..::₪BDC-Burma Democratic Concern ж မြန်မာပြည်သူတစ်ရပ်လုံးအားကိုယ်စားပြုသည်₪::..

ဇိမ်ခံကားနှင့် ဥက္ကဌ

အမျိုးသမီးကြီးတစ်ယောက် ဟာ ဇိမ်ခံကားကြီး တစ်စီး ဈေးကြီးကြီး ပေးဝယ်လိုက်တယ်..။

နှစ်ရက် လောက် အကြာမှာတော့ ရေဒီယို ကတ်ဆက် အလုပ် မလုပ်တော့ လို့ ကုမ္ပဏီ
ကို သွား ပြီး တိုင် တယ်..။

မန်နေဂျာ ပြောလိုက်တယ်

"....ကျွန်တော် တို့ ကားရဲ့ ရေဒီယိုက အလိုအလျှောက် စနစ်တပ်ထားတဲ့ စက်ပါ...

ခင်ဗျားနားထောင် ချင်တဲ့ သီချင်း ဒါမှ မဟုတ် အဆိုတော် ကို ပါးစပ်က နေရွတ်လိုက်ရင်

အလိုအလျှောက် ဆိုပေးပါလိမ့်မယ်..........""

အမျိုးးသမီးကြီး ကားမောင်းထွက် သွားပြီး ပါးစပ်နေရေရွတ်လိုက်တယ်

" ... သိန်းတန်..."

ရေဒီယိုက အသံကြားလိုက်ရတယ်

"...မြန်မာပြည် ..လား....တွံတေး ...လား... "

အမျိုးသမီးက တွံတေးသိန်းတန် လို့ ပြောလိုက်တာ့ တွန်တေးသိန်းတန်
သီချင်းထွက်ပေါ်လာတယ်... သူမနှစ်ချိုက်သွားတယ်..။

ဒါနဲ့ ကား ကို အရှိန်မြှင့် မောင်းရင်း နားဆင်ရင်း စက်ကိုစမ်းရင်းပေါ့

ကိုင်ဇာလို့ပြောလိုက်တာ့ ကိုင်ဇာသီချင်းထွက်လာတယ်......

အဆိုတော် တော်တော် များများပြောကြည့်တယ် အကုန် ရတယ်
အပျော်လွန်ပြီး မီးပွိုင့်မှာ မီးနီ ဖြတ်လိုက်မိတယ်..

သိလိုက်တဲ့အချိန်မှာ မော်တော် ဗဟီကယ် တစ်စီး သူ့မနောက်လိုက်တာတယ်
သူမကားကို ရပ်ပေးလိုက်ပြီး
ပါးစပ်ကနေရေရွတ်လိုက်မိတယ်....။

""....Shit! Stupid. !...."" (သေစမ်း..ငတုံး)

ရေဒီယိုက အသံထွက်လာတယ်

""..နိုင်ငံတော် အေးချမ်းသာယာရေးနှင့်ဖွံ့ဖြိုးေ
ရးကာင်စီဥက္ကဌ
၊တပ်မတော်ကာကွယ်ရေးဦးစီးချုပ်၊
ဗိုလ်ချုပ်မှုးကြီး သန်းရွှေသည်
ဒီနေ့မနက်...............................................................။"
မျက်မှောက်ခေတ်ကာလတွင် ကိုယ့်ကိုယ်ကို လေးစားသော မည်သည့်နိုင်ငံအစိုးရမဆို ဒီမိုကရေစီနည်းလမ်းတကျ တရားဝင်ဖြစ်မှုမပါရှိဘဲ ကမ္ဘာ့ဇာတ်ခုံပေါ်သို့ ရင်ဘတ်ကော့၍ တက်ဝံ့ကြလိမ့်မည်မဟုတ်ပေ။ ရွေးကောက်ပွဲဟူသော အကြောင်းအရာမှာလည်း အားနာပါးနာဖြင့် ထည့်သွင်းနေရသော နိုင်ငံရေး အာဂျင်ဒါတစ်ခုအသွင် ဆောင်လာပါသည်။ ကမ္ဘာ့နိုင်ငံ အတော်များများ၏ အန္တိမရည်မှန်းချက်မှာ ဒီမိုကရေစီစနစ်ဟု ပြော၍ရသော်လည်း အမှန်တကယ် လက်တွေ့ကျကျ အကောင်အထည် ဖော်နိုင်သူဦးရေမှာ လက်ချိုးရေတွက်၍ပင် မရသေးပေ။ ဒီမိုကရေစီဟူသောစနစ်ကို အပိုင်သိမ်းကျုံးယူနိုင်ဖို့မဆိုထားနှင့် အမြည်းလောက်ပင်စားနိုင်သည့် အဆင့်သို့မရောက်သေးပေ။ ငါ့လှေငါထိုး ဘယ်ဆီရောက်ရောက်သဘောကို ဆောင်သည့် ရုရှားအဓိပတိ ဗလာဒီမာပူတင်၊ ဇင်ဘာဘွေခေါင်းဆောင် ရောဘတ် မူဂါဘီ၊ အီသီရိုးပီးယားသမ္မတ မီလိစ် ဇီနာဝီ၊ ဥဇဘက်ကစ္စတန်သမ္မတ အစ်လမ်ကာရီမော့ဗ်၊ နိုက်ဂျီးရီးယားခေါင်းဆောင် အူမာရူယာအူဒါ နှင့် ကင်ညာ သမ္မတ မာဝီကီဘာနီ တို့မှာ ဒီမိုကရေစီဟူသော ခေါင်းစဉ်ကို ကောင်းစွာ သဘောပေါက်နားလည်သူများဖြစ်သလို အဆိုပါစနစ်ကို အမြည်းတစ်ခုအဖြစ်ကောင်းစွာ ချကျွေးတတ်သူ များလည်းဖြစ်ပါသည်။ (မှတ်ချက်- တရုတ်ပြည်ကို ထည့်သွင်းထားခြင်းမရှိ သည်မှာ ထူးခြားပါသည်။) သူတို့ အားလုံးတွင် ပဋိပက္ခဖန်တီးပြီး ငြိမ်းချမ်းမှုနှင့် မဲရုံများကိုဖန်တီးတည် ဆောက်နိုင်သည့် အရည်အချင်းရှိပါသည်။
မည်သည့်အကြောင်းကြောင့် ဤသို့ဖြစ်ရသနည်း။ အဖြေမှာ ရှင်းပါသည်။ သူတို့ ကိုယ်တိုင်ကိုနှိုက်က ဒီမိုကရေစီနှင့်ပတ်သက်ပြီး အစွဲမကင်း၍ဖြစ်သည်။ ဒီမိုကရေစီ ကျင့်ကြံခြင်းသည် အနောက်ကမ္ဘာ၏ ခြေရာလိုက်နင်းမှုတစ်ခုအဖြစ် တရားသေမှတ်ယူထားသောကြောင့် ဖြစ်ဟန်ရှိပါသည်။ သို့သော် သူတို့တွင် ဒီမိုကရေစီကို ထုံးလိုမွှေရေလိုနှောက်ထားသည့် ပုံစံမျိုး ဖမ်းနိုင်သည့် စွမ်းရည်ရှိကြသည်။ သို့အတွက်ကြောင့် ဒီမိုကရေစီဆန်သည်၊ မဆန်သည်။ လွတ်လပ်စွာပြောဆိုရေးသားခွင့်၊ ခိုင်မာတောင့်တင်းသော အရပ်ဘက်လူ့အဖွဲ့အစည်း၊ တရားဥပဒေ စည်းမျည်းစည်းကမ်း၊ လွတ်လပ်မျှတပွင့်လင်းသော မဲရေတွက်သည့်စနစ်များ ရှိသည်၊ မရှိသည် အသာထား။ ဒီမိုကရေစီမ ပါလျှင် လူရာမဝင်သည့်ခေတ်ကြီး ဖြစ်နေသောကြောင့် ရွေးကောက်ပွဲများ၊ မဲရုံများ မကြာခဏ ဖန်တီးပေးကြခြင်းဖြစ်သည်။ အကျိုးဆက်က ဘာဖြစ်မည်နည်း။ အဆိုပါနိုင်ငံများမှ ပြည်သူများ ကိုယ်လိုချင်သောခေါင်းဆောင် ကိုယ်ရွေးလို့မရသည့် အဖြစ်မျိုးနှင့်ကြုံတွေ့ရပြီး နောက်ဆုံးတွင် ပဋိပက္ခများ၊ မပြေ လည်မှုများဖြင့်သာ သံသရာလည်ကြရသည်ကိုတွေ့ရသည်။


အဆိုပါသံသရာကို စာရေးသူ ကိုလီယာက “ဒီမိုကရေစီ ရေလိုက်လွဲ နိုင်ငံရေး အဆိုးကျော့သံသရာ” ဟု တင်စားခေါ်ဆိုသည်။ ဆိုလိုသည်မှာ အဆိုပါ နိုင်ငံအစိုးရများက ဒီမိုကရေစီ သဘောတရားကို အမှန်တကယ်နားလည် သဘောပေါက်သော်လည်း အမေရိကန်နှင့် အနောက်ကမ္ဘာဟူ သော အမှတ်တံဆိပ်ကပ်နေသောကြောင့် ပြည်သူနှင့် ခေါင်းဆောင်အစိုးရအကြား စစ်မှန်သောပေါင်းစည်းမှု မဖန်တီးနိုင်ခြင်းဖြစ်ပါသည်။ သို့သော် ရွေးကောက်တင်မြှောက်ပွဲနှင့် မဲရုံဟူ သော အကြောင်းအရာများက ရှိမြဲရှိနေ ဆဲပင်။ “တိုင်းရင်းသားမျိုးနွယ်စုများကို အကာအကွယ်ပေးနိုင်သည့် ဥပဒေ စည်းမျဉ်းစည်းကမ်းများ၊ အပြန်အလှန် ထိန်းညှိနိုင်သောစနစ်များ၊ သဘာဝ သံယံဇာတရင်းမြစ်များ ကိုကာကွယ်နိုင်သည့် အစီအမံများ မရှိလေ၊ အစိုးရနှင့် ပြည်သူအကြား ကွာဟမှုကြီးမားလေသာဖြစ်သည်။ နိုင်ငံရေးဇာတ်ခုံပေါ်တက်ရန် ကြိုးပမ်းမှုဟူသည် သေရေးရှင်ရေးတမျှဖြစ်သည့် ရုန်းကန်မှုမျိုးဖြစ်လာသည်” ဟု စာရေးသူက ကောက်ကြောင်းဆွဲသည်။ ကိုလီယာ၏ သုတေသနပြုလုပ်ချက်အရ ရွေးကောက်ပွဲကိစ္စသည် နိုင်ငံရေးသမားများအတွက် ပဋိပက္ခပြေလည်စေမည့် ထွက်ပေါက်တစ်ခုအသွင် မဆောင်ဘဲ ရန်ငြိုးမီးပွား တစ်ခုသဖွယ်ဖြစ် နေသည်။ ရွေးကောက်ပွဲသည် နိုင်ငံနှင့်ပြည်သူလူထု၏ လူမှုစီးပွားရေး အကျပ်အတည်းမှ လွတ်မြောက်ရာ လမ်းတစ်ခုဖြစ်ရမည့်အစား အုံကြွမှုများနှင့် ရန်မီးစများကို လောင်စာကျွေး နေသည့် အင်ဂျင်တစ်ခုသဖွယ်ဖြစ် နေသည်ကိုတွေ့ရသည်။ ဒီမိုကရေစီ အသွင်ကူးပြောင်းသော နိုင်ငံ အတော်များများကိုကြည့်ပါ။ ဥပမာ – ကွန်မြူနစ်စနစ်လွန် ဥရောပနိုင်ငံများ၊ ပါကစ္စတန်အပါအဝင် အရှနိုင်ငံများ၌ ရွေးကောက်ပွဲနှင့် ပြည်တွင်ရေး မတည်ငြိမ်မှုတို့မှာ တစ်လှည့်စီဖြစ်ပွားနေပါသည်။
“ရွေးကောက်တင်မြှောက်ပွဲ ပြီးသည်နှင့် ဆူပူအုံကြွမှုဖြစ်၊ ဆူပူအုံကြွမှုပြီးသည်နှင့် ရွေးကောက်ပွဲ ပြန်လုပ်” ဟု စာရေးသူ ကိုလီယာက ရှုပ်ထွေးလွန်းသော စီးပွားရေးနှင့် လူမှုရေး ပဋိပက္ခ အခန်းတွင် ဖွင့်ဆိုသည်။ ခြောက်လှန့်မှု၊ ခြိမ်းခြောက်မှုတို့အောက်တွင် ရေငုံနှုတ်ပိတ်အောင် မြင်စွာ ပြီးဆုံးသွားသော မဲရုံများကို ကြည့်ရသည်မှာ ဒီမိုကရေစီကို မြည်းနေသည့် အလားထင်မှတ်ရသည်ဟု စာရေးသူက ရုရှားအပါအဝင် ကွန်မြူနစ်လွန် ဥရောပနိုင်ငံများကို ခိုင်းနှိုင်းရေးသားသည်။ ရလဒ်က အဘယ်နည်း။
အမြည်းဆိုမှတော့ အမှန်တကယ်စားသုံးခွင့် မည်သို့မျှ မရှိနိုင်ပေ။ ထို့ကြောင့် နောက်ဆက်တွဲမှာ အရည် အသွေးညံ့ဖျင်းသော အုပ်ချုပ်ရေးအစိုးရများသာ ဥမှအကောင်ပေါက်လာလေတော့သည်။ မဲဆွယ်မှုများနှင့် ပတ်သက်၍လည်း ကိုလီယာက နိုင်ငံရေးသမားများကို ကောင်းကောင်း တွယ်ထား သေးသည်။ “နိုင်ငံရေးသမားတွေ ပေးတဲ့ကတိသစ္စာ၊ ဘယ်တော့မှ မယုံရပါ” ဟုခပ်ပြတ်ပြတ် ဝေ ဖန်သည်။ အမြည်းကျွေးသောစနစ် ထွန်းကားသည့် ဝန်းကျင်တွင်ပြုလုပ်သော မဲဆွယ်မှုများမှ မက်လုံးများသာ ထွက်ပေါ်သည်ကများပါသည်။ အစပထမပိုင်းတွင် နိုင်ငံနှင့်ပြည်သူ့အတွက် ဟု မည်မျှပင်ဆိုလေသော်ငြား နောက်ပိုင်းမှာ နိုင်ငံရေးသမားအချင်းချင်း၊ ပါတီအချင်းချင်း အားပြိုင်မှု ကိုသာ ဦးတည်ကြတော့သည်။ လူမျိုးစုံ ဘာသာစုံ ရောထွေးနေထိုင်လျက်ရှိသော နိုင်ငံများတွင် တိုင်းရင်းသားလူနည်းစုများအပေါ် အသိအမှတ်ပြုခြင်း၊ မပြုခြင်းဟူသော ကိစ္စမှာ လွန် စွာအရေးကြီးသည်။ နိုင်ငံရေးသမားများသည် တိုင်းရင်းသာလူနည်းစု (Ethnic Minority) များ၏ အခွင့်အရေး နှင့်ပတ်သက်၍ မက်လုံးပေးစည်းရုံးနိုင်မှု စွမ်းရည်လွန်စွာနည်းပါသည်ဟု ကိုလီယာက ဆိုပြီး ရွေးကောက်ပွဲများ အကြောင်းကို အောက်ပါအတိုင်းရှင်း ပြသည်။
“အကယ်၍ရွေးကောက်ပွဲ တစ်ခုတွင် မဲပေးသူများကသာ ပါတီစွဲ၊ အစိုးရစွဲမရှိဘဲ လူမျိုးရေး၊ အမျိုး သားရေး သစ္စာရှိမှုဟူသောစိတ်ဖြင် မဲပေးကြပါက ပါတီခေါင်းဆောင်များ၏ မက်လုံးပေးမှုမှာ ပို၍ပင် မရှိသလောက်ဖြစ်လာပေလိမ့်မည်။ မဲပေးသူများ မဲရုံတွင် စုဝေးကြရုံသက်သက်ဖြင့် ဒီမိုကရေစီရှိသည်ဟူသော သဘောကို သက်ရောက်သွားပေလိမ့်မည်။ ရွေးကောက်ပွဲတိုင်းလိုလို အမျိုးသားရေးလက္ခာ ကိစ္စက လွန်စွာလွှမ်းမိုးထားသည်ကို တွေ့ရသည်။ ထိုကိစ္စကြောင့်ပင် မဲပေးမှုဟူသည် အမျိုးသားရေး သဘောထားထုတ်ဖော်သည့် ပွဲတစ်ခု အသွင်ဆောင်နေခြင်းဖြစ်သည်။ အရှင်းဆုံးပြောရလျှင် မဲပေးမှုသည် ဘောလုံးသမားများ မိမိဘယ်အသင်းက ဖြစ်သည်ကို အသင်းဝတ်စုံဝတ်ပြသည့် ပုံစံမျိုးဖြစ်နေသည်။ တိုင်းပြည်အတွက် စွမ်းဆောင်ရည်ရှိသော အစိုးရတစ်ခု ထွက်ပေါ်ရေးအတွက် မဲပေးနေခြင်း ဖြစ်သည်ဟူသော ယုံကြည်ချက်ပျောက် နေသည့် သဘောသို့သက်ရောက်နေသည်။ အခြားတစ်ဖက်ကိုကြည့်လျှင်လည်း ရွေးကောက်ပွဲများပြုလုပ်သည့် နိုင်ငံ ၁၀ နိုင်ငံတွင် ကိုးနိုင်ငံလောက်မှာ ပွင့်ပွင့်လင်းလင်း သတင်းဖော်ပြ ရေးသာနိုင်သော မီဒီယာအခန်းကဏ္ဍ ပျောက်နေကြသည်က များသည်။ သို့အတွက်ကြောင့် နိုင်ငံသားများမှာ မိမိတို့ မဲပေးမည့်ပါတီမှ နိုင်ငံရေးသမားများ ဘယ်လောက်ကောင်းသည်၊ ဆိုးသည်ကို ဂဃဏန သိခွင့်မရှိကြပေ” အဆိုပါနိုင်ငံများကို ကိုလီယာက “အောက်ဆုံးက ဘီလျံများ” ဟု ခေါ်ဆိုသည်။ ဆင်းရဲပြီး ဖွံ့ဖြိုးမှုနောက်ကျသော တတိယကမ္ဘာ့နိုင်ငံများကို ဆိုလိုခြင်းဖြစ်ပါသည်။
တိုင်းရင်းသားမျိုးနွယ်စုကိစ္စ၊ လူမျိုးရေးကိစ္စ နှင့်ဆက်နွှယ်သော ပဋိပက္ခများပြေလည်ရေးအတွက် နိုင်ငံရေးသမားများ လုပ်ဆောင်ရမည်မှာ တိုင်းရင်းသားများ၏ အမျိုးသားရေးစရိုက်လက္ခာဏာကို တစ်တိုင်းပြည်လုံး၏ အမျိုးသားရေးလက္ခဏာနေရာသို့ အစားထိုး ထည့်သွင်းပြီး ဒီမိုကရေစီကို ဖော်ဆောင်သွားရန်ဖြစ်ပါသည်။ သို့အတွက် လူမျိုးစုံ၊ ဘာသာစုံ စုဝေးနေထိုင်သော နိုင်ငံများတွင် လိုအပ်သည်မှာ နိုင်ငံတည်ဆောက်ရေးနှင့် အမျိုးသားရေးစရိုက်လက္ခဏာ တည်ဆောက်ရေးကို တစ်ပြေးညီ အကောင်အထည်ဖော်နိုင်သည့် အမြင်ရှိသော ခေါင်းဆောင်များပင်ဖြစ်ပါသည်။ တိုင်းရင်းသား လူနည်းစုများ ခွဲထွက်ရေးတောင်းဆိုမှု၊ လက်နက်ကိုင် ပုန်ကန်မှု၊ ပြည်တွင်းစစ်ဖြစ်ပွားမှု နှင့် ဂျီနိုဆိုက်ခေါ် လူမျိုးဖြုတ် သတ်ဖြတ်မှုတို့မှာ ဆိုခဲ့ပါ အမျိုးသားရေး လက္ခဏာကို ကောင်းစွာတည်ဆောက် ထားသိုနိုင်သော ခေါင်းဆောင်များ မရှိသောကြောင့်ဖြစ်သည်။ ထို့ပြင်စာ ရေးသူ၏ သုတေသနပြုချက်တစ်ရပ်ကိုလည်း စိတ်ဝင်စား ဖွယ်တွေ့ရသည်။ ရွေးကောက်ပွဲ – စစ်တပ် အာဏာသိမ်းပိုက်မှု တစ်လှည့်စီဖြစ်ပေါ်နေခြင်းအပေါ် သုတေသနပြုလုပ်ထားခြင်း ဖြစ်ပါသည်။ အကယ်၍ အစိုးရများတွင် တာဝန်ခံမှု မရှိခဲ့ပါက ရွေးကောက်ပွဲမဲဆွယ်မှု၊ မဲရေတွက်မှုတို့မှာ မည်သို့မျှ ဒီမိုကရေစီနည်းလမ်းတကျ ဖြစ်လာမည်မဟုတ် ဟုဆိုသည်။ ထို့ကြောင့် ယခုအခါ အနောက်ကမ္ဘာနိုင်ငံများက လွပ်လပ်ပြီး တရားမျှတမှုမရှိသော နိုင်ငံများတွင် စစ်တပ်အာဏာသိမ်းပိုက်မှု ပြုလုပ်ခြင်းကို လက်သင့်ခံမည်ဟု ထုတ်ဖော်ကြေညာလာခြင်းဖြစ်သည် ဟု စစ်တပ်နှင့် ရွေးကောက်ပွဲ အခန်းတွင် စာရေးသူ ကဖော်ပြထားသည်။ ဤသို့သော အခြေအနေက တိုင်းပြည်ခေါင်းဆောင်များအနေဖြင့် အဓိပ္ပာယ်ပြည့်ဝသော မဲပေး သည့်စနစ် လုပ်ပေးနိုင်အောင် မက်လုံးတစ်ခုဖြစ်လာနိုင်ပါသည်။ သို့သော် စစ်တပ် အာဏာသိမ်းပိုက်မှုများကြောင့် သွေးထွက်သံယိုမှုများ ထွက်ပေါ်လာနိုင်သည်ကို သတိပြုသင့်သည်။ ဆူဒန်နိုင်ငံ၊ ဒါဖာဒေသ မှ လူမျိုးဖြုတ်သတ်ဖြတ်မှုများသည် အာဏာသိမ်းပိုက်မှု၏ နောက်ဆက်တွဲဆိုးကျိုးဖြစ်ဟု စာရေးသူက ဥပမာပေးထားပါသည်။
နိဂုံးချုပ်အားဖြင့်ဆိုရလျှင် ကိုလီယာ၏ ယခုနောက်ဆုံးထွက်သောစာအုပ်မှာ နိုင်ငံတကာဆက်ဆံရေး၊ စစ်ရေး၊ လူမျိုးစုအရေး၊ ဒီမိုကရေစီအရေးတို့နှင့်ပတ်သက်ပြီး စူးရှထက်မြက်သော အတွေးအမြင်များပါ ရှိသည်။ အမျိုးသားရေး၊ အချုပ်အချာ အာဏာပိုင်စိုးရေးနှင့် စစ်ရေးအင် အားဟူသော အကြောင်းအရာများက ၂၁ ရာစု ကမ္ဘာ့နိုင်ငံအများစု၏ ရည်မှန်းချက်ဖြစ်သော ဒီမိုကရေစီစနစ်ကို မည်မျှအတိုင်းအတာအထိ ယိုင်နဲ့အောင်လုပ်နိုင်စွမ်းရှိသည်ကို ကောင်းစွာတွေ့မြင်ရပါသည်။ ဒီမိုကရေစီကို အမြည်းသဘောထက် ပို၍ခံစားခွင့် ရရှိနိုင်ရေးမှာ စစ်ပွဲများ၊ သေနတ်များနှင့် မဲပြားများကြားတွင်သာ ရှာရလိမ့်မည်ဟု စာရေးသူ ကိုလီယာက နိဂုံးချုပ်ထားပါသည်။
ဖေခင် (ကလော)
Ref: Wars, Guns and Votes by Paul Collier
(ဖေခင် (ကလော) သည် နိုင်ငံရေးဘောဂဗေဒ၊ ဒေသတွင်းနှင့် နိုင်ငံတကာရေးရာများအကြောင်း သုံးသပ်ရေးသားနေသည့် လူငယ်ဂျာနယ်လစ်တစ်ယောက်ဖြစ်သည်။)
ဖေခင် (ကလော)
“သင်ကောင်းလျှင်ကျွန်ုပ်မဆိုးပါ”။ “သင်ကောင်းကောင်း၊ မကောင်းကောင်း ကျွန်ုပ်ကောင်းပါမည်” ဟူ သည်နှင့် “သူတို့နှင့် ကျွန်ုပ်တို့”ဟူသော လော့ဂျစ်ပါသည့်လူမှုဆက်ဆံရေးအယူအဆ များကို မကြာခဏဆိုသလို မီဒီယာများတွင် ဖော်ပြလာသည်ကိုတွေ့ရပါသည်။ နှစ်ခုစလုံးစိတ်ဝင်စားစရာ ကောင်းသည်။
“သင်ကောင်းလျှင် ကျွန်ုပ်မဆိုးပါ”ဟူသည်နှင့် “သင်ကောင်းကောင်း မကောင်းကောင်း ကျွန်ုပ်ကောင်းပါသည်”ဟူသည့် လောဂျစ်အကြောင်းကို မဆွေးနွေးမီ နိုင်ငံ၊ လူ့အဖွဲ့အစည်းများနှင့် မီဒီယာများ၏အခန်းကဏ္ဍကို အကျဉ်းချုံးပြောလိုပါသည်။ စာဖတ်သူများ သိနှင့်ပြီးသည့်အတိုင်း မီဒီယာဟူသည် လူ့အဖွဲ့အစည်းတစ်ခု၊ နိုင်ငံတစ်ခု၏ စတုတ္ထမဏ္ဍိုင်ဖြစ်သည်။ လိုရင်းတိုရှင်း ပြောပါက စောင့်ကြည့်သူ (Watchdog) ဖြစ်သည်။ လွဲချော်မှုများ၊ တရားမမျှတမှုများနှင့် ထူးခြားမှုများရှိလျှင် ဖော်ထုတ်မည်။ သတင်းအချက်အလက်များ၊ အဖြစ်သနစ်များကို ရေးသားတင်ပြဟန်အမျိုးမျိုးဖြင့် ရေးသားပြမည်။ ဤသည်ကို သတင်းပေးပို့မှု (Reporting Process) ဖြစ်စဉ်ဟုဆိုနိုင်ပါသည်။ ထို့နောက်တစ်ဆင့်တက်၍ ပြောမည်ဆိုပါက မီဒီယာတွင်ရှိသော အယ်ဒီတာများနှင့် သတင်းထောက်များ (သတင်းစာဆရာများ) က အဆိုပါအဖြစ်သနစ်များကို သုံးသပ်ချက်၊ ဝေဖန်ချက်(ခေါင်းကြီး) စသည်ဖြင့် ရေးမည်။ ဟောကိန်းများလည်း ပါကောင်းပါလာနိုင်ပါသည်။ ဤ နေရာတွင် သတိထားစရာရှိလာသည်ဟု ကျွန်တော်ထင်သည်။ သတင်းပေးပို့မှု ဖြစ်စဉ်မှာ အရှိ ကိုအရှိအတိုင်း တင်ပြရေးသားမှုဖြစ်သည့်အတွက် သတင်းပေးပို့သူ ရီပိုတာ (သို့) သတင်းသမားက ရေးသားသော သတင်းအချက်အလက် တိကျမှန်ကန်မှု၊ ကျင့်ဝတ်နှင့်ကိုက်ညီမှုသာ လိုအပ်သည်။ Tell it, as it is ဖြစ် ရန်သာအရေးကြီးသည်။ သို့သော် အဆိုပါ သတင်းဖြစ်စဉ် (သို့) ဖြစ်ရပ်တစ်ခုကို သုံးသပ်ချက်နှင့် ဝေဖန်ချက်များ ပြုလုပ်ရာတွင်သော်လည်းကောင်း၊ ပြုလုပ်မှုများကို ဖတ်ရှုရာတွင်လည်းကောင်း သတိထားသင့်သော ကိစ္စတချို့ပါရှိလာပါသည်။
ကျွန်တော်သည် ဂျာနယ်လစ်ဇင်လောကတွင် ဂုရုတစ်ဦးမဟုတ်သလို ဝါရင့်ပုဂ္ဂိုလ်ကြီးလည်းမဟုတ်ပါ။ ဆယ်နှစ်ပင်မပြည့်သေးသော အတွေ့အကြုံကိုအခြေခံပြီး ကျွန်တော့်အမြင်ကိုပြောရလျှင် နိုင်ငံတစ်ခု၏ နိုင်ငံရေး၊ စီးပွားရေး၊ လူမှုရေးအစရှိသည်တို့နှင့် ဆက်စပ်သော ပဋိပက္ခများကို သတင်းစာဆရာက ဝေဖန်သုံးသပ်ချက်ပေးရာတွင် ဖြစ်ရမည်ဟူသည်ထက် ဖြစ်သင့်သည်ဟူသည်ကို သာဦးစားပေးသင့်သည်။ လုပ်ရမည်ထက် လုပ်သင့်သည်ကိုသာ ပြောဆိုရေးသားခြင်းမျိုး ဖြစ်သင့်ပါသည်။
သတင်းစာဆရာ (ဂျာနယ်လစ်) များ၏ အများနှင့်မတူသောအချက်မှာလည်း ပဋိပက္ခတစ်ခု၊ သတင်းဖြစ်ရပ်တစ်ခုကို တတိယလူရှုထောင့် (Third Person) အနေဖြင့်ရှုမြင်နိုင်မှု၊ တစ်နည်း Bird Eye’s View ခေါ် အဖြစ်သနစ်တစ်ခုကို အပေါ်မှ လုံးစေ့ပတ်စေ့ တွေ့မြင်နိုင်အောင်ပြုလုပ်နိုင်မှုပင်ဖြစ် ရာ ၄င်းတို့၏ရေးသားမှုများမှာလည်း တတိယလူတစ်ဦး၏အမြင်မျိုးသာ ဖြစ်သင့်ပြီး ယင်းတို့အား စာဖတ်သူများက တတိယလူအဖြစ်သာ ရှုမြင်သင့်သည်။ သတင်းစာဆရာများကို Third Line Third Force ဟုဆို၍ရသည်။သို့သော် ယနေ့နိုင်ငံရေးလောကတွင်ပြောဆိုနေ ကြသော Third Line Third Force သမားများမဟုတ်ပါ။ လွန်စွာသတိထား သင့်သောအချက်မှာ နိုင်ငံရေးတွင် Pro နှင့် Anti အစရှိသည့် ဘက်များအကြောင်း ရေးသားမိသောကြောင့် သတင်းစာဆရာများကို နိုင်ငံရေးသမားများအဖြစ် မရှုမြင်မိရေးပင်ဖြစ်ပါသည်။ နိုင်ငံရေးသမားအလုပ်ထက် နိုင်ငံ့အရေးကို စိတ်ဝင်တစားလုပ်ကိုင်နေသည်ဟု ဆိုလျှင်ရပါသည်။
ကျွန်တော့်အမြင်ပြောပါက သတင်းစာဆရာများသည် Troubleshooter များမဟုတ်ပါ။ Troubleshooter များ မျှမျှတတ Troubleshoot လုပ်ရန်ချောင်းဟန့်သံ ပေးနေသူများဖြစ်ပါသည်။ ယနေ့စာမျက်နှာများပေါ်တွင် ဝေဖန်သုံးသပ်ချက် ဆောင်းပါးရေးသားသူ၊ ရေးသားမှုများ နှင့်ဆက်စပ်ပြီး အပြန်အလှန်ဝေဖန် ပုံဖော်၊ တံဆိပ်ကပ်ကြခြင်းများကို ဖတ်ရှုမိသည့်အခါတိုင်း ကျွန်တော်ကြည့်ဖူးသော ကာတွန်းကားလေးတစ်ကားကို အမှတ်ရမိသွားပါသည်။ ထိုကာတွန်းကား၏ အမည်မှာ Finding Nemo ဖြစ်သည်။ စာဖတ်သူများလည်း ကြည့်ရှုဖူးပါလိမ့်မည်။ ထိုဇာတ်ကားထဲတွင် ခေါင်းဆောင်ဇာတ်လိုက် နီမိုအပါအဝင် အခြားသော ငါးကလေးများသည် ငါးဖမ်းပိုက်ကွန်ကြီးတစ်ခုထဲသို့ ရောက်သွားကြသည်။ ပိုက်ကွန်ထဲ ရောက်သွားသောကြောင့် တစ်ဦးနှင့်တစ်ဦး ပိုမိုနီးကပ်သွားသည်။ အနေအထားတစ်ခုထဲသို့ ရောက်သွားသည့်ငါးကလေးများ၏ ကံကြမ္မာမှာလည်း တူသွားသည်။ သို့သော်ငါးကလေးများမှာ ပိုက်ကွန်ထဲမှ မည်သို့မည်ပုံရုန်း ထွက်မည်ကို မစဉ်းစားဘဲ အချင်းချင်း တွန်းကြ၊ တိုက်ကြသည်။ ခိုက်ရန်ဖြစ်ကြသည်။ ဤတွင် ခေါင်းဆောင်ငါးကလေးနီမိုက ငါးများအားလုံး အင်အားစုစည်းပြီး သမုဒ္ဒရာကြမ်းပြင်ဘက်သို့ ထိုး ဆင်းပါက ငါးဖမ်းလှေပါပါလာပြီး အသက်ဘေးမှ လွတ်မြောက်လိမ့်မည်ဟု အကြံပေးတော့မှ အားလုံးသဘောပေါက်ကာ အကျပ်အတည်းမှ လွတ်မြောက်သွားကြတော့သည်။ လွန်စွာကောင်းသော ဇာတ်ကားလေးတစ်ကားဖြစ်ပါသည်။ ကျွန်တော်၏ ဆိုလိုရင်းကိုစာဖတ်သူများ ကောင်းစွာ နားလည်သဘောပေါက်ကြလိမ့်ဟု ထင်ပါသည်။ ဆက်၍အဓိပ္ပာယ် ဖွင့်ဆိုရန်ပင်လိုမည်မထင်ပါ။
“သင်ကောင်းလျှင် ကျွန်ုပ်မဆိုးပါ”။ “သင်ကောင်းကောင်း မကောင်းကောင်း ကျွန်ုပ်ကောင်းပါမည်”ဟူသော ကိစ္စမှာ ယုံကြည်မှုတည်ဆောက်ရသည့် ကိစ္စဖြစ်ပါသည်။ ဘက်နှစ်ဘက် သို့မဟုတ် အုပ်စုနှစ်စုရှိမည်။ သာမန် မိတ်ဆွေသူငယ်ချင်းဆက်ဆံရေးမျိုး ထူထောင်ရန်ကိစ္စဖြစ်ပါက “သင်ကောင်းကောင်း မကောင်းကောင်း ကျွန်ုပ်ကောင်းပါမည်”ဟူသော သဘောမျိုးထားနိုင်လျှင် အပြန်အလှန် ယုံကြည်မှုအမြန်ဆုံးထွက် ပေါ်လာနိုင်သည်။ မဟာဗျူဟာ သို့မဟုတ် ပါဝါယှဉ်ပြိုင်ရသည့်ဆက်ဆံ ရေးမျိုးဖြစ်ပါက “ကျွန်ုပ်က ကောင်းပါ မည်၊ ရလဒ်သည် သင်၏ တုံ့ပြန်မှု အပေါ်တွင်သာမူတည်သည်” ဟူသည့် သဘောမျိုးဖြစ်သင့်သည်။ ဆိုလိုသည်မှာ ကျွန်ုပ်ဘက်က စ၍အပြုသဘောဆောင် သည့်လုပ်ဆောင်ချက်များ၊ အသိအမှတ် ပြုမှုများကို ဖော်ထုတ်ရန်ဆန္ဒရှိသည်။ တစ်နည်းအားဖြင့် မိတ်ဆွေအဖြစ်လက် ဆွဲနှုတ်ဆက်ရန် ကမ်းလှမ်းမည့်သူမှာ ကျွန်ုပ်ဖြစ်သည်။ ကမ်းသောလက်ကို လှမ်းယူခြင်း၊ မယူခြင်းက သင့်၏အလုပ် ဖြစ်သည်ဟူသော သဘောမျိုးဖြစ်ပါသည်။
အရေးကြီးသည်မှာ ဘက်နှစ်ဘက်စလုံးသည် ပြင်ညီကွင်းတစ်ခုပေါ် သို့ရောက်ရှိထားရန် လိုအပ်သည်။ တစ်ဖက်က အပေါ်စည်း၊ တစ်ဖက်က အောက်စည်းဖြစ်နေလျှင် မည်သို့သော ယုံကြည်မှုများကိုမှ တည်ဆောက်နိုင်မည် မဟုတ်ပါ။ စာဖတ်သူများစိတ်ကူးဖြင့် ပုံဖော်ကြည့်စေချင်ပါသည်။ လှေကားထိပ်တွင်ရပ်နေသူနှင့် လှေကားအောက် တွင်ရပ်နေသူနှစ်ဦး လက်ဆွဲနှုတ်ရန်မှာ စိတ်ကူးယဉ်သက်သက်သာဖြစ်သည်။ တစ်ယောက်က အပေါ်တက်လျှင်တက်၊ သို့မဟုတ်တစ်ယောက်က အောက်ကိုလာလျှင်လာပါမှ လက်ဆွဲနှုတ်ဆက်မှု ပြုနိုင်ရေး၊ မပြုနိုင်ရေးကို စဉ်းစားနိုင်ပါမည်။ တတိယလူ ရှုထောင့်မှကြည့်တတ်သော သတင်းစာဆရာများမှာ၏ တာဝန်မှာ မည်သူ အပေါ်တက်ရမည်၊ မည်သူအောက်ဆင်းရမည်ဟု ကြားဝင် Troubleshooting လုပ်ရန်မဟုတ်ပါ။ လက်ဆွဲနှုတ်ဆက်မှု ဖြစ်ပေါ်လာရေးနှင့် ရရှိထားသည့်အနေအထားများ၊ ရရှိလာ သော ရလဒ် (အကျိုးဆက်များ) မျှတမှု ရှိ၊ မရှိကို ချောင်းဟန့်ပေးရေးဖြစ်ပါသည်။ ချောင်းဟန့်သူများ မျှတမှုရှိ၊ မရှိကိုမူ စာဖတ်သူများက Feedback ပေး ကာ Evaluation လုပ်ကြပါလိမ့်မည်။ ဤသည်မှာ ဒီမိုကရေစီနှင့် Check and Balance သဘောပင်ဖြစ်သည်ဟု ကျွန် တော်လက်ခံထားပါသည်။
ဖေခင် (ကလော)

--