တင်ဇာအောင်
အတွဲအမှတ် (၂၅ ၊ အမှတ် ၄၉၀)
စင်ကာပူနိုင်ငံအစိုးရကထောက်ပံ့ပေးသည့် ပြည်တွင်းမှအသည်းကင်ဆာ ဝေဒနာရှင် ၆၀ ခန့်အားနောက်ဆုံးပေါ်ဆေးနည်းဖြင့် အခမဲ့ ကုသပေးမည့် သုတေသနစီမံကိန်းတစ်ခုကို ပြုလုပ် သွားမည်ဖြစ်ကြောင်း အာရှ-ပစိဖိတ် အသည်းကင်ဆာ သုတေသနစီမံကိန်း အဖွဲ့ ၏ အကြီးတန်းအဖွဲ့ဝင်ဖြစ်သော အသည်းအထူးကု သမားတော်ကြီး ဒေါက်တာခင်မောင်ဝင်းက ပြောသည်။
၎င်းအစီအစဉ်တွင် မြန်မာနိုင်ငံအပါ အ၀င် နိုင်ငံပေါင်း ၁၃ နိုင်ငံပါဝင်မည် ဖြစ်ကာ ကုသမည့်နည်းလမ်းနှစ်မျိုး သည် အမေရိကန်နိုင်ငံ အစိုးရ အစား အသောက်နှင့် ဆေးဝါးအဖွဲ့မှ ခွင့်ပြု ထားပြီးဖြစ်သည့် ဆေးဝါးများဖြစ်သည် ဟု ၎င်းကပြောသည်။
စီမံကိန်းအရစင်ကာပူနိုင်ငံတွင်အသည်းကင်ဆာရောဂါအတွက် ကုသပေးသော နောက်ဆုံးပေါ်ဆေးနည်းများအား အသည်းကင်ဆာ ဝေဒနာရှင် များကို အခမဲ့ပေးသွားမည်ဖြစ်သည်။
"စင်ကာပူနိုင်ငံမှာ အသည်းအတွက်ပေးတဲ့ဆေးတစ်မျိုးရှိတယ်။ Sorafenibဆိုတာ။ အဲဒီဆေးက ခွဲစိတ်မရအောင် ပြန့်နေတဲ့အသည်း ကင်ဆာတွေအတွက် နောက်ဆုံးပေါ် အကောင်းဆုံးဆေးပဲ။ အမေရိကန်နိုင်ငံအစိုးရ ဆေးဝါးဥပဒေ ကလည်း ခွင့်ပြုထားတယ်။ တစ် ကမ္ဘာ လုံးကလည်း လက်ခံထားတယ်။ နောက် နည်းတစ်နည်းက အသည်းကင်ဆာ ခွဲမရတဲ့ လမ်းဆုံးရောက်နေတဲ့ ကင်ဆာ တွေကို သွေးကြောမကြီးကနေ အသည်း ထဲကို Yttrium 90 Radio isotope အဏုမြူရောင်ခြည် ပေးလိုက်တာ။ အဲဒီဆေးက တစ်ခါပဲသွင်းရ တာ"ဟု ဒေါက်တာခင်မောင်ဝင်းက ပြောသည်။
"ဆရာ့ဆီစာရင်းလာသွင်းရင် ဆရာက စင်ကာပူနိုင်ငံကိုလှမ်းပြီး စာရင်းသွင်းပေးမယ်။အဲဒီနှစ်နည်းထဲက တစ်နည်းနဲ့ ကုသခွင့်ရမယ်။ မဲနှိုက်ရ မယ်"ဟု ၎င်းကပြောသည်။
ဆေးသောက်ရမည်ဆိုပါက ပြည်တွင်း ၌ပင် သောက်ရမည်ဖြစ်ပြီး ရောင်ခြည် ဖြင့် ကုသရမည်ဆိုပါက စင်ကာပူနိုင်ငံ သို့သွား၍ ကုသ ရမည်ဖြစ်သည်။ စင်ကာပူနိုင်ငံသို့ သွားရောက်ရပါက လေယာဉ်စရိတ် နှစ်ယောက်ခနှင့် တည်းခိုစရိတ် များပေးမည်ဖြစ်ကာ ပြည်တွင်း ၌ ဆေးစစ်မှုများ ပြုလုပ်ရမည်ဖြစ်သည်။
လက်ရှိတွင် အသည်းကင်ဆာရောဂါရှင် လေးဦးကုသမှုခံယူနေပြီဖြစ်ပြီး ဝေဒနာရှင် ၂၀ ခန့်ကို ဃွှခညေ ရိုက် ပြီး စင်ကာပူသို့ ပို့ထား သည်ဟုသိရသည်။ ထိုအစီအစဉ်ဖြင့် ဆေးကုသမှု ခံယူလိုပါက ဒေါက်တာခင်မောင်ဝင်းထံ တိုက်ရိုက်ဆက်သွယ်နိုင်ပြီး လိုအပ် သော စစ်ဆေးမှုများ ပြုလုပ်ရမည်ဖြစ်သည်။
မြန်မာနိုင်ငံတွင် ကင်ဆာရောဂါဖြစ်ပွားမှုများတွင်အသည်းကင်ဆာ ဖြစ်ပွားမှုမှာ အဆင့်(၁)မှ (၁၀)အတွင်းပါဝင်ပြီး အာရှနိုင်ငံများတွင် ဆိုလျှင် (၁) မှ (၅) အတွင်း ရှိသည်။ အသည်း ကင်ဆာဖြစ်ပွားမှုအများဆုံးမှာ ဘီပိုး နှင့် စီပိုးကြောင့် ဖြစ်သည်။
Wednesday 24 November 2010
Subscribe to:
Post Comments (Atom)
No comments:
Post a Comment