မလုပ်ချင်ပေမယ့်လည်း တာဝန်အမိန့်အရလုပ်ရတာတွေရှိပါတယ်။ အဲဒီအကြောင်းအရာ လေးကိုဖြေကြားပေးတော်မူပါဘုရာ။
နောက်ထပ်တစ်ခုအနေနဲ့ အရှင်ဘုရားဖြတ်သန်းလာခဲ့ရတဲ့ဘ၀အတွေ့ အကြုံလေးတွေ တပည့်တော်တို့ ဘယ်လိုနေဘယ်လိုထိုင်ရမယ်ဆိုတာလေးတွေကိုပါ ပြောကြားပေးတော်မူပါဘုရား။ အရှင်ဘုရားရဲ့ ဘလော့လ်မှာအမြဲလာရောက် ဖတ်ရှု့သူ တစ်ဦးပါ။
ဟုတ် ဒကာ။ ဒကာမေးတဲ့မေးခွန်းမျိုးကို သီဟိုဠ်ဘုရင်တစ်ပါးဖြစ်သော ဒုဋ္ဌဂါမဏီမင်းကြီးကလည်း အဘယရဟန္တာမထေရ်မြတ်ကို လျှောက်ဖူးတယ်။ ဘုရင်က သူလည်း တိုင်းပြည်အတွင်းသို့ကျူးကျော်လာတဲ့ ရန်သူတွေကို တိုင်းပြည်နှင့်လူမျိုးဘာသာ
အတွက် မသတ်ချင်သော်လည်း သတ်ခဲ့ရသည့်အတွက် သူ့မှာပါဏာတိပါတကံတွေ များနေပြီလို့တွေးပြီး
စိတ်မချမ်းမြေ့ဖြစ်နေပါတယ်။ အဲဒါနဲ့ ရှင်အဘယရဟန္တာမထေရ်ကို မေးခဲ့တာပါ။
ရဟန္တာမထေရ်မြတ်က သီလလုံခြုံတဲ့ပုဂ္ဂိုလ်၊ သူတော်ကောင်းစိတ်ရှိသော ပုဂ္ဂိုလ်၊
(ယခုခေတ်အလို သဘောကောင်းသောပုဂ္ဂိုလ်ကို) သတ်မိရင် လူတစ်ယောက်ကို သတ်တာနဲ့တူပါသည်။
စိတ်ထားမကောင်းသော လူယုတ်မာကိုသတ်မိလျှင် တိရစ္ဆာန်ကို သတ်တာနဲ့တူတယ်ဟု
မိန့်ကြားပေးခဲ့ပါသည်။
သူတစ်ပါးကို ကိုယ်စားသတ်ခိုင်းသော ပုဂ္ဂိုလ်မှာ အပြစ်ပိုမိုရှိပါသည်။ ကိုယ်စားသတ်ပေးသောပုဂ္ဂိုလ်မှာလည်း သူများခိုင်း၍သတ်ရပါသည် မိမိစိတ်ထဲ၌ သူတစ်ပါးကို သေစေလိုသော စေတနာမပါဘူးဆိုလျှင် အပြစ်နည်းပါသည်။
အပြစ်ကတော့ နည်းနည်းရှိပါသည်။
အဘယ့်ကြောင့်ဆိုသော် ဘုရားလောင်းပါရမီဖြည့်စဉ်အခါက ရှင်ဘုရင်လုပ်ရ မည်ကို အင်မတန်ကြောက်ရွံ့၍ စကားမပြောခဲ့သော တေမိဇာတ်ဆိုတာ ရှိခဲ့ပါတယ်။ ရှင်ဘုရင်ဖြစ်လျှင် အများကိုမသတ်ချင်သော်လည်း သတ်ရမည့်အလုပ်သည်
ဧကန်ပင် ရှိနေပါသည်။ သူတစ်ပါးကိုသတ်လျှင် မိမိစိတ်ပေါ်နှင့်သတ်ခံရသောပုဂ္ဂိုလ်ပေါ်မှာ
မူတည်ပြီး အကျိုးပေးအနည်းအများကွာခြားသော်လည်း မိမိ၏ ကာယကံလုပ်ဆောင်မှု ပါနေသောကြောင့်
အပြစ်တော့ရှိနေပါသည်။
မိမိသည်လည်း နောက်ဘ၀များ၌ သူများသတ်ခံရသလို မိမိကိုယ်ကိုလည်း သူတစ်ပါးက မိမိသတ်ခဲ့သလို သူများခိုင်း၍ သတ်ခြင်းများကို ခံရပေလိမ့်မည်။ ထို့ကြောင့် ဘုရားလောင်းသည် ရှင်ဘုရင်လုပ်ရမည်ကို
အင်မတန်မှ ကြောက်ရွံ့ခဲ့ခြင်း ဖြစ်ပေသည်။
အကယ်၍ မိမိသည်မလွဲသာ၍ သူများအသတ်ကို သတ်ခဲ့ရသည်ရှိသော် ကောင်းမှုကုသိုလ်များဖြင့် အစားထိုး၍ ဖြေဖျောက်ပါလေ။
Thursday 4 November 2010
Subscribe to:
Post Comments (Atom)
No comments:
Post a Comment