Uncensored Burma - Daily News ( 2010 Mar 27)

Uncensored Burma - Daily News ( 2010 Mar 27)

သတင်းထောက် ဒန် ရစ်ဗား(စ်) ဟာ ၂၀၀၈ ခုနှစ်မေလက ခရီးသွားဗီဇာနဲ့ နာဂစ်မုန်တိုင်းသင့် ဒေသတွေမှာ သွားပြီး သတင်းယူခဲ့သလို စီအဲန်အဲန်မှာ ဒီအခြေအနေတွေကို ပြန်လည်တင်ပြခဲ့တဲ့ သတင်းထောက်တဦးလည်း ဖြစ်ပါတယ်။ တကယ်တော့ ဒီနှစ်မှ နိုင်ငံခြားသတင်းသမား ၂၀ ကျော်ကို သတင်းယူခွင့် ဗီဇာတွေ ပေးခဲ့တာဖြစ်သလို သွားကြတဲ့ သတင်းသမားတွေထဲမှာ ဂျပန်သတင်းဌာနအခြေစိုက် သတင်းသမားတွေ များတယ်လို့ ပြောပါတယ်။ ပြည်တွင်း သတင်းသမားတွေကတော့ စာပေစိစစ်ရေးက စီစဉ်ပေးမှုတွေနဲ့ မနက်ဖြန်ပြုလုပ်မယ့် တပ်မတော်နေ့ အခမ်းအနားကို ဒီကနေ့မနက်မှ နေပြည်တော်ကို ကားတွေနဲ့သွားခဲ့ကြတာဖြစ်တယ်လို့ ရန်ကုန်သတင်းသမားတဦးက ပြောပါတယ်။
"လောလောဆယ်တော့ ရန်ကုန်သတင်းသမားတွေကနေပြီးတော့ နယ်သတင်းဂျာနယ် တာဝန်ခံအယ်ဒီတာနဲ့ အယ်ဒီတာချုပ်တွေ ၄၀ ကျော်လောက် နေပြည်တော်ကို သွားကြပါတယ်။ စီစဉ်ပေးတာကတော့ စာပေစိစစ်ရေးကနေ စီစဉ်ပေးတယ်။ ဒါပေမဲ့ တယောက်ကို နေစရိတ်၊ စားစရိတ် ၈၀,၀၀၀ ကျပ် ပေးသွင်းရပါတယ်။ ဂျာနယ်မဂ္ဂဇင်းတွေရဲ့ အသေးစိတ် အချက်အလက်တွေ ပေးရပါတယ်။ မှတ်ပုံတင်နံပါတ် ဘာညာ အပါအ၀င်ပေါ့လေ။ bio data တွေ ပေးရပါတယ်။ အဲဒါအပြင်ကို ဘာပစ္စည်းတွေ ယူဆောင်သွားမယ်ဆိုတာကို အသေးစိတ် ပေးရပါတယ်။"
နေပြည်တောမှာ အခု တပ်မတော်နေ့အခမ်းအနားကို ၂၀၀၆ ခုနှစ်ကတည်းက ကျင်းပခဲ့တာဖြစ်ပြီးတော့ အဲဒီ ၂၀၀၆ ခုနှစ် တနှစ်ထဲမှာပဲ ပြည်ပက နိုင်ငံခြားသားသတင်းတွေ တော်တော်များများကို သတင်းလာယူခွင့်ပေးခဲ့တာပါ။ ဒါပေမဲ့ ဒီနှစ်မှာ အခုလို နိုင်ငံခြားသားသတင်းတွေကို လာရောက်ခွင့်ပေးတာဟာ မနက်ဖြန်ပြုလုပ်မယ့် အခမ်းအနားမှာ စစ်ခေါင်းဆောင်ပိုင်းတွေဆီက ထူးခြားတဲ့သတင်းစကားတွေ ပါးလိုတာကြောင့် ဖြစ်နိုင်တယ်လို့ ခန့်မှန်းနေကြပါတယ်။
"ကာကွယ်ရေးဦးစီးချုပ် ကိုယ်တိုင်တက်တဲ့အခါကျတော့ ထူးခြားတဲ့ မိန့်ခွန်းတွေလည်း ပြောနိုင်တယ်လို့တော့ ခန့်မှန်းနေကြတယ်။ အထူးသဖြင့် အခုဟာက အရေးကြီးတဲ့နှစ် ဖြစ်တယ်။ ၂၀၁၀ ရွေးကောက်ပွဲရှိတယ်ဆိုတော့ နိုင်ငံတကာနဲ့ ပြည်တွင်းပြည်ပကနေပြီးတော့ အကြီးအကျယ် ဝေဖန်နေကြတဲ့အချိန်မှာ နိုင်ငံခြားသတင်းထောက်တွေကို တက်ခွင့်ပေးတယ် ဆိုတဲ့အခါကျတော့ ဒီမှာ ကာကွယ်ရေးဦးစီးချုပ်ကနေ သူ့ရဲ့ မိန့်ခွန်းမှာ အရေးကြီးတဲ့ ပေါ်လစီမိန့်ခွန်းများ ပြောမလားဆိုပြီးတော့ စိတ်ဝင်စားနေကြပါတယ်။ တချို့လည်း ပြောနေကြတယ်။ ပြန်ကြားရေးဝန်ကြီးနဲ့တွေ့ပြီးတော့ နိုင်ငံခြားကလာတဲ့ သတင်းထောက်တွေကို တွေ့ဆုံပြီးတော့ သတင်းစာရှင်းလင်းပွဲ လုပ်နိုင်တယ်ဆိုတဲ့သတင်းတွေလည်း ထွက်နေပါတယ်။"

ရန်ကုန်အခြေစိုက်သတင်းသမားတဦး ပြောခဲ့တာပါ။ နေပြည်တော်ဘက်ကိုကြည့်မယ်ဆိုရင်တော့ နေပြည်တော်မှာရော၊ နေပြည်တော် တ၀ိုက်ကမြို့တွေမှာပါ လုံခြုံရေးတွေ အတော်လေး တင်းကြပ်နေတယ်လို့ ဒေသခံတွေကပြောပါတယ်။ ညဘက် မြို့အ၀င်အထွက်ကားတွေကို အထူးစစ်ဆေးနေသလို နေအိမ်တွေမှာ ဧည့်စာရင်းတွေကို ကြပ်ကြပ်မတ်မတ် စစ်ဆေးတာတွေ ကြုံနေရတယ်လို့ နေပြည်တော်ဒေသခံတဦးက ပြောပါတယ်။
"ထူးထူးခြားခြားကတော့ လုံခြုံရေးက နေပြည်တော်မြို့နဲ့ အကုန်ပေါ့။ နေပြည်တော်ဧရိယာထဲမှာပါတဲ့နေရာ အကုန်လုံးမှာတော့ တင်းတင်းကြပ်ကြပ် ချထားတာပေါ့လေ။ ဧည့်စာရင်းတွေဘာတွေလည်း လုပ်ပြီးတော့ ဧည့်စာရင်းမတိုင်တဲ့လူကို ဖမ်းဆီးတာတို့၊ ရုံးတင်တာတို့ အဲဒါမျိုးတွေတော့ ရှိတာပေါ့။ ဒါပေမဲ့ မနက်ပိုင်းဆိုလို့ရှိရင် သူတို့ parade လျှောက်တဲ့အခါကျတော့ တပတ်လောက်ရှိပြီ။ ကားတွေကို မဖြတ်ရတာ မသွားရတာပေါ့၊ အဲဒီလိုဆိုလို့ရှိရင် ကျနော်တို့ ရုံးတွေဘာတွေဆိုရင် တော်တော် စောစောလာကြရတယ်။ လမ်းတွေပိတ်ထားတာပေါ့ဗျာ။"
တပ်မတော်နေ့ အခမ်းအနားအတွက် ချီတက်လမ်းလျှောက်ကြမယ့် တပ်မတော်သားတွေထဲမှာ ဖျားနာပြီး H1N1 ၀က်တုပ်ကွေးရောဂါရှိသူလို့ သံသယရှိသူတချို့ကို ပြန်လွှတ်လိုက်တာမျိုးတွေလည်း ရှိနေတယ်လို့ သူကဆက်ပြောပါတယ်။
"parade လာလျှောက်တဲ့ တပ်မတော်သားတွေ တော်တော်များများကို ပြန်လွှတ်တယ်လို့ ပြောတယ်။ ၇၀၀ လောက် ပြန်လွှတ်တယ်ပြောတယ်။ တမြန်နေ့ကပဲ့ အဲဒီက အရာရှိတယောက်ဆိုရင် သူ့ဆီလာဖို့ရှိတဲ့ ဗိုလ်မှူးကြီးတယောက်ကနေ ဒီဘက်က မိတ်ဆွေတွေဆီကို ဂျင်းတွေ ရသလောက်ပေါ့လေ။ ဂျင်းတက်တွေ ရသလောက် ရှာပေးပါဆိုလို့ အဲဒါကြောင့် ဂျင်းတွေ ရသလောက်ကို ရှာပေးပါဆိုလို့။ ဂျင်းတွေကို ကြိုသောက်ရင် H1N1 ကို ကာကွယ်လို့ရတယ် ဘာညာဆိုပြီး အဲဒီလိုမျိုး ပြောတာရှိတယ်ဗျ။"
ဒါကတော့ နေပြည်တော်မှာ ကျင်းပမယ့် တော်လှန်ရေးနေ့အတွက် သတင်းသွားယူကြမယ့် သတင်းသမားတွေရဲ့ အခြေအနေနဲ့အတူ နေပြည်တော်က လုံခြုံရေးအခြေအနေတွေ ဖြစ်ပါတယ်။
မြန်မာနိုင်ငံအခြေအနေကို ကုလ လူ့အခွင့်အရေးကောင်စီ ရှုတ်ချ

26 March 2010 VOA
ဂျနီဗာမြို့မှာ မနေ့က မနက်ပိုင်းမှာ ကျင်းပခဲ့တဲ့ ကုလသမဂ္ဂလူ့အခွင့်အရေး ကောင်စီရဲ့ အစည်းအဝေးမှာ မြန်မာနိုင်ငံမှာ လူ့အခွင့်အရေးချိုးဖောက်မှုတွေ ကျယ်ကျယ်ပြန့်ပြန့် ပြုလုပ်နေတဲ့အတွက် ပြင်းပြင်းထန်ထန် ရှုတ်ချသွားပါတယ်။ ကုလသမဂ္ဂရဲ့ မြန်မာနိုင်ငံဆိုင်ရာ လူ့အခွင့်အရေး အထူးကိုယ်စားလှယ် တိုးမာ့တ်စ် အိုဟေး ကင်တားနား ကိုလည်း လက်ရှိတာဝန်ကို တနှစ်ထပ်ပြီးတော့ ထမ်းဆောင်ဖို့ တာဝန်ပေးအပ်လိုက်ပါတယ်။ ဒီအကြောင်း အသေးစိတ်ကို ဦးကျော်ဇံသာက တင်ပြထားပါတယ်။

မြန်မာနိုင်ငံ လူ့အခွင့်အရေး ချိုးဖောက်မှုတွေကို ရှုတ်ချတဲ့ပြဌာန်းချက်နဲ့ မစ္စတာ တိုးမာ့တ်စ် အိုဟေး ကင်တားနား ကို သက်တမ်းတနှစ် တိုးချဲ့ခန့်ထားတဲ့ ပြဌာန်းချက်တွေဟာ မနေ့မနက်က လူ့အခွင့်အရေး ကော်မရှင်ချမှတ်လိုက်တဲ့ ပြဌာန်းချက် ၇ ချက်ထဲမှာ အပါအ၀င် ဖြစ်ပါတယ်။ မြန်မာနိုင်ငံမှာ လူ့အခွင့်အရေး ချိုးဖောက်မှုတွေ ရှိနေတဲ့အတွက် ရှုတ်ချဖို့အဆိုပြုချက်ကို ဥရောပသမဂ္ဂကိုယ်စား ဥရောပသမဂ္ဂ အလှည့်ကျဥက္ကဌဖြစ်တဲ့ စပိန်နိုင်ငံရဲ့ သံအမတ်ကြီးက အခုလို အဆိုပြုပြီးတော့ တင်သွင်းခဲ့တာဖြစ်ပါတယ်။
"ဥရောပသမဂ္ဂရဲ့ကိုယ်စား သမဂ္ဂရဲ့ တညီတညွတ်တည်း သဘောတူညီချက်အရ ကျနော်က မြန်မာနိုင်ငံ လူ့အခွင့်အရေး ဆိုင်ရာ ပြဌာန်းချက်အမှတ် L-၁၅ ကို တင်သွင်းမှာဖြစ်ပါတယ်။ မြန်မာနိုင်ငံအစိုးရအနေနဲ့ နိုင်ငံတွင်း လူ့အခွင့်အရေး အခြေအနေကို တိုးတက်ကောင်းမွန်အောင် ဆောင်ရွက်ဖို့ အားပေးတဲ့ အနေနဲ့တင်သွင်းမှာဖြစ်ပါတယ်။ ကျနော်တို့ရဲ့ အထူးကိုယ်စားလှယ် တိုးမာ့တ်စ် အိုဟေး ကင်တားနား ကို လာရောက်လေ့လာခွင့်ပြုတဲ့အတွက် မြန်မာအစိုးရကို ကျေးဇူးတင်ပါတယ်။ ကျနော် အခု အဆိုပြုတဲ့ပြဌာန်းချက်ဟာ မစ္စတာ ကင်တားနားရဲ့ အစီရင်ခံစာထဲမှာ ပါဝင်တဲ့ လူ့အခွင့်အရေးချိုးဖောက်မှုတွေကို မြန်မာနိုင်ငံမှာ ကျယ်ကျယ်ပြန့်ပြန့် ဆက်လက် ကျူးလွန်နေဆဲဖြစ်တယ်ဆိုတာ ကမ္ဘာကသိစေချင်လို့ တင်ပြမယ့် ပြဌာန်းချက် ဖြစ်ပါတယ်။ ဒီလိုချိုးဖောက် ကျူးလွန်မှုတွေကို လွတ်လွတ်လပ်လပ် စိတ်တိုင်းကျ ကျူးလွန်နေကြတာဖြစ်ပါတယ်။ ဒါကြောင့် ဒီအခြေအနေကို ဆက်လက် လေ့လာတင်ပြနိုင်ဖို့ မစ္စတာ တိုးမာ့တ်စ် အိုဟေး ကင်တားနားကို လက်ရှိ ရာထူးတာဝန်မှာ တနှစ်ဆက်လက် တာဝန်ပေးအပ်ဖို့ လိုအပ်ပါတယ်။"
စပိန်သံအမတ်ကြီးက ဆက်လက်ပြီးတော့ တင်ပြသွားရာမှာ ဒီနှစ်ဟာ ရွေးကောက်ပွဲ ကျင်းပမယ့်နှစ် ဖြစ်တဲ့အတွက် အထူး အရေးကြီးကြောင်း၊ လွတ်လပ်၍ တရားမျှတပြီး ပွင့်လင်းမြင်သာမှုရှိသော အားလုံးပါဝင်နိုင်သော ရွေးကောက်ပွဲနဲ့ နိုင်ငံရေးဖြစ်စဉ်တရပ် ထွန်းကားလာအောင် ပြုလုပ်ဖို့ နိုင်ငံတကာ အသိုင်းအ၀ိုင်းက မျှော်လင့်နေကြောင်း၊ ဒေါ်အောင်ဆန်းစုကြည် အပါအ၀င် နိုင်ငံရေးအကျဉ်းသား အားလုံးကို လွှတ်ပေးပြီး အမျိုးသားပြန်လည် သင့်မြတ်ရေး အတွက် ဆွေးနွေးညှိနှိုင်းခြင်း ပြုလုပ်ဖို့ လိုအပ်ကြောင်း တောင်းဆိုသွားပါတယ်။ ဒါ့အပြင် လူ့အခွင့်အရေး ချိုးဖောက်မှုတွေကို စုံစမ်းဖော်ထုတ်ပြီး တရားဥပဒေနဲ့အညီ စစ်ဆေး အရေးယူဖို့လည်း တောင်းဆိုသွားပါတယ်။
ဥရောပသမဂ္ဂ အလှည့်ကျသဘာပတိ စပိန်သံအမတ်ကြီးရဲ့ ဒီအဆိုပြုချက်ကို မြန်မာစစ်အစိုးရရဲ့ သံအမတ်ကြီး ဦးဝဏ္ဏမောင်လွင်က အခုလို ကန့်ကွက်ချေပပါတယ်။
"လူ့အခွင့်အရေးကောင်စီဟာ လူ့အခွင့်အရေးကိစ္စတွေကို စဉ်းစားသုံးသပ်ရာမှာ လိုတမျိုး မလိုတမျိုး လုပ်ဆောင်ဖို့ နိုင်ငံရေးအရ ဆွဲယူပြောကြားမှုတွေကို ရှောင်ကြဉ်ပြီး တကမ္ဘာလုံးရဲ့ စံနဲ့အညီ ဓမ္မဓိဌာန်ကျကျ လုပ်ဆောင်ရမယ်လို့ ကျနော်တို့က စွဲမြဲစွာ ယုံကြည်ထားပါတယ်။ ဒါပေမဲ့ မြန်မာအစိုးရရဲ့ ဒီယုံကြည်မှုကို ဆန့်ကျင်ပြီး ဥရောပသမဂ္ဂကိုယ်စား စပိန်နိုင်ငံက နိုင်ငံရေးရည်မှန်းချက်နဲ့ ရေးဆွဲထားတဲ့ ပြဌာန်းချက်မူကြမ်းတစောင်ကို ထပ်မံတင်သွင်းလာပြန်ပါပြီ။ ဒီမူကြမ်းဟာ မြန်မာနိုင်ငံရဲ့ အခြေခံမူဝါဒတွေကို လုံးဝပစ်ပယ်ပြီး အလေးအနက်မထားဘူးဆိုတာ တွေ့ရပါတယ်။ ဒီအဆိုပြုချက် မူကြမ်းဟာ မြန်မာပြည်သူတွေရဲ့ လူ့အခွင့်အရေး အခြေအနေ တိုးတက်ကောင်းမွန်ရေးထက် လူပုဂ္ဂိုလ် တဦးတယောက် အုပ်စုတစုရဲ့ နိုင်ငံရေးအကျိုးစီးပွားကိုသာ ဦးတည်ဗဟိုပြုထားပါတယ်။"
သံအမတ်ကြီး ဦးဝဏ္ဏမောင်လွင်က ဆက်လက်ပြောကြားရာမှာ ဒီပြဌာန်းချက်ကို အဆိုပြုသူတွေဟာ မြန်မာနိုင်ငံ ပြည်တွင်းရေးကို ၀င်စွက်လိုတဲ့ ရည်ရွယ်ချက်ရှိတယ်ဆိုတာ ထင်ရှားပေါ်လွင်နေကြောင်း၊ ဒါကြောင့် လုံးဝပယ်ချလိုကြောင်း၊ သိုပေမဲ့လည်း မြန်မာအစိုးရဟာ လူ့အခွင့်အရေး ကော်မတီ၊ ကုလသမဂ္ဂတို့နဲ့ ပူးပေါင်းပြီးတော့ မြန်မာပြည်သူတွေရဲ့ အခွင့်အရေးကို ကာကွယ်ပြီး တိုးမြှင့်ဆောင်ရွက်လိုကြောင်း ပြောကြားသွားခဲ့ပါတယ်။
ဒီအဆိုပြုချက်ကို မဲခွဲရာမှာ ကန့်ကွက်သူမရှိ အတည်ပြုခဲ့တာဖြစ်ပါတယ်။ မြန်မာစစ်အစိုးရနဲ့ နီးစပ်တဲ့ တရုတ်၊ အိန္ဒိယ၊ ရုရှားနဲ့ ကျူးဘားလို နိုင်ငံမျိုးတွေကတော့ အတည်ပြုထောက်ခံတဲ့အထဲမှာ မပါဘူးဆိုပြီး လက်ရှောင်ခဲ့ကြပါတယ်။ တက်တက်ကြွကြွ အတည်ပြုထောက်ခံကြတဲ့ နိင်ငံတွေထဲမှာ အင်ဒိုနီးရှားနိုင်ငံ၊ ဂျပန်နိုင်ငံ စတဲ့ နိုင်ငံတွေ ပါဝင်ခဲ့ကြောင်း သိရပါတယ်။
အလုပ်သမားအဖွဲ့အစည်းတွေ ဖွဲ့စည်းရေး စစ်အစိုးရ ILO နဲ့ ဆွေးနွေး

26 March 2010 VOA
မြန်မာနိုင်ငံအတွင်း လွတ်လပ်စွာ အလုပ်သမားသမဂ္ဂတွေ ဖွဲ့စည်းခွင့်မရှိတဲ့အပေါ် ILO နိုင်ငံတကာ အလုပ်သမားအဖွဲ့ချုပ်နဲ့ နိုင်ငံတကာအသိုင်းအ၀ိုင်းက တောင်းဆိုမှုတွေ အရှိန်မြင့်လာနေတာကြောင့် မြန်မာစစ်အစိုးရအနေနဲ့ မကြာခင်မှာ အလုပ်သမား သမဂ္ဂ ဖွဲ့စည်းနိုင်ဖို့ တိုင်ပင် ညှိနှိုင်းနေတယ်လို့ ILO အရာရှိတွေက ပြောပါတယ်။ အပြည့်အစုံကိုတော့ ဆက်သွယ် စုံစမ်းထားတဲ့ ကိုဇော်ဝင်းလှိုင်က တင်ပြထားပါတယ်။

အလုပ်သမားသမဂ္ဂ ဖွဲ့စည်းရေးဆိုင်ရာ စည်းမျဉ်းစည်းကမ်းတွေနဲ့ပတ်သက်လို့ မြန်မာစစ်အစိုးရ အရာရှိတွေဟာ ILO နိုင်ငံတကာ အလုပ်သမားအဖွဲ့ကြီးနဲ့ ဆွေးနွေးတိုင်ပင်နေတယ်လို့ ILO ရဲ့ အမှုဆောင်ညွန်ကြားရေးမှူး ကယ်ရီ တာပီယိုးလား (Keri Tapiola) က ဗွီအိုအေကို ပြောပြပါတယ်။
"အလုပ်သမား သမဂ္ဂဖွဲ့စည်းရေးနဲ့ဆိုင်တဲ့ ဥပဒေတွေကို မူအားဖြင့် စစ်အစိုးရက ကျနော်တို့ကို တိုင်ပင် ဆွေးနွေး နေပါတယ်။ အနာဂတ်မှာလည်းဆက်ပြီး ဆွေးနွေး တိုင်ပင်သွားမယ်လို့ ပြောပါတယ်။ အဖွဲ့အစည်းတွေ လွတ်လပ်စွာ ဖွဲ့စည်းခွင့်မပြုခင်မှာ လူတိုင်း အဖွဲ့အစည်းတွေ လွတ်လပ်စွာ ဖွဲ့စည်းပိုင်ခွင့်ရှိတယ် ဆိုတဲ့အချက်ကို စစ်အစိုးရအနေနဲ့ လက်ခံထားသင့်ပါတယ်။ စက်ရုံ အလုပ်ရုံတွေမှာ လုပ်နေကြတဲ့ အလုပ်သမားတွေ အလုပ်သမားသမဂ္ဂ ဖွဲ့စည်းချင်တယ် ဆိုရင် အပြစ်ပေး အရေးယူခြင်း ခံရမယ်ဆိုတဲ့ စိုးရိမ်စိတ်မရှိဘဲ ဖွဲ့စည်းခွင့်ရှိသင့်ပါတယ်။"
အလုပ်သမားသမဂ္ဂတွေ ဖွဲ့စည်းခွင့်မပြုခင် သမဂ္ဂဖွဲ့စည်းခွင့်ဆိုင်ရာ ဥပဒေတွေ ကြိုတင်ထုတ်ပြန်နိုင်ဖို့ စစ်အစိုးရဖက်က ကြိုးစားနေတာ ဖြစ်ပေမယ့် ဒီကိစ္စကို ILO နဲ့ တိုင်ပင်ညှိနှိုင်းဖို့ တိုက်တွန်းခဲ့တယ်လို့ ဆိုပါတယ်။ ဥပဒေတွေ ကြိုတင် ထုတ်ပြန်ထားခြင်း မရှိခင်ကတည်းက အလုပ်သမားတွေအနေနဲ့ သူတို့လိုချင်တဲ့ သမဂ္ဂမျိုး လွတ်လပ်စွာ ဖွဲ့စည်းခွင့် ရှိသင့်တယ် ILO ဖက်က တိုက်တွန်းခဲ့တဲ့အကြောင်း မစ္စတာ တာပီယိုးလားက ပြောပါတယ်။
အလုပ်သမား သမဂ္ဂတွေ ဖွဲ့စည်းခွင့်ပြုမယ်လို့ အခုချိန်မှာ ပြောဆိုနေပေမဲ့ တကယ်တမ်း ဘယ်အချိန်လောက်မှာ ဖွဲ့စည်းခွင့် ပြုမှာပါလဲ။
"အခုနှစ်တွင်းကျင်းပမယ့် ရွေးကောက်ပွဲပြီးရင် ဖွဲ့စည်းခွင့်ပြုမယ်လို့ စစ်အစိုးရက ပြောပါတယ်။ ဒါကြောင့် သူတို့အနေနဲ့ ILO နဲ့ ဆွေးနွေးချင်ပါတယ် ဆိုတော့ ကျနော်တို့ဖက်ကလည်း လုပ်ပါ၊ ဆွေးနွေး တိုင်ပင်ပါ၊ ကျနော်တို့ဖက် အကြံဉာဏ်ပေးဖို့ အဆင့်သင့်ပါပဲလို့ ကျနော်တို့ ပြောထားပါတယ်။"

ILO ဖက်ကတော့ နိုင်ငံတကာက သတ်မှတ်ထားတဲ့ စံနှုန်းတွေနဲ့အညီ အလုပ်သမား သမဂ္ဂတွေကို ဖွဲ့စည်းခွင့်ပြုဖို့ စစ်အစိုးရကို အကြံပေးတိုက်တွန်းခဲ့တယ်လို့ မစ္စတာ တာပီယိုးလားက ပြောပါတယ်။
ပြီးခဲတဲ့ ဗုဒ္ဓဟူးနေ့ကပဲ မြန်မာနိုင်ငံမှာ အလုပ်သမားတွေဖက်က နစ်နာချက်တွေကို တင်ပြပေးနိုင်ဖို့ အလုပ်သမား သမဂ္ဂဖွဲ့စည်းရေးနဲ့ ပတ်သက်ပြီး ILO ဖက်က ပါဝင်ဆောင်ရွက်ပေးဖို့ ILO အဖွဲ့ရဲ့ မြန်မာနိုင်ငံဆိုင်ရာ ဌာနေကိုယ်စားလှယ်ထံ NLD အမျိုးသားဒီမိုကရေစီအဖွဲ့ချုပ်က စာရေးသား တောင်းဆိုခဲ့ပါသေးတယ်။ အဲဒီလိုတောင်းဆိုချက်ဟာ ILO ရဲ့ မြန်မာနိုင်ငံအတွင်း ဆောင်ရွက်မှုတွေမှာ လက်ရှိအရေးကိစ္စတွေကို သိစေတာမို့ အကျိုးရှိတဲ့အကြောင်း ဌာနေကိုယ်စားလှယ် Steve Marshall က ပြန်လည်ပြောကြားခဲ့ပါတယ်။
အဓမ္မလုပ်အားပေးခိုင်းစေမှုနဲ့ အလုပ်သမားအရေးဆောင်ရွက်သူတွေ ILO ကို တိုင်ကြားရာက အောင်လံမြို့မှာ ဖမ်းဆီး ထောင်ချခံထားရသူတွေ ပြန်လွတ်ပေးလိုက်တာ အပါအ၀င် မြန်မာနိုင်ငံအတွင်း တိုးတက်တဲ့ ပြောင်းလဲမှုတွေ ဖြစ်ပေါ်နေတာကို ILO အနေနဲ့ ကြိုဆိုပေမဲ့ စစ်အစိုးရဖက်က ဒီ့ထက်ပိုပြီး ပြုပြင်ပြောင်းလဲမှုတွေ လုပ်ဆောင်ဖို့လိုတယ်လို့ မစ္စတာ တာပီယိုးလားက ပြောပါတယ်။
"အစကတည်းက ထောင်မကျသင့်တယ်တဲ့လူတွေ ဖမ်းခံရပြီး ပြန်လွတ်လာတယ်ဆိုတာ တကယ်တော့ တိုးတက် ကောင်းမွန်တဲ့လက္ခဏာပါ။ ILO အုပ်ချုပ်မှုအဖွဲ့ကြီးရဲ့ ဆုံးဖြတ်ချက်ထဲမှာ ထည့်သွင်းဖော်ပြထားသလိုပါပဲ - အကျဉ်းကျနေသူတွေကို ဒီထက်ပိုပြီး လွတ်ပေးဖို့ လိုအပ်ပါတယ်။"
ILO အဖွဲ့ကြီးရဲ့ မြန်မာနိုင်ငံဆိုင်ရာ ဌာနေကိုယ်စားလှယ် Mr. Steve Marshall ရဲ့ တင်ပြချက်ဖြစ်တဲ့ အလုပ်သမားအရေး ဆောင်ရွက်နေသူတွေကို ဆက်လက် ဖမ်းဆီး ထောင်ချတဲ့ကိစ္စတွေကို ထောက်ပြပြောဆိုခဲ့တယ်လို့ ဆိုပါတယ်။

မြန်မာပြည်အတွင်း အလုပ်သမားအခွင့်အရေးဆောင်ရွက်လို့ ဖမ်းဆီးခံရသူတွေဟာ တခြား ပြစ်မှုတွေကြောင့် ဖမ်းဆီး ခံရသူတွေဖြစ်တယ်၊ အဓမ္မလုပ်အားပေးခိုင်းစေမှုနဲ့ပတ်သက်လို့ ILO ကိုတိုင်ကြားတဲ့အတွက်မဟုတ်ဘူးလို့ ပြန်လည် တုန့်ပြန်ခဲ့ပေမယ့် ILO အုပ်ချုပ်ရေးမှုအဖွဲ့ကတော့ အဲဒီ တုန့်ပြန်မှုတွေကို လက်မခံခဲ့ဘူးလို့ ဆိုပါတယ်။

ရွေးကောက်ပွဲအတွက် ပါတီမှတ်ပုံမတင်ဖို့ NLD လူငယ်တွေအကြံပြု

26 March VOA
အဲန်အယ်လ်ဒီ အမျိုးသားဒီမိုကရေစီအဖွဲ့ချုပ် လူငယ်ထုအနေနဲ့ စစ်အစိုးရက ထုတ်ပြန်ထားတဲ့ ရွေးကောက်ပွဲဥပဒေတွေကို လက်မခံ ကန့်ကွက်လိုက်ကြပြီး ရွှေဂုံတိုင်ကြေညာချက်အတိုင်း ဆက်လက် ရပ်တည်သွားမယ်လို့ ဒီကနေ့ ကျင်းပခဲ့တဲ့ တိုင်းနဲ့ပြည်နယ် လူငယ်စည်းဝေးပွဲမှာ ဆုံးဖြတ်ချက် ချခဲ့ကြပါတယ်။ ဒီကနေ့ ကျင်းပတဲ့ အဖွဲ့ချုပ် တိုင်းနဲ့ပြည်နယ် လူငယ်စည်းဝေးပွဲကို အထွေထွေအတွင်းရေးမှူး ဒေါ်အောင်ဆန်းစုကြည်ရဲ့ကိုယ်စား ပါတီဒုဥက္ကဋ္ဌ ဦးတင်ဦးက သဘာပတိအဖြစ် တက်ရောက်ခဲ့ပါတယ်။ အပြည့်အစုံကိုတော့ ကိုဇော်ဝင်းလှိုင်က တင်ပြထားပါတယ်။
ဒီကနေ့ကျင်းပခဲ့တဲ့ အဖွဲ့ချုပ် တိုင်းနဲ့ပြည်နယ် စည်းဝေးပွဲကို တိုင်းနဲ့ပြည်နယ် ၁၄ ခုရှိတဲ့အထဲက ၁၁ ခုက ကိုယ်စားလှယ်တွေ တက်ရောက်ခဲ့ကြတာပါ။ ရန်ကုန်က အဖွဲ့ချုပ်ဌာနချုပ်မှာကျင်းပခဲ့တဲ့ အဲဒီစည်းဝေးပွဲကို ပါတီဒုဥက္ကဋ္ဌ ဦးတင်ဦးတက်ရောက်ပြီး ဒေါ်အောင်ဆန်းစုကြည်ကိုယ်စား သဘာပတိအဖြစ် ဆောင်ရွက်ပေးခဲ့ပါတယ်။
"အမှန်ကတော့ ဒေါ်အောင်ဆန်းစုကြည် မရှိတဲ့အခါမှာ ကျနော်က နည်းနည်းပါးပါး သွားပြီးတော့ လူငယ်တွေကို ကြီးကြပ်ပေးရတာပါပဲ။ ဒေါ်အောင်ဆန်းစုကြည်ကိုယ်စားပေါ့လေ။ အဲဒီမှာက ကလေးတွေက အားလုံး လူ ၈၀ နဲ့ ၁၀၀ နီးပါးလောက် ရှိမှာပေါ့လေ။ တိုင်းနဲ့ပြည်နယ် ၁၁ ခုက လာကြတာပါ။ ၁၁ ခုက ကိုယ်စားလှယ်တွေပေါ့လေ။ သူတို့က ဒီကိုမလာခင်မှာ မြို့နယ်အသီးသီးက ဒီမိုကရေစီမူအရ ကိုယ်စားလှယ်တွေ ရွေးချယ်ပြီးတော့ သက်ဆိုင်ရာတိုင်းမှာ သူတို့ ဆုံလိုက်တယ်ပေါ့ဗျာ။ တိုင်းမှာဆုံလိုက်ပြီးတော့ အဲဒီတိုင်းကနေပြီးတော့ သဘောထားတွေဘာတွေပေါ့။ တိုင်းမှာဆုံပြီးတော့ သူတို့ စည်းရုံးရေး အခြေအနေတို့ဘာတွေ စသဖြင့် ဆွေးနွေးပြီးတဲ့နောက် သူတို့ဆီက ဘယ်လိုဘယ်လို တင်ပြမယ်ဆိုတဲ့ အချက်ကလေးတွေ ယူပြီးတော့ သူတို့ကိုယ်စားလှယ်အဖွဲ့တွေ လာကြတာပေါ့ဗျာ။"

ဒီကနေ့ကျင်းပတဲ့ တိုင်းနဲ့ပြည်နယ် စည်းဝေးပွဲအတွင်း လူငယ်အဖွဲ့ဝင်တွေချမှတ်ခဲ့ကြတဲ့ ဆုံးဖြတ်ချက် ၆ ချက်ကိုတော့ ရန်ကုန်တိုင်းကို ကိုယ်စားပြုတက်ရောက်ခဲ့တဲ့ လူငယ်အဖွဲ့ဝင်တဦးက ဗွီအိုအေကို ပြောပြပါတယ်။

"ကျမတို့ ဒီကနေ့ တိုင်းနဲ့ပြည်နယ်မှာ အစည်းအဝေးဆုံးဖြတ်ချက် ၆ ချက် ချတယ်ရှင့်။ ပထမတချက်က အမျိုးသား ဒီမိုကရေစီအဖွဲ့ချုပ် တိုင်းနဲ့ပြည်နယ် လူငယ်ထုအနေနဲ့ နအဖ ကထုတ်ပြန်တဲ့ ကော်မရှင်ဥပဒေကို လက်မခံသဖြင့် မှတ်ပုံမတင်ကြောင်း၊ နံပါတ် (၂) အချက်ကတော့ ရွှေဂုံတိုင် ကြေညာချက်အတိုင်းပဲ ရပ်တည်သွားမယ် ဆိုတဲ့အကြောင်းရယ်၊ နံပါတ် (၃) အချက်က ဒေါ်အောင်ဆန်းစုကြည်ရဲ့ လမ်းညွှန်ချက်မူအတိုင်းကိုသွားရန် ဆုံးဖြတ်တယ်။ နံပါတ် (၄) အချက်က အမျိုးသားဒီမိုကရေစီအဖွဲ့ချုပ် (၁/၀၃၁၀) ဗဟိုအလုပ်မှုဆောင်အဖွဲ့ဝင် အပါအ၀င် ဒေါ်အောင်ဆန်းစုကြည်နဲ့ တွေ့ဆုံဆွေးနွေးဖို့အတွက် အစည်းအဝေးတရပ် ပြုလုပ်ပြီးတော့ ရရှိလာတဲ့ ဆုံးဖြတ်ချက်အတိုင်း ဆောင်ရွက်သွားမယ်။ နံပါတ် (၅) အချက်ကတော့ အဖွဲ့ချုပ် ဗဟိုဦးစီးအဖွဲ့မှာ လူငယ်ကိုယ်စားပြု ၅ ဦးကို တာဝန်ပေးအပ်ရန် တောင်းဆိုတယ်။ နံပါတ် (၆) အချက်ကတော့ လူငယ်ရေးရာတာဝန်ခံ အထွေထွေအတွင်းရေးမှူး ဒေါ်အောင်ဆန်းစုကြည် ရဲ့အစား ဒုဥက္ကဌ အဘ ဦးတင်ဦးကို လူငယ်ထုကို ကြီးကြပ်ပေးရန် လူငယ်ထုကနေ တောင်းဆိုတယ်။ အဲဒီအချက် ၆ ချက်ပါပဲရှင့်။"
အဲန်အယ်လ်ဒီ လူငယ်အဖွဲ့ဝင်တဦး ပြောပြသွားတာပါ။
လူငယ်အဖွဲ့ဝင်တွေချမှတ်ခဲ့တဲ့ ဆုံးဖြတ်ချက်တွေကို သဘာပတိတယောက်အနေနဲ့ တက်ရောက်နားထောင်ခဲ့ပြီး လာမယ့် မတ်လ ၂၉ ရက်၊ တနင်္လာနေ့မှာကျင်းပမယ့် ပါတီဗဟိုဦးစီးစည်းဝေးပွဲမှာ လူငယ်ကိုယ်စားလှယ်တွေ တက်ရောက် တင်ပြဖို့ သဘောတူခဲ့တယ်လို့ ဦးတင်ဦးက ပြောပါတယ်။ အဲဒီ ၂၉ ရက်နေ့ ကျင်းပမယ့် ဗဟိုဦးစီး စည်းဝေးပွဲကို နဂိုက လူငယ် ကိုယ်စားလှယ် ၃ ဦးသာ တက်ရောက်ဖို့ သဘောတူထားပေမဲ့ အမျိုးသမီးကိုယ်စားလှယ်တွေပါ တက်ရောက်ခွင့်ရနိုင်အောင် နောက်ထပ် ၂ ဦး ထပ်တိုးပြီး စုစုပေါင်း ၅ ဦးတက်ရောက်ခွင့်ပြုဖို့ သဘောတူခဲ့ကြပါတယ်။
မတ်လ ၂၉ ရက်နေ့ကျင်းပမယ့် ဗဟိုဦးစီး စည်းဝေးပွဲမှာ ပါတီ မှတ်ပုံတင်ရေး မတင်ရေးကိစ္စကို ပြေလည်အောင် အဓိကထား ဦးစားပေးပြီး ဆွေးနွေးသွားမယ့်အကြောင်း ဦးတင်ဦးက ပြောပါတယ်။
"မှတ်ပုံတင်မလား မတင်ဘူးလား ဆိုတဲ့ကိစ္စပါပဲ။ ကျန်တာတွေကတော့ အရေးတကြီးကတော့ သိပ်ပြီးမရှိလှပါဘူး။ အဲဒီမှာ တကယ်လို့ ဘယ်လိုဆုံးဖြတ်မယ်ဆိုတာလည်း ကျနော်လည်းပဲ မပြောနိုင်သေးဘူးပေါ့ဗျာ။ အဲဒီတော့ အဲဒီနေ့ကျမှာပဲ ထိုင်ပြီးတော့ လုပ်ပုံလုပ်နည်းလေးတွေကို ထပ်ပြီးတော့ ညှိရဦးမှာပေါ့။ အချိန်လည်း သိပ်မကြာရအောင်ပေါ့ဗျာ။ ဘာဖြစ်လို့လဲဆိုတော့ လျှောက်ပြီးတော့ အကုန်လုံးပြောနေလည်း ဒီကိစ္စတွေက pros and cons တွေက ရှိကြတာပေါ့။ ဆိုတော့ ပြောကြရမယ်ဆိုတာကိုတော့ ဒီမှာ အလုပ်အမှုဆောင်အဖွဲ့တွေမှာလည်း တော်တော်များများလည်း ပြောပြီးပြီ။ သူတို့လည်းပဲ အပြင်လောကမှာ ပြည်သူလူထုတွေရဲ့ အသံဗလံတွေလည်း သူတို့ ကြားတန်တာကြားကြပြီ။ ပြီးတော့ အပြင် မီဒီယာတွေကနေပြီးတော့ အပြင်မှာရှိနေတဲ့ ဒီမိုကရေစီအင်အားစုတွေရဲ့ သဘောသဘာဝကိုလည်းပဲ ပြောတာတွေလည်း ကျနော်တို့ ကြားတန်သလောက်ကြားနေပြီ ဖြစ်တယ်လေ။ အဲဒီ ၂၉ ရက်နေ့ကျမှာပဲ ဘယ်လိုဘယ်ပုံဘယ်နည်း လုပ်မလဲ ဆိုတာကို ကျနော်တို့ ပုံပေါ်လာမှာပဲလေ။ အဲဒီတော့ ၂၉ ရက်နေ့၊ ၃၀ ရက်နေ့လောက်ကတော့ဖြင့် ၂၉ ရက်နေ့မှာလည်း အဖြေသိချင်ရင် သိမယ်ပေါ့ဗျာ။ ဒါမှမဟုတ် ဆက်ပြီးတော့ နည်းနည်းရှိရင်လည်းပဲ ၃၀ ရက်နေ့လောက်ကတော့ သိနိုင်ဖွယ်ရာ ရှိတယ်ပေါ့။ ဒီအချိန်လောက်မှာတော့ တခုခုတော့ ကျနော်တို့က အဖြေတော့ ပေါ်အောင်လုပ်ရမယ့်သဘော ရှိတယ်လေ။ သို့သော်လည်း အဲဒါနဲ့ပတ်သက်ပြီးတော့ ဆက်ပြီးတော့ ဆွေးနွေးတာတို့ဘာတို့ ပေါ်လာရင်တော့လည်း မပြောတတ်ဘူးပေါ့ဗျာ။"
NLD ပါတီ ဒုတိယဥက္ကဋ္ဌ ဦးတင်ဦး ပြောပြသွားတာပါ။ စစ်အစိုးရ ထုတ်ပြန်ထားတဲ့ ရွေးကောက်ပွဲဆိုင်ရာ ဥပဒေတွေဟာ တရားမျှတခြင်းမရှိတာကြောင့် ပါတီမှတ်ပုံတင်မယ့်ကိစ္စကို သဘောမတူဘူးလို့ ဒေါ်အောင်ဆန်းစုကြည်ကတော့ သူ့ရဲ့ ရှေ့နေကဆင့် သူ့ရဲ့သဘောထားကို ပြီးခဲ့တဲ့ အင်္ဂါနေ့မှာပဲ ပြောခဲ့ပြီးဖြစ်ပါတယ်။

နောက်ဆုံးသတင်း

အဖွဲ့ချုပ် ပါတီမှတ်ပုံမတင်ပါနှင့်ဟု ကျောင်းသားခေါင်းဆောင်များနှင့် သံဃာ့တပ်ပေါင်းစု ပန်ကြား

အေးနိုင် ၂၆ မတ် ၂ဝ၁ဝ - DVB

ရှစ်လေးလုံးသမိုင်းဝင်လူထုအုံºကွမှုကနေ ပေါက်ဖွားလာတဲ့ အ မျိုးသားဒီမိုကရေစီအဖွဲ့ချုပ်အနေနဲ့ လူထုခေါင်းဆောင် ဒေါ်အောင်ဆန်းစုကြည်ရဲ့ သဘောထားအတိုင်း လိုက်နာပြီး ပါတီမှတ်ပုံမတင်ပါနဲ့၊ ရွေးကောက်ပွဲမဝင်ပါနဲ့လို့ ပြည်တွင်းက ထင်ရှားတဲ့အဖွဲ့သုံးဖွဲ့က ပူးတွဲတောင်းဆိုလိုက်ပါတယ်။ ၈၈ မျိုးဆက်ကျောင်းသားများ၊ ဗမာနိုင်ငံလုံးဆိုင်ရာကျောင်းသားသမဂ္ဂများ အဖွဲ့ချုပ်နဲ့ မြန်မာနိုင်ငံလုံးဆိုင်ရာသံဃာ့တပ်ပေါင်းစုကြီးတို့ ပူးတွဲထုတ်ပြန်တဲ့ ကြေ ညာချက်မှာ ဒီလိုတောင်းဆိုထားတာပါ။

လာမယ့်တနင်္လာနေ့မှာ ပါတီမှတ်ပုံတင်ရေးမတင်ရေးနဲ့ပတ်သက်လို့ အဖွဲ့ ချုပ် ဌာနချုပ် ဗဟိုကော်မတီအစည်းအဝေးမှာ ဆုံးဖြတ်မယ်လို့ ကြေညာထားတဲ့အ တွက် ခုလို óကိတင်ပန်ကြားတာပါ။

၈၈ မျိုးဆက်ကျောင်းသားခေါင်းဆောင် ကိုထွန်းမြင့်အောင်က

“ကျနော်တို့ ပြည်သူလူထုကိုယ်စား အမျိုးသားဒီမိုကရေစီအဖွဲ့ချုပ်ကို အကြံပြုချင်တာပါ၊ အခု ၂၉ ရက်နေ့မှာ ဆုံးဖြတ်မယ့်ကိစ္စဟာ တကယ်တော့ အမျိုးသားဒီမိုကရေစီအဖွဲ့ချုပ် ပါတီကိစ္စသက်သက်မဟုတ်တော့ပါဘူး၊ ဒါဟာ တတိုင်းပြည်လုံးရဲ့ကံကြမ္မာနဲ့ ဆိုင် လာတဲ့ကိစ္စ” လို့ ပြောကြားပါတယ်။
“အန်အယ်လ်ဒီဆိုတာဟာ ရှစ်လေးလုံးအရေးတော်ပုံကနေ ပေါက်ဖွားလာ ခဲ့တာဖြစ်တာကြောင့် ကျနော်တို့ကျောင်းသားထုနဲ့ ပြည်သူလူထုတရပ်လုံးကနေ ပြီးတော့ ကျနော်တို့အားလုံးရဲ့သဘောထားကို ကျနော်အကြံပေးချင်တာပါ၊ ဒေါ် အောင်ဆန်းစုကြည်ရဲ့ ပါတီမှတ်ပုံတင်ဖို့၊ ဒီလိုမတရားတဲ့ဥပဒေတွေအောက်ကနေ ပြီးတော့ လုပ်ရမယ်ဆိုတာ လက်မခံနိုင်ဘူးဆိုတာဟာ တကယ်တော့ ဒေါ်အောင် ဆန်းစုကြည်တယောက်တည်းရဲ့သဘောထား မဟုတ်ဘဲနဲ့ ကျောင်းသားထုအား လုံး၊ ပြည်သူလူထုတရပ်လုံးရဲ့ သဘောထားကို ထင်ဟပ်နေပါတယ်။
“အမျိုးသားဒီမိုကရေစီအဖွဲ့ချုပ်အနေနဲ့ ဒေါ်စုသဘောထားသက်သက် မဟုတ်ဘဲနဲ့ ဒါဟာ လူထုရဲ့သဘောထားလည်း ဖြစ်တဲ့အတွက်ကြောင့်မို့လို့ အန်အယ်လ်ဒီ စီအီးစီနဲ့ စီစီတွေ ဆုံးဖြတ်မယ့်ပွဲမှာ ဒေါ်စုနဲ့အတူ ရပ်တည်ပြီးတော့ နအဖစစ်အုပ်စုရဲ့ မတရားတဲ့ရွေးကောက်ပွဲကို ဆန့်ကျင်ဖို့အတွက် ကျနော်တို့က အကြံပြုရတာပါ။”

ပြည်ပအခြေစိုက် သာသနာ့ဥသျှောင် (အပြည်ပြည်ဆိုင်ရာမြန်မာရဟန်း တော်များအဖွဲ့ချုပ်) ကလည်း အဖွဲ့ချုပ်ကို မှတ်ပုံမတင်ဖို့ ဒီရွေးကောက်ပွဲကို ပြည်သူ လူထုတရပ်လုံးက မဲမပေးဘဲ ဆန့်ကျင်သပိတ်မှောက်ဖို့ တိုက်တွန်းလိုက်ပါတယ်။
သာသနာ့ဥသျှောင် ဒုတိယဥက္ကဋ္ဌ ဦးကောဝိဒက “ဒီရွေးကောက်ပွဲဟာ အ တုအယောင်ဖြစ်ပြီး စစ်အာဏာပိုင်တွေကို တရားဝင်အုပ် ချုပ်ခွင့်ရအောင် လုပ်တာ ထက်ပိုတဲ့ အဓိပ္ပာယ်မရှိဘူး” လို့ မိန့်ကြားပါတယ်။
“အခု သူတို့ ထွက်လာတဲ့ဥပဒေ အင်တာနက်ကနေ ရတယ်လေ၊ ၅ ခုရှိ တယ် ဖတ်ကြည့်လိုက်တဲ့အခါ ကျတော့ ဒီရွေးကောက်ပွဲသည် အန်အယ်လ်ဒီပါတီနဲ့ ဒေါ်အောင်ဆန်းစုကြည်ကို ပထုတ်ထားတဲ့အကြောင်းအရာတွေပဲ တွေ့နေရတယ် အကုန်လုံးဖတ်ကြည့်လိုက်လို့ရှိရင်၊
“ဒေါ်အောင်ဆန်းစုကြည်ကြောင့်သာလျှင် ပြည်သူလူထုတရပ်လုံးက အန် အယ်လ်ဒီကိုထောက်ခံနေတာကိုး၊ ပါတီမှတ်ပုံတင်လိုက်တာနဲ့တပြိုင်တည်း သူတို့ ဥပဒေအရ ဒေါ်အောင်ဆန်းစုကြည်ကို ပါတီကထုတ်ပစ်ရတော့မယ်၊ ရွေးကောက်ပွဲ ဝင်မယ်ဆိုရင်လည်း ထုတ်ပစ်ရတော့မယ်၊ ပါတီမှတ်ပုံတင်လိုက်တာနဲ့တပြိုင်နက် ၂ဝဝ၈ နာဂစ်ဥပဒေကို အသိအမှတ်ပြုရာလည်းရောက်သွားတော့မယ်၊
“အဲဒီအထဲမှာ စစ်တပ်က တရားဝင်အာဏာသိမ်းခွင့်ရှိစေရမယ်ဆိုတဲ့ အပုဒ်တပုဒ် ပါနေတာကိုကပဲ ဘယ်နိုင်ငံမှမကြားဖူးတဲ့ ဥပဒေမျိုးပါပဲ၊ ဒါကြောင့် ဘုန်းဘုန်းတို့က အန်အယ်လ်ဒီပါတီသည် ပြည်သူ့ထောက်ခံမှုရထားတဲ့ ပါတီကြီး ဖြစ်တဲ့အတွက် သူ့ဟာသူရပ်တည်နေတာ ကောင်းပါတယ်၊ ရွှေဂုံတိုင်မူအတိုင်း ရပ် တည်နေတာ ကောင်းပါတယ်လို့ ဘုန်းဘုန်းတို့ထင်ပါတယ်၊
“ဘုန်းဘုန်းတို့က နိုင်ငံရေးလည်း သိပ်နားလည်တာမဟုတ်ပါဘူး၊ ပြည်သူ လူထုအကျိုးအတွက် မြန်မာနိုင်ငံရှေ›ရေးအကျိုးအတွက် ဘုန်းဘုန်းတို့က မေတ္တာ ရပ်ခံချက်ထုတ်ပြန်ထားတာဖြစ်ပါတယ်။”
==========================