..::₪BDC-Burma Democratic Concern ж မြန်မာပြည်သူတစ်ရပ်လုံးအားကိုယ်စားပြုသည်₪::..

ပည်သူနဲ့ နိုင်ငံရေး
သက်ထွန်း
post byFriday, October 09, 2009



ဒီကနေ့အချိန်အခါမှာ အတိုက်အခံအင်အားစုတွေဖက်ကနေ ပြည်သူတွေကိုဒီမိုကရေစီရေးအတွက် ပူးပေါင်းပါဝင်ကြဖို့ လက်တွဲတိုက် ပွဲဝင်ကြဖို့သွားပြောရင်၊ ပြည်သူတွေဘက်က ဒီမိုကရေစီိဆိုတာဘာလဲ ဆိုတဲ့မေးခွန်းကို မေးဖို့လိုအပ်လာလိမ့်မယ် ဘာကြောင့်ဆို ပြည်
သူတွေဟာ အတိုက်အခံအင်အားစုတွေဖက်ကကော၊ စစ်အုပ်စုရဲ့ဖက်ကပါ ပစ် ပါယ်ထားခံရတဲ့ အမေ့လျော့ခံတွေဖြစ်နေလို့ပါဘဲ၊ လိုအပ်ချက်ရှိတဲ့အခါ ပြည် သူ ပြည်သူလို့အော်နေကျတဲ့ အတိုက်အခံအင်အားစုတွေရဲ့ အနေအထားနဲ့ ဖိ နှိပ်အုပ်ချုပ်ဖို့နဲ့ ဂုတ်သွေးစုတ်ဖို့ပဲ သတိတရရှိနေတဲ့ စစ်အာဏာရှင်တွေရဲ့ ကြား စိတ်ပျက်လက်ပျက်ဖြစ်နေခဲ့တာ ကြာပြီမို့ ဖြစ်ပါတယ်။

ပြည်သူတွေကို လွတ်လပ်ပွင့်လင်းတဲ့ဘဝနဲ့ တိုးတက်တည်ငြိမ်မှုကိုဖြစ်စေချင် တဲ့ အတိုက်အခံအင်အားစုတွေဘက်က ပြည်သူကိုတသားတည်း လက်တွဲ ခေါ်နိုင်ဖို့ရာ အင်မတန်အရေးကြီးတဲ့ဖြစ်စဉ်မို့ အားကောင်းတဲ့အရွေ့တွေကို ပြည်သူပေါ်မှာ တူရူချက်တွေအဖြစ် ဖော်ဆောင်နိုင်ဖို့ လိုအပ်နေတယ်။

ဒီနေရာမှာ ဒီမိုကရေစီစနစ်ရဲ့ အခြေခံသဘောသဘာဝတွေဟာ ဘာတွေလဲဆိုတာကို ပြည်သူတွေအားလုံး ရှင်းရှင်းလင်းလင်းနား လည်စေအောင် လုပ်ပေးဖို့လိုအပ်သလို ပြည်သူလူထုအနေနဲ့ ဒီမိုကရေစီစနစ်ကို အခြေခံထားတည်ဆောက်ထားတဲ့ နိုင်ငံတခုက အစိုးရတရပ်ရဲ့အုပ်ချုပ်မူအောက်မှာ အသက်ရှင်နေထိုင်ရတာနဲ့ စစ်အာဏာရှင်စနစ်ကို ကိုယ်စားပြုထားတဲ့ နအဖ စစ်ဖိနပ်အောက်မှာ နေခဲ့ရတဲ့ ပြည်သူတွေရဲ့ဘဝဟာ ဘယ်လိုကွဲပြားခြားနားမှုရှိလိမ့်မယ်ဆိုတာကို ကွဲကွဲပြားပြားသိမြင်လာအောင် လက်ခံလာအောင် လုပ်ပေးဖို့လိုအပ်တယ်။

ဒါကြောင့် ပြည်သူ့အသိဥာဏ် ပွင့်လင်းတိုးတက်ရေး သို့တည်းမဟုတ် အစိုးရတရပ်ရဲ့ အခြေခံရှိသင့်ရှိထိုက်တဲ့အုပ်ချုပ်မှုပုံစံ (ကျင့်သုံး နေတဲ့စနစ်) ဘာလဲဆိုတာ ပြည်သူတွေသိလာအောင် လုပ်ပေးနိုင်မယ်၊ ဒီမိုကရေစီဆိုတာ ကျင့်သုံးရမယ့်ကျင့်ထုံးတွေအဖြစ် သဘော ပေါက်လာတဲ့အခါ ပြည်သူတွေမှာ ဒီမိုကရေစီရဲ့အခြေခံတွေ ရှိလာလိမ့်မယ်။

ဒီမိုကရေစီအင်အားစုတွေအနေနဲ့ ပြည်သူလူထုကို တကယ့်ထိတွေ့မှုဟာ အလွန်နည်းပါးနေ သေးတယ်၊ မိမိတို့ရဲ့တိုက်ရိုက်နိုင်ငံရေး လိုအပ်ချက်တွေ၊ လုပ်ဆောင်မှုတွေအပေါ်တင်အားထားလုပ်ဆောင်နေမှုနဲ့ (ခပ်ရှင်းရှင်းပြောရရင်တော့ အသုံးချဖို့ စိတ်ထားမျိုးတွေရှိ နေရုံ) အတိုက်အခံအင်အားစုတွေ အတွင်းခန်းထဲမှာတင် (capacity building) လုပ်ငန်းတချို့ လုပ်နေရုံနဲ့တော့ တိုင်းပြည်က ဘယ် လိုမှ ပြောင်းလဲမှာမဟုတ်ဘူး၊ ဒီလုပ်ငန်းတွေကိုမလုပ်ရဘူးလို့ မဆိုလိုပေမဲ့ တိုင်းပြည်တခုရဲ့ စနစ်တခုကနေတခုကို တော်လှန် ပြောင်းလဲတဲ့ဖြစ်စဉ်တခုမှာ အစစ်အမှန်အင်အားဟာ ပြည်သူလူထုရဲ့လက်ထဲမှာပဲရှိနေတယ်။ ပြည်သူပါမှ အောင်မြင်တဲ့ပြောင်းလဲမှု ကို ရနိုင်တယ်ဆိုတဲ့အချက်ဟာ အရေးအကြီးဆုံးဖြစ်သလို အဓိကထားရမယ့် အရေးကိစ္စဖြစ်တယ်။

ဘယ်လိုမဟာဗျူဟာမျိုးကို ရေးဆွဲသည်ဖြစ်စေ ပြည်သူပါဝင်နိုင်မှုမဲ့တဲ့ စဉ်းစားချက်မျိုးကိုအခြေခံပြီး ချဉ်းကပ်နေသမျှတော့ ဘယ် သောအခါမှ လက်တွေ့ကျကျ အောင်မြင်အောင် အကောင်အထည်ဖော်နိုင်တဲ့ မဟာဗျူဟာမျိုးကို ရမှာမဟုတ်ပါဘူး။

အခုဆိုရင် ပြည်သူလူထုရဲ့အနေအထားဟာ အင်မတန်နက်ရှိုင်းတဲ့ ဆင်းရဲမွဲတေမှုချောက် ကမ်းပါးထဲမှာရောက်နေပေမယ့် စစ်အာ ဏာရှင်တွေနဲ့ သူတို့ရဲ့လက်ပါးစေ လက်မရွံ့တွေကို အင်မတန်မုန်းတီးစက်ဆုပ်နေပေမယ့် သူတို့ဘဝရဲ့ နေ့စဉ်အသက်ရှင် နေထိုင်ရ တဲ့ အခြေအနေတွေဟာ မှားယွင်းမှုတွေနဲ့ပြည့်နှက်နေတယ်ဆိုတာ သိနေပေမယ့် စစ်အာဏာရှင်တွေကို ကြောက်ရွံ့ထိတ်လန့်မှု အရိပ်မည်းကြီးကဖုံးလွမ်းထားသလို တဖက်မှာလည်း ပြည်သူတွေရဲ့ စိတ်ထဲမှာအာရုံထဲမှာဖြစ်နေတာက လက်ရှိဘဝဖြစ်တည်နေတာ နဲ့ ဒီမိုကရေစီရှိတဲ့ဝန်းကျင်တခုမှာ နေရတာနဲ့ဟာ ဘာမှကွဲပြားခြားနားမှုရှိလိမ့်မယ်လို့ မထင်သလို ခံလည်းမခံစားဘူး။

ဒါကြောင့်အခုချိန်မှာ ပြည်သူတွေဘက်က ဆန့်ကျင်ထကြွမယ်ဆိုရင်လည်း စစ်အစိုးရရဲ့ရက်စက်တဲ့ လုပ်ရပ်တွေကြောင့် စစ်အစိုးရ ဟာ ရက်စက်ယုတ်မာလွန်းတယ်ထင်လို့သာဖြစ်ပြီး ဒီမိုကရေစီကို လိုချင်လွန်းလို့တော့မဟုတ်ပေဘူး။

ဒါကြောင့် ဒီမိုကရေစီတော်လှန်ရေးဆိုတဲ့ စကားလောက်နဲ့ ပြည်သူကိုသွားစည်းရုံးရင် ကျိန်းသေတာကတော့ ပြည်သူတွေ စိတ်မဝင် စား တော့ဘူးဆိုတာပါဘဲ၊ ဒီနေရာမှာ ဒီမိုကရေစီတော်လှန်ရေးဆိုတာဟာ သာမာန်နိုင်ငံရေးစနစ်တခုကနေ တခုကိုပြောင်းလဲဖို့ ဦး တည်ချက် မဟုတ်တော့ဘဲ ပြည်သူတွေအားလုံးရဲ့ လူမူဘဝတခုလုံးရဲ့ အပြောင်းအလဲဖြစ်တည်မှုအတွက် လူမှုတော်လှန်ရေးပါဖြစ် တယ်ဆိုတာကို တင်ပြနိုင်ဖို့လိုအပ်တယ်။

ဘာကြောင့်လည်းဆိုတော့ ပြည်သူလူထုရဲ့ဘဝမျော်လင့်ချက်နဲ့ အနာဂါတ်မြင်ကွင်းကို ရှင်းရှင်းလင်းလင်းမပေးနိုင်ရင်၊ လမ်းမပြနိုင်ရင် ဘယ်သူကမှ တက်ကြွပါဝင်လာမှာမဟုတ်ဘူး၊ ဒီမိုကရေစီစနစ်ဟာ စစ်အာဏာရှင်စနစ်နဲ့ (ပြည်သူတွေရဲ့ဘဝ တည်ငြိမ်အေးချမ်းဖို့၊ တိုးတက်ဖို့၊ လွတ်လပ်စွာရှင်သန်ခွင့်ရဖို့) ကွာခြားလွန်းတယ်ဆိုတာ ပြည်သူတွေယုံကြည်လာဖို့ရာ အရေးတကြီးလိုအပ်တယ် ပုပ်သိုး ဆွေးမြေ့နေတဲ့ဝန်းကျင်က ထွက်ပေါ်လာတဲ့လေကို ရှူရှိုက်ရတာနဲ့ ရှင်းသန့်ပွင့်လင်းတဲ့ ဝန်းကျင်ကလေကို ရှူရှိုက်ရတာဟာ ဘယ် လောက်ကွာခြားကြောင်းနဲ့ အကျိုးဆက်တွေကိုသိနားလည်လာစေဖို့ လုပ်ဆောင်ရမှာဖြစ်တယ်၊ ဒီနေရာမှာ တော်လှန်ရေး တော်လှန် ရေးဆိုတဲ့ စကားလုံးသက်သက်ကြွေးကြော်မှုတွေကို ရပ်တန့်ကြပြီး၊ ပြည်သူလူထုရဲ့ လက်ရှိအခြေအနေမှန်ပေါ်ကစပြီး ဖြည့်ဆည်းမူ၊ အလေးထား သုံးသပ်မှုကိုလုပ်ကြရမယ်၊ ပြည်သူတွေနဲ့ တသားတည်းခံစားချဉ်းကပ်ရမယ်၊ စည်းရုံးရမယ်၊ တည်ဆောက်ရမယ်၊ ပြည် သူတွေရဲ့ကျမ်းမာရေး၊ ပညာရေး၊ နေ့စဉ်ဘဝနဲ့ပတ်သက်တဲ့ ဗဟုသုတ အစရှိသဖြင့် ပြည်သူတွေရဲ့ဘဝမှာ တိုးတက်လာအောင် လုပ် ပေးရမယ်၊ ပြည်သူတွေ သိသင့်သိထိုက်တာတွေအားလုံးကို နည်းလမ်းမျိုးစုံနဲ့ (ဥပမာ - မီဒီယာတွေကနေ့တဆင့်၊ စာရွက် စာတမ်း၊ စာအုပ်ဖြန့်ဝေတာမျိုး) ဖြန့်ဝေပေးသင့်တယ်၊ သတိပြုသင့်တာကတော့ နိုင်ငံရေး စကားလုံးခန့်ခန့်ကြီးတွေ၊ ကျမ်းကိုးကျမ်းကားစကား တွေ၊ သီအိုရီအဖွဲ့အနွဲ့တွေကို ပြည်သူတွေ မလိုအပ်ဘူးဆိုတာပါဘဲ၊ ရိုးရိုးရှင်းရှင်းနဲ့ သူတို့ရဲ့ လက်ရှိဘဝတွေ ဖြစ်ရပ်တွေကို ပုံဖော်ပေး နိုင်ဖို့ ကိုယ်စားပြုပေးနိုင်ဖို့နဲ့ အားမာန်ရှိရှိ တည်ဆောက်ရဲတဲ့ အသိတွေ၊ စိတ်တွေဖြစ်ပေါ်လာဖို့ကိုပဲ လိုအပ်တာပါ ။

ပြည်သူကို စည်းရုံးတည်ဆောက်တဲ့အခါ လက်တွေ့မပါတဲ့ မျော်လင့်ချက်ပေးစည်းရုံးတာမျိုး၊ လွဲမှားတဲ့အသိပေးပြီး စည်းရုံးတာမျိုး အ သုံးချခံသက်သက်ဖြစ်ဖို့ စည်းရုံးတာမျိုးကို ရှောင်ကျဉ်သင့်တယ်၊ အဓိကအချက်ကတော့ ပြည်သူဆိုတာ ကိုယ့်ရဲ့ အာဏာရမ္မက်မီး တောက်ဖို့ မီးစာမဟုတ်ဘူးဆိုတာ သိထားဖို့လိုတာပါဘဲ၊ ပြည်သူတွေရဲ့ ဖြစ်တည်မှုဟာ မိမိအတွက်အသက်ရှင် နေထိုင်ရခြင်းထက်၊ သူတပါးအတွက် အသက်နေရသလိုမဖြစ်စေဖို့လိုပါတယ်။

ဒီနေရာမှာ ပြည်သူဆိုတာကို ဘယ်လိုအဓိပ္ပါယ်ဖွင့်ဆိုသလဲဆိုတာ ထင်သာမြင်သာရှိဖို့ လိုအပ်ပါတယ်၊ ပြည်သူဆိုတာ အအုပ်ချုပ်ခံ သက်သက်လား၊ အခွန်ပေးသက်သက်လား၊ မဟုတ်ပါဘူး။ အုပ်ချုပ်သူဖြစ်တယ်၊ တိုင်းပြည်ရဲ့အင်အား အစစ်အမှန်ဖြစ်တယ်၊ မူလပိုင် ရှင်ဖြစ်တယ်။

သို့ပေမဲ့ ဒီအခြေအနေမှန်အားလုံးပျောက်ဆုံးနေတာဟာ စစ်အာဏာရှင်စနစ်ရဲ့ ဆိုးကျိုးတွေဖြစ်တယ်ဆိုတာ ရှင်းလွန်းနေပြီဖြစ်တယ်၊ ဘာကြောင့်ဆို စစ်အာဏာရှင်စနစ်ရဲ့လက်အောက်မှာတော့ သူတို့ရဲ့ ဒေါက်တိုင်ဖြစ်စေမယ့် အဖွဲ့အစည်းမျိုးတွေကို သူတို့ကိုယ်တိုင် စိတ်တိုင်းကျ ဖော်ဆောင်နိုင်မယ့် ပုံသဏ္ဍာာန်နဲ့ ဖွဲ့စည်းလေ့ရှိတာကလွဲလို့၊ သူတို့ထိန်းချုပ်မှုမပါဘဲ လွတ်လပ်မှုရှိတဲ့ အစိုးရနဲ့မသက် ဆိုင်တဲ့ လူမှုအဖွဲ့အစည်းများကို ဖွဲ့စည်းဆောင်ရွက်မှုမျိုး ဘယ်တော့မှခွင့်ပြုမှုရှိမှာ မဟုတ်လို့ဖြစ်တယ်၊ ပြည်သူတွေအတွက် ဘယ်ဖိ နှိပ်မှုမျိုးမှ မပါရှိဘဲ၊ သူတို့ကိုယ်တိုင်ရဲ့ လွတ်လပ်စွာပူးပေါင်းပါဝင်ခွင့်မရှိတဲ့ အနေအထားမျိုးမှာတော့ လူ့အဖွဲ့အစည်းတရပ်ရဲ့ စစ်မှန် တဲ့ ပွင့်လင်းတိုးတက်မှုဖြစ်စဉ်တွေနဲ့ အလှမ်းဝေးနေဦးမှာဖြစ်ပါတယ်။

တကယ်က ပြည်သူတွေကို ဘယ်လိုဖြစ်ရမယ်ဆိုတဲ့ အတွေးအခေါ်နဲ့ ပြည်သူတွေက ဘယ်လိုဖြစ်ချင်တယ် ဆိုတာကိုလက်ခံတဲ့ အ တွေးအခေါ်ဟာ ပြည်သူတွေရဲ့ဘဝကို ပုံဖော်တဲ့နေရာမှာ အလွန်ကွာခြားပါတယ်၊ အခြေခံအားဖြင့် အာဏာရှင်စနစ်ကို ကျင့်သုံးတဲ့ အစိုးရတရပ် သို့တည်းမဟုတ် အုပ်ချုပ်သူလူတန်းစားဟာ ပြည်သူကိုသူတို့အလိုကျ လက်ညှိုးထောင် ခေါင်းညိတ်ဘဝမျိုးမှာဘဲ အ သက်သွင်းထားလိုတာကလွဲလို့ တခြားဘာအဓိပ္ပါယ် ဖွင့်ဆိုချက်ကိုမှ လက်မခံတဲ့အတွက် အာဏာရှင်မှန်သမျှဟာ ပြည်သူတွေကို ဘယ်လိုဖြစ်ရမယ်ဆိုတဲ့ အတွေးအခေါ်ပေါ်မှာပဲ တိမ်းညွှတ်လေ့ရှိကြပြီး၊ ပြည်သူကိုကိုယ်စားပြုတဲ့ အစိုးရတရပ် သို့တည်းမဟုတ် ဒီမို ကရေစီအစိုးရမျိုးကတော့ ပြည်သူကိုအခြေခံစဉ်းစားလေ့ရှိတာမို့ ပြည်သူတွေက ဘယ်လိုဖြစ်ချင်တယ်ဆိုတာကို အလေးအနက်ထား လေ့ရှိပါတယ်။ ဒါကြောင့် တည်ငြိမ်တိုးတက်တဲ့ နိုင်ငံတခုဖြစ်ဖို့ရာ (ပြည်သူတွေကိုနိုင်ငံရေးနဲ့ဝေးရာသို့ ပို့ထားခြင်းမျိုး မပြုဘဲ) အခြေခံ ကျတဲ့ နိုင်ငံရေးဖြစ်စဉ်တွေအားလုံးမှာ ပြည်သူတွေရဲ့ ပူးပေါင်းပါဝင်မှုကို ရယူနိုင်ဖို့လိုအပ်ပါတယ်။

ဒီလိုတူရူချက်မျိုးအတွက် ပြည်သူတွေမှာအသိပညာ ဗဟုသုတနဲ့ခံစားချက်ကို မျှမျှတတပေါင်းစပ်နိုင်ဖို့ အခွင့်အလမ်းတွေရှိဖို့ရာ လို အပ်ပါတယ်၊ ပိတ်ဆို့မဲမှောင်နေတဲ့ ဝန်းကျင်စနစ်မျိုးနဲ့ တော့ လားရာကောင်းကို ဦးတည်နိုင်ဖို့ရာ အခြေအနေပေးမှာမဟုတ်ပါဘူး။

လူ့အဖွဲ့အစည်းတခု သို့တည်းမဟုတ် တိုင်းပြည်တခုမှာ စနစ်တခုကနေစနစ်တခုကို ကူးပြောင်းဖို့ ကျိုးစားတဲ့ဖြစ်စဉ်ဟာ တော်လှန် ရေးတရပ်ဘဲဖြစ်ပါတယ်၊ ဒါကြောင့် အောင်မြင်မှုကိုလိုချင်ရင် အဓိကအင်အားဖြစ်တဲ့ ပြည်သူတွေကို လိုအပ်တဲ့အရာမှန်သမျှ တပ်ဆင် ပေးနိုင်ခြင်း ရှိမရှိဆိုတာဟာ အဖြေဘဲဖြစ်ပါတယ်။
သက်ထွန်း