H1N1

ခုတလော ကမ္ဘာ့တလွှား ခေတ်စားနေသော ကူးစက်မြန် ရော ဂါဆိုး ၀က်တုတ်ကွေး ထိုင်းနိုင်ငံသို့ ရောက်ရှိပျံ့နှံ့နေပြီဖြစ် သောကြောင့် ထိုင်းနိုင်ငံ မဲဆောက်မြို့ရှိ ကျနော်တို့ SAW အထက်တန်းကျောင်းတွင်လည်း ၀က်တုတ်ကွေး ပညာပေးမှု များကို အတန်းလိုက် နားလည်းလွယ်သည့် နည်းလမ်းများဖြင့် ပြုလုပ် သင်ကြားပေးနေရသည်။

အဓိကကတော့ ၀က်တုတ်ကွေးဆိုတာ ဘာလဲ ...
ဘာကြောင့်ဖြစ်တာလဲ ...
ရောဂါလက္ခဏာတွေကဘာတွေလဲ ...
ဘယ်လိုကူးစက်နိုင်သလဲ ...
ဘယ်လိုကာကွယ်ရမလဲ ဆိုတာတွေကို သင်ကြားပေးတာပါပဲ။
မူလတန်းအဆင့်မှာဆိုရင်တကိုယ်ရေသန့်ရှင်းရေးနဲ့ ကာကွယ်ရေးတွေကို အဓိကထားသင်ပြီး အလယ် တန်းနဲ့ အထက်တန်းအဆင့်မှာဆိုရင် ၀က်တုတ်ကွေးနဲ့ ပတ်သက်ပြီး သတင်းအချက်အလက်များ AH1N1 ဗိုင်းရပ်ပိုး၏ သဘောသဘာဝများကိုပါ ထည့်သွင်းဆွေးနွေးသင်ကြားပါတယ်။
…………………………………………………….
စတုတ္ထတန်း
ကျန်းမာရေးအချိန် …..

ဝက်တုတ်ကွေးနှင့် ပတ်သက်သော အကြောင်းအရာများကို ၀က်အဖျားတက်နေသည့် ပုံကိုဆွဲလိုက် အဖျားတက်နေသော လူပုံစံ သရုပ်ဆောင်ခိုင်းလိုက်နှင့် ပျော်ပျော်ပါးပါး သင်ကြားပြီး အဓိကကျသည့် ကာကွယ်ရေးပိုင်းကိုရောက်လာသည်။
စနစ်ကျဘို့ လိုအပ်လာပြီ …
အချိန်က သိပ်မကျန်တော့ IRC ထုတ်သော ကျောင်းကျန်းမာရေး သင်ခန်းစာထဲမှ လက်ဆေးနည်း (၇) မျိုးကိုတော့ နောက်တပတ်ကျမှ သေသေချာချာ လက်တွေ့သင်မည် လက်ဆေးနည်းပုံတွေကို ပလတ်စ တစ်လောင်းပြီး အိမ်သာနှင့် ရေသုံးသည့်ရေရာများတွင် ကပ်ထားပေမည်။
ကျန်သေးသည့် အချိန်လေးတွင် အခြားကာကွယ်ရေးနည်းလမ်းများကို သွားမည်။

“အခု သားတို့ သမီးတို့ ဆရာသင်ကြားခဲ့တဲ့အတိုင်း ၀က်တုတ်ကွေးအကြောင်းကို သိပြီနော် ”
“သိ ပါ ပြီ”
“ရပြီ ဆရာ ရပြီ”
ကျောင်းသားတွေဖြေတဲ့အသံက တညီတညာနှင့် အသံတည်းမထွက်
“OK OK နောက်တပတ်ပြန်မေးရင်ကော့”
“ရပါတယ်”
“ဆရာ ကြိုက်တဲ့အချိန်မေး ရတယ်”
“ကူးစက်တတ်တဲ့ နည်းလမ်းတွေ သိပြီဆိုရင် ကာကွယ်ဘို့ မလွယ်ဘူးလား”
“လွယ်ပါတယ်”
“ဟေ့ .. တင်ဝင်း မင်း ၀က်ချေးတွေကို လက်နဲ့ မကိုင်နဲ့ ကြားလား”
“အောင်မာ .. ဘာလို့ ကိုင်ရမလဲ မင်းပဲစား”
“ဝေါ့” “ထွီ”
စသည် စသည်ဖြင့် ယောက်ကျားလေးများဘက်မှ တယောက်တပေါက် ထကြပြန်သည်။ သည်အတိုင်း လွှတ်ပေးလိုက်ရင် ကိုယ်ပြောချင်တာ မပြောလိုက်ရဘဲ အချိန်တွေ ကုန်သွားလိမ့်မည်။ ဆူညံလာ သည်ကို ခဏထိန်းပြီး ၀က်မှ လူသို့ မကူးအောင် နေထိုင်းနည်းများ၊ လူ မှ လူ သို့ မကူး အောင်နေထိုင်နည်းများ ပြောပြပြီး၊
“တကယ်လို့ သားတို့ သမီးတို့ လူကြားထဲမှာ နှာချေတာတို့ ချောင်းဆိုးတာတို့ဆိုရင် ဘယ်လို့လုပ်ပြီး နှာချေ ချောင်းဆိုး လုပ်ပြစမ်း”
“ဟတ်ချိုး ဟတ်ချိုး”
“အဟမ်း အဟမ်း အဟွတ် အဟွတ် ဖြောင်း”
ပါးစပ်နှင့် နှာခေါင်းကို လက်များနှင့် အုပ်ပြီး လုပ်ပြကြသည်။
ထူးထူးခြားခြား “ဖြောင်း”ဆိုသည့် အသံလာရာသို ကြည့်လိုက်ရာ နန္ဒဦး က သူများနှင့် မတူပဲ နှာချေ ချောင်းဆိုးတာ လုပ်နေသည်။
“ကဲ သား နန္ဒဦး ထပြီး ဆရာ့ကို နှာချေ ချောင်းဆိုး လုပ်ပြပါအုံး”
နန္ဒဦး ထရပ်လိုက်ပြီးတော့…
“ဟတ်ချိုး ဖြောင်း”
“အဟမ်း ဖြောင်း”
အဟွတ် ဖြောင်း”
နှာတခါချေလျှင် ပါးစပ်နှင့် နှာခေါင်းရှေ့တွင် လက်ခုပ်တခါတီးသည်၊ ချောင်းဆိုးလျှင်လည်း ထိုကဲ့သို တခါတီးသည်။
ကျနော်က မေးကြည့်တော့ သူပြန်ဖြေတဲ့ အဖြေက …
“ဆရာ နှာချေတာတို့ ချောင်းဆိုးတာတို့ဆိုတာ ကိုယ့်မှာ ပိုးရှိရင် ပါလာပြီး သူများဆီ ကူးတာလေ အဲဒါကြောင့် ထွက်လာ တဲ့ ပိုးတွေ သေအောင်လို့ လက်နှစ်ဘက်နဲ့ ရိုက်သတ်နေတာ” တဲ့ …
ကျနော် ဘာပြန်ပြောရမည် မသိခင်မှာပဲ အချိန်ပြောင်း ခေါင်းလောင်းသံက မြည်လာသည်။

စစ်မုန်းသွေး(SAW)
http://socialactionforwomen.blogspot.com/