ပုံရိပ်နိုင်ငံရေးဆိုတာ ဘာလဲ?

ကျနော့်အမြင်ကို ပြောရလျှင် ပုံရိပ်နိုင်ငံရေး ဆိုသည်မှာ ပေါ်လစီ (မူဝါဒ) ကို အခြေပြုသော နိုင်ငံရေး မဟုတ်တော့။ "လူ" ကို အခြေပြုသော နိုင်ငံရေး၊ နဖူးစည်းတပ်ပြီး နိုင်ငံရေး ကြွေးကြော်ခြင်းဟု မြင်မိသည်။ ယခုခေတ် နိုင်ငံရေးလုပ်သည်ဟု ဆိုသူများအကြားတွင် "မင်း ... ထောင်ကျဖူးလား"၊ "မင်း ... အန်အယ်လ်ဒီလား"၊ "မင်း ... ဗကသလား"၊ "မင်း ... ကျောင်းသားလား" ဆိုသည်က အရင် စမေးခံရသည်။ တချို့တွေဆိုရင် ထောင်ကျဖူးမှ လူရာဝင်နိုင်သည်ဟု ထင်ကြသည်။ ထို့ကြောင့် လူတချို့က ကိုယ့်ရာဇဝင်ကို ပိုပိုသာသာ ပြောလာကြသည်။ တချို့ဆိုလျှင် "ဘာရာဇဝင် ရှိခဲ့သလဲ" က စချင်ကြသည်။ ရာဇဝင်ရှိမှ နိုင်ငံရေး လုပ်ရမယ်ဆိုရင် ဘယ်မှာ နိုင်ငံရေးသမား ရှာရတော့မှာလဲ။

ယနေ့ နိုင်ငံရေးလောကတွင် ထောင်ကျဖူးမှ နိုင်ငံရေးအရ အရာဝင်သည်ဆိုသည့် အတွေးမှားကို ထောက်ပြချင်သည်။ ယနေ့ခေတ်သည် အင်္ဂလိပ်ခေတ်ကဲ့သို့ သခင်ပေါက်စ၊ ထောင် ၆ လ မဟုတ်တော့ပါ။ နအဖ ဖက်ဆစ်တို့အောက်တွင် ထောင် ၁ဝ နှစ်၊ အနှစ် ၂ဝ မှာ အသာလေး ဖြစ်သည်။ ထောင်ထဲဝင်၍ သူရဲကောင်းလုပ်စရာ မလိုပါ။ အဖမ်းခံမည်ထက်၊ ထွက်ပြေးတိမ်းရှောင်ရင်း အကျိုးပြုနိုင်ပါသည်။ လူငယ်ခေါင်းဆောင် ကိုအောင်ဆန်းကို ဖမ်းဝရမ်းထုတ်၊ ကိုအောင်ဆန်းက အဖမ်းမခံ၊ ဤမူကို ခံယူသင့်သည်။ အရေးအခင်းဖြစ်လိုက်၊ ခေါင်းဆောင်တွေ ပေါ်လာလိုက်၊ အဖမ်းခံလိုက်ကြရနဲ့၊ သမင်မွေးရင်း ကျားစားရင်း ဖြစ်နေကြရတယ်။

တဖက်ကလည်း "လူ" ကို တင်တိုက်သော ပုံရိပ်နိုင်ငံရေးအတွက် ခေါင်းဆောင်ကောင်းတွေ့လျှင် အင်္ဂလိပ်လို Larger than life ဟုခေါ်သည့် လူစင်စစ်ကနေ ဘုရားဖြစ်အောင် ဖန်တီးကြတော့သည်။ ဤအန္တရာယ်မှာ ကွန်မြူနစ် အာဏာရှင်စနစ်မှ သက်ဆင်းလာခြင်း ဖြစ်သည်။ မော်စီတုံး၏ ဗျူဟာမှန်ခဲ့၍ တရုတ်ကွန်မြူနစ်တို့ အာဏာရခဲ့သည်။ သို့သော် မော်စီတုံးသည် လူထဲက လူတယောက်သာ ဖြစ်သည်။ နတ်ဘုရား မဟုတ်ပါ။ လျူရှောက်ချီနှင့် တိန်ရှောက်ပိန်တို့က လက်တွေ့ ဦးဆောင်နေရာမှ အသာစီးရလာသည်။ ထိုအခါ မော်စီတုံးက အာဏာလုရန် ယဉ်ကျေးမှုတော်လှန်ရေးကို ဆင်နွှဲရာ လင်ပြောင်က ဖော်လန်ဖားပြီး မော်စီတုံး၏ အတွေးအခေါ် စာအုပ်ကလေးကို ရိုက်နှိပ်ကာ စစ်တပ်အတွင်း ဖြန့်ဝေရာမှ စာအုပ်နီသည် ကွန်မြူနစ်တို့၏ ကျမ်းစာဖြစ်ခဲ့ရ၍ မော်စီတုံးလည်း လူစင်စစ်မှ နတ်ဘုရား ဖြစ်ခဲ့ရသည်။

အသေအချာ လေ့လာလျှင် မော်စီတုံး၏ အမှားနှင့် အာဏာမက်မှုကြောင့် တရုတ်သန်းပေါင်းများစွာ ပျက်စီးသေဆုံးခဲ့ရသည်။ တရုတ်တွေ မွဲတေခဲ့ရသည်။ မြောက်ကိုးရီးယားကို ကြည့်ပါ။ The Great Leader နှင့် Dear Leader တို့ နှစ်ဦးကို ဘုရားသဖွယ် ကိုးကွယ်နေကြသည်။ အမြင်မှန်ရသွားသော တိန်ရှောက်ပိန်က ပုဂ္ဂိုလ်ရေးကိုးကွယ်မှုထက် စနစ်မှန်ကန်ရေးကို ဦးစားပေးခဲ့သည်။ တရုတ်တွေ ကံကောင်းဖို့ ဖြစ်လာရသည်။ အမေရိကန်နိုင်ငံတွင် "လူ" သမတကို သစ္စာရှိရသည် မဟုတ်။ အခြေခံဥပဒေ Constitution ကို သစ္စာစောင့်ရသည်။ အခြေခံဥပဒေက Presidency သမတရာထူးကို ဖော်ထုတ်၍ (လူ)တွေက အရွေးခံရခြင်း ဖြစ်သည်။ တနည်းအားဖြင့် စနစ် System သည် အဓိက ဖြစ်သည်။ စနစ်အပေါ် သစ္စာစောင့်သိခြင်း ဖြစ်သည်။

ယခုခေတ် မြန်မာနိုင်ငံရေးတွင် စနစ် အရေးကြီးပုံကို နားမလည်ကြပေ။ (လူ) ကို အဓိကထား ပွဲထုတ်ကြသည်။ အဆင့်ဆင့် "လူ" ကို တင်တိုက်ကြသဖြင့် မိမိတို့၏ ခေါင်းဆောင်ပုံရိပ်၊ မိမိ၏ ပုံရိပ်တို့သည် ရှေ့တန်း ရောက်လာရပါသည်။

ထိပ်ဆုံးအဆင့် ဒေါ်စုကို ကြည့်ရအောင်။ ဒေါ်စုသည် ယနေ့ခေတ်ကမ္ဘာတွင် အထင်ရှားဆုံး ခေါင်းဆောင်များ စာရင်းတွင် ထိပ်ဆုံးမှ ပါဝင်သည်။ ဒေါ်စု၏ သတ္တိနှင့် အာဏာရှင်စနစ်ကို ဇွဲနှင့် ရင်ဆိုင်ရဲခြင်းအတွက် ဒေါ်စုသည် ဒီမိုကရေစီသူရဲကောင်း Democracy Icon ဖြစ်ခဲ့ရသည်။ ဘာသာရေးနှင့် ယှဉ်ပြောရလျှင် မဂ်ဖိုလ် အဆင့်ရပြီးသူနှင့် တူသည်။ အပါယ်တံခါး ပိတ်၍ ကောင်းကင်ဘုံ ရောက်ရန်သာ ရှိတော့သည်။ သို့သော် ဒေါ်စုနှင့် အတန်ဆုံးဆုမှာ မြန်မာပြည် စစ်အာဏာရှင်စနစ်အောက်မှ လွတ်ရန်ဖြစ်မည် ဟု ထင်မိသည်။ စစ်အာဏာရှင်စနစ်ကို အောင်နိုင်ရန်မှာ ဒေါ်စု တယောက်ထဲနှင့် မဖြစ်နိုင်။ ဒေါ်စုကို ထိုင်ရှိခိုးရုံနှင့်လည်း မရနိုင်။ ဒေါ်စုကို အသံကုန်ဟစ်၍ ထောက်ခံနေရုံနှင့်လည်း မရနိုင်။ ဒေါ်စုကို ထောက်ခံသော၊ တိုင်းပြည်ကိုချစ်သော လူအများ စုပေါင်း၍ အင်အားတည်ဆောက်ပြီး ဒေါ်စုကို ပံ့ပိုးပေးနိုင်မှသာ ဒေါ်စု အင်အားရှိမည်။ ဤအင်အားကို ပြနိုင်မှ နအဖ က ဒေါ်စုကို အရေးထားလာရပေမည်။

ကျနော်တို့ အများစုသည် ဤအင်အားကို တည်ဆောက်ဖို့ နားမလည်နိုင်ကြသလို စိတ်ဝင်စားခြင်းလည်း မရှိကြပါ။ အချင်းချင်း ပေါင်းစည်းနိုင်ရန် တအုပ်စုနှင့် တအုပ်စု ညှိနှိုင်းတိုင်ပင် ဆွေးနွေးပြီး၊ နားလည်မှုရှိလာအောင် လုပ်ဖို့ မကြိုးစားကြ။ ဒေါ်စု ဘွဲ့များ ထပ်ရရန် ကြိုးပမ်းသူက ကြိုးပမ်းကြ၊ စည်းရုံးသူက စည်းရုံးကြနှင့် ရွာလည်နေကြသည်။

ဒေါ်စုပြီးတော့ ကိုမင်းကိုနိုင် ထွက်လာသောအခါ ကိုမင်းကိုနိုင်ဘွဲ့ ရရန် ကြိုးစားသူများ ပေါ်လာကြပြန်သည်။ တဆင့်ပြီးတဆင့် ဘွဲ့များရရန်သာ ကြိုးစားနေကြရင်း အချိန်ဖြုန်းခဲ့ကြ၍ အနှစ် ၂ဝ တိုင် ကြာခဲ့ပြီဖြစ်သည်။ ရှေ့မတိုးနိုင်ကြသေးပါ။ ဤသည်မှာ ပုံရိပ်နိုင်ငံရေး၏ အန္တရာယ်ဆိုး ဖြစ်သည်။ ပို၍ဆိုးသည်မှာ ပုံရိပ်နိုင်ငံရေးကြောင့် ကိုယ်နှင့် သဘောထား မတူသူတွေကို အရင်ဦးအောင် တိုက်ခိုက်ထားရမည် ဆိုသည့် မသိစိတ်များသည် ယနေ့ နိုင်ငံရေး လှုပ်ရှားသူများကြားတွင် ကိန်းအောင်း ငြိတွယ်နေကြသေးသည်။ ထို့ကြောင့် ညီညွတ်ရေးကို မတည်ဆောက်နိုင်ဘဲ အချင်းချင်း နှိပ်ကွပ်နေရင်း စစ်အာဏာရှင်ကို တိုက်ရန် အင်အား မစုစည်းနိုင်ကြတော့ပါ။

zero sum game ခေါ် သုံညအကြွင်း တွေးခေါ်ချက်

မဆလ စိတ်ဓာတ်ဆိုးနှင့် လူချသည့် အကျင့်ဆိုး ၂ ခုက ပုံရိပ်နိုင်ငံရေးနှင့် Zerosum game သူနိုင်ကိုယ်နိုင်၊ သုံညအကြွင်း တွေးခေါ်ချက်ကို ပို့ဆောင်ပေးခဲ့သည်။ ဤအတွေးအခေါ်က လုံးဝသုံည အနိုင်ရရေးကို ဦးတည်သည်။ အဆင့်ဆင့် နိုင်ငံရေးစစ်ပွဲ အနိုင်ရရေးထက် လုံးဝဥဿုံ အနိုင်ရရေးကို ရည်ညွှန်းသည်။ ကွန်မြူနစ်ပါတီ တောခိုတော့ ဤအတွေးအခေါ်နှင့် တောခိုကြခြင်း ဖြစ်သည်။ ရန်သူကို အနိုင်တိုက်ရေးမှ လွဲ၍ ကျန်ဗျူဟာကို မစဉ်းစား။ မနိုင်မှ ငြိမ်းချမ်းရေးစကား ဆိုလာတော့ အစိုးရက အားသာလာကာ ဖြတ်လေးဖြတ်နှင့် ရက်ရက်စက်စက် ချေမှုန်းလာတော့ ကွန်မြူနစ်တွေ ပြေးကြရသည်။ သခင်သန်းထွန်း၊ သခင်ဇင်၊ သခင်ချစ်နှင့် ကွန်မြူနစ်ပါတီ ထိပ်တန်းခေါင်းဆောင် အများအပြား အသက်ဆုံးရှုံးခဲ့ကြရသည်။

သို့သော် ၎င်းတို့၏ Zero sum အတွေးနှင့် ဗျူဟာ Strategy က ကျန်ရစ်ခဲ့သည်။ အမွေဆိုးကို နောင် ခေတ်အဆက်ဆက် ခံယူရင်း - ကွန်မြူနစ်တို့၏ ဗျူဟာအမှားနောက် ဆက်လက်နင်းခဲ့ကြသည်။ Zero Sum game ကို ကစားလိုလျှင် (အင်အား) တည်ဆောက်ရမည်။ ဗိုလ်ချုပ်အောင်ဆန်း လုပ်ခဲ့သလို လူတော်တွေကို ဘက်ပေါင်းစုံက စည်းရုံး (ဆွဲစေ့) ရမည်။ လူတော်တွေကို လိုချင်ရင် ဒီလူတွေကို နေရာပေးရမည်။ အောက်ခြေလူတန်းစား (Grass root) သာမက အဆင့်ဆင့်တွင် ခေါင်းဆောင်ကောင်းများကို မွေးထုတ်နိုင်ရမည်။ Next Generation ဟု ခေါ်သည့် နောက်ခေတ်လူငယ်များကို ပြုစုပျိုးထောင် မွေးထုတ်နိုင်ရမည်။ အခုတော့ ဒီလိုမဟုတ်။ ပြည်တွင်းပြည်ပ (လူကြီး) များက (ရာသက်ပန်) နေရာယူထားကြသည်။ (ငါတို့ အစု) သာ လုပ်ပိုင်ခွင့်ရှိသည်ဟု ခံယူကြကာ မဆလစိတ်ဓာတ် အပြည့်နှင့် (မလုပ်၊ မရှုတ်၊ မပြုတ်) ခံယူချက်နှင့် အပြင်လူ အဝင်မခံ။

တောင်အာဖရိကတွင် မင်ဒဲလား (Mandela) ဦးဆောင်သော အေအင်စီ (ANC) တို့ အနိုင်ရသည်ကို ကြည့်လျှင် မင်ဒဲလားက သတ္တိရှိရှိနှင့် အသားရောင် ခွဲခြားနှိပ်ကွပ်သော အပါသိုက် Apartheid စနစ်ကို ထောင်ထဲတွင် စွန့်စားတိုက်ပြနေချိန်တွင် အောလီဘာတမ်ဘို (Oliver-Tambo) က ပြင်ပတွင် ခေါင်းဆောင်မှုပေးကာ အင်အားကို တည်ဆောက်နိုင်ခဲ့သည်။ နိုင်ငံတကာ ထောက်ခံမှုကို အရယူနိုင်ခဲ့သည်။ စီးပွားရေး ပိတ်ဆို့မှုကို ဦးဆောင်နိုင်ခဲ့သည်။ မင်ဒဲလားသည် အတိုက်အခံ အုပ်စု၏ ရုပ်လွှာ Icon သတ္တိ၊ အောလီဘာတမ်ဘိုက ပြင်ပမှ ခေါင်းဆောင်မှုတို့ ဟန်ချက်ညီစွာ ခေါင်းဆောင်နိုင်ခဲ့ကြသည်။ ဒေါ်စုသည် မင်ဒဲလားကဲ့သို့ သတ္တိရှိသော ခေါင်းဆောင်။ ဒေါ်စု၏ သတ္တိကြောင့် မြန်မာသာမက တကမ္ဘာလုံးက ထောက်ခံလျက်ရှိသော ခေါင်းဆောင်။ သို့သော် ဤထောက်ခံမှုကို (အင်အား) ဖြစ်အောင် ခေါင်းဆောင်နေရာယူထားသည့် လူကြီးများက မတည်ဆောက်နိုင်ကြ။ တည်ဆောက်ရမှန်းပင် သိပုံမပေါ်ကြ။

အဝေးရောက် အစိုးရအဖွဲ့သာ လုပ်တတ်ခဲ့လျှင်၊ နိုင်ငံရေး နားလည်ခဲ့ကြလျှင်၊ အောက်ခြေကို စည်းရုံးသူတွေက စည်းရုံး၊ နိုင်ငံခြားအစိုးရတွေကို လော်ဘီလုပ်သူတွေက လော်ဘီလုပ်၊ စီးပွားရေးပိတ်ဆို့မှု (Sanctions) ကို ဦးစီးသူတွေက ဦးစီး၊ တိုက်ပွဲဝင်နှင့် မြိုင်မြိုင်ဆိုင်ဆိုင် အကောင်အထည် ဖော်နိုင်ခဲ့ကြလျှင် (အင်အား)လည်း တဖြေးဖြေး တိုးတက်လာပြီး ထောက်ခံမှုလည်း တဖြေးဖြေး ကြီးထွားလာစရာ အကြောင်းရှိပါသည်။ အခုတော့ အနှစ် ၂ဝ လုံးလုံး (လုပ်ကြပါ၊ လုပ်ကြပါ) ဟု ကမ္ဘာပတ်၊ လိုက်အော်ကာ ပိုက်ဆံလိုက်တောင်း၊ ငွေတွေသုံး၊ အချိန်တွေòဖံး၊ အခွင့်အရေးတွေ ရှုံးခဲ့ရသည်မှာ တွေးတတ်လျှင် ရင်နာစရာ ကောင်းလှပါသည်။

လူကြီးများက အတွင်းစည်းဝိုင်းကာ လူနည်းစု သက်သက်နှင့်သာ အနိုင်တိုက်လိုကြသည်။ အနှစ် ၂ဝ ကျော် လာသည့်တိုင် စည်းဝိုင်းသာ ကျဉ်းသွားသည်။ တိုးတက်မှုမရှိ။ တိုင်းပြည်ပြင်ပတွင် ၅ ဦး တဖွဲ့နှင့်၊ ကိုယ့်စည်းကိုယ်တားကာ ကြိတ်ဝိုင်းတွေနှင့် အစိတ်စိတ်အမွှာမွှာ ကွဲနေကြသည်။ ကြိုးဝိုင်းအပြင် ရောက်နေကြသည့် အုပ်စုများမှာ မဆလစိတ် အပြည့်နှင့် zero-sum ဗျူဟာကိုင်ကာ အချင်းချင်း ဝိုင်းဆဲနေကြသည်ကိုပင် နိုင်ငံရေး စွန့်စားမှုကြီးသဖွယ် ထင်နေကြသည်။ သူ့ထက်ငါ သတ္တိရှိပြနေကြသည်။ သံရုံးရှေ့ ဆန္ဒပြခြင်း၊ ရှည်လျားလှသော ကြေညာချက်များ ထုတ်ပြန်ခြင်း၊ Website ထောင်၍ လူတကာကို ဆဲဆိုကြခြင်းကိုပင် နိုင်ငံရေး လုပ်နေကြသည်ဟု ယူဆကာ ဘဝမြင့်နေကြသည်။ နအဖ စစ်အစိုးရကို များများဆဲနိုင်သူကို ခေါင်းဆောင်အဖြစ် မှတ်ယူကာ ပုံရိပ်ကို အရောင်တင်နေကြသည်။ အင်အား မတည်ဆောက်နိုင်လျှင် တဦးပြီး၊ တဦး အိုပြီး သေမင်းခေါ်ရာ လိုက်ကြရမည်။ အာဏာရှင်စနစ် ပြိုကွဲမည် မဟုတ်ပါ။

ယနေ့နိုင်ငံရေး အခြေအနေကို သုံးသပ်ရလျှင် ခေါင်းပိုင်းတွင် ဒေါ်စုသည် အနစ်နာခံကာ အာဏာရှင်စနစ်ကို ဆန့်ကျင်နေသော်လည်း ဒေါ်စုနောက်က အင်အားအဖြစ် ပံ့ပိုးရမည့် ဒုတိယအဆင့် ခေါင်းဆောင်ပိုင်း မရှိပါ။ (စကားချပ်။ ။ ဦးဝင်းတင် လွတ်မြောက်လာ၍ မျှော်လင့်ချက် တက်လာသည်။ NLD-LA တွင် လူငယ်များ နေရာရလာခြင်းမှာ အားရဖွယ်ဖြစ်သည်။) တနည်းအားဖြင့် ခါးပြတ်နေပါသည်။ အတွင်းနှင့် အပြင်တွင် အုပ်စုအသီးသီးဖွဲ့ကာ အုပ်စုအချင်းချင်း အားပြိုင်နေကြသော်လည်း အချင်းချင်း အချိတ်အဆက် မရှိကြ။ စည်းဝိုင်းဖွဲ့ထားကြသော စက်ဝိုင်းများ မချိတ်မိကြ။ တကမ္ဘာစီ ဝေးနေကြသည်။ နောက်ဆုံး အချိန်ကြာလာတော့ ဒေါ်စုဆိုင်းဘုတ်ကို ထောင်ပြီး ခွင်ရိုက်စားရသည့် နိုင်ငံရေးလုပ်စားများ ဖြစ်မှန်းမသိ ဖြစ်လာကြသည်။ ပုံရိပ်နိုင်ငံရေးကြောင့် ပြိုင်ဆိုင်မှုများလာကာ အောက်ခြေတွင် ညီညွတ်မှု မရှိကြ၍ (အင်အား) မတည်ဆောက်နိုင်ကြပါ။ မြေစာပင်ဖြစ်ရသူများမှာ အသက်စွန့်၍ တိုက်ပွဲဝင်နေကြတဲ့ အောက်ခြေက သူရဲကောင်းများနဲ့ ပြည်သူတွေသာ ဖြစ်တယ်။

၈ လေးလုံး လူထုတော်လှန်ရေးကြီးနှင့် ရွှေဝါရောင် တော်လှန်ရေးအကြား ၁၉ နှစ် ရှိပါသည်။ ဤ ၁၉ နှစ်အတွင်း တော်လှန်ရေး အင်အားစုအတွင်း ဘာများ ပြင်ဆင်နိုင်ခဲ့ပါသလဲ။ ဘာမှ မပြင်ဆင်နိုင်ခဲ့ကြပါ။ ၈၈ အုပ်စုနောက်ပိုင်း မျိုးဆက်သစ်ခေါင်းဆောင်များ မပေါ်ပေါက်ခဲ့တော့ပါ။ အကြောင်းမှာ လူငယ်လူသစ်များကို ပြုစုပျိုးထောင်ပေးလိုစိတ် မရှိကြ။ ပေးရမည်ကိုပင် မသိကြရုံမက နေရာရထားသည့်သူများက မဆလစိတ်ဓာတ် အပြည့်နှင့် ထိုင်ခုံ မဖယ်ပေးလိုကြ။ အချိန်တွေသာ ကုန်သွားသည်။ တိုးတက်မှု မရှိကြသည်ကိုလည်း ဂရုမပြုနိုင်ကြ။ မျက်စိမှိတ်ကာ လုံးဝ အနိုင်ရရေးကိုသာ ဇွတ်အော်နေကြသည်။ လုံးဝအနိုင်ရရန် လိုအပ်ချက်များကို မစဉ်းစားကြ။ မပြင်ဆင်ခဲ့ကြပါ။

ရလာဒ်မှာ ရွှေဝါရောင် တော်လှန်ရေးကြီး ပေါ်ပေါက်လာသောအခါ ဦးဆောင်ရမည့် ခေါင်းဆောင်နှင့် အဖွဲ့အစည်း မရှိဘဲ နိုင်ငံရေးအရှိန်၊ တိုက်ပွဲအရှိန်ကို မမြှင့်နိုင်ကြ။ ထို့ကြောင့် စစ်အစိုးရက ဂမ်ဘာရီကို ဘန်းပြ၍ ဒေါ်စုနှင့် လှည့်၍ မျှော်လင့်ချက် ပေးလိုက်တဲ့အခါ၊ စစ်အစိုးရရဲ့ နိုင်ငံရေး၊ ထောင်ချောက်ထဲကို တန်းဝင်သွားကြရတာပါ။ ဒေါ်စုကိုယ်နှိုက်လည်း အသုံးချခံလိုက်ရတယ်လို့ ခံစားရမိတယ်။

လက်ရှိဖြစ်ရပ်များနှင့် နိုင်ငံရေး အခြေအနေကို သုံးသပ်ရာတွင်၊ အမှန်တရားကို အခြေပြု၍ သတ္တိရှိရှိ ဝန်ခံစိတ်နှင့် သုံးသပ်ကြည့်လျှင် စစ်အာဏာရှင်အစိုးရနှင့် အတိုက်ခံတို့သည် ဒီမိုကရေစီကို အခြေပြု၍ တိုက်ပွဲဝင်နေကြခြင်းဟု ယေဘုယျအားဖြင့် ပြောနိုင်သော်လည်း ကျင့်စဉ်များမှာ မဆလစိတ်ဓာတ်ကို အခြေပြုသော ကွန်မြူနစ် ကျင့်စဉ်များသာ ဖြစ်သည်။ ဦးနေဝင်းသည် ၎င်း အာဏာတည်မြဲရေးအတွက် ကွန်မြူနစ်တို့၏ ဗဟိုဦးစီးစနစ်ကို ယူလာကာ စစ်ဗိုလ် လူထွက်များနှင့် ကွန်မြူနစ်လူထွက်များကို အားယူကာ "မဆလ" ပါတီကို တည်ထောင်ခဲ့သည်။ ဗမာပြည် ကွန်မြူနစ်ပါတီသည် "အာဏာ" ကို ရအောင် မတိုက်နိုင်သောအခါ အာဏာရနေသော "မဆလ" ပါတီသို့ ကွန်မြူနစ် အများအပြား ဝင်ရောက်ကာ တဆင့်ခံ အာဏာကို ဝင်ရောက်ရယူခဲ့ကြသည်။

၎င်းတို့နှင့်အတူ ကွန်မြူနစ်ပါတီမှ အကျင့်ဆိုးများ ပါလာကာ ဗဟိုဦးစီးစနစ်ဆိုးမှ စီးဆင်းလာသော မဆလ စိတ်ဓာတ်နှင့် အကျင့်ဆိုးကြီးသည် မြန်မာပြည်တပြည်လုံး ပြန့်နှံ့ခဲ့ရသည်မှာ ယနေ့တိုင်ဖြစ်သည်။ ကျနော့်အမြင်ကို တင်ပြရလျှင် ဦးနေဝင်း၏ အမွေဆိုးမှာ စစ်အာဏာရှင်စနစ်ကို ၎င်းကိုယ်ကျိုးအတွက် ထူထောင်ခဲ့သည်သာမက မဆလ စိတ်ဓာတ်နှင့် အကျင့်ဆိုးကို တပြည်လုံးကို ဖြန့်၍ တိုင်းပြည်ကို ဖျက်ဆီးခဲ့ခြင်းပင် ဖြစ်သည်။ ဒီစိတ်ဓာတ်နှင့် ဒီအကျင့်ကို မြန်မာတပြည်လုံး မဖျောက်နိုင်ကြသေးပါ။

နအဖ စစ်အစိုးရသည် မဆလစိတ်ဓာတ်ကို အခြေခံ၍ ဖက်ဆစ် အာဏာရှင်တို့၏ ကျင့်ထုံးအတိုင်း အာဏာသုံး၍ အများပြည်သူကို နိုပ်ကွပ်ရာမှ ဦးနေဝင်းခေတ်ကထက် ပိုမိုယုတ်မာနှိပ်စက်သော ဖက်ဆစ်ရုပ်ပုံ ပိုပေါ်လာသည်။ ရွှေဝါရောင် တော်လှန်ရေးနှင့် နာဂစ် မုန်တိုင်းတွင် ဗိုလ်ချုပ်သန်းရွှေ၏ ဖက်ဆစ်ရုပ်သည် ပိုပေါ်လွင်လာကာ စစ်တပ်က (ပြည်သူ) ကို (ရန်သူ) အဖြစ် သတ်မှတ် ဆက်ဆံလာသည်မှာ ထင်ရှားလာပါသည်။

စစ်အာဏာရှင်ပီပီ ဗိုလ်ချုပ်သန်းရွှေသည် အာဏာနှင့် ရာထူးကို လက်မလွှတ်နိုင်။ အောက်က ဗိုလ်ချုပ်များ၏ ထောက်ခံမှုရရန် ဆရာ၊တပည့် ကြည့်ရှုသည့် Patronage စနစ်ကို ကျင့်သုံးကာ လူတွေကို ငွေနှင့် အာဏာပေးကာ ခိုင်းစားခဲ့ရသည်။ ခိုင်းစားလျက်လည်း ဖြစ်သည်။ အဆင့်ဆင့် အာဏာနှင့် ငွေပေး၍ ခိုင်းစားကြရာက တိုင်းပြည်လည်း မွဲ၍ မြန်မာပြည်လည်း "သူခိုး" နိုင်ငံဖြစ်ခဲ့ရပြီ။ မဆလ စိတ်ဓာတ်ကို အခြေခံခဲ့ရာမှ စစ်အာဏာရှင်စနစ်ဆိုးတို့ သွားရာလမ်းအတိုင်း လက်ရှိ နအဖ အစိုးရသည် တိုင်းပြည်နှင့် လူမျိုးကို ချစ်စိတ်ပျောက်ကာ တကိုယ်ကောင်းစိတ် အစွန်းရောက်သော ဖက်ဆစ်စစ်စစ် ဘဝသို့ ရောက်ကာ တိုင်းပြည်လည်း တရုတ်ကျွန်ဘဝ ရောက်ခဲ့ရပြီ။ ဗိုလ်ချုပ်သန်းရွှေကတော့ စိန်စီသော သမီးများ ခြံရံလျက် ပုလ္လင်ထက်မှ မဖယ်နိုင်ရှာသေးပါ။

ဒီမိုကရေစီအတွက် တိုက်ပွဲဝင်နေကြသော တော်လှန်ရေး ရဲဘော်ကြီးများကို ကြည့်လျှင်လည်း အများစု၏ အခြေခံမှာ မဆလ စိတ်ဓာတ်နှင့် ကွန်မြူနစ်တို့၏ အကျင့်ဆိုးများပင် ဖြစ်သည်။ အစိုးရ၏ ဖမ်းဆီး နှိပ်ကွပ်ခြင်းဘေးမှ ကင်းလွတ်ခဲ့ကြသော အတွင်းနှင့် အပြင် ခေါင်းဆောင်ပိုင်းကို ကြည့်လျှင် မိမိတို့၏ ရာထူးနှင့် ရပိုင်ခွင့်များကို မစွန့်လွှတ်လိုကြ။ ဒီမိုကရေစီ တိုက်ပွဲဝင် နေကြသူများပင် ဖြစ်သော်ငြားလည်း ဝေဖန်မှုကို မခံနိုင်ကြ။ ဒီမိုကရေစီ ကျင့်စဉ်တွင် မရှိမဖြစ်သော Transparency ဟု ခေါ်သည့် ပေါ်ပေါ်ထင်ထင် ဆောင်ရွက်မှုကို မလိုလား။ ကြိတ်ဝိုင်းကလေးများ ဖွဲ့ကာ ကြိတ်စားနေကြသည့် အကျင့်က မပျောက်ကြ။ ဝေဖန်ပိုင်းခြား စဉ်းစားခြင်း Critical Thinking ကို ဦးစားမပေး။ "ငါပြောတာ နားထောင်၊ ငါခိုင်းတာ လုပ်၊ ပြန်မပြောနဲ့" ဟူသော အကျင့်ဆိုးကို မဖျောက်နိုင်ကြသေးပါ။ အချိန်ကြာလာသောအခါ တော်လှန်ရေး အနိုင်ရရှိရေးထက် ကိုယ့်အဖွဲ့၊ ကိုယ့်အုပ်စု၊ ကိုယ့်ရာထူး တည်မြဲရေး အဓိက ဖြစ်လာကြပါတော့သည်။

နအဖ အစိုးရက အာဏာကို သုံး၍ တိုင်းပြည်နှင့် လူမျိုးကို အဓမ္မပြုကျင့်ကာ ခိုးစားလာကြသည်။ ဒီမိုဘက်သားများက ဒေါ်စု အမည်ကို အသုံးပြုကာ လုပ်စားလာကြပါတော့သည်။ ဤသို့ ဖြစ်ရသည်မှာ နှစ်ဖက်စလုံး၏ အခြေခံမှာ ဦးနေဝင်း အမွေပေးခဲ့သော မဆလ စိတ်ဓာတ်နှင့် အကျင့်ဆိုးဖြစ်သည်။ မဆလ စိတ်ဓာတ်နှင့် အကျင့်တို့ အဖျားခံရာသည် ဗဟိုဦးစီးစနစ်နှင့် မက်(စ်) Marx အတွေးအခေါ် ဖြစ်သည်။ ဤသည်တို့မှ ပုံရိပ်နိုင်ငံရေး မိမိဘက်အနိုင်ရရေး Zero Sum Game အတွေးအခေါ်တို့သည် ယနေ့ထက်တိုင် မြန်မာ့နိုင်ငံရေးတွင် လွှမ်းမိုးလျက်ရှိသည်။

ဤအခြေအနေကြားမှ အလင်းရောင်တန်းတခုကို မြင်မိ၍ အားတက်မိသည်။ လူကြီး၊ လူလတ်ပိုင်း (၄ဝ-၇ဝ) တန်းများကြားတွင် ပုံရိပ်နိုင်ငံရေးကို ဖက်ပြီး အချင်းချင်း နှိပ်ကွပ်ကာ နိုင်ငံရေးအသေသတ်ရန် ကြိုးစားနေသော်ငြားလည်း အင်တာနက်ခေတ်တွင် ကြီးပြင်းလာကြသော လူငယ်ပိုင်းတွင် Critical Thinking ဟု ခေါ်သည့် ဝေဖန်ပိုင်းခြားစဉ်းစားမှု အတွေးရှိကြသည်။ ပြောတိုင်းမယုံကြ။ လေ့လာပြီးမှာ လက်ခံပုံရသည်။ ပြည်တွင်းတွင် ခေတ်ပေါ် Wave မဂ္ဂဇင်းမျိုး ဖတ်ရှုလေ့လာ နှစ်သက်လာကြသည်။ လူကြီးများက လူငယ်များကို ပြုစုပျိုးထောင်ပေးဖို့လိုသည်ဟု မြင်မိသည်။ ထို့ထက် တလှမ်းတိုးဖို့ လူငယ်တွေအတွက် နေရာပေးဖို့လိုသည် ဆိုချင်သည်။ ၈၈ မျိုးဆက် ပြီးကတည်းက လူငယ်မျိုးဆက်သစ်တို့ နေရာ မရကြ။ လူငယ်လှိုင်း (New Wave) ကို ဖော်ထုတ်ဖို့ လိုသည်။

အရေးအကြီးဆုံး အမြင်တခုမှာ ဒီလူငယ်တွေကို လူကြီးတွေ၏ "ဆိုးမွေ" ဖြစ်သော ပုံရိပ်နိုင်ငံရေး၊ လူချနိုင်ငံရေးကို လူငယ်မျိုးဆက်များကို မပေးကြဖို့ တိုက်တွန်းစေချင်သည်။ မဆလ စိတ်ဓာတ်ကို လက်ဆင့် မကမ်းမိရန် သတိပြုစေချင်သည်။

အမှားကို မြင်မှ အမှန်ကို ပြင်နိုင်မည်။

အမှားကို ဝန်ခံမှ အမှန်ကို ပြင်ချင်စိတ်ရှိမည်။

နိုင်ငံရေးမှာ "အင်အား" မရှိဘဲ "အာဏာ" မရနိုင်ပါ။

"အာဏာ" ရဖို့ အဖွဲ့အစည်းနှင့် နိုင်ငံရေး အဆောက်အဦ Political Infrastructure ကို တည်ဆောက်ရမည်။

ညီညွတ်မှ "အင်အား" ရပါမည်။

အင်အား မရှိလျှင် အပြင် အင်အား UN/US၊ ကို အားကိုးနေကြရပါမည်။

နအဖကို လက်ဖြန့်တောင်း၍ မရပါ။

တိုက်ယူမှ ရပါမည်။

စနစ်မပြောင်းဘဲ၊ တိုင်းပြည် မထူထောင်နိုင်ပါ။

နိုင်ငံတကာအလယ်တွင် ကျနော်တို့ မြန်မာနိုင်ငံ နောက်ကျကျန်ခဲ့ပြီ။ အချိန်တွေ ဖြုံးနေဖို့၊ အခွင့်မရှိတော့ပါ။ ညီညွတ်ရန် အချိန်တန်ပါပြီ။

ကျနော် ဘာကြောင့် ပုံရိပ်နိုင်ငံရေးကို ရေးရတာလဲ။

မဆလ စိတ်ဓာတ်၊ ဇီးရိုးဆမ်း (Zero Sum) အစွဲ၊ ကျနော်တို့ အားလုံးဟာ နိုင်ငံရေး (အတွေး) အမှောင်ထုအထဲက မထွက်နိုင်ကြသေးပါ။ ဒီအတွေးအမှောင်ထဲမှာ ရွာလည်နေကြတုန်း၊ ကွန်မြူနစ်တွေရဲ့ လူချတဲ့ ဉာဉ်ဆိုးကို အတုယူပြီး (လူချ)တဲ့ သံသရာဝဲမှာ လည်ရင်း (ညီညွတ်မှု)ကို မတည်ဆောက်နိုင်ကြဘူး။ ဒီစိတ်ဓာတ်ဆိုး၊ အတွေးဆိုး၊ အကျင့်ဆိုးတွေက လွတ်ထွက်ပြီး၊ လက်တွေ့ကျတဲ့ ပေါ်လစီနဲ့ ညီညွတ်မှုကို တည်ဆောက်ပြီး၊ ဒီမိုကရေစီအောင်ပွဲ ခံစေချင်တဲ့ စေတနာနဲ့ ပုံရိပ်နိုင်ငံရေးကို တင်ပြ ဆွေးနွေးရခြင်း ဖြစ်ပါသည်။

ကျနော်တိုက်တာ "အတွေးအခေါ်" နဲ့ "အကျင့်စရိုက်" ကို တိုက်တာပါ။ "ပါတီ" ကိုသော်၎င်း၊ "လူပုဂ္ဂိုလ်" ကိုသော်၎င်း၊ တိုက်တာ မဟုတ်ပါ။

တခုတော့ သတိပြုစေချင်ပါသည်။ ဆောင်းပါးတစောင်၊ စာတပုဒ်၊ အတွေးအခေါ် ပါသည့် နိုင်ငံရေး စာစောင်တခုကို ဖတ်ရာမှာ၊ မိမိ၏ "အသိ" knowledge ၊ ဘဝဖြတ်သန်းမှု၊ မိမိ၏ နိုင်ငံရေး ခံယူချက်အပေါ် မူတည်ပြီး၊ "နားလည်မှု" ကွာခြားနိုင်ပါသည်။

ညအခါ မိုးကောင်းကင်ကို မော်ကြည့်လိုက်ပါ။ မှိတ်တုတ်၊ မှိတ်တုတ် အရာကလေးများကို တွေ့မြင်ရပါလိမ့်မည်။ ယေဘုယျအားဖြင့် "ကြယ်" ကလေးတွေဟု တွေးထင်ကြပါလိမ့်မည်။ အားလုံးသည် ကြယ်တွေ မဟုတ်ကြပါ။ တချို့မှာ "ဂြိုဟ်" Planets ဖြစ်ကြ၍၊ တချို့မှာ ကြယ်သန်းပေါင်းများစွာ ပါဝင်သော "ကြယ်အစု" Galaxies – များကို မှိတ်တုတ်၊ မှိတ်တုတ် "အစက်အပြောက်" ကလေးအဖြစ်သာ၊ သာမာန်မျက်စိဖြင့် တွေ့မြင်ကြရပါမည်။ အားကောင်းသော မှန်ဘီလူး၊ မှန်ပြောင်း (Telescopes) များနှင့် ကြည့်မှ ခွဲခြားသိမြင်နိုင်ပါသည်။ အားကောင်းသည့် မှန်ပြောင်းအပေါ် မူတည်၍ "အမြင်" ကြည်၊ မကြည်၊ ခွဲခြားနိုင်ပါသည်။ ထို့အတူ စာဖတ်သူ၏ နောက်ခံ "အသိ" Background Knowledge – အပေါ် မူတည်၍၊ ဆောင်းပါး၏ ရည်ရွယ်ချက်၊ အတိမ်အနက်ကို နားလည်မှု ပြောင်းလဲ၊ ပြောင်းလွဲသွားနိုင်ပါသည်။

"အသိ" အပြင်၊ ဘဝဖြတ်သန်းမှု အတွေ့အကြုံအရလည်း "အမြင်" ပြောင်းလဲသွားနိုင်ပါသည်။

ကောင်းကင်ပေါ်မှ ကြယ်၊ ဂြိုဟ်တို့ကို လေ့လာသည့်ပညာ Astronomy "နက္ခတဗေဒ" အပေါ် မူတည်၍ ဖြစ်ပေါ်ခဲ့သော တကယ့် အဖြစ်အပျက်ကလေးနှင့် ဥပမာပြပါရစေ။ လွန်ခဲ့သည့် ၃-၄ လလောက်က ထင်ပါသည်။ အမေရိကန် ပြည်ထောင်စုရှိ လော့(စ်)အိန်ဂျိလိ(စ်) Los-Angeles-မြို့၏ မြို့တော်ဝန် အစည်းအဝေးတွင် လူဖြူရပ်ကွက် ကိုယ်စားလှယ်နှင့် လူမဲရပ်ကွက် ကိုယ်စားလှယ်တို့ အငြင်းအခုန် ဖြစ်ရာက၊ လူဖြူရပ်ကွက် ကိုယ်စားလှယ်က 'Black-Hole' ဟူသော စကားအသုံးအနှုံးကို သုံးစွဲခဲ့ပါသည်။ နက္ခတဗေဒ အရ Black Hole ဆိုသည့်အရာမှာ၊ Gravity "ဆွဲအား" ကြီးမားလွန်းသဖြင့် ၎င်း၏စက်ဝန်း Event-Horizon အတွင်း ကျရောက်သွားသော အလင်းရောင် Light ပင် ပြန်မထွက်လာနိုင်တော့ပါ။ ထို့ကြောင့် ပြန်ပေါ် မလာတော့သော အရာ (သို့မဟုတ်) လုံးလုံး ဆုံးပါးသွားပါလျှင် Black-Hole ဟု တင်စားလေ့ ရှိပါသည်။ သို့သော် သာမာန်အတွေးနှင့် ရိုးရိုးတွေးခဲ့လျှင်Black ဆိုသည်မှာ "အမဲ"၊ Hole ဆိုသည်မှာ "အပေါက်"၊ အမဲအပေါက်ဟု အဓိပ္ပာယ် ဖော်နိုင်ပါသည်။ ထို့ကြောင့် လူမဲရပ်ကွက်မှ ရပ်ကွက်လူကြီးက သူ့ကို လူမဲဖြစ်၍ သက်သက်စော်ကားသည်၊ နှိမ်ပါသည်ဟု ထင်မြင်ကာ ဒေါသူပုန် ထပါတော့သည်။ ရှင်းပြ၍မရ၊ တောင်းပန်၍ မရတော့ပါ။ ထို့ကြောင့် နောက်တနေ့ သတင်းစာများတွင် ပါလာကာ ကမ္ဘာအနှံ့ သတင်းပြန့်ကာ အရှက်တကွဲ ဖြစ်ခဲ့ရပါသည်။

ထို့ကြောင့် ကျနော်က စေတနာသန့်သန့်နှင့် တင်ပြဆွေးနွေးသည်ကို တလွဲကောက်ကာ စွပ်စွဲ တိုက်ခိုက်လာပါလျှင် ကျနော် ဘာမှ တတ်နိုင်မည်မဟုတ်ပါ။ လူတဦးတယောက်စီ၏ နားလည်မှု (အသိ)၊ စာဖတ်အား၊ ဗဟုသုတနောက်ခံ၊ ဘဝဖြတ်သန်းမှုများကို ကျနော် သိနိုင်စွမ်း မရှိပါ။

ဝါဒအတွေးခေါင်သူများ၊ သဘောတရား တာလီဘန်များ (Idealogy Talibans) ၊ လက်ဝဲသူငယ်နာ မစင်သေးသူများက ယုတ်ညံ့သော အသုံးအနှုန်းများနှင့် စော်ကားတိုက်ခိုက်လာလျှင်၎င်း၊ ပြည်သူတဦး၊ ဝေဖန်သူတဦးဟု အမည်မဖော်ရဲဘဲ အမှောင်ထဲက လက်သီးပုန်း ထိုးလိုသူများကို၎င်းး၊ ၎င်းတို့နည်းတူ ညစ်ညစ်ညမ်းညမ်း အခြေမဲ့ ပြောဆိုချေပရန် ကျနော့်မှာ အခြေအနေ အခွင့်အရေး မရှိပါ။ အမည်ရင်းနှင့် ဗြောင်ရေးသူမို့ မိဖမျက်နှာ အိုးမဲမသုတ်ရဲပါ။ ထိုသူအသီးသီးကို အစွဲလွန် (ပုံရိပ်နိုင်ငံရေး) သမားများအဖြစ် နားလည်ပေးရုံသာ ရှိပါသည်။

ရိုးရိုးသားသား အမြင်မတူသူ၊ ကျနော်၏ တင်ပြဆွေးနွေးချက်များကို လက်မခံသူတို့၏ ဝေဖန်မှုများကို အစဉ်ကြိုဆိုလျက်ရှိသည်ကို စာဖတ်ပရိသတ်ကြီးအား သိစေလိုပါသည်။

ဘိုဘိုကျော်ငြိမ်း

ရဲဘက်စခန်းမှ လွတ်မြောက်လာသော ရွှေဝါရောင် သံဃာတော်တပါး၏ ရင်ဖွင့်ချက်

အင်တာဗျူး
မြင့်မောင်၊ ဝိုင်းပီး အောက်တိုဘာလ 2008

ချင်းပြည်နယ် တီးတိန်မြို့နယ်ရှိ ဆိုးရွားလှသည့် လင်တန် ရဲဘက် အကျဉ်းစခန်းတွင် ၃ လခွဲနီးပါး အလုပ်ကြမ်းနှင့် နှိပ်စက် ညှဉ်းပမ်းမှုများ ခံရပြီးနောက် ပြီးခဲ့သည့်လ ၁၈ ရက်နေ့တွင် အိန္ဒိယနိုင်ငံ မီဇိုရမ်ပြည်နယ် မြို့တော် အိုက်ဇောသို့ ဦးဇင်း ဦးပညာသီရိ (ရန်ကုန်ကျောင်းတိုက်၊ မန္တလေးတိုင်း ပြည်ကြီးတံခွန်မြို့နယ်) ထွက်ပြေး လွတ်မြောက်လာခဲ့သည်။

ဦးဇင်းသည် ပြီးခဲ့သည့်နှစ် စက်တင်ဘာလအတွင်းက သံဃာတော်များ ရှေ့ဆောင်ဦးရွက်ပြုသည့် ရွှေဝါရောင် လှုပ်ရှားမှုကြီးတွင် ဦးဆောင်ပါဝင်ခဲ့ပြီး အောက်တိုဘာလ ၁၈ ရက်နေ့တွင် အာဏာပိုင်များက မုံရွာမြို့တွင် ဖမ်းဆီးနှိပ်စက်ကာ ထောင်ဒဏ် ၃ နှစ် ချမှတ်လိုက်သည်။ မုံရွာထောင်တွင် ၇ လခန့် အကျဉ်းချထားပြီးနောက် ၂ဝဝ၈ ခုနှစ် မေလနှောင်းပိုင်းတွင် ကလေးထောင်မှတဆင့် ချင်းပြည်နယ်ရှိ ရဲဘက် အလုပ်ကြမ်း စခန်းသို့ ပို့ဆောင်ခံခဲ့ရသည်။

ရဲဘက်စခန်းအတွင်း လူမဆန်စွာ ညှဉ်းပမ်း နှိပ်စက်မှုများနှင့် ထွက်ပြေး လွတ်မြောက်လာပုံကို သိရှိနိုင်ရန်အတွက် မဇ္ဈိမသတင်းဌာနက တွေ့ဆုံလျှောက်ထား မေးမြန်းချက်များကို တင်ပြလိုက်ပါသည်။

မေး။ ရွှေဝါရောင်တော်လှန်ရေးမှာ ဦးဇင်းက ဘယ်လို အခန်းကဏ္ဍကနေ ပါဝင်ခဲ့ပါသလဲ ဘုရား။

ဖြေ။ ဦးဇင်းအနေနဲ့ ရွှေဝါရောင် တော်လှန်ရေးမှာ သံဃာ့တပ်ပေါင်းစု ဦးဆောင်ဆရာတော် ဦးသြဘာသနဲ့ လက်တွဲပြီးတော့ လုပ်ခဲ့တယ်။

မေး။ ဘယ်လို အဖမ်းခံခဲ့ရလဲ ဘုရား။

ဖြေ။ ရွှေဝါရောင် တော်လှန်ရေးအပြီးမှာ၊ သံဃာ့တပ်ပေါင်းစုက ကိုယ်တော်တွေကို စစ်အစိုးရက ဖမ်းဝရမ်းထုတ်တဲ့ အချိန်မှာ ဦးဆောင် ဆရာတော်တွေဟာ ရှောင်တိမ်းနေရတယ်။ ဦးဇင်းလည်း အပါအဝင်ပေါ့။ အဲဒီလို ရှောင်တိမ်းချိန်မှာ ဦးဇင်းကျောင်းကို စရဖ (စစ်ဘက်လုံခြုံရေးတပ်)၊ ကြံ့ခိုင်ရေး၊ ရဲတို့က ၃ ကြိမ်လောက် လာရောက် စီးနှင်း ရှာဖွေခဲ့တယ်။ ကံကောင်း ထောက်မစွာဖြင့် ဦးဇင်းက အပြင်ကို ရောက်နေခဲ့တယ်။ ဒီသတင်းတွေကြားတော့ ဦးဇင်းလည်း မုံရွာမြို့ကို ရှောင်တိမ်းခဲ့ပါတယ်။

ဖမ်းတဲ့ အချိန်က အောက်တိုဘာက ၁၈ ရက်နေ့၊ ည ၇ နာရီလောက် ရှိမယ် ထင်ပါတယ်။ အဲဒီအချိန်မှာ မုံရွာမြို့က soft link internet café မှာ အင်တာနက် အသုံးပြုနေတုန်း အဲဒီမှာ ဆိုင်ပိုင်ရှင်က ဖုန်းဆက်ပြောပုံ ရတယ်။ ခဏနေတော့ ပြန်အထွက်မှာ ရဲတွေရောက်လာပြီး ဖမ်းဆီးခံလိုက်ရတာ။

မေး။ ဖမ်းတုန်းက ဘယ်သူတွေ ပါသလဲ ဘုရား။ ပြီးတော့ ဘယ်ကို ခေါ်ဆောင်သွားလဲ။

ဖြေ။ လုံထိန်းရဲတွေ ပါတယ်၊ စစ်သားတွေ ပါတယ်။ အစိတ် (၂၅ ယောက်) - ၃ဝ လောက်ရှိမယ် ထင်တယ်။ သူတို့က ဦးဇင်းကို မေးစရာရှိလို့ ဆိုပြီးတော့ စခန်းကို ခဏလောက် လိုက်ခဲ့ပါလို့ ပြောတယ်။ ဦးဇင်းက ‘မေးစရာရှိရင် ဒီနားမှာ မေးပါ၊ ဘာမေးစရာ ရှိလို့လဲ’ ဆိုတော့ ‘စခန်းရောက်မှ ဖြေပါ။ စခန်းကျမှ မေးပါလိမ့်မယ်’ ဆိုပြီးတော့ မုံရွာမြို့ အမှတ် ၁ ရဲစခန်းကို ခေါ်သွားတယ်။

မေး။ စစ်ဆေးတာကရော ဘယ်လိုလဲ ဘုရား။

ဖြေ။ ဦးဇင်းဖြေတဲ့ အဖြေက သူတို့ စိတ်တိုင်းကျ မဟုတ်ဘူး။ သူတို့ လိုချင်တဲ့ အဖြေမဟုတ်ဘူးဆိုတော့ အဆိုးဆုံးက စရဖ အရာရှိ ကိုကိုအောင်ရယ်၊ ဦးစန်းဝင်းရယ်က ဦးဇင်း ရင်ဘတ်ကို စစ်ဖိနပ်နဲ့ ဆောင့်ကန်တယ်။ မျက်နှာကို စစ်ဖိနပ်နဲ့ ပေါက်တယ်။ နောက်ပြန် လက်ထိပ် ခတ်ထားတယ်။ မေးခွန်းတခု မေးတိုင်း ဦးဇင်းကို နားရင်းပါးရင်း ရိုက်တယ်၊ လက်သီးနဲ့ ထိုးတယ်။ ဦးဇင်းလည်း မေ့မြောသွားအောင် ခံစားရတယ်။ နောက်က ပြစ်ရိုက်တာ ရှေ့စားပွဲပေါ် မှောက်သွားတာပဲ။ နောက်ဆုံးတော့ ဦးဇင်းလည်း လုံးဝ မခံနိုင်တော့ဘူး။ ဦးဇင်းရဲ့ လက်အကြောတွေ၊ လက်တွေကို ချိုးတာပေါ့။ ကျဉ်ကြောတွေ နှိပ်တယ်။

နံကြားတွေကို ထောက်ပြီးတော့ မ’တာတွေ ရှိတယ်။ နားရင်းတွေကို ရိုက်တယ်။ နားရွက်တွေကို ဆောင့်ဆွဲတယ်။ နည်းမျိုးစုံနဲ့ စစ်ဆေးတယ်။ ခြေထောက်တွေကို တက်ကျိတ်တာက ဦးဇင်း ထောင်ကျတဲ့ အချိန်ထိ လမ်းကို ကောင်းကောင်း မလျှောက်နိုင်ဘူး။ ခြေသန်းတွေမှာ သွေးခြေဥနေတယ်။ ဦးဇင်း လုံးဝ မခံနိုင်တော့တဲ့အတွက် ဘာလုပ်လဲဆိုတော့ ဒီဝေဒနာတွေ မေ့သွားတာ ကောင်းတယ်ဆိုပြီးတော့ ဦးဇင်းရှေ့က ရှေ့မှာ ရှိတဲ့ စားပွဲကို ခေါင်းနဲ့ ပစ်ဆောင့်လိုက်တယ်။ ဘေးမှာရှိတဲ့ ရဲစခန်းမှူး ဦးအောင်ဝင်းက အတင်း ဦးဇင်းကို ဖက်ပြီးတော့ ‘ဦးဇင်း ... အဲဒီလို မလုပ်ပါနဲ့။ တပည့်တော်တို့က တာဝန်အရ လုပ်ရတာပါ။ အထက်က ညွှန်ကြားချက်အရ လုပ်ရတာပါ’ လို့ ပြောတယ်။

ဦးဇင်းက အဲဒီဟာမျိုး လုပ်လိုက်တော့ တဖြေးဖြေးနဲ့ လက်လျှော့ သွားတယ်။ ဒါပေမဲ့ အောက်တိုဘာလ ၁၈ ရက်ကနေ ၂၄ ရက်နေ့အထိက နေ့ရော၊ ညပါ စစ်ဆေးတယ်။ ရေတောင် သောက်ခွင့်မပေးဘူး။ သူတို့အထက်က လူကြီးတွေ လာတဲ့အခါမှာ ခေါ်ပြီးတော့ စစ်ဆေးတယ်။ လူကြီးတယောက် လာလို့ရှိရင် တခြားအခန်းကို ပြောင်းပြီး စစ်ဆေးတယ်။ ‘လုံးဝ အဖြေမှန်မပေါ်ရင် အဖြေမှန်ပေါ်အောင်သာ စစ်ကွာ’ ဆိုပြီးတော့ အမိန့်ပေးတယ်။ နောက်ပိုင်းကျတော့ ဦးဇင်းကို ဘယ်လောက်ထိ ခြိမ်းခြောက်လဲဆိုတော့ ‘ဦးဇင်းရဲ့ ခန္ဓာကိုယ်တွေပေါ်မှာ ဖယောင်းတိုင် ထွန်းပြီးတော့ စစ်ဆေးမယ်’ ဆိုတာမျိုးထိ ပြောလာတယ်။

သူတို့ ဘာတွေ ထပ်မေးလဲဆိုတော့ ‘၈၈ ကျောင်းသားအုပ်စုကို သိလား၊ သူတို့နဲ့ အဆက်အသွယ်ရလား၊ NLD ပါတီက ဘယ်သူတွေနဲ့ အဆက်အသွယ်ရှိလဲ၊ ဘယ်သူတွေ သိလဲ’ ဆိုတော့ ဦးဇင်းက ‘ဘယ်သူတွေနဲ့မှ မသိပါဘူး။ အဆက်အသွယ်လည်း မရှိပါဘူး’ ဆိုပြီး ဖြေလိုက်တယ်။ ‘ငါတို့က အချက်အလက်တွေ ရပြီးသား။ မင်း ဗကသ လား။ ဗကပ လား’ ဆိုပြီးတော့ မေးတယ်၊ စွပ်စွဲတယ်။

ပိုဆိုးတာက ဦးဇင်းရဲ့ ပိုက်ဆံအိတ်ထဲမှာ အမေရိကန် စင်တာမှာ စာကြည့်တိုက် ကပ်ပြားလေး ပါတော့ သူတို့က ဘာမေးလဲဆိုတော့ ‘အမေရိကန် စင်တာမှာ နိုင်ငံရေးသင်တန်းတွေ တက်တာ မဟုတ်ဘူးလား။ အဲဒီမှာ နိုင်ငံရေး သင်တန်းတွေ ပို့ချနေတယ်၊ ဘာတွေ ပို့ချနေလဲ။ မပြောလို့ရှိရင် ဒီထက် ကြမ်းတမ်းတဲ့ စစ်ဆေးနည်းတွေနဲ့ စစ်ဆေးမယ်’ တဲ့။

‘အခုချိန်မှာ မင်းဟာ ငါတို့ လက်ခုပ်ထဲမှာ ရောက်နေတယ်။ ငါတို့ လုပ်ချင်သလို လုပ်လို့ရတယ်။ အဖြေမှန်ပေါ်အောင် မပြောလို့ရှိရင်၊ အဖြစ်မှန်ကို မပြောဘူးဆိုရင် ငါတို့ ရာထူးပြုတ်ရင် ပြုတ်သွား ပလေ့စေ၊ ဒဏ်ရာ အနာတရ မရှိဘဲနဲ့ သတ်တဲ့ နည်းတွေ အများကြီး ရှိတယ်’ လို့ ခြိမ်းခြောက် စစ်ဆေးတယ်။

‘နိုင်ငံတော် အကြည်ညိုပျက်စေမှု၊ တရားမဝင် အသင်းအဖွဲ့ ဖွဲ့စည်းမှု၊ အစိုးရကို အကြည်အညို ပျက်စေတဲ့ ရေးသားမှု၊ တရားမဝင် ငွေကြေးကိုင်ဆောင်မှု - ပုဒ်မတွေ အများကြီး တပ်တယ်။ နောက်ဆုံးမှာ ဒီကောင်တွေက မြန်မာနိုင်ငံမှာ နိုင်ငံရေးအကျဉ်းသား မရှိဘူးဆိုတာ ပြချင်တာနဲ့ နိုင်ငံခြားငွေ ကိုင်ဆောင်မှု ပုဒ်မနဲ့ ထောင်ဒဏ် ၃ နှစ် ချလိုက်တယ်။ ပြီးတော့ အောက်တိုဘာလ ၂၄ ရက်နေ့မှာ ဦးဇင်းကို မုံရွာထောင်ကို ပို့လိုက်တယ်။

မေး။ မုံရွာထောင်တွင်း အခြေအနေကို ပြောပြပေးပါလား ဘုရား။

ဖြေ။ မုံရွာ ထောင်ထဲတုန်းက ဦးဇင်း နောက်ကို အင်ဖော်မာ (သတင်းပေး) တွေ ထည့်ပေးထားတယ်။ ဦးဇင်းက လူတယောက်ကို စကားပြောမယ်ဆိုရင် နောက်ကနေ နားထောင်တာတို့၊ စောင့်ကြည့်တာတို့၊ အဲဒါတွေ လုပ်တယ်။ လူတယောက်နဲ့ စကားပြောပြီးတိုင်း ဦးဇင်းကို ရုံးကို ခေါ်ပြီးတော့မှ ‘သူ့ကို ဘာတွေ ပြောသလဲ၊ ဦးဇင်းနောက်မှာ တပည့်တော်လူတွေ ရှိတယ်၊ မဟုတ်တာတွေ မလုပ်ပါနဲ့၊ ဦးဇင်းကို သိက္ခာချမယ်’ လို့ ပြောတယ်။

မုံရွာထောင်ထဲ ရောက်တော့ စရဖ အရာရှိ ဦးစန်းဝင်းနဲ့ အက်စ်ဘီ ၂ ယောက်ရယ် မုံရွာမြို့ ရွှေကူကျောင်းတိုက်က သံဃနာယကဆရာတော် ဦးဇောတိကတို့ လာပြီးတော့မှ သိက္ခာ ချခိုင်းပါတယ်။ ဦးဇင်းကို သိက္ခာချခိုင်းတာ အနည်းဆုံး ၃-၄ ကြိမ်လောက် ရှိတယ်။

“မင်းရဲ့ သာသနာဝင် ကဒ်ပြားကို သိမ်းလိုက်ပြီ ဖြစ်တဲ့အတွက် ထောင်ကနေ လွတ်လာလို့ရှိရင်လည်း ဘုန်းကြီးဝတ်လို့ မရဘူး။ အခုလိုအချိန်မှာ သိက္ခာချမယ်ဆိုရင် နောက်ပြန်ဝတ်ချင်ရင် ဝတ်ခွင့်ပေးမယ်” လို့ ဦးဇောတိက က ပြောသေးတယ်။

ဒုထောင်မှူးကလည်း မကြာခဏ ခေါ်ခေါ်ပြီးတော့မှ သိက္ခာချခိုင်းတာတွေ ရှိတယ်။ ဝိနည်းနဲ့ ပတ်သက်တဲ့ မေးခွန်းတွေ၊ နောက် သံဃတပ်ပေါင်းစုနဲ့ ဆက်နွယ်တဲ့ မေးခွန်းတွေ၊ ရွှေဝါရောင် သံဃတော်လှန်ရေးမှာ ပါဝင်ခဲ့တဲ့ ပုဂ္ဂိုလ်တွေအကြောင်း မေးပါတယ်။ နောက်ပိုင်းမှ မေးတဲ့ ဒုထောင်မှူးဆိုသူဟာ စရဖ အရာရှိ ဦးစန်းဝင်းရဲ့ လူဆိုတာ သိလာတယ်။

မေး။ မုံရွာထောင်မှာ နိုင်ငံရေး အကျဉ်းသားတွေ၊ သံဃာတော်တွေ ဘယ်လောက်ရှိလဲ ဘုရား။

ဖြေ။ မုံရွာထောင်ထဲမှာ အများကြီးပဲ ဒကာကြီး။ အရပ်ဘက် အကျဉ်းသားတွေ ရှိတယ်။ ဘုန်းကြီးတွေ ၆ ပါးလောက် ရှိတယ်။ နိုင်ငံရေး အကျဉ်းသား ၁ဝ ယောက်လောက် ရှိမယ်။ သတိထားမိတာက မြစ်ကြီးနားဘက်က ဦးစောထွန်း ဆိုတဲ့ နိုင်ငံရေးသမားကြီး ရှိတယ်။ သူက တိုက်ပိတ် ခံထားရတယ်။

မေး။ ထောင်ထဲမှာရော ဦးဇင်းကို နှိပ်စက်ညှဉ်းပမ်းတာတွေ ရှိလား။

ဖြေ။ ဦးဇင်းကို နှိပ်စက်ညှဉ်းပမ်းတာတော့ ရှိတာပေါ့။ ရောက်သွားပြီး မကြာမီ ဆရာတော် ဦးဂမ္ဘီရတို့ အဖမ်းခံရတဲ့အတွက် ဦးဇင်းကို လာစစ်ဆေးတယ်။ ‘သံဃတပ်ပေါင်းစုက ဆရာတော်တွေ ဘယ်မှာ ရှိသလဲ။ ဦးသြဘာသတို့ ဘယ်မှာ နေသလဲ၊ ရွှေဝါရောင်မှာ ပါဝင်ခဲ့တဲ့ ဆရာတော်တွေထဲက ဘယ်ဘုန်းကြီးတွေ သိသလဲ’ ဆိုတာတွေ မေးတယ်။ ‘မသိပါဘူး။ ပါလည်း မပါခဲ့ပါဘူး’ လို့ ဖြေလိုက်တယ်။ ဖြေပေမယ့် သူတို့က လုံးဝ လက်မခံဘူး။

မေး။ ဇန်နဝါရီလ ၁၈ ရက်နေ့မှာ ပြစ်ဒဏ်ချပြီးနောက် ဘယ်တွေကို ထောင်ပြောင်းရွှေ့တာတွေ ရှိသေးလဲ ဘုရား။

ဖြေ။ ဦးဇင်းကို ၂၁ ရက်၊ မေလမှာ ကလေးထောင်ကို ပို့တယ်။ ကလေးထောင်မှာ တပတ်လောက်နေပြီး မေလကုန်ပိုင်းလောက်မှာ ချင်းပြည်နယ် တီးတိန်မြို့နယ် လင်တန် ရဲဘက်စခန်းကို ပို့လိုက်ပါတယ်။

မေး။ ကလေးမြို့ ထောင်မှာရော စစ်ဆေး မေးမြန်းတာတွေ ရှိသေးလား။

ဖြေ။ ကလေးထောင်ထဲမှာတော့ စစ်ဆေး မေးမြန်းတာတွေတော့ မရှိဘူး။ ဘာဖြစ်လို့လဲဆိုတော့ အဲဒီအချိန်မှာ ရဲဘက်ပို့ဖို့ သံခြေကျင်းတွေ ခတ်ထားပြီလေ။ မုံရွာကနေ ပို့လိုက်တဲ့ အကျဉ်းသား ၁ဝဝ ရှိတယ်။ အားလုံးကို သံခြေကျင်းတွေ ခတ်ထားတယ်။ တချို့ ရဲဘက်ပြေးတွေ ပါတယ်။ စစ်ပေါ်တာတွေ ပါတယ်။ အသက်လုပြီး ပြေးခဲ့တဲ့ သူတွေကို သံခြေကျင်း နှစ်ခု ခတ်ထားတယ်။ မုံရွာထောင်ကနေ ကလေးထောင်ထိ သွားရတဲ့ဟာက သံခြေကျင်းတွေနဲ့ နှစ်ယောက် တတွဲ သွားရတယ်။

မေး။ ရဲဘက်စခန်းကို ဘယ်လိုပို့လဲ ဘုရား။ ဘာအလုပ်တွေ လုပ်ရလဲ။

ဖြေ။ မေလကုန်လောက် ရောက်တဲ့အချိန်ကစပြီး သံခြေကျင်းတွေ ခတ်ပြီးတော့ ဦးဇင်းတို့ကို အလုပ်ကြမ်းခိုင်းပါတယ်။ ထင်းတုံးကြီးတွေ ထမ်းရတယ်။ ချင်းပြည်နယ်ဆိုတာ သိတဲ့အတိုင်းပဲ၊ တောင်တန်းကြီးတွေ။ ချောက်ထဲကနေ တောင်ကုန်းပေါ်ထိ ထမ်းတင်ရတယ်။ အဲဒီတိုင်တွေကို တနင်္ဂနွေနေ့ရက်တွေမှာလည်း ထမ်းတင်ရတယ်။ နားရက်မရှိဘူး။ ထမ်းတင်ရတဲ့ အခါမှာလည်း ရှေ့ကလူကို နောက်ကလူက မှီအောင် လိုက်ရတယ်။ မမှီတဲ့ လူတွေကို တပ်ခွဲမှူး၊ တပ်စုမှူးတွေက နောက်ကနေ တအုံးအုံး တဘုံးဘုံးနဲ့ ရိုက်တယ်။ ထင်းတုံးကို မနိုင်လို့ လဲသွားတဲ့သူတွေကို ခြေတောက်နဲ့ ပိတ်ကန်တယ်။ ရင်ဝကို ဆောင့်ကန်တယ်။ နှိပ်စက်တာတွေ ခံခဲ့ရပါတယ်။

မေး။ ရဲဘက်စခန်းမှာ အလုပ်ကြမ်းတွေ လုပ်နေရင်း ဦးဇင်းရဲ့ ကျန်းမာရေး အခြေအနေက ဘယ်လိုရှိခဲ့လဲဘုရား။

ဖြေ။ စားရတဲ့ အစားအစာကလည်း ပုံစံနဲ့ စားရပါတယ်။ ရဲဘက်စခန်းမှာ နာမည်ကြီးတဲ့ ဒံပေါက်ထမင်းပေါ့။ ထမင်းတွေထဲမှာ ကျောက်ခဲတွေ ပါတယ်၊ စပါးလုံးတွေ ပါတယ်။ တခါတရံမှာ ကြွက်ချေးတွေကလည်း ပါတယ်။ အဲဒီလို နီရဲနေတဲ့ ထမင်းတောင်မှ အဝ မစားရဘူး။ အကျဉ်းသားတွေက ဒီလောက် ပင်ပင်ပန်းပန်း လုပ်ရပြီး ထမင်းကို ဝအောင်မစားရဘူး ဆိုတော့၊ အဲဒီ ရဲဘက်စခန်းကို ရောက်ပြီး နှစ်ပတ် သုံးပတ်လောက်လည်းကျရော လူတွေက မျက်တွင်းတွေ ချောင်ကျသွားတယ်။ ဖြူဖတ်ဖြူရော် ဖြစ်သွားတယ်။ တချို့ဆိုရင် ဖျားတယ်။ တချို့ဆိုရင် သံခြေကျင်းရဲ့ ဒဏ်ကြောင့် ခြေထောက်တွေမှာ အနာတွေ ပေါက်လာတယ်။ သွေးစုနာတွေ ပေါက်လာတယ်။ ဦးဇင်းကိုယ်တိုင်လည်း သွေးစုနာ ၃-၄ ကြိမ်လောက် ပေါက်ဖူးပါတယ်။ အဲလို အစားဆင်းရဲတဲ့ဒဏ် အလုပ်ကြမ်းလုပ်ရတဲ့ ဒဏ်တွေကြောင့် မြစ်ကြီးနားက ကိုယ်တော်တပါးဆို ဒဏ်မခံနိုင်လို့ ဝါဆိုလပြည့်နေ့က ပျံလွန်တော်မူသွားရှာတယ်။

မေး။ ရဲဘက်စခန်းမှာ အလုပ်လုပ်လို့ လုပ်အားခရော ရတာမျိုးရှိလား ဘုရား။

ဖြေ။ ရဲဘက်စခန်းမှာ အကျဉ်းသားတဦးက အနည်းဆုံး တနေ့ကို အာဏာပိုင်တွေအတွက် တရက်ကို ၂ဝဝဝ သွင်းရတယ်။ ထောင်အလုပ်မရှိရင် အပြင်က ဝင်ငွေရတဲ့ အလုပ်တွေကို လိုက်လုပ်ရတယ်။ ၂ဝဝဝ ထက်ကျော်ရင်တော့ ထောင်သားတွေအတွက် စားစရာတွေ ဝယ်လို့ရတာပေါ့။

မေး။ ဘာကြောင့်မို့ အိန္ဒိယဘက်ကို ထွက်ပြေးခဲ့တာလဲဘုရား။

ဖြေ။ ဦးဇင်း ရောက်နေတဲ့ လင်တန် ရဲဘက်စခန်းကို အက်စ်ဘီ ၂ ယောက် ရောက်လာပြီး စစ်ဆေးပြန်တယ်။ ‘သံဃတပ်ပေါင်းစုမှာ ဦးဆောင်တဲ့သူတွေ သိလား’ ဆိုပြီး စက်တင်ဘာလ ၁၅ ရက်နေ့ မနက် ၉ နာရီကနေ ညနေ ၆ နာရီအထိ ဆက်တိုက်မေးတယ်။ အဲဒီနေ့မှာ ဆွမ်းမစားရဘူး။ မဖြေနိုင်ရင် ထိုးတာကြိတ်တာ လုပ်တယ်။ ဦးဇင်းကို ‘သံဃတပ်ပေါင်းစုမှာ ပါတယ် မဟုတ်လား။ သံဃတပ်ပေါင်းစုက ဆရာတော်တွေ ဘယ်မှာ ရောက်နေလဲ’ ဆိုတာတွေ မေးတယ်။ ဒီလူတွေက ကလေးထောင်ကို ပြန်ပို့ပြီး ပုဒ်မ အသစ်တိုးပြီးတော့ ထောင်ကိုထပ်ပို့မှာ သိလိုက်ရတဲ့အတွက် ဒီည ထွက်မပြေးလို့ မဖြစ်တော့ဘူးလို့ တွေးပြီး ထွက်ပြေးခဲ့တယ်။

မေး။ တီးတိန်မြို့ လင်တန် ရဲဘက်စခန်းကနေ ဘယ်လိုမျိုး ထွက်ပြေးလာခဲ့လဲ ဘုရား။

ဖြေ။ အဲဒီ အလုပ်ကြမ်းစခန်းကို ပထမ တထပ်က ၁ဝ ပေလောက်ရှိတဲ့ သစ်တုံးကြီးတွေကို သံဆူးကြိုးတွေပတ်ပြီး ကာထားတယ်။ အဲဒီသစ်တိုင်ကြီးတွေကို ဖက်ပြီးတော့ ကျော်တက်ခဲ့ရတယ်။ ဟာ ... သံဆူးကြိုးတွေက လက်တွေခြေထောက်တွေကို စူးလိုက်တာလည်း မပြောပါနဲ့တော့။ ဒါပေမဲ့ ဒီဒဏ်ရာတွေကို ဂရုမစိုက်အားဘဲ အမြင့်ပေ ၁၅ ပေလောက်ရှိတဲ့ ဒုတိယသံဆူးကြိုးကို ကျော်ဖို့ ကြိုးစားရပြန်တယ်။ လက်တွေမှာလည်း သွေးအလိမ်းလိမ်းပေါ့။ ဟား ည အသက်အန္တရာယ် လွတ်ပြီဆိုတာနဲ့ ရင်ထဲမှာ နည်းနည်း ပေါ့သွားတာပေါ့။ အနာတရကို ဂရုမစိုက်အားဘဲ ကိုယ့်အသက်အန္တရာယ်ကို စိုးရိမ်ပြီး ဂက်စ်မီးခြစ်က အလင်းရောင်လေးကို အားပြုပြီး တွေ့တဲ့လမ်းအတိုင်း စွတ်ပြီး ထွက်ပြေးလာခဲ့တယ်။

တချို့ ချောက်ကမ်းပါးတွေဆို ၄-၅ နာရီကြာအောင် ဂရုစိုက်ဆင်းရတယ်။ ရှင်းလို့မရတဲ့ ခြုံတွေဆို လှိမ့်ချလိုက်ရတာရှိတယ်။ တိုးလို့မရတဲ့ ဆူးခြုံတွေဆိုရင် တောကောင်သွားတဲ့ လမ်းလေးတွေကို အားပြုပြီး လေးဘက်ထောက် သွားခဲ့ရတာတွေလည်း ရှိတယ်။ သားရဲတိရစ္ဆာန် အန္တရာယ်ကို စိုးရိမ်မိပေမယ့် ရှေ့ခရီးတွင်ဖို့ပဲ အာရုံထား ပြေးရတာပေါ့။ အဲဒီအချိန် ဗိုက်ကလည်းဆာ၊ စားစရာလည်းမရှိ၊ ရေကလည်း ငတ်တော့ တွေ့တဲ့ ဆီးဖြူသီးလေးတွေ ခူးစားပြီး ၂ ရက်၊ ၂ ည တိတိ မနားမနေ ပြေးခဲ့ရပါတယ်။

တခါတရံ ချောက်ကမ်းပါးတွေကို မတက်နိုင်လောက်အောင် မောပန်းနေတော့၊ ချောင်းတွေအတိုင်း စုံဆင်းနေတော့ ခရီးတွေက မဝေးသင့်ဘဲ ဝေးခဲ့တဲ့ ခရီးတွေကလည်း အများကြီးပဲ။ ရွာတွေကို တွေ့ရပေမယ့် အဖမ်းခံရမှာ၊ ခွေးဟောင်မှာ စိုးတဲ့အတွက် မဝင်ရဲဘူး။ ပတ်ရှောင်သွားရတယ်။ လမ်းတွေကလည်း မသိတော့ မှန်းဆသွားရတဲ့အတွက် အဝေးကြီး ရောက်သွားတာတွေ ရှိတယ်။ ပရိတ်၊ ပဋ္ဌာန်းနဲ့ ဘုရားဂုဏ်တော်တွေကို အဖော်ပြုပြီး မေတ္တာပို့ရင်း ပြေးလွှားနေရတာပေါ့။ နောက်ပိုင်း မရွတ်နိုင်တော့တဲ့အဆုံး အာရုံပဲ ပြုနိုင်တော့တယ်။

ကံကောင်းထောက်မစွာနဲ့ အသက် ၂ဝ ပတ်ဝန်းကျင်ရှိတဲ့ ချင်းတိုင်းရင်းသားလေး တယောက်က ထမင်းထုပ်နဲ့ ရေဗူးလေး ပါလာတာကို ပေးတော့ အငမ်းမရ မြိန်ရည်ယှက်ရည် စားလိုက်တယ်။ သခွားသီး ၃ လုံး ရောပေးတော့ စားလိုက်တာနဲ့ ရေဆာလည်း ပြေသွားတယ်။ ဒါနဲ့နောက်ဆုံး လမ်းပြပေးဖို့ အကူအညီ တောင်းလိုက်တော့ သူက လမ်းကြောင်းမှန်ကို ပြပေးတယ်။ ဦးဇင်းလဲ ကျေးဇူးတင်လွန်းလို့ ကျေးဇူးဆပ်တဲ့အနေနဲ့ ပါတဲ့ငွေ ၂ဝဝဝ ပေးလိုက်တယ်။

အဲဒီနောက် မီဇိုရမ်ပြည်နယ် အိုက်ဇောမြို့ကို ရောက်လာခဲ့တယ်။

မေး။ ထွက်ပြေးတုန်းက သံခြေကျင်းနဲ့ပဲလား ဘုရား။

ဖြေ။ အကျဉ်းစခန်းက တာဝန်ရှိသူတွေကို သြဂုတ်လလယ်လောက်မှာ ပိုက်ဆံ ၅ဝဝဝဝ ပေးလိုက်တော့ သံချေကျင်း ဖြုတ်ပေးပါတယ်။ ဒါနဲ့ ပြေးဖို့ လွယ်ကူသွားတာပေါ့။

မေး။ စစ်အစိုးရက သံဃာတော်တွေကို မတရား ဖမ်းဆီးမှုတွေအပေါ် ဘယ်လို ပြောလိုပါသလဲဘုရား။

ဖြေ။ ရက်စက်ယုတ်မာလှပါတယ်ဆိုတဲ့ အင်္ဂလိပ်ခေတ်၊ ဂျပန်ခေတ်တုန်းကတောင်မှ သံဃာထုအပေါ်မှာ ဒီလောက် ရက်ရက်စက်စက် မနှိပ်စက်ခဲ့ပါဘူး။ အခု ကိုယ့်ကိုယ်ကို ဗုဒ္ဓဘာသာ သာသနာ့ ဒါယကာလို့ ခေါ်နေတဲ့ စစ်အစိုးရရဲ့ ရက်စက်ယုတ်မာမှုကတော့ ကိုယ်တွေ့ကြုံလိုက်မှပဲ ပြောစရာစကားလုံး ရှာမရလောက်အောင် ရက်စက်ပါ့ပေ့လို့ သိလိုက်ရတယ်။

ဒီလိုမျိုး ရက်စက် ယုတ်မာမှုတွေကို ရပ်တန်းက ရပ်ပါ။ အဲလိုမှမဟုတ်ရင် သမိုင်းမှာ ဂျာမဏီက နာဇီဟစ်တလာတို့လို သမိုင်းဆိုး တင်ကျန်ခဲ့မှာ မလွဲပါဘူး။ အခုဆိုရင် ကမ္ဘာတဝှမ်းမှာ ရှိတဲ့ အာဏာရှင်တွေဟာ တယောက်ပြီးတယောက် ပြုတ်ကုန်ပြီ။ ကမ္ဘာမှာ ရှားရှားပါးပါး နအဖ စစ်အုပ်စုပဲ ကျန်ပါတော့တယ်။ နအဖ စစ်အုပ်စုသာ အမြင်မှန်ရမယ်ဆိုရင် အချိန်တွေ ကျန်ပါသေးတယ်။ သူတို့ရဲ့ နှလုံးသားမှာ စူးဝင်နေတဲ့ အမုန်းတရား၊ အာဃာတ တရားတွေဟာ သူတို့ကိုယ် သူတို့လည်း ဆင်းရဲဒုက္ခရောက်စေပြီး လူသားထု တရပ်လုံးကိုလည်း စိတ်မချမ်းမြေ့စရာတွေနဲ့ ရင်ဆိုင်နေရစေပါတယ်။ ဒီ အမုန်းတရား၊ အာဃာတ တရားတွေဟာ အမြင်မှန်ရတာနဲ့ ချက်ချင်း ပြောင်းပစ်လို့ ရပါတယ်။ ဒါမှမဟုတ်ရင် မြန်မာလူမျိုးတွေရဲ့ ဆင်းရဲတွင်းက နက်သည်ထက် နက်ပါလိမ့်မယ်။ အချိန်မီ ပြုပြင်ကြပါလို့ ဦးဇင်းအနေနဲ့ တိုက်တွန်းချင်ပါတယ်။

မေး။ ဦးဇင်းအနေနဲ့ ဘယ်လိုမျိုး ဆက်လက်လုပ်ဆောင်သွားမယ်လို့ စိတ်ကူးပါသလဲ ဘုရား။

ဖြေ။ ရွှေဝါရောင် အကြမ်းမဖက် တော်လှန်ရေးကြီးဟာ နအဖ စစ်အစိုးရအနေနဲ့ မတရား ဖမ်းဆီး ညှဉ်းပမ်းနှိပ်စက်၊ ဖိနှိပ်ဖြိုခွင်းမှုတွေနဲ့ ရင်ဆိုင်ခဲ့ရပေမယ့် သံဃတပ်ပေါင်းစု ဦးဆောင်ဆရာတော် ဦးသြဘာသနဲ့အတူ သံဃာ ၃ သိန်းကျော်၊ ၄ သိန်းနီးပါး ကျန်ပါသေးတယ်။ ဦးဇင်းအနေနဲ့ ရှေ့ဆက်ပြီးတော့ နအဖ ဆိုတဲ့ အဓမ္မဝါဒီတွေကို အသက်ထက်ဆုံး ဓမ္မလမ်းကြောင်းပေါ်ကနေ အကြမ်းမဖက်တဲ့ နည်းတွေနဲ့ သံဃာထု၊ လူထုနဲ့အတူ ဆက်လက် လုပ်ဆောင်သွားမှာပါ။

အခု အနေအထားက အစွယ်နဲ့ ထိုးမယ့်ဆင်ဟာ နောက်တလှမ်းဆုတ် ဆိုတဲ့ အနေအထားပါ။ စက်တင်ဘာ လှုပ်ရှားမှုကြောင့် အာဇာနည် လူစွမ်းကောင်း ရဲရဲတောက် သတ္တိရှင်တွေ အများကြီး မွေးထုတ်ပေးခဲပါ့တယ်။ ဒီလူစွမ်းကောင်းတွေဟာ ဥပမာနဲ့ ပြောရမယ်ဆိုရင် ခြေစွမ်းထက်တဲ့ ဘောလုံးသမားကောင်းတွေ လိုပါပဲ။ ဒါကို အသင်းစုစည်းမှု တယောက်နဲ့တယောက် အပေးအယူ၊ အချိပ်အဆက်ရှိမှု၊ အောင်ကိုအောင်ရမယ်ဆိုတဲ့ စိတ်ဓာတ်ကြံ့ခိုင်မှုတွေကို ဦးဇင်းတို့ ပြန်လည် တည်ဆောက်နေပါတယ်။

အရေးကြီးဆုံးအချက်က ဘောလုံးပွဲတွေမှာ ကိုယ့်ခြေထောက်ထဲ ဘောလုံးရောက်ပြီဆိုရင် တကိုယ်ကောင်းဆန်ပြီး တယောက်ထဲ ဆွဲမပြေးဖို့ အဲဒါ အရေးကြီးဆုံးပဲ။ နောက်ပြီး ဒီမိုကရေစီရေး လှုပ်ရှားနေတဲ့ မည်သူမဆို၊ မည်သည့်အဖွဲ့အစည်းမဆို ဒီမိုကရေစီသဘောတရား၊ ဒီမိုကရေစီကျင့်စဉ်တွေကို စတင်ကျင့်သုံးဖို့ လိုနေပါပြီ။

ဒီမိုကရေစီဆိုတာ သူတပါးက လာပေးတာမဟုတ်ဘဲ ကိုယ်တိုင်ကျင့်သုံးရတာပါ။ အဲဒီတော့ နအဖ လက်ထဲမှာ ဒီမိုကရေစီမ ရှိဘူး၊ အဲဒါကို သွားတောင်းမနေနဲ့၊ အချိန်ကုန်တယ်။ ပြည်သူတွေအနေနဲ့ ညီညီညွတ်ညွတ် ရှိပြီးတော့ ငါတို့ဟာ တနေ့ မုချ အောင်ရမယ်ဆိုတဲ့ စိတ်ဓာတ်ကို မွေးပြီး သံဃာထု၊ ကျောင်းသားထုနဲ့ လက်တွဲကြပါ။ ဦးဇင်းလည်း စိတ်"ာတ် ခိုင်ခိုင်မာမာနဲ့ လက်တွဲဆောင်ရွက်ပါ့မယ်လို့ အခိုင်အမာ ဆုံးဖြတ်ထားပါတယ်။