ကိုမင်းကိုနိုင် ကျန်းမာရေးမကောင်း

မင်းနိုင်သူ / ၂၅ နိုဝင်ဘာ ၂၀၀၉/ခေတ်ပြိုင်


ကျိုင်းတုံအကျဉ်းထောင်တွင် ထောင်ဒဏ် (၆၅) နှစ်ကျခံနေရသော ၈၈ မျိုးဆက်ကျောင်းသားခေါင်းဆောင် ကိုမင်းကိုနိုင် ကျန်းမာရေးမကောင်းဟု မိသားစုမှ ထုတ်ဖော်ပြောဆိုလိုက်ကြောင်း သိရသည်။
“သူက သွေးတိုး၊ နှလုံးရောဂါအခံလည်း ရှိတယ်။ သူ့အစ်မတွေ ပြီးခဲ့တဲ့ ထောင်ဝင်စာ သွားတွေ့တုန်းက ကျန်းမာရေး မကောင်းဘူးဆိုတာ သိခဲ့ရတယ်တဲ့။ ကျနော်တို့ သူ့မိဘအိမ်ဘက်ရောက်တုန်း ၀င်မေးလို့ ပြောပြလိုက်တာပါ”ဟု အန်အယ်လ်ဒီ ပြန်ကြားရေးအဖွဲ့ဝင် ဒေါက်တာဝင်းနိုင်က ပြောသည်။

အန်အယ်လ်ဒီပါတီမှ ဦးခင်မောင်ဆွေ၊ ဒေါက်တာဝင်းနိုင်၊ ဒေါက်တာသန်းငြိမ်းနှင့် ဦးစိန်လှဦးတို့ သင်္ဃန်းကျွန်းမြို့နယ် အန်အယ်လ်ဒီပြည်သူ့လွှတ်တော်ကိုယ်စားလှယ် ဦးသိန်းညွန့် အိမ်မှအပြန် ကိုမင်းကိုနိုင်၏ မိဘများထံ ၀င်ရောက်တွေ့ဆုံစဉ် မိသားစုက ကိုမင်းကိုနိုင်၏ ကျန်းမာရေးအခြေအနေကို ပြောပြခြင်းဖြစ်သည်။
“ထားတဲ့နေရာက ဝေးလွန်းတော့ မိသားစုတွေကလည်း မကြာမကြာ သွားမတွေ့နိုင်ဖြစ်ကြရတယ်။ ထောင်တွင်း ကျန်းမာရေးစောင့်ရှောက်မှု အခြေအနေကလည်း မကောင်းဘူးဆိုတဲ့ သတင်းတွေလည်း ခဏခဏထွက်နေတယ်။ ဇာဂနာလည်း သိပ်ကျန်းမာရေးမကောင်းဘူး။ နီမိုလှိုင်တို့လည်း မကောင်းဘူးဆိုတော့ ထောင်တွင်းကျန်းမာရေး စောင့်ရှောက်မှု လိုအပ်ချက်တွေ အများကြီးရှိနေတယ်ဆိုတာ ထင်ရှားနေတာပေါ့ ” ဟု ဒေါက်တာဝင်းနိုင်က ပြောသည်။

ကိုမင်းကိုနိုင်သည် ၂၀၀၇ ခုနှစ် သြဂုတ်လအတွင်း စစ်အစိုးရ၏ လောင်စာဆီဈေးနှုန်းမြှင့်တင်မှုအပေါ် ကန့်ကွက်ဆန္ဒပြပွဲများ ပြုလုပ်ခဲ့မှုအပြီးတွင် အခြားသော ၈၈ မျိုးဆက်ကျောင်းသားများနှင့်အတူ ဖမ်းဆီးထိန်းသိမ်းခံခဲ့ရပြီးနောက် နအဖစစ်အစိုးရက ထောင်ဒဏ် (၆၅) နှစ်အထိ အပြစ်ပေးကာ ၂၀၀၈ ခုနှစ် နိုဝင်ဘာလတွင် မိသားစုများနှင့်ဝေးရာ ရှမ်းပြည်နယ် ကျိုင်းတုံထောင်သို့ ပို့ဆောင်ခဲ့သည်။
ကိုမင်းကိုနိုင်သည် ၁၉၈၈ ခုနှစ်တွင် ဗကသဥက္ကဋ္ဌအဖြစ် တင်မြှောက်ခံခဲ့ရပြီး ဒီမိုကရေစီအရေး၊ လူ့အခွင့်အရေး၊ ကျောင်းသားအခွင့်အရေးများအတွက် အကြမ်းမဖက်နည်းဖြင့် အစဉ်တစိုက် တိုက်ပွဲဝင်နေသူတဦးဖြစ်သည်။
မြန်မာပြည်သူလူထုကို ကိုယ်စားပြုကာ စစ်အစိုးရကို အကြမ်းမဖက်နည်းဖြင့် တိုက်ပွဲဝင်ခဲ့သောကြောင့် နိုင်ငံတကာမှ ကိုမင်းကိုနိုင်ကို ဆုများပေးအပ်ချီးမြှင့်ခဲ့ရာ ဆု (၆) ခု ရရှိခဲ့ပြီးဖြစ်သည်။

နယ်ခြားစောင့်တပ် သို့မဟုတ် တိုင်းရင်းသားတပ်ဖွဲ့များအတွက် မဟာစစ်သင်းချိုင်း

Tue 24 Nov 2009, မင်းစိုင်းနွန်ဒေါ လွတ်လပ်သောမွန်သတင်းအေဂျင်စီ

-လွန်ခဲ့သည့် နိုဝင်ဘာ ၈ ရက်နေ့က စခုန်တိန်ယိမ်း NDA-K ကချင်ဒီမိုကရေစီသစ်တပ်မတော်နှင့် ဦးထွန်းကျော် ကရင်နီလူမျိုးပေါင်းစုံလွတ်မြောက်ရေးတပ်ဖွဲ့ (ကလလတ) တို့၏ နယ်ခြားစောင့်တပ် အသွင်ကူးပြောင်းမှု အခမ်းအနားများကို နအဖသတင်းစာနှင် TV တို့တွင် တွေ့မြင်ခဲ့ရသည်။ ထိုသတင်းဌာနတို့က စစ်အစိုးရအနေဖြင့် ဥပဒေဘောင်အတွင်းသို့ ဝင်ရောက်လာသော တိုင်းရင်းသားအဖွဲ့အစည်းများအား နိုင်ငံတော်၏ တရားဝင်လက်နက် ကိုင်ဆောင်သည့် နယ်ခြားစောင့်တပ် အသွင်ကူးပြောင်းမှုဟု အမွှန်းတင်ရေးသားကြလေသည်။

ယနေ့တွင် ကချင်ပြည် ဒီမိုကရေစီသစ်တပ်မတော် NDA-K နှင့် ကရင်နီလူမျိုးပေါင်းစုံလွတ်မြောက်ရေးတပ် ကလလတ စသည့်အဖွဲ့အစည်းတို့ လုံးဝ (လုံးဝ) မရှိတော့ပါ။ မိမိတိုင်းရင်းသား လွတ်မြောက်ရေးအတွက် နှစ်ပေါင်းများစွာ တော်လှန်တိုက်ပွဲဝင် ဆင်နွှဲလာခဲ့ကြသော အဆိုပါ တိုင်းရင်းသား လက်နက်ကိုင်တပ်ဖွဲ့ခေါင်းဆောင်တို့သည် နယ်ခြားစောင့်တပ်အသွင်ဖြင့် စစ်အစိုးရထံ မိမိတပ်ဖွဲ့များကို ထိုးအပ်လိုက်ပြီး မူလတပ်ဖွဲ့အမည်နာမတို့ကိုလည်း အပြီးတိုင် မြေမြှုပ်သဂြိုလ်ခဲ့ကြပြီ။

အဆိုပါ နယ်ခြားစောင့်တပ် အသွင်ပြောင်းလဲခြင်း အခမ်းအနားကို ကချင်ပြည်နယ် အထူးဒေသ (၁) လုပီ၊ ဂန့်ဂွင်နှင့် စင်ကြိုင် ဒေသတို့တွင် နယ်ခြားစောင့်တပ်ရင်း ၃ ရင်း ဖွဲ့စည်းခဲ့သည်ဟု သိရပါသည်။ နယ်ခြားစောင့်တပ်ရင်း အမှတ် (၁ဝဝ၁) (၁ဝဝ၂) (၁ဝဝ၃)တို့ ဖြစ်ကြသည်ဟု သတင်းဌာနများတွင် ရေးသားဖေါ်ပြခဲ့ကြသည်။ တစ်ခုတည်းသော လုပီဒေသ၌ ကချင်ပြည်နယ်တိုင်းမှူး ဗိုလ်ချုပ်စိုးဝင်းက နယ်ခြားစောင့်တပ်အရာရှိများအား ဘက်တဆိပ်များ တပ်ဆင်ပေးနေပုံကို စစ်အစိုးရသတင်းစာများတွင် ဓါတ်ပုံနှင့်တကွ ဖေါ်ပြထားသည်။ ကျန်ဒေသနှစ်ခုကိုမူ စစ်အစိုးရသတင်းများတွင် မတွေ့ရှိခဲ့ပါ။

တဆက်တည်းမှာပင် ကချင်ပြည် ဒီမိုကရေစီသစ် တပ်မတော် (NDA-K) မှ အသွင်ပြောင်း ဖွဲ့စည်းလိုက်သည့် နယ်ခြားစောင့်တပ်ဖွဲ့ဝင် အင်အား (၁ဝဝ) ကျော်ခန့်ကို နိုဝင်ဘာ (၁၄) ရက်၌ ကချင်ပြည်နယ်၊ မြစ်ကြီးနားရှိ မြို့တော်ခန်းမတွင် အခမ်းအနားဖြင့် ကြိုဆိုခဲ့ပြန်သည့်သတင်း ထပ်မံ ဖတ်ရှုခဲ့ရသည်။

အဆိုပါ စခုန်တိန်ယိမ်း ဦးဆောင်သော NDA-K အဖွဲ့သည် ၁၉၈၉ ခုနှစ် ဒီဇင်ဘာလတွင် ဗမာပြည်ကွန်မြူနစ်ပါတီမှ ခွဲထွက်ခဲ့ပြီး မြန်မာစစ်အစိုးရနှင့် အပစ်အခတ်ရပ်စဲခဲ့စဉ် အင်အား ၁၂၈၆ ဦးခန့် ရှိသည်။ယခုတွင်တပ်ဖွဲ့အင်အား အနည်းအကျဉ်းမျှသာရှိတော့သည်။

KNG ခေါ် ကချင်သတင်းဌာနအယ်ဒီတာ ဘရန်နော်တင်၏ ပြောပြချက်အရ NDA-K စုစုပေါင်းတပ်ရင်း ၃ ရင်းတွင် တပ်ဖွဲ့ဝင်အင်အား အလွန်နည်းပါး နေပါသည်။ အထူးသဖြင့် တပ်သားအများအပြား KIO သို့ ကူးပြောင်းဝင်ရောက်ခဲ့ခြင်းကြောင့် ဖြစ်သည်ဟု ဆိုပါသည်။

ထို့အတူ ကယားပြည်နယ် အထူးဒေသ (၂) ပန်တိန်းဒေသတွင်လည်း ကယားပြည်နယ် တိုင်းမှူး ဗိုလ်မှူးချုပ်ဝင်းမြင့်နှင့် စွပ်ပိုင်ဒေသတွင် ရှမ်းပြည်နယ် (အရှေ့ပိုင်း) တိုင်းမှူး ဗိုလ်ချုပ်ရာပြည့်တို့ တက်ရောက်ခဲ့သည်ကို လေ့လာလျှင် ကလလတ တပ်ဖွဲ့များကို တပ်ရင်း ၂ ရင်းခွဲ၍ နယ်ခြားစောင့်တပ်အသွင် ကူးပြောင်းမှုအခမ်းအနား ကျင်းပခဲ့သည်ကိုလည်း တွေ့ရှိခဲ့ရသည်။

သတင်းမှတ်တမ်းများအရ ၁၉၉၄ ခုနှစ် မေလ ၉ ရက်နေ့တွင် တပ်ဖွဲ့ဝင်အင်အား ၁၆၀၉ ဦးခန့်ရှိသော ကရင်နီလူမျိုးပေါင်းစုံလွတ်မြောက်ရေးတပ်ဦး (ကလလတ KPLA) ကို ဦးစန္ဒာနှင့် ဦးထွန်းကျော်တို့ ဦးဆောင်ကာ ယခင်နဝတ စစ်အစိုးရနှင့် အပစ်အခတ်ရပ်စဲခဲ့သည်။

ကလလတ အဖွဲ့ ဥက္ကဌဖြစ်သူ ဦးစန္ဒာသည် အသက်အရွယ်အရ ကျန်းမာရေးကြောင့် မလုပ်ကိုင်နိုင်တော့သဖြင့် လက်နက်အပ်၍ သာမန်ပြည်သူတဦးအဖြစ် နေထိုင်သွားမည် ဖြစ်ပြီး ကရင်နီပြည်နယ် (ကယားပြည်) ၀န်ကြီးရာထူးတစ်နေရာရာကို လိုလားနေသူတဦးဖြစ်သူ ဒု-ဥက္ကဌ ဦးထွန်းကျော်က စစ်အစိုးရထံ လက်နက်အပ်ပြီး လာမည့် ၂၀၁၀ အထွေထွေရွေးကောက်ပွဲကို ပါတီတစ်ရပ်ဖွဲ့စည်းပြီး ၀င်ရောက်ယှဉ်ပြိုင်မည်ဟု ကန္တာရဝတီတိုင်း(မ်) သတင်းဌာနက ဆိုသည်။ ဦးထွန်းကျော်သည် ကယားပြည်နယ်တွင် စီးပွားရေးလုပ်ငန်းများစွာကို ပိုင်ဆိုင်ထားသူတစ်ဦးဟု သိရပါသည်။

အကယ်စင်စစ်မှာ အဆိုပါတိုင်းရင်းသားတပ်ဖွဲ့ ခေါင်းဆောင်တို့ကို စစ်အစိုးရက စီးပွားရေးလုပ်ကွက်အချို့နှင့် ငွေကြေးပင်စင်ထောက်ပံ့ကာ အနားပေးလိုက်ခြင်းဖြစ်ပြီး ၄င်းတိုင်းရင်းသားတပ်ဖွဲ့ ခေါင်းဆောင်တို့ ဆိုသူကလည်း ၄င်းတို့၏ တပ်ဖွဲ့ဝင်များကို စစ်အစိုးရထံ အပြီးတိုင် ထိုးအပ်လိုက်ခြင်းပင် ဖြစ်ပေသည်။

၎င်းတပ်ဖွဲ့ဝင်တို့သည် မိခင်အဖွဲ့အစည်း အဖျက်သိမ်းခံသွားရပြီးနောက် စစ်အစိုးရအရာရှိများ အုပ်ချုပ်သော တပ်ရင်းများတွင် ဆက်လက်တာဝန် ထမ်းဆောင်ရပါမည်။ မြန်မာပြည် ဒေသအနှံ့အပြားသို့ သွားရောက် ထိုးစစ်ဆင်ကြမည့် နယ်ခြားစောင့်တပ်များ ဖြစ်သွားကြလေပြီ။

ထိုနယ်ခြားစောင့်တပ် ဖွဲ့စည်းခြင်းနှင့် ပတ်သက်ပြီး ဤတပ်မတော်ကြီးအတွင်း၌ တိုင်းရင်းသားငြိမ်းချမ်းရေး အထူးတပ်ဖွဲ့များ နယ်ခြားစောင့်တပ်ဖွဲ့အဖြစ် ဝင်ရောက်လာခြင်းမှာ ပတ္တမားငမောက်ကို စိန်သားဖြင့် စီခြယ်သကဲ့သို့ ပနံသင့်လှပေသည်ဟု ဆောင်းပါးရှင် ကိုမြန်မာ ဆိုသူက နိုဝင်ဘာလ ၁၅ ရက်နေ့ထုတ် မြန်မာသတင်းစာများတွင် ချီးမွမ်းခန်းဖွင့် ရေးသားထားသည်ကို တွေ့ရပြန်သည်။
ထိုကဲ့သို့လည်း ချီးမွမ်းအပ်ပါပေသည်။ အဘယ်ကြောင့်ဆိုသော် နအဖတို့ အနေနှင့် တပ်သားသစ်များကို လိုက်လံစုဆောင်းစရာ မလိုပဲ တိုက်ခိုက်ရည်စွမ်း ရှိပြီးသား တိုင်းရင်းသားတပ်ဖွဲ့ဝင်များကို အစုလိုက်အပြုံလိုက် အလကားရလိုက်သဖြင့် အတိုင်းမသိ ပျော်ရွှင်ဘွယ်ဘိပါတကား။

အပစ်အခတ်ရပ်စဲမှု ပြုလုပ်နေစဉ်ကာလ၌ နအဖသည် လက်နက်ချပါဆိုသည့် ဝေါဟာရစကားလုံးကို အပစ်ရပ်အဖွဲ့များအပေါ် လုံးဝမသုံးစွဲခဲ့ကြပေ။ အပစ်အခတ်ရပ်စဲထားယုံမျှသာ ဖြစ်ပြီး ယုံကြည်မှုတည်ဆောက်ရေးဟု ဆိုပါသည်။ နိုင်ငံရေးအရ ဆွေးနွေးမှု မပြုနိုင်သည်မှာ ၄င်းတို့သည် တရားဝင်အစိုးရ မဟုတ်ကြောင်း အကြောင်းပြ ပြောဆိုခဲ့သည်ကို သတိပြုစေလိုသည်။
တဖန် အပစ်အခတ်ရပ်စဲသည့် အဖွဲ့အစည်းများနှင့် စစ်အစိုးရထံ လုံးဝလက်နက်ချလိုက်ကြသည့်အဖွဲ့တို့ကို ငြိမ်းအဖွဲ့ဟု လေသံပေး ဆိုပြန်သည်။ ဥပဒေဘောင်အတွင်းသို့ ဝင်ရောက်လာပြီဟုလည်း အခမ်းအနားများ ကျင်းပကာ ဆိုင်းဘုတ်တင်ခဲ့သည်။ ယခင် မဆလခေတ်က မတရားအသင်း ကြေညာခံထားရသော အပစ်ရပ်အဖွဲ့ မွန်ပြည်သစ်ပါတီသည်လည်း ယခုတွင် မတရားအသင်းပင် ဖြစ်နေသေးသလောဟု တွေးတောစရာများ ဖြစ်နေဆဲပင်။

စစ်အစိုးရ အုပ်ချုပ်သည့် မြန်မာနိုင်ငံတွင် ကမ္ဘာ့တတိယမြောက် အဂတိ အလိုက်စားဆုံး နိုင်ငံအဖြစ် နိုင်ငံတကာ အဂတိလိုက်စားမှု တိုက်ဖျက်ရေးအဖွဲ့ Transparency International မှ နိုဝင်ဘာလ ၁၇ ရက်နေ့တွင် ထုတ်ပြန်သော နှစ်ပတ်လည် အစီရင်ခံစာတွင် ဖော်ပြထားပါသည်။ ၄င်းအချက်အလက်များကို ထောက်ရှုခြင်းအားဖြင့် ရုပ်ဝထ္တုပိုင်းအရ တဖြေးဖြေး ပျက်စီးလာနေသော မြန်မာနိုင်ငံသည် လူသားတို့၏ စိတ်ဓါတ်ရေးရာပိုင်းတွင်လည်း မသိမသာ ယိုယွင်းလာသည်ကို သုံးသပ်တွေ့ရှိနိုင်သည်။

ထို့ကြောင့် လူမှုစီးပွားရေးရပ်ဝန်းတွင်သာမက မြန်မာ့နိုင်ငံရေးအသိုင်းအဝိုင်းတွင်လည်း ကိုယ်ကျင့်သိက္ခာ နိမ့်ကြသူများ ပါဝင်လာသည်ကို တွေ့ခဲ့မြင်ခဲ့ကြပါမည်။ ၄င်းအပြင် မျိုးချစ်သူရဲကောင်းဘွဲခံ တိုင်းရင်းသားခေါင်းဆောင် တော်လှန်ရေးသမား အများအပြားတို့သည်လည်း မူလရည်ရွယ်ချက်နှင့် ခုတ်ရာတခြား ရှရာတလွဲ ဖြစ်သွားသူများလည်း ရှိခဲ့၏။ တိုက်အိမ်၊ ခြံမြေ၊ မော်တော်ကားမြင်မိသည်နှင့် မိမိတပ်ဖွဲ့ကို ရန်သူထံ ထိုးအပ်ခဲ့သည့် အဖြစ်များစွာနှင့် ကြုံတွေ့နေရဆဲ ဖြစ်သည်။

လတ်တလောကာလတွင် အပစ်ရပ်အဖွဲ့များတွင် အင်အားကြီးမားသည့် UWSA ဝပြည်နယ်သွေးစည်းညီညွတ်ရေးတပ်ဖွဲ့နှင့် KIO ကချင်လွတ်မြောက်ရေးအဖွဲ့တို့အား နယ်ခြားစောင့်ပြောင်းလဲရန် ယခုနိုဝင်ဘာလအတွင်း၌ စစ်အစိုးရ ကိုယ်စားလှယ် ဒုဗိုလ်ချုပ်ကြီးရဲမြင့် ထပ်မံပြောဆိုလာပြန်သည်။

ဤနှစ်ဖွဲ့အား စစ်အစိုးရအလိုအတိုင်း နယ်ခြားစောင့်တပ် ဖွဲ့စည်းနိုင်ခဲ့လျှင် အခြားအဖွဲ့များကို ပြောင်းလဲရန် မခက်တော့ဟု စစ်အစိုးရတို့ ယူဆထားပုံပေါ်သည်။ သို့သော်လည်း ညှိနှိုင်းမှုများ မအောင်မြင်သေးပေ။

ထို့အတူ နိုဝင်ဘာ ၁၄ ရက်နေ့တွင် နအဖ ကိုယ်စားလှယ် ဒုဗိုလ်ချုပ်ကြီးရဲမြင့်၊ ရမခ ဒုတိုင်းမှူး ဗိုလ်မှူးချုပ်လှမြင့်၊ ဂျီဝမ်း ဒုဗိုလ်မှူးကြီးမင်းဟိန်း နှင့် သျှမ်းပြည်တပ်မတော် မြောက်ပိုင်း SSA အပစ်ရပ်တပ်ဖွဲ့ ဥက္ကဌ ဗိုလ်ချုပ်လွယ်မောဝ်၊ ဒုဥက္ကဌ ဗိုလ်ချုပ်ကိုင်ဖ၊ ဗိုလ်မှူးကြီးစိုင်းတူး၊ ဗိုလ်မှူးကြီးဂေါင်တိုင်းတို့ နယ်ခြားစောင့်တပ် အသွင်ပြောင်းလဲရေးကိစ္စ လားရှိုး၌ တွေ့ဆုံဆွေးနွေးခဲ့သော်လည်း ညှိနှိုင်း၍ မရဟု သျှမ်းသံတော်ဆင့် သတင်းဌာနက ဖေါ်ပြခဲ့သည်။

လက်တွေ့တွင် နယ်ခြားစောင့်တပ် ဖွဲ့မည်ဟု စစ်အစိုးရကို ကတိပေးထားခဲ့သော DKBA တိုးတက်သောကရင်ဗုဒ္ဓဘာသာတပ်မတော်၊ KPF ကရင်ငြိမ်းချမ်းရေး (ဟောင်သရောဒေသ), KNU/KNLA-LA ကရင်ငြိမ်းချမ်းရေးကောင်စီ စသည့် ကရင်ငြိမ်းချမ်းရေး လက်နက်ချတပ်ဖွဲ့ဝင်အတွင်းမှာလည်း အောက်ခြေရဲဘော်များ လက်ခံရန် ဝန်လေးနေကြသည့်အတွက် နယ်ခြားစောင့်တပ်ကိစ္စအား မသိမသာ အချိန်ဆွဲနေရသည်ကို တွေ့ရှိရသည်။

KPF တပ်ရင်း ၃ တပ်ရင်းမှူး စောမန်းလေးဝါးသည်လည်း နယ်ခြားစောင့်တပ်ကိစ္စနှင့် ပတ်သက်၍ အဖွဲ့တွင်း အရာရှိအချင်းချင်း ပြဿနာတက်ကြကာ ၄င်းတို့တပ်ဖွဲ့မှ ထုတ်ပယ်ခံလိုက်ရပြီး ဖြစ်သည်။ ထို့အတူ KNU/KNLA-LA ခေါင်းဆောင် ဗိုလ်ထိန်မောင်သည်လည်း နယ်ခြားစောင့်တပ်ဖွဲ့ကို လက်မခံဟု သတင်းဌာနအချို့မှတဆင့် ပြောလာပြန်သည်။

အပစ်ရပ် မွန်ပြည်သစ်ပါတီသည်လည်း မွန်အမျိုးသားများ၏ မိမိကြမ္မာ မိမိဖန်တီးနိုင်ခွင့်ရှိရေးအတွက် နိုင်ငံရေးအရ တစုံတရာသော အဖြေမရရှိသေးခင် တပ်ဖွဲ့များကို အခြားသူလက်ထဲ ထိုးအပ်သည့်အလုပ်မှာ လုံးဝမဖြစ်သင့် မဖြစ်ထိုက်သည့် လုပ်ရပ်ဟု ရှုမြင်ထားပြီး နယ်ခြားစောင့်တပ် ပြောင်းလဲခြင်းကို လက်မခံနိုင်ဟု ဆိုသည်။

၁၉၅၈ တွင် မွန်ပြည်သူ့တပ်ဦး ဗမာအစိုးရထံ လက်နက်နှင့် ဒီမိုကရေစီ လဲလှယ်ခဲ့ပြီးနောက်ပိုင်း မွန်ခေါင်းဆောင်များ ထောင်နန်းစံ ခံခဲ့ကြရသည့် အဖြစ်ကို မမေ့သင့်ကြပေ။ ထို့ကြောင့်လည်း မွန်ပြည်သူတို့ လိုအပ်ချက်အရ မွန်ပြည်သစ်ပါတီ ပေါ်ထွန်းလာခဲ့သည်။

မကြာသေးမီကာလက ဖွဲ့စည်းလာခဲ့သော နယ်ခြားစောင့်တပ်ဖွဲ့ကို ထောက်ရှုခြင်းအားဖြင့် တိုင်းရင်းသားတပ်ဖွဲ့တို့၏ နယ်ခြားစောင့်တပ်ဖွဲ့များ မဟုတ်ဘဲ တိုင်းရင်းသားအဖွဲ့များကို ဖျက်သိမ်းပစ်ပြီး အသစ်ဖွဲ့စည်းလိုက်သည့် မြန်မာနယ်ခြားစောင့်တပ် ဖြစ်သည်ကို တွေ့မြင်ခဲ့ရပြီ ဖြစ်သည်။ ထို့ကြောင့် စစ်အစိုးရတို့၏ နယ်ခြားစောင့်တပ်သည် တိုင်းရင်းသားတပ်ဖွဲ့များအတွက် မဟာစစ်သင်းချိုင်းပင် ဖြစ်ကြောင်း သတိချပ်စေလိုပါသည်။

ဂူဂဲကမ္ဘာ့မြေပုံမှာ မြန်မာနျူကလီးယားအဆောက်အဦပုံ ပေါ်နေသလား

တရုတ်ပြည်ထုတ်ဝေါဗျူးဂျာနယ်
Monday, November 23, 2009


မြောက်ကိုရီးယားကို မြန်မာနျူကလီးယားကိစ္စကူညီမှုနဲ့ အမေရိကန် က အကြီးအကျယ်အပြစ်တင်နေချိန်၊ ၂ဝဝ၉ ခုနှစ် ဇူလိုင်လဆန်း မှာ၊ အပျော်တမ်းကွန်ပြူတာသမားအချို့ဟာ ဂူဂဲကမ္ဘာ့မြေပုံ၊ မြန်မာ ပြည်တနေရာမှာ ထူးဆန်းတဲ့အဆောက်အဦးပုံတပုံကို တွေ့လိုက် ကြတယ်။ အပြင်ပန်းကကြည့်ရင် နျူကလီးယားစခန်းနဲ့ တူတယ်လို့ ဆိုပါတယ်။ ရုရှားနဲ့ မြောက်ကိုရီးယားတို့က ကူညီဆောက်လုပ်ပေး ထားတာ ဖြစ်နိုင်တယ်လို့လည်း ဆိုကြပါတယ်။ မြန်မာအစိုးရက တော့ ခုအချိန်ထိ ဘာမှတုံ့ပြန်ပြောဆိုတာ မရှိပါ။

အဲဒီ မသင်္ကာစရာ အဆောက်အဦးဟာ မြန်မာပြည် အလယ်ပိုင်း တောတွင်းတနေရာမှာ တည်ရှိနေတာပါ။ အပေါ်ကကြည့်ရင် လေးဒေါင့်ပုံပါပဲ။ အရှည် (၈၂) မီတာ၊ အကျယ် (၈၄) မီတာရှိပြီး၊ အမိုးက အပြာရောင်ပါ။ အမှတ်တမဲ့ကြည့်ရင် ရေကူးကန်ကြီးတခုနဲ့ အလွန်တူပါတယ်။

ဒီပုံကို လူတွေစိတ်ဝင်စားကြတာ အကြောင်းရှိပါတယ်။ ဒီမတိုင်မီက သြစတြေးလျသုတေသီ (၂) ယောက်ဟာ မြောက်ကိုရီးယားနဲ့ ရုရှားတို့အနေနဲ့ မြန်မာအစိုးရကို နျူကလီးယားသုတေသနစခန်းတခု ကူညီဆောက်ပေးခဲ့ကြောင်း မြန်မာစစ်ဘက်ဆိုင်ရာများဆီက သတင်းရထားခဲ့လို့ပါပဲ။ ဆစ်ဒနီ နံနက်ခင်းသံတော်ဆင့်သတင်းစာနဲ့ သြစတြေးလျရဲ့ “ခေတ်” သတင်းစာမှာ စောစောပိုင်းကတည်း က ဒါတွေပေါက်ကြားခဲ့တယ်။ သြစထြေးလျ နိုင်ငံတော်တက္ကသိုလ်စစ်ဗျူဟာဌာန ပါမောက္ခဒက်စမွန်ဘောလ်နဲ့ ထိုင်းနိုင်ငံအလွတ် သတင်းထောက် ဖစ်လ်သွန်တန်တို့ရဲ့ ပြီးခဲ့တဲ့ (၂) နှစ်တာ ကာလအတွင်း လေ့လာချက်အရ၊ မြန်မာအစိုးရဟာ ၂ဝ၁၄ ခုနှစ် မတိုင်မီ မှာ နျူကလီးယားဗုံးထုတ်ဖို့ ကြိုးစားအကောင်အထည်ဖော်နေကြောင်း တွေ့ရှိရတယ်ဆိုတဲ့ သတင်းအချက်အလက်တွေအရ အခုတွေ့ ရှိရတယ်ဆိုတဲ့ အဆောက်အဦးကြီးဟာ နျူကလီးယား သုတေသနစီမံကိန်းအတွက် သုံးနေတာ အလွန်ဖြစ်နိုင်ကြောင်း တွက်ဆကြပါ တယ်။ ဒါ့အပြင် ဂူဂဲဓာတ်ပုံထဲမှာ အဆောက်အဦအနီးအနားဒေသ လမ်းဆုံတွေမှာ စစ်ဆေးရေးဂိတ်တွေ တွေ့ရှိသလို အစောင့်ချ ထားတာကိုလည်း တွေ့ရှိရပါတယ်။

စစ်ရေးအချက်အလက်တွေ ဖော်ထုတ်ရာမှာ ကျွမ်းကျင်တဲ့ အိုကွန်နာကတော့ အဲဒီဓာတ်ပုံကိုကြည့်ပြီး၊ ဒါဟာ နျူကလီးယားဆိုင်ရာ အဆောက်အဦးဖြစ်ပေမယ့် တွဲဘက်အဆောက်အဦးမျှသာဖြစ်တယ်လို့ ဆိုပါတယ်။ မြေအောက်မှာရှိနေတဲ့ အကြီးစားအဆောက် အဦကို ဖုံးအုပ်ပေးထားခြင်းသာ ဖြစ်နိုင်တယ်လို့ ဆိုပါတယ်။ နောက်ထပ်ဖြစ်နိုင်ချေကတော့ ဒါဟာ လုံခြုံရေးဆိုင်ရာ အဆောက် အဦမျှသာ ဖြစ်နိုင်တယ်။ ဒါမှမဟုတ် စက်ယန္တယားစက်ရုံတရုံလည်း ဖြစ်နိုင်တယ်။ နျူကလီးယားအစီအစဉ်နဲ့ ဘာမှမဆိုင်တာလည်း ဖြစ်နိုင်တယ်လို့ ဆိုပါတယ်။

ဝါရှင်တန်နိုင်ငံတကာလုံခြုံရေးနဲ့ သိပ္ပံသုတေသနရဲ့ ထုတ်ပြန်ချက်မှာတော့ ဒီအဆောက်အဦးရဲ့ အဓိကအစိတ်အပိုင်းဟာ မြေအောက် ထဲမှာ ရောက်နေတယ်၊ ဒါပေမဲ့ နျူကလီးယားနဲ့ ပတ်သက်နေတာရယ်လို့တော့ ထင်ထင်ရှားရှားမတွေ့ရသေးဘူး၊ လောလောဆယ်မှာ ပါရဂူပညာရှင်များက ဒီဓာတ်ပုံကို တဆင့်တိုးလေ့လာဆဲ ဖြစ်တယ်လို့ ဖော်ပြပါတယ်။

မြန်မာအစိုးရက သြစတြေးလျသတင်းစာများရဲ့ ဖော်ပြမှုအပေါ်တုံ့ပြန်တာ မရှိသေးဘူး။ မြောက်ကိုရီးယားနဲ့ ရုရှားတို့ကလည်း ဒီကိစ္စ အပေါ် ဘာမှမပြောသေးပါ။

ဒီနေရာကို မဆိုင်သူတွေက တွေ့ရှိပြီး ဗြောင်ထုတ်ဖော်ပြီးတဲ့နောက်မှာ စိတ်ပါဝင်စားသူ အတော်များများက ဂူဂဲကမ္ဘာ့မြေပုံရှေ့မှာ နေ့ညမပြတ် စောင့်ကြည့်နေကြမှာ ဖြစ်ပါတယ်။ အမေရိကန်နဲ့မြောက်ကိုရီးယား ဆက်ဆံရေးဟာ ကလင်တန်ရဲ့ ချစ်ကြည်ရေး ခရီး စဉ်တွေအပြီးမှာ ကောင်းလာမလိုလို ဖြစ်လာပါပြီ။ အခုမြန်မာပြည်ရဲ့ နျူကလီးယားအစီအစဉ်ကိစ္စဟာ အစစ်အမှန်မှန်းသိလာပြီ ဆိုရင် တော့ အိုဘာမား၊ ဟီလာရီတို့အနေနဲ့ မြောက်ကိုရီးယားကို ဆိုးသွမ်းနိုင်ငံစာရင်းထဲ ပြန်သွင်းဦးမလားမသိပါ။

တရုတ်ပြည်ထုတ်ဝေါဗျူးဂျာနယ်မှ ဆီလျော်အောင်ဘာသာပြန်သည်။

http://cpburma.org ..မှ


မသင်္ကာစရာ အဆောက်အဦးဟာ မြန်မာပြည် အလယ်ပိုင်း တောတွင်းတနေရာမှာ တည်ရှိနေ

Monk opens plane's emergency exit for fresh air

Monk opens plane's emergency exit for fresh air

2009/11/24


NEW DELHI, Tues: A Buddhist monk who opened the emergency exit of an airplane just before take off because he wanted some fresh air forced the plane to delay its flight for almost seven hours at Kolkata airport yesterday morning.

As result of his action, the airport authorities evacuated all the passengers onboard and grounded the plane for nearly seven hours until all the safety drills were completed.

The Hindu newspaper reported that the bizarre incident happened on Air India's flight IC-727 that was heading to Yangon with 135 passengers on board.

The monk from Myanmar, a 45-year-old Waza Thunga, believed to be a second time flier, was feeling claustrophobic inside the plane, which was still on the runway, and decided to open the emergency exit next to his seat after browsing the plane's safety manual.

"As soon as he pulled the safety clutch, the emergency window opened and the emergency bells rang.

"The occurrence of such a situation is rare but what can you do to prevent such a thing. How can we control it if a passenger sets off an alarm by mistake," the airline's spokesman Pulok Mukherjee told the newspaper.
It is not known whether the airline took any action against the monk, who spoke very little English. -- BERNAMA

၈၉ ကြိမ်မြောက် အမျိုးသားနေ့ စာပေဟောပြောပွဲ (Los Angeles)
-------------------------------------------

၈၉ နှစ်မြောက် အမျိုးသားနေ့ အားဂုဏ်ပြုသောအထိမ်းအမှတ် စာပေဟောပြောပွဲကို Mandalay Gazette နှင့် L.A Organizers 4 Burma တို့ရဲ့ စီစဉ်မှုဖြင့် Los Angeles တိုင်း Monterey Park မြို့ မှ အောင်ဇေခန်းမ မှာ နိုဝင်ဘာ ၂၂ ရက် စနေနေ့ နေ့လည် ၂ နာရီမှ ည ၇ နာရီ ခွဲ အထိ ကျင်းပပြုလုပ်ခဲ့ပါတယ်။
အခန်းအနားသို့ ဖိတ်ကြားထားသော ဧည့်သည်များ သတင်းထောက်များ နှင့် ရပ်ဝေးရပ်နီးမှ စာပေဝါသနာရှင် မျိုးချစ်မြန်မာများ တက်ရောက်အားပေးခဲ့ကြပါတယ်။ အခန်းအနား အစီအစဉ်များ ခေတ္တ ရပ်နားချိန်မှာ တော့ ကြွရောက်လာသူများအား အာလူးပူရီ ကောက်ညှင်းပေါင်း လဖ္ဘက်ရည် မုန့် များဖြင့် ကျွေးမွေး ဧည့်ခံခဲ့ကြပါတယ်။ အခန်းအနားအစီအစဉ်အရ ဖိတ်ကြားထားသော စာရေးဆရာ ကဗျာဆရာ ဦးအောင်ဝေး စာရေးဆရာမ ဒေါ်မေငြိမ်း အဆိုတော် ဒေါ်မာမာအေး တို့ တက်ရောက်ဟောပြောခဲ့ပြီး အနုပညာရှင်များအား ဥာဏ်ပူဇော်ခ ချီးမြှင့်အပြီးမှာ အခန်းအနားကိုအောင်မြင်စွာရုပ်သိမ်းနိုင်ခဲ့ပါတယ်။မူရင်း ဖိတ်ကြားထားသူများ အနက်က စာရေးဆရာကြီး မောင်စွမ်းရည် တစ်ရောက်ကတော့ ကျန်းမာရေး အခြေအနေအရ ကြွရောက်နိုင်ခြင်းမရှိခဲ့ပါဘူး။
ကြွရောက်အားပေးခဲ့ကြသူများအားလုံးကို မျိုးချစ်မြန်မာ ၊ LA Organizers 4 Burma နှင့် Mandalay Gezette အဖွဲ့သားများမှ များစွာကျေးဇူးတင်ကြောင်း မှတ်တမ်းတင်ဂုဏ်ပြုပါတယ်။

သတင်း ရေးသူ- မျိုးချစ်မြန်မာ
http://myochitmyanmar.org/