အိတ်ခ်ျအိုင်ဗီနှင့် နေထိုင်သူများထံ ဒေါ်စု သွားရောက်အားပေး

ခိုင်စု | ဗုဒ္ဓဟူးနေ့၊ နိုဝင်ဘာလ ၁၇ ရက် ၂၀၁၀ ခုနှစ် ၂၀ နာရီ ၂၂ မိနစ်



နယူးဒေလီ (မဇ္ဈိမ) ။ ။ HIV/AIDS နှင့် နေထိုင်နေသူ ၁ဝဝ ကျော်ကို ဒေါ်အောင်ဆန်းစုကြည်က သွားရောက်တွေ့ဆုံကာ အားပေးစကား ပြောကြားခဲ့ကြောင်း အမျိုးသားဒီမိုကရေစီအဖွဲ့ချုပ် NLD က ပြောဆိုသည်။

NLD လူမှုအထောက်အကူပြုအဖွဲ့က ထောက်ပံ့ကာ ပါတီဗဟိုဦးစီးကော်မတီဝင် မဖြူဖြူသင်းနှင့် လူငယ်များ ဦးဆောင်ကာ တည်ထောင်ထားသည့် ဒဂုံမြို့သစ်တောင်ပိုင်းရှိ HIV/AIDS ကယ်ဆယ်ရေးစင်တာရှိ ဦးရေ ၁ဝဝ ကျော်ကို ယနေ့ နေ့လည် ၂ နာရီတွင် တွေ့ဆုံအားပေးခဲ့ခြင်း ဖြစ်သည်။ “လူတိုင်း၊ လူတိုင်းမှာ ကိုယ့်တန်းဖိုးနဲ့ ကိုယ်ရှိတယ်။ ဘာမှ အားငယ်စရာ မလိုဘူး။ မိမိကိုယ် မိမိစိတ်ဓာတ် အင်အားတွေ မြှင်တင်ဖို့လိုတယ်။ အဲဒါလူနာတွေကို ပြောနေတာမဟုတ်ဘူး လူတိုင်းလူတိုင်းကို ပြောနေတာ၊ လူတိုင်းလူတိုင်းမှာ တာဝန်ရှိတယ်။ ကိုယ့်ကိုယ်ကို နိမ့်သလား၊ မြင့်သလားဆိုတာ မိမိအပေါ်မှာပဲ မူတည်တယ်။ ကိုယ့်ကိုယ်ကို စဉ်းစားဖို့လိုတာက ငါဟာ သိက္ခာရှိရှိနဲ့ လူသားတယောက် ဖြစ်တယ်ဆိုတာကို အသိရှိနိုင်ဖို့ လိုအပ်တယ်” ဟု ဒေါ်အောင်ဆန်းစုကြည်က အားပေးစကားပြောသည်ကို မဇ္ဈိမက တယ်လီဖုန်းမှတဆင့် တိုက်ရိုက်နားထောင်ခွင့်ရသည်။

မြန်မာ့ဒီမိုကရေစီခေါင်းဆောင်က တဦးချင်းစီကို အနီရောင် နှင်းဆီပန်းပွင့် တပွင့်စီ ကိုယ်တိုင်ပေးခဲ့သလို၊ HIV / AIDS နှင့် အတူနေသူများဘက်ကလည်း ဝမ်းသာအားရ ဖြစ်ခဲ့ကြသည်။

“အမေစု လာပြီးတော့ သမီးတို့ကို စိတ်ဓာတ်မကျဖို့၊ ကျမတို့တွေကို ဆေးဝါးထောက်ပံပေးဖို့ ပြောပါတယ်။ ကျမတို့လည်း အားတက်မိပါတယ်။ ကျမတို့ကို အားပေးမယ့်သူက မဖြူတယောက်ထဲ ရှိတာဆိုတော့ အခု အမေစုပါ ထပ်တိုးလားတဲ့အတွက် လူနာတွေအားလုံးက အရမ်းအားတက်မိပါတယ်။ ဆေးဝါးအတွက် အမေစုက ထောက်ပံ့ပေးမယ်လို့ ပြောပါတယ်။ လူနာတွေ အကုန်လုံးကို နှင်းဆီပန်းအနီရောင် တပွင့်စီ ပေးပါတယ်။ အမေစုပေးသွားတဲ့ ပန်းတွေကို သမီးတို့က အရမ်းကို တန်ဖိုးထားပါတယ်။ ပန်းတွေ ခြောက်သွားတဲ့အထိ အမြဲတမ်း သိမ်းထားမှာပါ” ဟု အသက် ၃၁ နှစ်အရွယ် HIV နှင့် နေထိုင်သူတဦးဖြစ်သူ မဝင်းဝင်းနိုင်က မဇ္ဈိမကို ပြောသည်။

ကယ်ဆယ်ရေး စင်တာ ၃ ခုတွင် ပျမ်းမျှ လူဦးရေ ၁ဝဝ ကျော် နေထိုင်လျက်ရှိကာ၊ လူနာသစ်များလည်း နေ့စဉ် တိုးပွားလာသည်ဟု မဖြူဖြူသင်းက ပြောသည်။

မဖြူဖြူသင်းက “တိုးလာတဲ့ လူနာအရေအတွက်လောက်ကို ဆေးဝါးပေးဖို့ မလုပ်နိုင်ကြဘူး။ အန်ဂျီအို တွေကလည်း ဆေးပေးလိုက်တယ်။ သူတို့ ရန်ပုံငွေ မရှိတော့ဘူးဆိုရင် ဆေးပေးတာတွေ ရပ်လိုက်တယ်။ ဆေးက ရလိုက် မရလိုက်ဆိုတော့ လူနာတွေအတွက် လက်ရှိ အခြေအနေက ဆေးဝါးအတွက် ခက်ခဲနေတုန်းပဲ” ဟု ပြောသည်။

မြန်မာပြည်တွင် HIV ဗိုင်းရပ်စ်ပိုး ကူးစက်ခံရသူ ၃ သိန်း ၆ သောင်းကျော်ရှိသည်။ AIDS တိုက်ဖျက်ရေး လုပ်ငန်းများအတွက် ကျန်းမာရေးဝန်ကြီးဌာန အသုံးစရိတ်အနေဖြင့် တနှစ်လျှင် အမေရိကန်ဒေါ်လာ တသိန်း ဝန်းကျင်းခန့် ရှိသည်ဟု ကုလသမဂ္ဂ UN AIDS က ထုတ်ပြန်သည့် အချက်အလက်များအရ သိရသည်။