> ကဲ ... ခင်ဗျားတို့ (ဆရာသမားများ) မြှောက်ပေးကြလို့ ကျွန်တော်သွန်းထက်
> ပေါက်တတ်ကရပေါချာချာ (ခင်ဗျားတို့ပြောတဲ့
> ဟာသ) တွေရေးပြပါဦးမယ်။ ဒါကျွန်တော့် အတွေးတွေပါ။ ကျွန်တော့်
> နေထိုင်မှုစရိုက်ပါ။ လက္ခဏာပါ။ ပြီးတော့...... ဘဝပါ။
> ခင်ဗျားတို့ ဖတ်ချင်မှ ဖတ်ပါ။ အနည်းဆုံး
> ခင်ဗျားပြုံးယောင်သမ်းသွားအောင်တော့ ကျွန်တော့်အတွေးတွေက ကူညီနိုင်ပါတယ်။
> အဆုံးထိမဖတ်နိုင်လည်း ကိစ္စမရှိပါဘူး။ ဖတ်ပြီးတော့မှ စာဖတ်သူကို
> ဖတ်သူအရူးလို့ကျွန်တော် ပြောပါဘူး။ ပြောစရာလည်း လိုပါဘူး။
>
> ကိုယ့်အကြောင်းကို ကိုယ်သိကြတယ်မလား။. ... ပြီးတာပဲ...... ကဲ
> ...အတွေးအခေါ် (၁) နဲ့စလိုက်ကြရအောင်.......
>
>
> * * * * * * * * * * * * * * * * * * * * * * * * * * * * * * * * *
> * * * * * * * * * * *
>
> ဥာဏ်မှီသူများ ရယ်မောကြအံ့
>
> ဝဋ်လည်တယ်ဆိုတာကို ကျွန်တော်တို့
> ဗုဒ္ဓဘာသာဝင်များအကြွင်းမဲ့ယုံကြည်ကြသလို အခြားဘာသာဝင်တွေကလည်း အခေါ်
> အဝေါ်တစ်မျိုးနဲ့ လက်ခံကြလိမ့်မယ်လို့ထင်ပါတယ်။ "တန်ပြန်မှုတိုင်းမှာ
> တုန့်ပြန်တဲ့သက်ရောက်မှု" ........ အာ...... ဟုတ်သေးပါဘူး။
> "Reaction..... အင်း .... ဒီလိုလဲ ပြောတတ်ပြန်ဘူး။ (ထားပါတော့)
> ဘာပဲဖြစ်ဖြစ် ကျွန်တော် "ဝဋ်လည်တယ်" ဆိုတာကို အကြွင်းမဲ့ယုံ
> ကြည်ပါတယ်။ ခင်ဗျားဖတ်ဖူးမှာပေါ့ . .. . . .
> ကြောင်ကို ရေနွေးပူနဲ့ပက်လိုက်လို့ တစ်ချိန် ကိုယ့်ပေါ်ရေနွေး
> ပွက်ပွက်ဆူလောင်တာတွေ....
> ကိုယ့်လက်အောက်ကဝန်ထမ်းကို ဆူမိလို့ အထက်လူကြီးရဲ့အဟောက်ပြန်ခံရတာတွေ....
> သူများကိုလက်ညှိုးထိုး အပေါလို့ပြောမိလို့ ကိုယ့်ကိုလက်ညှိုးထိုး
> အရူးလို့ ပြန်ပြောခံရတာတွေ....
> စသဖြင့် ....... ဝဋ်ဆိုတာ တစ်ပတ်ပြီးတစ်ပတ်လည်တတ်ပါတယ်။
> (မီးပျက်နေပေမယ့်လည်း မော်တာမလိုတဲ့အတွက် လည်ပါတယ်။
> ဒါကြောင့် ညလုံးပေါက် CNGလည်း တန်းစီစရာမလိုပါဘူး။ )
> သို့သော်လည်း ကျွန်တော်တစ်ယောက် ဝဋ်လည်မှာကို မကြောက်မရွံ့
> သူများကိုလက်ညှိုးထိုးပြီး ပိုးစိုးပက်စက်ပြောနေပါတယ်
> ဗျား။ အောင်မြတ်လေး ..... အမှန်ကိုပြောတာဘာဖြစ်လဲ...
> ဝဋ်လည်ရင်ခံပစ်လိုက်မယ်ဆိုတဲ့ စိတ်ကလည်းအပြည့်.... ခံချင်လွန်းလို့...
> တခြားတော့ ဟုတ်ဘူး.... ။ ဘယ်သမီးရည်းစားစုံတွဲကိုတွေ့တွေ့ ကျွန်တော်
> အာမနာလျှာမကျိုး၊ မှိုချိုးမျှစ်ချိုး ပိုးစိုးပက်စက် ဝေဖန်
> တတ်တာပါပဲခင်ဗျား။ (ဝဋ်လည်လျှင်လည်း ခံယုံပေါ့)
> ကျွန်တော့်ဝေဖန်ပုံလေးတစ်ချက်လောက် ရှုစားကြပါဦး။
> "ကြည့်ပါဦးကွာ..... အမြင်မတော်၊ ဆင်တော်နဲ့ခလောက်၊
> အမဲရိုးနှယ်ဟင်းအိုးမှ အားမနာ၊ အနူလက်နဲ့ ရွှေခွက်နှိုက်တယ်
> ဆိုတာ အဲဒါမျိုးကွ...... ဘယ်လိုများကြိုက်သွားကြပါလိမ့်......
> ဟိုကောင်ကွာ သူ့ရုပ်မှ သူအားမနာ၊ သူ့ ရုပ်ကလာပ်က ဆုတ်ပျက်ပြီး
> ဖုတ်သဘက်ဝင်စားသလို ချာတူးလန်ရုပ်ကြီးက ဒီလောက်ချောတဲ့စော်ရတာ အံ့ရော
> အံ့ရော..... စော်လေးကိုတော့ နှမျောလိုက်တာကွာ
> သူ့ပုံစံလေးနဲ့ ဒီလို ဘဲနာကြီးကိုမှ သွားကြိုက်ရတယ်လို့.... ဒီရုပ်နဲ့
> ဒီရုပ် မရွံမရှာ တွဲကြတယ်လို့ကွာ...."
> ကဲ..... ဝဋ်ဆိုတာလည်တတ်တယ်တဲ့။ လည်လိုက်စမ်းပါဗျာ ....
> လည်လိုက်စမ်း.... မကြောက်ရေးချ မကြောက်..........
> ကျွန်တော်လည်း အပြောခံချင်လွန်းလို့ပါ။ နော်........ မချုမွန်
> ဟီဟိ..................
>
> * * * * * * * * * * * *
> ** * * * * * * * * * * * *
>
> အခု အတွေးကတော့ ဘယ်သူတွေပြောခဲ့မှန်းမသိတာကို ကျွန်တော်ကဆင့်ပွားပြီး
> အများကြီးလျှောက်တွေးမိတာပါ။ လူနည်းစု
> အကြိုက်တော့ ဟုတ်လိမ့်မယ်မထင်ဘူး ။ အပြာရောင် နည်းနည်း သမ်းလို့ပါ။
> ဒီလိုပါ...... လူကြီးတွေက ဆုံးမပြီဆိုရင် ဗျစ်တောက်
> ဗျစ်တောက်နဲ့ မပြီးနိုင်မစီးနိုင်တော့ဘူး။ ဒီနေရာမှာ
> အဖြစ်အပျက်တစ်ခုလောက်ဥပမာ ပြောပါရစေ...........
> ကောင်လေးနဲ့ ကောင်မလေး
> သမီးရည်းစားနှစ်ယောက်ခိုးရာလိုက်ပြေးသွားကြတာကို နှစ်ဖက်လူကြီးမိဘတွေ
> အပြစ်တင်ကြ
> တဲ့ ဟန်လေးပါ။
> " ခွေးသူတောင်းစား... ဟင်း... သောက်လုပ်သောက်ကိုင်ဖြင့် မရှိဘဲ....
> ဒီမယားခိုးပြေးပြီး ဘာလုပ်ကျွေးမှာလဲ.....
> တော်တော် မိုက်လုံးကြီးတဲ့ကောင်... " တဲ့...။
>
> " ခွေးထက် မိုက်တဲ့သမီး... ခွေး အမြီးဖြတ်ပြီးယူတာမှ ဒီကလေကချေထက်
> သာဦးမယ်... သောက်သုံးမကျ...
> တော်တော် မိုက်တွင်းနက်တဲ့ဟာမ" တဲ့....။
>
> အထက်ပါ ဆုံးမစကားနှစ်ကြောင်းကို သောချာလေ့လာကြည့်ရင် ဆင်မလိုလိုနဲ့
> မတူဘဲ ကွဲပြားတာကိုတွေ့ပါလိမ့်မယ်။
> ယောက်ျားလေးကိုဆူတော့ကျ မိုက်လုံးကြီးတဲ့ကောင်တဲ့..... မိန်းကလေးကျတော့
> မိုက်တွင်းနက်တဲ့ဟာမတဲ့........
> အင်း....ဘာကြောင့်များ...... ခွဲခြားတာပါလိမ့်.......
> ကွဲပြားတာပါလိမ့်.......ကျွန်တော် ဆက်မတွေးနိုင်တော့ပါဘူး.........
> ခင်ဗျားတို့ တွေးတတ်သလောက် ကျွန်တော့်ကို ပြန်ပြောကြစမ်းပါ။
> ခင်ဗျားကကော မိုက်လုံးကြီးတဲ့သူလား၊
> မိုက်တွင်းနက်တဲ့သူလား..................................?
>
> boy boy နဲ့ ဘွန်ဘွန်း ရေ မင်းတို့ကတော့
> မိုက်တွင်းနက်ကြတုန်းပဲနော်..............
>
> * * * * * * * * * * * * * * * * * * * * * * * * * * * * * * *
> * * * * * *
>
>
> ကျွန်တော်တို့အဖွဲ့(Alarm)ရဲ့ အဓိက သီချင်းတီးပေးတဲ့ Reddog(ခွေးနီ)
> အိမ်မှာလာအိပ်ပါတယ်။ သူ့ကွန်ပျူတာပျက်
> နေလို့တဲ့။ ( သူ့အမေပြောတာတော့ အိပ်ချင်မူးတူးနဲ့ Monitor ထဲကို
> ရှူးရှူးပေါက်ချလိုက်လို့ ဆိုလားပဲ )။ ဒါနဲ့ သီချင်း
> အသစ်ရေးဖို့ တိုင်ပင်ကြပါတယ်။ လုပ်ချင်တဲ့ပုံစံလေးတွေပေါ့။
> ကိုရီးယားကားတွေထဲကအတိုင်း သူက သူ့ကောင်မလေးကို
> တိုင်းရင်းသားကျေးရွာကနေ ယုဇနအထိ သုံးမိုင်လောက် ကုန်းပိုးခဲ့ဖူးပါတယ်။
> (Romantic ဆန်ဆန် နွားကျတာပေါ့ဗျာ ဟီဟိ)
> အဲဒါကို စိတ်စွဲပြီး ကျွန်တော် အိပ်မက်မက်ပါတယ်။အဲဒီမှာ ကျွန်တော့်ရဲ့
> ဂျီတော့သူနဲ့ တွေ့ပါတယ်။
> ကျွန်တော် သူမနဲ့တွေ့ပါတယ်။ ဒါပေမယ့် မမြင်ရဘူး။ (အိပ်မက်ဆိုတော့
> ရှုပ်တယ်၊ နည်းနည်း သည်းခံဖတ်နော်)
> သူမ က ပြောပါတယ်။ ဒါပေမယ့် မကြားရဘူး။ ( ပို့စ် မော်ဒန်တွေရေးနေတာ
> မဟုတ်ဘူးနော်။ )
> ရန်ကုန်မှာ မီးတွေပျက်နေလို့ နေပြည်တော်ကို
> ကုန်းပိုးပြီးလိုက်ပို့ပေးပါတဲ့။ ကျွန်တော်ချက်ချင်းပဲ သဘောတူခဲ့တယ်။
> ဒါပေမယ့် သူမက စည်းကမ်းသုံးခုထုတ်ခဲ့တယ်။
> "တစ် ...... မောတယ်လို့ မပြောရဘူး"
> "ချစ်တယ်လို့ ပြောလို့ရတယ်မလား" (မမြင်ရပေမယ့် သူမ ခေါင်းညိတ်ပြတာ
> ကျွန်တော်တွေ့တယ်။)
> "နှစ်....... i ခန္ဓာကိုယ်က လေးတယ်လို့မပြောရဘူး။ "
> "ချစ်တယ်လို့ ပြောလို့ရတယ်မလား" (မမြင်ရပေမယ့်
> မျက်စောင်းလှလှလေးထိုးတာ ကျွန်တော်တွေ့တယ်။)
> "သုံး....... ဘာမှ မမေးရဘူး"
> "ချစ်တယ်လို့ ပြောလို့ရတယ်မလား"
> "မ မေးရဘူးလို့ပြောပြီးပြီလေ"
> "သြော် ... အင်း အင်း "
> ဒီလိုနဲ့ ကုန်းပိုးလာတာ တော်တော်ခရီးရောက်လာတယ်။သူမရဲ့
> ပေါင်နှစ်ချောင်းက သေချာဖမ်းဆုပ်လို့ မမိတဲ့အတွက်
> ခဏခဏ ချော်ထွက်နေတယ်။ ကျွန်တော်ပျော်နေတယ် .. သူမကို
> ကုန်းပိုးထားရပါလားဆိုပြီး ရင်တွေခုန်နေတယ်။ အာခေါင်တွေ
> ခြောက်လာတယ်။ ပြီးတော့ ကျွန်တော် အရမ်းမောလာတယ်..... တဖြည်းဖြည်းနဲ့ သူမ
> ခန္ဓာကိုယ်က အရမ်းလေးလာတယ်.....
> အသက်ရှူမဝဘူး.... မဝဘူး.... လေးတယ်.... အရမ်းပဲ.... နောက်ဆုံး
> မခံနိုင်တော့လို့..................ကျောကုန်းပေါ်က...
> သူမ ကိုချလိုက်တာ................ ဟိုက် ရှားလပတ်
> ပွင့်လောက်နီးနီး ဝတဲ့မိန်းမကြီးဖြစ်နေတယ်။ သူမ ဘယ်ေ၇ာက်သွားလဲတော့
> မသိဘူး။ အဲဒီ့ပွင့်နဲ့တူတဲ့ အမျိုးသမီးက
> ခိုးခိုးခစ်ခစ်ရယ်နေတယ်။ ကျွန်တော့်ကို လူတွေက ပိန်သလောက် ဗလတောင့်တယ်...
> မိန်းမ ဝဝကြီးကို ထမ်းနိုင်တယ်ဆိုပြီး
> ဝိုင်းချီးကျူးကြတယ်။ တဒင်္ဂအတွင်း မြှောက်ပင့်မှုတွေကြားမှာ
> ကျွန်တော်သာယာပြီး သူမကိုမေ့သွားခဲ့တယ်။ နောက်တော့
> ကျွန်တော့်ကို နိုင်ငံတော်က ဆုတွေပေးတယ်။ world records တွေ Guiness
> စံချိန်တွေ ဘာတွေ ချိုးသွားတယ်.... ပြီးလဲပြီးရော
> မြန်မာပြည်ရဲ့ တတိယမြောက် နိုဗယ်ဆုရှင်ကြီးဖြစ်လာတယ်။ ဒါ့အပြင်
> နိုဗယ်ဆုထက်မြင့်တဲ့ ဂလိုဘယ် ဆုရှင်ကြီးဖြစ်လာသတဲ့။
> ဆုက ပစ္စည်းကိုပေးတာမဟုတ်ဘူး။ ငွေသားလည်း မဟုတ်ဘူး။ လူသားစစ်စစ်ကို
> ဆုအဖြစ်ချီးမြှင့်တာတဲ့။ အဲဒီ ကျွန်တော်ရမယ့်
> ဆုကြီးကတော့ ပွင့်လောက်နီးနီး ဝတဲ့ မိန်းမကြီးပဲတဲ့။
> ကျွန်တော်အဲဒီ့တော့မှ လန့်သွားတယ်။ ကျွန်တော်မယူနိုင်ဘူးလို့
> အတင်းအော်တယ်.... မရဘူး ... အော်တယ်... ငြင်းတယ်....
> ဝိုင်းချုပ်ကြတယ်.... ရုန်းတယ်..... မိုးတွေရွာလာတယ်...
> ပြီးတော့ ..... ပြီးတော့............... ကျွန်တော့်ဘဝ...... သူမ.......
> ချစ်တယ်........... ဟင့်အင်းတဲ့.....
> မလုပ်ကြပါနဲ့
> ကျွန်တော် လန့်နိုးသွားတော့ ကျွန်တော် တော်တော် ဖျားနေတယ်....။
> ဟူး....... တော်ပါသေးရဲ့ .... အိပ်မက်ဖြစ်နေလို့
> ကိုယ်အပူချိန် ၁၀၁ ကျော်နေတယ်။ သူမကို ထမ်းခဲ့တဲ့
> ကျောကုန်းကိုစမ်းကြည့်တော့ စိုရွှဲနေတယ်။ သူမများ ရှူးရှူးပေါက်ချ
> ခဲ့သလား။ အား ..... ဟုတ်ပါဘူး..။ ချွေးတွေပါ.......။ ဟိုမိန်းမ
> ဝဝကြီးပေါက်ချခဲ့တာကော မဖြစ်နိုင်ဘူးလား.............
> အား
>
> * * * * * * * * * * * * ** * * * * * * * * * * * * * * * * *
> * * * * ** * *
> ဝတ္ထုရေးမယ်ဆိုရင် အပြန်အလှန်စကားပြောခန်းတွေကလည်း အရေးကြီးလှပါတယ်။
> ဇာတ်ကောင်နှစ်ကောင်(သို့)
> နှစ်ကောင်ထက်များတဲ့ သူတွေရဲ့ မတူညီတဲ့စရိုက်တွေနဲ့ စကားပြောပုံတွေကို
> ဖန်တီးသူက ဂရုတစိုက်ပုံဖော်ရပါတယ်။
> ကိုယ့်၇ဲ့ဆိုလိုရင်း ရောက်အောင်လည်း ဖန်တီးနိုင်ရပါမယ်။ စာဖတ်သူ
> စိတ်ဝင်စားအောင်၊ နစ်ဝင်လာအောင် ဆွဲခေါ်သွား
> တတ်ရမယ်။ ကျွန်တော်ကတော့ ကြိုးစားဆဲပါ။ ဇာတ်ကိုပိုသွက်လာအောင်၊
> အသက်ဝင်လာအောင် လေ့ကျင့်ထားတာလေး
> တွေ ဖတ်ကြည့်ကြပါဦး။ (မကြိုက်ဘူးဆိုရင်တော့ ခင်ဗျားတို့ညံ့လို့ဖြစ်ပြီး၊
> ကြိုက်တယ်ဆိုရင်တော့ ကျွန်တော် တော်လို့ပဲ
> ဖြစ်ပါတယ်။)
> ပြောရမယ်ဆိုရင် အထက်တန်းကျောင်းတစ်ကျောင်းရဲ့ရှေ့မှာ
> ကောင်လေးတစ်ယောက်က ပုံးကြီးတစ်ပုံးနဲ့ ကျောင်း
> တက်ချိန်တိုင်း ပန်းမျိုးစုံလာရောင်းလေ့ရှိပါတယ်။
> ကျောင်းရဲ့စာသင်ခန်းတိုင်းက ဘုရားကျောင်းဆောင်တိုင်းအတွက်
> ကောင်လေးဆီကပဲ ဝယ်ယူကပ်လှူတာများပါတယ်။ ကျောင်းတက်ခေါင်းလောင်းထိုးရင်
> ကောင်လေးကသိမ်းပြန်လေ့ရှိပါတယ်။
> တစ်နေ့မှာတော့ ပန်းရောင်းတဲ့ကောင်လေးဟာ သူ့ဆီမှာလာဝယ်နေကျ
> မျက်မှန်နဲ့ကိုးတန်းကျောင်းသူလေးကို စိတ်ဝင်စားမိ
> သွားတယ်။ ဒီလိုနဲ့ နောက်တစ်ခါသူ့ဆီလာဝယ်တော့
> "ဟေ့ ....ပိုက်ဆံယူလေ"
> "တို့ မယူဘူး... ပန်းတွေက မင်းကိုပေးဖို့ရည်ရွယ်ထားတာ"
> "ဘာလို့လဲ"
> ကောင်လေးက ရုတ်တရက်ဘာဖြေရမှန်းမသိဘူး။ ကောင်မလေးကပဲဆက်ပြောတယ်။
> "ဒါဆို အလကားပေးတာပေါ့"
> "ဟင့်အင်း အလကားပေးတာတော့မဟုတ်ဘူး"
> "ဒါဆို........"
> "လက်ဆောင်အဖြစ်ပေးတာ"
> "ဘာကွာလို့လဲ တူတူပဲကို......."
> "မတူဘူး။ တို့ ပိုက်ဆံမယူဘူးဆိုတာက ရောင်းဖို့မဟုတ်လို့..............
> အလကားဆိုပြီးပေးရင် မင်းက အလကားရတာလို့ပဲထင်မှာ၊ သဘောထားမှာ။
> လက်ဆောင်အဖြစ်ပေးမှ မင်းကလက်ဆောင်အဖြစ် တန်ဖိုးထားမှာ"
>
> ကောင်မလေးတစ်ချက်ပြုံးသွားတယ်။ လမ်းဘေးဈေးရောင်းတဲ့ ပန်းသည်လေးက
> စကားကြီးစကားကျယ်တွေပြောဖို့
> မလိုအပ်ဘူးလို့ သူမ ထင်နေတယ်။အတန်းထဲေ၇ာက်တော့ သူငယ်ချင်းတွေကို
> ပြောပြလိုက်ရော။ ဒီလိုနဲ့ တဖြည်းဖြည်းချင်း
> အားလုံးသိသွားတယ်။ အ.ထ.က ကျောင်းအုပ်ဆရာကြီးလည်း သိသွားတာပေါ့။ သူက
> ဒါမျိုးဆိုမရဘူး။ စည်းကမ်းပိုင်းဆိုင်ရာ
> မှာ အကြပ်မတ်ဆုံးဆိုတဲ့ ဆရာကြီးပဲဟာကို........
> နောက်တစ်နေ့ ပန်းသည်ကောင်လေးနဲ့ ကျောင်းအုပ်ဆရာကြီးတို့
> တွေ့ကြပါလေရော........
>
> "မနေ့က ကျောင်းသူတစ်ယောက်ကို ပန်းတွေ အလကားပေးလိုက်တယ်ဆို"
> "မဟုတ်ပါဘူး"
> " ဒါဖြင့်......"
> " လက်ဆောင် အဖြစ်ပေးလိုက်တာပါ "
> "အမ်"
> " ဆရာကြီးကော လိုချင်လို့လား"
> " ဟေ "
> " ဒါဆိုရင်တော့ အလကားယူသွားပါ"
> " ဘာကွ "
> " ဟော ကျောင်းတက်ခေါင်းလောင်းထိုးသွားပြီ မြန်မြန်ဝင်တော့ ဆရာကြီး "
> " သြော် အင်းအင်း "
>
> ဒီလိုနဲ့ ပထမနေ့ တွေ့ဆုံမှုမှာ ဆရာကြီးဘာမှ မပြောလိုက်နိုင်ဘူး။
> နောက်နေ့ကျတော့ မျက်နှာကို မနေ့ကထက်
> မျက်နှာကို ပိုတင်းထားလိုက်တယ်။ လာပြီ........ ပန်းသည်ကောင်လေးဆီကို
> ဆရာကြီးလာပြီ.....။
> " မင်းဘာကြောင့် သူ့ကို ပန်းတွေ အလကားပေးလိုက်ရတာလဲ "
> " အလကားပေးတာမဟုတ်ပါဘူး။ လက်ဆောင်အဖြစ်ပေးလိုက်တာပါ "
> " သြော်... အေး .. ဘာလို့ လက်ဆောင်ပေးတာလဲ "
> " သူ ရစေချင်လို့ပါ "
> " အွန်.... သူ ရသွားတော့.... မင်းက ဘာလုပ်မှာလဲ "
> " ကျွန်တော်က ဘာလုပ်ရမှာလဲ... သူ ရသွားတာ သူပဲ လုပ်မှာပေါ့ "
> " ဟုတ်သေးဘူးလေ "
> " ဟုတ်ပါတယ်... ဘုရားတင်မလား၊ ဆရာမ ပေးမလား ၊ခေါင်းမှာ ပန်မလား
> တစ်ခုခုပဲ "
> " ထားပါတော့ ထားပါတော့ "
> " ထားပါတော့ ဆိုရအောင် ဆရာကြီးက ပန်းဝယ်ဖို့ ဈေးဆစ်နေလို့လား "
> " အာ ... ဒီကောင် ကွာ "
> " ကဲကဲ ဈေးတည့်သွားပြီပဲထားပါတော့။ ဘာပန်းယူမှာလဲ "
> " နှင်းဆီ၊ စံ ... ဟာ.... ဟုတ်သေးပါဘူး ဟ "
> " မဟုတ်သေး၇င်လည်း ဝင်တော့ဆရာကြီး... ကျောင်းတက်ခေါင်းလောင်း
> ထိုးသွားပြီ "
> " အမ် "
> ကဲ ဒါကတော့ တတိယမြောက်နေ့ပါ။ ဒီတစ်ခါတော့ တကယ်တွေ့ကြပါပြီ။ ( မသိရင်
> အရင်ရက်တွေက
> လူစားထိုး တွေ့နေကြတဲ့ အတိုင်းပဲ )
>
> " ဒီတစ်ခါတော့ မင်း ဝေ့လည်ကြောင်ပတ် မလုပ်နဲ့ "
> " မမဝေ့လည်ကို ဘယ်ကြောင်က လာပတ်နေလို့လဲ ဆရာကြီး "
> " တစ်ခြံကျော်က ကြောင်... ဟာ ..ဟေ့ကောင် ..ပြောလေဆိုးလေ ပါလား။
> မင်းမှာ အပြစ်ရှိတယ် သိလား "
> " ကျွန်တော့်မှာ ရှိမှန်း ဘယ်လိုသိလဲ။ ဆရာကြီး လိုချင်လို့လား "
> " နည်းနည်းလောက် ခွဲ ....ခွဲ ..... မင်းနဲ့ကတော့ကွာ.............
> ကျောင်းသူတစ်ယောက်ကို နှောင့်ယှက်တာကွ။ "
> " ဘယ်လိုများ နှောင့်ယှက်မိပါလိမ့် ဆရာကြီးရယ် ။ "
> " မင်း ပန်းတွေပေးတယ်လေ "
> " ဒါဆို အိမ်တိုင်းက ဘုရားကို ပန်းတွေ ပေးတယ်လေ။ နှောင့်ယှက်တာပဲပေါ့ "
> " မတူဘူးလေကွာ "
> " ဘာကွာလို့လဲ "
> " သူတို့က လှူတာ "
> " ကျွန်ကတော်ကရော "
> " အမ်... သြော်.... မင်းက လက်ဆောင်ပေးတာဆို "
> " ဒီလိုဆို လှူရင် အပြစ်မဟုတ်ဘူးပေါ့။ လက်ဆောင်ပေးရင် အပြစ်ပေါ့။ "
> " အေးပေါ့ "
> " ဒါဆို ကျွန်တော့မှာ အပြစ်ရှိတာပေါ့။ "
> " အေးပေါ့... မင်းကို ဘယ်လို အပြစ်ပေးရင် ကောင်းမလဲ"
> " ကျောင်းထုတ်လိုက်ပါလား ....ဆရာကြီး "
> " ထုတ်..... ထုတ် .... အောင်မာ .... မင်းကကျောင်းမှ မနေတာ "
> " ဒါဆို ..... "
> " မင်း ဒါမျိုးနောက်တစ်ခါ လုပ်ရင် မင်းကို ဒီနားမှာ
> ဈေးရောင်းခွင့်မပြုနိုင်ဘူး "
> " ဒါဆို .... ဟိုနားတိုးရောင်းမယ်လေ "
> " ဘာကွ "
> " အဲလေ ... ကန်တော့ ကန်တော့.. ဘယ်သူ့ကိုမှ လက်ဆောင်မပေးတော့ပါဘူး။ "
> "ပြီးရော ..ပြီးရော ... အင်... ဒါက ဘာလုပ်တာလဲ "
> " ဆရာကြီးဖို့ ပန်းတွေလေ ....."
> " ဒီလောက် အများကြီး .... "
> " ယူလိုက်ပါ ဆရာကြီးရယ် "
> " လက်ဆောင်ပေးတာလား "
> " မဟုတ်ပါဘူး "
> " ဒါဖြင့် "
> " လှူတာပါ "
> " ကောင်းေ၇ာ "
>
> ( စကားပြောခန်းများ လေ့ကျင့်ခြင်း ဖြစ်သဖြင့် ယုတ္တိ တန်မတန်
> ဦးစားမပေးတော့ဘဲ၊ ခက်သွက်
> သွက်ရေးသားနိုင်ရန်သာ ကြိုးစားထားသဖြင့် အမှားအယွင်းရှိခဲ့ပါက ဗွေမယူပဲ၊
> လူကိုသာ လာယူကြပါ ခင်ဗျာ.........)
>
> * * * * * * * * * * * * * * * * * * * * * * ** * * * *
> ** ** * * * * * * *
>
> ( ကဲ ... ဒီတစ်ခါ နောက်ဆုံး တစ်ပိုဒ်ပါပဲ။ ခင်ဗျားဖတ်လာတာ
> ဒီအထိရောက်လာပြီဆိုရင်တော့ သေချာတယ်။
> ခင်ဗျားနဲ့ ကျွန်တော့်ရဲ့ ရင်းနှီးမှုဟာ သာမာန်အဆင့်တော့ မဟုတ်ဘူး။
> ဘာလို့လဲဆိုတော့ ကျွန်တော့်အကြောင်းသိတဲ့သူတွေက
> လွဲလို့ ဘယ်သူမှ ကျွန်တော့်စာတွေကို ဆုံးအောင်မဖတ်ချင်ကြဘူး ။
> ........... ဟီ ... ဟိ .... )
>
> အရာရာတိုင်းမှာ နိဒါန်းက အရေးကြီးပါတယ်။ အစပျိုးတတ်ဖို့လိုတယ်။
> စာစီစာကုံး၊ ဝတ္တု၊ သီချင်း ကအစ
> စကားပြောတာက အဆုံး ဘယ်နေရာမှာပဲဖြစ်ဖြစ် ကိုယ်ပြောချင်တဲ့အရာကို
> ပိုမိုလေးနက်စေဖို့ သက်ဆိုင်တဲ့နိဒါန်းကို ထိရောက်စွာ
> အသုံးချတတ်ဖို့လိုတယ်။ ဖြည်းဖြည်းချင်း ကိုယ်ပြောချင်တဲ့ အရာကို စနစ်တကျ
> ဆွဲခေါ်သွားတတ်ဖို့လိုတယ်။ အဟဲ.... ကျွန်တော်
> ကတော့ အခုကျွန်တော်ပြောချင်တာကို ဘယ်လိုနိဒါန်းပျိုးရမှန်းမသိလို့
> ခက်နေပါတယ်။ ( ဒါကြောင့် ဒီလိုပဲ ပျိုးလိုက်တာ .. ဟီဟိ )
> ကျွန်တော့်မိဘနှစ်ပါးကတော့ သားတစ်ယောက်ကို
> ဆုံးမဖို့အတွက်နိဒါန်းပျိုးတဲ့နေရာမှာ အလွန်တော်တဲ့စုံတွဲပါ။ ဒါပေမယ့်
> သိတယ်မလား။ ကျွန်တော်က နိဒါန်းသာ ကောင်းကောင်းမပျိုးတတ်တာ.... ပျိုးလာတဲ့
> နိဒါန်းကိုတော့ ဘယ်လိုဖျက်ဆီးရမယ်ဆိုတဲ့
> ဥာဏ်က အပြည့်ပါလာပြီးသား...............
> ကျွန်တော့် အဖေက စကားပြောစွမ်းရည်မှာ ကျွန်တော့ထက်သာပါတယ်။
> ကျွန်တော့်ကို " ဟေ့ကောင်... မင်း အလုပ်ရှာတော့
> အလုပ်လုပ်တော့ " လို့ တိုက်ရိုက်မပြောဘူး....။ ( ဗဟုသုတကြွယ်ကြောင်းကလည်း
> ပြချင်သေးတယ်မလား... ဒီတော့ ဟောဒိ
> တစ်ဦးတည်းသော သားယောက်ျားလေးကို.....)
>
> " မင်းသိလား... အမေရိကန်မှာဆိုရင် ၁၈နှစ်ပြည့်ပြီးသူတိုင်း...........
> "
> " သြော် သိတယ်။ မဲပေးနိုင်တယ်။ အရက်၊ ဆေးလိပ် သောက်လို့ရတယ်။
> လက်ထပ်နိုင်ပြီ။ living together
> နေနိုင်တယ်။ တချို့ရုပ်ရှင်တွေ တရားဝင်ကြည့်လို့ ရပြီ။ ဟုတ်တယ်မလား
> ဖေ့ "
> " ဟာ .... အလုပ်လုပ်ကြတာကွ "
> " သြော် ... သိပါဘူး "
>
> ဖေက ယောက်ျားကြီးတန်မဲ့ မျက်စောင်းလှမ်းထိုးပါတယ်။ ( ဖေကြီးရေ
> ကန်တော့ ကန်တော့ .. ဟီဟိ ) ဖေမနိုင်တော့
> မေ လာပါပြီ။
> " ကိုယ့် ခြေထောက်ပေါ် ကိုယ် ရပ်သင့်ပြီ ငါ့သား "
> " ဗျာ မေ့.... မေပြောတော့ သားက တစ်နှစ်သားကတည်းက
> မတ်တပ်ရပ်နိုင်ပြီဆို... ခုသားက ကိုယ့်
> ထောက်နဲ့ ကိုယ်မရပ်လို့ ချိုင်းထောက်နဲ့ ရပ်နေလို့လား "
> ကျွန်တော်က မယုံကြည်ဟန်နဲ့ ခြေထောက်ကို ဆန့်လိုက်ကွေးလိုက်၊
> ကြမ်းပြင်ကို ဖနောင့်နဲ့ ပေါက်လိုက်
> လုပ်ကြည့်နေပါတယ်။
> " ဟေ့ကောင် မင်းပြောင်ချော်ချော် လုပ်မနေနဲ့ ..... တစ်နေ့ တစ်နေ့
> မိဘဆီက မုန့်ဖိုး
> လက်ဖြန့်တောင်းနေတာ မင်းမရှက်ဘူးလား "
> " ဖေ ကလည်း .......... ရှက်တာပေါ့ "
> " ဒါဆို ဘာလို့ တောင်းနေလဲ "
> " ဖေကြီးတို့ကမှ အလိုက်တသိ ထုတ်မပေးတာ "
> " ဘာ "
> " ဟုတ်တယ်လေ.... ဖေကြီးတို့ အလိုက်တသိထုတ်ပေးရင် သားက ဘယ်တောင်းမလဲ။
> သားလည်း တောင်းရတာ ရှက်တာပေါ့ .... "
> ဟဲဟဲ ကျွန်တော့်ရဲ့ ခံစစ်ကြောင်းက ကောင်းကောင်းကြီး အလုပ်လုပ်နေတော့
> တိုက်စစ်ကို မေကြီးက
> ဆက်လက် တာဝန်ယူပါတယ်။
> " ငါ့သား အသက်နှစ်ဆယ် ပြည့်ပြီးနေပြီ။ ထိုင်မစားသင့်တော့ဘူး
> လို့ပြောနေတာ "
> " ဟာ .... သားက ထိုင်မစားလို့ ဒူးထောက်စားရမှာလား။
> ကိုယ့်ခြေထောက်ပေါ် ကိုယ်ရပ်ပြီး
> မတ်တပ်ရပ် စားတာကမှ တော်ပါသေးတယ် မေကြီးရာ"
> " ဟေ့ကောင် .... မင်း အူကြောင်ကြောင် လုပ်မနေနဲ့။ ဒီနေ့က စပြီး
> မင်းကိုမုန့်ဖိုး မပေးနိုင်ဘူး "
> " ဒါဖြင့် မေကြီး ပေးမှာပေါ့ "
> " အောင်မာ မေလည်း မပေးနိုင်ပါဘူး "
> " ဟား...... ဒါဆို မေကြီးတို့ကို ဘွားဘွားနဲ့ တိုင်ပြောမယ်၊
> ဘွားဘွားဆီမှာ သွားနေမယ် "
> " မင်း အဘွားက မင်း ဆံပင်ညှပ်ပြီးမှ သူ့ကိုလာတွေ့တဲ့ "
>
> ဟီး........ ဒါလည်း ဟုတ်တယ်။ ကျွန်တော့်ကို
> ဆံပင်ညှင်းသိုးသိုးနဲ့မို့ ကြည့်မရဘူးတဲ့။ ဒီလောက်ချောတဲ့
> ကျွန်တော့်ကိုဗျာ......... ဟုတ်တယ် .. ဟုတ် ။ ..... ( ဆံပင် ကိုတော့
> မညှပ်နိုင်ပေါင် )
> " ဒီတော့ မင်းသုံးချင်ရင် မင်းဟာမင်းရှာ.... ။ မောင်ဘုန်း
> (ခွေးနီ ) လည်း Goal Rost မှာလုပ်နေပြီ။
> ဘွန်ဘွန်းလည်း Chatrium မှာလုပ်နေပြီ။ မင်းတို့အဖွဲ့မှာ
> မင်းတစ်ယောက်ပဲ အလုပ်အကိုင်မရှိတာ "
> " ငွေရှာချင်တာများ မခက်ပါဘူး ဖေကြီးရာ "
> " အလုပ် လုပ်တော့မှာလား "
> " ဟင့်အင်း ..... သားက ငွေရှာမှာ "
> " ဟမ်..... အလုပ်မလုပ်ဘဲ ဘယ်က ပိုက်ဆံရမှာလဲ "
> " လိုဘူးလေ............. အိမ်ထဲမှာပဲ ရှာမှာပေါ့ "
> " ဘာ "
> " ဟုတ်တယ်လေ ... သားမြင်လို့ သားကောက်ရရင် သားပိုက်ဆံပဲ "
> (ကျွန်တော့်အဖေ နည်းနည်းတော့ လန့်သွားတယ်။ သူ့သားအကြောင်း သူပဲ အသိဆုံးမလား
> ။ )
> " ငါ့ပိုက်ဆံ ပျောက်ရင် မင်း အသေပဲနော် "
> " ဆိုင်ဘူးလေ.... သားကောက်ရရင် သားပိုက်ဆံပါဆို "
> " မင်းတော့ကွာ.... အသက်က နှစ်ဆယ်စွန်းနေပြီ။ လူက ပေါချာချာနဲ့ (
> ဖအေတူသားကိုး )
> ဒါနဲ့များ မိန်းမယူရင်...... "
> " သူ ရှာကျွေးမှာပေါ့ "
> " ဘာ.... နေတော့ကော "
> " ဖေကြီးတို့နဲ့ လာနေမှာပေါ့ "
> " သြော်.... အေး .. ငါ့အိမ်ပေါ်ခေါ်လာရင်တော့ ငါ့မယားပဲ "
> " ဒါကတော့ မေကြီးနဲ့ညှိလေ "
> " ဘာ ... ခွေးသား... မင်း မပြေးနဲ့... သေဖို့သာပြင် "
> "အာ ရဘူး ရဘူး..... ပြေးပြီ... မေကြီးရေ။ သား ဒီနေ့
> အိမ်ပြန်လာတော့ဘူး။ သြော် ...ဒါနဲ့..
> ပြောခဲ့ရဦးမယ်။ ဘယ်သူ့ ပိုက်ဆံမှန်းမသိလို့ သားကောက်ရတဲ့ပိုက်ဆံ
> သုံးထောင်
> ဖေကြီး အိတ်ကပ်ထဲက တွေ့လို့ သားယူထားလိုက်တယ်............. တာ့ ...တာ
> "
>
> (ပြုံးပျော် ကြည်နူး နိုင်ကြပါစေ )
>
> * * * ** * * * * * * ** * * *
> * * * * * ** * * * * * ** * * *
>
>
> မိုးဇက်သွန်းထက်
>
> ( အလုပ်လက်မဲ့...
>
> အလုပ်ရှင် အလိုရှိသည် )
>
>
> PS: : ဖတ်သူအရူးလို့ ကျွန်တော် မပြောဘူးနော်........။
>
No comments:
Post a Comment