ကရင်နီပြည် လွိုင်ကော်မြို့တွင် ယမန်နေ့ညမှ စတင်၍ ညမထွက်ရ စစ်အုပ်ချုပ်ရေး အမိန့်(မာရှယ်လော) ချမှတ်ထားလိုက်ပြီဟု လွိုင်ကော်ဒေသခံများက ပြောသည်။
“မနေ့က မြို့မရဲစခန်းက ဖုန်းဆက်လာတယ်။ ည ၈ နာရီခွဲပြီဆိုရင် အင်တာနက် ဆိုင် ပိတ်ရမယ်။ ပြီးတော့ ၁၀ နာရီနောက်ပိုင်းဆိုရင် ဘယ်သူမှ အပြင်မထွက်ရ ဘူးလို့ ဖုန်းဆက်လာတယ်လေ။ ဆိုင်တိုင်းကို ဖုန်းဆက်ပြောတယ်” ဟု လွိုင်ကော် မြို့မှ ဆိုင်ရှင်တဦးက ပြောသည်။
ယခုကဲ့သို့ မာရှယ်လော ချထားရခြင်းမှာ ဖောက်ခွဲရေးသမားများ ၀င်ရောက် လာခြင်းကြောင့် ဖြစ်သည်ဟု အကြောင်းပြထားပြီး လိုက်နာမှု မရှိပါက တစုံတရာ ပြုလုပ်မည်ကိုတော့ ပြောကြားထားခြင်းများ မရှိသေးပေ။
“ဟို့အရင်တုန်းက အဲလိုသတ်မှတ်ထားတာ ရှိတယ်။ အဲဒါအပြင် ထွက်တော့ သူတို့နဲ့ တိုးတယ်လေး။ သူတို့က ချက်ချင်း ဖမ်းစစ်ပြီးတော့ မာရှယ်လော ထုတ်ထားတယ်။ ပစ်သတ်လို့ ရတယ်ဆိုတာသိလာ၊ ဘာညာ ပြောတယ်။ ပြီးတော့ လွယ်အိတ်တွေ၊ ဆိုင်ကယ်တွေအားလုံး စစ်ဆေးတယ်” ဟု ယခင်က ကိုယ်တွေ့ကြုံခဲ့ဖူးသည့် လွိုင်ကော် ဒေသခံ တဦးက ပြောသည်။
ဆက်လက်ပြီး ညမထွက်ရ မာရှယ်လော ချမှတ်ထားသည့်အပြင် ဧည့်စာရင်များကိုလည်း ညတိုင်း စစ်ဆေးခြင်း၊ ရဲများနှင့် စစ်တပ်များ မှလည်း ညအချိန် ကင်းလှည့်ခြင်းများ ရှိသည်ဟုလည်း ပြောပါသည်။
ဖယ်ဒရယ်တိုင်းရင်းသား ရေးရာဝန်ကြီး ခွန်းမားကိုဘန်က “မာရှယ်လော ချထားတယ်ဆိုကတည်းက ပထမအချက်က လုံခြုံရေးကို ပိုပြီးတော့ ချထားမယ်။ အကြောင်းအရာက လာမယ့် ရွေးကောက်ပွဲအတွက် သူတို့ လုပ်ထားတာ ဖြစ်မှာပေါ့။ အဲဒါဆို ပြည်သူလူထုရဲ့ စားဝတ်နေရေးတွေ၊ ကုန်ဈေးနှုန်းတွေ တက်လာမှာပဲ” ဟု သုံးသပ်ပြောကြားသွားပါသည်။
ညမထွက်ရအမိန့် မာရှယ်လောကို ယခုလောလောဆယ် ကရင်နီပြည်လွိုင်ကော်မြို့ တနေရာတည်းသာ ချထားကြောင်း သိရသည်။
http://burmese.bnionline.net/news/shan/5580-2010-11-01-12-37-26.html
No comments:
Post a Comment