လေဆိပ် သတင်းစာရှင်းလင်းပွဲ စာပေစိစစ်ရေးကြောင့် ပြည်တွင်း သတင်းသမားတွေ တက်ရောက်ခွင့်မရ

By မသင်းသီရိ တနင်္လာ, 29 နိုဝင်ဘာ 2010

ကုလသမဂ္ဂ အထွေထွေ အတွင်းရေးမှူးချုပ်ရဲ့ အထူးအကြံပေး မစ္စတာ ဗီဂျေး နမ်ဘီးယား (Mr. Vijay Nambiar) မြန်မာပြည်ကအပြန် မနေ့က ရန်ကုန် အပြည်ပြည်ဆိုင်ရာ လေဆိပ်မှာ သတင်းထောက်တွေနဲ့ ခေတ္တတွေ့ဆုံခွင့် ရခဲ့ပါတယ်။ ဒီသတင်းကို ရယူဖို့အတွက် ကြိုးစားခဲ့ပေမဲ့ ပြည်တွင်း သတင်းထောက်တွေက စာပေစိစစ်ရေးရဲ့ စီစဉ်ပေးမှု နောက်ကျတာကြောင့် သတင်းယူခွင့် မရခဲ့ကြပါဘူး။ တခါ ဒီတပတ်တွင်း ထုတ်ဝေဖြန့်ချိလာမယ့် သတင်းဂျာနယ် တော်တော်များများမှာလည်း ဒေါ်အောင်ဆန်းစုကြည်ကို ဝေဖန်ထားတဲ့ သတင်းဆောင်းပါးကို စာပေစိစစ်ရေးက မဖြစ်မနေ ထည့်ခိုင်းနေပါတယ်။ အပြည့်အစုံကို မသင်းသီရိက တင်ပြပေးထားပါတယ်။

မြန်မာပြည်ကို ၂ ရက်ကြာ သွားရောက်ခဲ့ပြီး အပြန် မနေ့က ရန်ကုန်လေဆိပ်မှာ ခပ်တိုတို ပြုလုပ်ခဲ့တဲ့ မစ္စတာ ဗီဂျေး နမ်ဘီးယားရဲ့ သတင်းစာ ရှင်းလင်းပွဲကို ပြည်ပ သတင်းဌာနတွေအတွက် အခြေစိုက် လုပ်ပေးနေကြတဲ့ သတင်းသမားတွေသာ တက်ရောက်ခွင့် ရလိုက်ပြီး ပြည်တွင်း သတင်းဂျာနယ်က သတင်းသမားတွေ ဘယ်သူမှ တက်ရောက် သတင်းယူခွင့် မရလိုက်ကြပါဘူး။ အကြောင်းကတော့ စာပေစိစစ်ရေးရဲ့ စီစဉ်ပေးမှုနဲ့ သွားလာကြရတဲ့ သူတို့အတွက် မနေ့က စာပေစိစစ်ရေးက စီစဉ် အကြောင်းကြားတာတွေ နောက်ကျသွားတာမို့ လေဆိပ်ထဲ ၀င်မရတဲ့ ပြဿနာ ကြုံခဲ့ရတာလို့ ပြည်တွင်း သတင်းထောက်တဦးက ပြောပါတယ်။

http://www.voanews.com/burmese/news/