အရပ်သားအမြင်နဲ့ စစ်သားအထင်
ဦးအောင်ခင်
၉ စက်တင်ဘာ ၂၀၀၉
မြန်မာပြည်မှာ ဒီမိုကရေစီစနစ်တည်ဆောက်ချင်တဲ့ အရပ်သားအဖွဲ့အစည်းတွေနဲ့ စစ်အစိုးရတို့ စေ့စပ်ဆွေးနွေးတဲ့အဆင့်ကို မရောက်နိုင်သေးဘဲ လိပ်ခဲတည်းလည်းဖြစ်နေရတဲ့ အခြေခံအကြောင်းတခုက အရပ်သားရဲ့ သမိုင်းအမြင်နဲ့ စစ်သားရဲ့ သမိုင်းအမြင် ကွဲပြားခြားနားနေလို့ပါပဲ။ စစ်တပ်တိုင်းမှာ သီးခြားအသွင်လက္ခဏာရှိတယ်။ အရပ်သားနဲ့စစ်သားဟာ သမိုင်းအမြင်ချင်း မတူတာများပါတယ်။ စစ်ဗိုလ်ရဲ့ အတွေးအခေါ်ဟာ စစ်တပ်ရဲ့သမိုင်းအမြင်က လွှမ်းမိုးလေ့ရှိတယ်။
အရပ်သားဟာ သူတွေ့ရှိတဲ့ အချက်အလက်ပေါ်မှာမူတည်ပြီး သမိုင်းရေးတယ်။ မိမိတွေ့ရှိတဲ့ အချက်အလက်ကိုလိုက်ပြီး သုံးသပ်မှုနဲ့ အဓိပ္ပာယ်ဖော်မှုလည်း ပြောင်းသွားရပါတယ်။ ကိုယ်ဖြစ်ချင်တာကို ရေးလို့မရဘူး။ ကိုယ်ထင်တာကိုမရေးဘဲ တွေ့တဲ့အတိုင်းရေးတာကို သတ္တိရှိတယ်လို့ ပြောတာပါပဲ။ ဗမာစစ်တပ်က သမိုင်းရေးသလို လိုချင်တာတွေထည့်ပြီး မလိုချင်တာ ကို ဖယ်ထုတ်လို့မရပါဘူး။ လူသတ်တာကို ကယ်တင်တာလို့ ရေးလို့မရပါဘူး။ အနောက်တိုင်းမှာ နာမည်ကြီးတဲ့ စစ်သမိုင်းဆရာတွေဟာ အရပ်သားတွေပါ။ ဗမာပြည်မှာတော့ စစ်ဗိုလ်ကသာ စစ်သမိုင်းကို ရေးခွင့်ရှိသလို ဖြစ်နေတယ်။
စစ်တပ်ကိုအယုံတင်သွင်းရာမှာ သမိုင်းကို ၀ါဒဖြန့်ပစ္စည်းအဖြစ် အသုံးပြုပြီး ပုံကြီးချဲ့လေ့ရှိတယ်။ ဒီလိုပြောပါများလာတော့ စစ်ခေါင်းဆောင်တွေကိုယ်တိုင် ဂျပိုးကိုလိပ်လို့ ယုံကြည်လာတာပါပဲ။ ဒါကို စိတ်ပညာမှာ auto-suggestion လို့ခေါ်တယ်။ ၂၀ ရာစုအစောပိုင်းမှာ ပြင်သစ်စိတ်ပညာရှင်တဦး Emile Coue 1857-1926 တွေ့တဲ့နည်းပါ။ မိမိကိုယ်မိမိ ကယ်တင်ရှင်လို့ အနှစ် (၅၀) နီးပါး ၀ါဒဖြန့်လာတဲ့ စစ်ခေါင်းဆောင်တွေဟာ သူတို့ဝါဒဖြန့်တာကို သူတို့ကိုယ်တိုင် ပြန်ယုံနေတဲ့အတွက် နေရာတကာ စစ်ဗိုလ်က ဦးဆောင်ခွင့်ရှိကြောင်း ဥပဒေပြုတာဖြစ်တယ်။
ဥပမာ အမေရိကန်နဲ့ အင်္ဂလိပ် စစ်အင်အားကြီးမားလို့ ဂျပန်စစ်ရှုံးရတာ တကမ္ဘာလုံး သိတယ်။ ဂျပန့်လက်အောက်ခံ ဗမာစစ်တပ်က ဂျပန်ကိုတော်လှန်ပြီး အင်္ဂလိပ်နဲ့ အမေရိကန်ဘက်က ကူတိုက်ပေးတယ်။ ဗမာစစ်တပ် မကူလည်း အင်္ဂလိပ်/အမေရိကန်က နိုင်မှာပါပဲ။ ဗမာစစ်တပ်က တော်လှန်လို့ ဂျပန်စစ်ရှုံးတာမဟုတ်ဘူး။ ဂျပန်ကို တော်လှန်တဲ့အတွက် ဗမာစစ်တပ်သာ အမြတ်ထွက်သွားတယ်။ ဂျပန်နဲ့လက်တွဲပြီး အင်္ဂလိပ်၊ အမေရိကန်တပ်ကို သွားတိုက်မယ်ဆိုရင် ဗမာစစ်တပ်ဟာ အိန္ဒိယလွတ်လပ်ရေးတပ်ဖွဲ့လို အင်္ဂလိပ်စစ်တပ်ရဲ့ ကူလီဘ၀ကို ရောက်သွားမှာ သေချာတယ်။
ဒီအဖြစ်အမှန်ကိုမထုတ်ဖော်ဘဲ တပ်မတော်ကတော်လှန်လို့သာ ဂျပန်စစ်ရှုံးသလိုလို တပြည်လုံးကို ၀ါဒဖြန့်ထားတာ စစ်တပ်ရဲ့ သမိုင်းအမြင်ပါပဲ။ ဗမာစစ်တပ်တိုက်ယူလို့ လွတ်လပ်ရေးရတာလို့ စစ်ဗိုလ်တွေယူဆထားတာဟာ မှားယွင်းတဲ့သမိုင်းအမြင်ပါ။ မြန်မာ့လွတ်လပ်ရေးလှုပ်ရှားမှုသမိုင်းမှာ ဖက်ဆစ်တော်လှန်ရေးဟာ အခန်းကဏ္ဍလေးတခုသာဖြစ်တယ်။ စစ်ပြီးခေတ် လွတ်လပ်ရေးကြိုးပမ်းမှုဟာ နှလုံးရည်တိုက်ပွဲသာဖြစ်တယ်။ အဲဒီအချိန်မှာ ဗမာစစ်တပ်ဟာ အင်္ဂလိပ်စစ်တပ်ရဲ့ လက်အောက်ခံ ဖြစ်နေလို့ လွတ်လပ်ရေးလှုပ်ရှားမှုမှာ တိုက်ရိုက်မပါဝင်နိုင်ခဲ့ဘူး။
ခေတ်ပညာတတ် စစ်ဗိုလ်ဆရာဝန် စာရေးဆရာ ဒေါက်တာမောင်မောင်ညို လိုဟာမျိုးကတောင် ဂျပန်တော်လှန်ရေးကို အကြီးအကျယ် အောက်မေ့နေတယ်။ ၁၉၇၃ ခုနှစ်က တိုကျိုမှာ ကျနော် သမိုင်းသုတေသနလုပ်နေတုန်း ဒေါက်တာမောင်မောင်ညိုနဲ့ ခဏဆုံမိတော့ ဂျပန်တော်လှန်ရေးအကြောင်း ဘာတွေရေးထားသလဲလို့ သူကမေးတယ်။ ဂျပန်တော်လှန်ရေးကို အလေးအနက်ထားသူ သိပ်မရှိကြောင်း ပြောပြတော့ ဒေါက်တာမောင်မောင်ညို အတော်မကျေမနပ် ဖြစ်သွားတယ်။ ဂျပန်တော်လှန်ရေးကို မှေးမှိန်သေးသိမ်အောင် ကျနော်က တမင်ပြောတဲ့ပုံစံနဲ့ သူ့ခရီးသွားမှတ်တမ်းမှာ ၁၉၇၇ က ရေးထားတယ်။ စစ်ဗိုလ်ဆရာဝန် ဒေါက်တာမောင်မောင်ညိုလည်း စစ်တပ်ဝါဒဖြန့်တာကို ယုံကြည်သူပါပဲ။
အခုတော့ ဂျပန်ကို ဗမာစစ်တပ်က တွန်းလှန်လိုက်တယ်ဆိုတဲ့ စိတ်ကူးယဉ်ချက်ကို အများယုံကြည်လာအောင် ပုံကြီးချဲ့ဝါဒဖြန့်ပြီး နိုင်ငံရေးအာဏာကို လက်ဝါးကြီးအုပ်ထားတယ်။ ဂျပန်ကို တိုက်ထုတ်သူဟာ ဗမာစစ်တပ်ဖြစ်ကြောင်း ပုံကြီးချဲ့တာကိုနားထောင်ပြီး လူငယ်တွေ ကြီးပြင်းလာရတယ်။ ဗမာစစ်တပ်ရဲ့ ပုံကြီးချဲ့ဇာတ်လမ်းအရ အင်္ဂလိပ်စစ်တပ်၊ အမေရိကန်စစ်တပ်၊ တရုတ်၊ ကရင်၊ ကချင်၊ ချင်း၊ နာဂနဲ့ မြန်မာအရပ်သားတွေကတော့ ဂျပန်တော်လှန်ရေးမှာ မပါသလို ဖြစ်နေတယ်။
တကယ်တော့ ဂျပန်တော်လှန်ရေးကို ပထမဆုံး စတင်ဆင်နွှဲသူဟာ ကရင်နဲ့ ချင်းအမျိုးသားတွေပါ။ ကရင်တိုင်းရင်းသားတွေနဲ့ အတူ ပထမဆုံးသော ဂျပန်ဆန့်ကျင်ရေးတိုက်ပွဲ ဦးဆောင်ဆင်နွှဲခဲ့သူ ဗြိတိသျှဗိုလ်မှူး Hugh Paul Seagrim ဖြစ်တယ်။ ကရင်ပြောက်ကျားအဖွဲ့က ဂျပန်စစ်တပ်ကို ပထမဆုံးတော်လှန်တာဖြစ်တယ်။
၁၉၄၂ ခုနှစ် ဆောင်းဦးရာသီမှာ ကလေးမြို့ကို ဂျပန်သိမ်းပိုက်ထားတုန်း ကင်းလှည့်တဲ့ ဂျပန်စစ်သားကို ဇိုပြည်သူ့စစ်က ဖြောင်ပစ်တဲ့အတွက် အဲဒီအချိန်ကတည်းက ချင်းတော်လှန်ရေးစတယ်လို့ ဆိုနိုင်ပါတယ်။ ကလေးမြို့အနီးမှာ ဂျပန်တပ်ဖွဲ့တဖွဲ့ အနားယူနေစဉ် ၁၉၄၂ ခုနှစ် ဒီဇင်ဘာ (၂၃) ရက်နေ့မှာ ဇိုပြည်သူ့စစ်က လျှပ်တပြက်ဝင်တိုက်လို့ ဂျပန် (၁၂) ဦး ကျသွားတယ်။ ဒီတိုက်ပွဲသတင်းကို ဒီဇင်ဘာ (၂၆) ရက်နေ့မှာ ဘီဘီစီအင်္ဂလိပ်ပိုင်းက ကြေညာတယ်။ ဒါဟာ အရပ်သားရေးတဲ့ သမိုင်းပါ။ စစ်တပ်ကို ကယ်တင်ရှင်လို့ ပြည်သူလူထုက မယူဆပါဘူး။
စစ်ခေါင်းဆောင်ကို သစ္စာရှိတဲ့စစ်တပ်ဟာ အဲဒီစစ်ခေါင်းဆောင်အလွဲသုံးစားလုပ်တာကို ခံရတယ်။ ဗိုလ်နေ၀င်းနဲ့ ဗိုလ်သန်းရွှေဟာ သာဓကတွေပဲ။ ဒီကနေ့ စစ်ဗိုလ်တွေလက်ခံတဲ့ နိုင်ငံရေးအယူအဆကို နောက်တနေ့မှာ စစ်ဗိုလ်တွေ မေ့သွားနိုင်တယ်။ ၁၉၆၂ ကစပြီး ဗမာစစ်တပ်တခုလုံးက ယုံကြည်ပါတယ်လို့ ကြွေးကြော်ခဲ့တဲ့ ဆိုရှယ်လစ်ဝါဒကို ၁၉၈၈ ရောက်တော့ ယုံကြည်တဲ့စစ်ဗိုလ် တယောက်မှမရှိတော့ဘူး။ ဒါဟာ ဗမာစစ်ဗိုလ်တွေရဲ့ ခံယူချက်လား။
အပြင်လူက မြန်မာပြည်ကို နားလည်ဖို့လိုအပ်သလို မြန်မာတွေကလည်း မိမိကိုယ်မိမိ အကဲဖြတ်ဖို့လိုအပ်ကြောင်း အမေရိကန်သမိုင်းဆရာကြီး ဂွန်ကေဒီ ၁၉၅၇ ခုနှစ်က ပြောဖူးတယ်။ ဗမာစစ်အစိုးရက အနှစ် (၅၀) နီးပါး ကိုယ်ရည်သွေး ၀ါဒဖြန့်ခဲ့တာကြောင့် မြန်မာ့သမိုင်းဖြစ်ရပ်မှန်ကို သိနိုင်ဖို့ မလွယ်ပါဘူး။ အဖြစ်မှန်ကိုမသိရင် တဘက်နဲ့တဘက် နားလည်ဖို့နဲ့ ပြဿဖြေရှင်းဖို့ ခက်ခဲနိုင်တယ်။
ဥပမာ အင်္ဂလိပ်ကိုလိုနီနယ်ချဲ့ဟာ တိုင်းရင်းသားလူမျိုးတွေကို စိတ်ဝမ်းကွဲပြားအောင်လုပ်ပြီး မြန်မာပြည်ကို သွေးစုပ်ခြယ်လှယ် တယ်ဆိုတာနဲ့ ဖက်ဆစ်တော်လှန်ရေးဆင်နွှဲလို့ လွတ်လပ်ရေးရတာဆိုတဲ့ ၀ါဒဖြန့်ချက်တွေကို ယုံကြည်လေလေ တိုင်းရင်းသားပြဿနာ ဖြေရှင်းရတာ ခက်လေလေပါပဲ။ မြန်မာ့ပြဿနာဟာ တိုင်းရင်းသားအရေးမှာ အခြေခံတယ်လို့ဆိုတယ်။ ဗမာလူမျိုး ရောက်မလာမီကတည်းက မြန်မာပြည်မှာ တိုင်းရင်းသားအမျိုးမျိုးရှိနေတယ်။ တိုင်းရင်းသားတွေဟာ ဗမာမင်းကို သစ္စာခံလိုက်၊ တရုတ်လက်အောက်ရောက်သွားလိုက်၊ ထိုင်းကိုသစ္စာခံလိုက်နဲ့ နောက်ဆုံး အင်္ဂလိပ်လက်ထက်ရောက်တော့မှ သူတို့ဘ၀ဟာ လုံခြုံသွားတဲ့သဘောပါပဲ။ ရှေးကတည်းက ဗမာမင်းနဲ့ တိုင်းရင်းသားတွေ အကွဲကွဲအပြဲပြဲဖြစ်လာတာကို အင်္ဂလိပ်က လိုသလို အသုံးချသွားတာပါပဲ။
ဖက်ဆစ်ဂျပန်စစ်ဗိုလ်ကလည်း သူ့ကိုယ်သူကိုယ် ကယ်တင်ရှင်လို့ ယူဆတာပဲ၊ ၁၉၄၅ မှာ ဂျပန်လက်နက်ချပြီး စစ်တပ်တခုလုံး ဖျက်သိမ်းလိုက်တော့မှ ကယ်တင်ရှင်ဝါဒ နိဂုံးချုပ်သွားတယ်။ စစ်ပြီးခေတ်ဂျပန်မှာ နှစ်ပေါင်းအတော်ကြာ စစ်တပ်မရှိဘူး။ အမေရိကန်စစ်တပ်နဲ့ ဂျပန်အရပ်သားအစိုးရက ပူးတွဲအုပ်ချုပ်ပါတယ်။ စစ်ဗိုလ်တွေကြောင့် တိုင်းပြည်ပျက်စီးခဲ့ရတဲ့အဖြေစ်ကို နာကြည်းခဲ့တဲ့ ဂျပန်နိုင်ငံမှာ စစ်မှုထမ်းအလုပ်ကို ဂုဏ်ယူစရာလို့ မယူဆကြတော့ဘူး။ စစ်ရှုံးလို့ရရှိလိုက်တဲ့ အကျိုးအမြတ်ကတော့ ဂျပန်ပြည်မှာ စစ်ဝါဒကွယ်ပျောက်ပြီး ဒီမိုကရေစီစနစ် ထွန်းကားလာတာပါပဲ။
ရဲဘော်ဖိုးသံချောင်း
၂ အောက်တိုဘာ ၂၀၀၉
ဗမာပြည်ကမီဒီယာတွေကို ဖတ်ကြည့်တဲ့အခါ ဗမာပြည်နိုင်ငံရေးမှာ ရှုပ်ထွေးစရာတွေပေါ်လာမယ့် လက္ခဏာတွေ တော်တော်တွေ့လာနေရပါတယ်။ ဒီကြားထဲ အမေရိကန်နိုင်ငံက ပေါ်လစီပြောင်းမယ်ဆိုတဲ့ သတင်းကလည်းရှိနေတော့ မကြာခင်မှာ အသံတွေပိုစီညံလာဦးမှာ သေချာနေပါတယ်။
ဒါပေမယ့် ဘယ်လိုလေသံတွေပဲဖြစ်နေနေ၊ အဆုံးမှာသတ္တုချလိုက်ရင်တော့ ပြောဆိုနေကြတာဟာ နအဖက ကျင်းပမယ့် လာမယ့် ရွေးကောက်ပွဲကို ၀င်မလား၊ မ၀င်ဘူးလားဆိုတဲ့နှစ်ခုပါပဲ။ ကြားမရှိဘူးလို့တောင် ပြောရင်ရပါတယ်။
ဒီရွေးကောက်ပွဲကိုဝင်ဖို့ တိုက်တွန်းသူတွေထဲမှာ ကိုယ်တိုင်ဝင်မယ့်လူလည်းရှိ၊ ကိုယ်တိုင်မ၀င်ဘဲ ဟောပြောတရားချတာ သက်သက်လုပ်နေသူတွေလည်းရှိ၊ လူအမျိုးအမျိုးပဲဆိုတာ တွေ့ရမှာပါ။ ဒီအထဲက တချို့ကဆိုရင် အိုဘားမားနဲ့ ဒေါ်ကလင်တန်တောင်မှ သူတို့ရဲ့နောက်ကို လိုက်လာတယ်လို့ ပြောချင်ဟန်ရှိပါတယ်။
ဒီလိုရွေးကောက်ပွဲအတွက် တောခြောက်ပေး၊ ဘေးတီးပေးသူတွေအထဲမှာ တချို့က ဒီလိုလုပ်တာဟာ သူတို့ ကိုယ်ကျိုးအတွက်မဟုတ်ပါဘူး၊ သူတို့ကိုယ်တိုင်လည်း ဒီရွေးကောက်ပွဲကိုမ၀င်ပါဘူးလို့ ဆိုကြပါတယ်။ ဟုတ်ပါတယ်။ သူတို့ရဲ့အသက်အရွယ်အရ ဖြစ်စေ၊ သူတို့ရဲ့သုညနားကပ်နေတဲ့ နိုင်ငံရေးဂုဏ်သိက္ခာအရပဲဖြစ်စေ၊ သူတို့ဟာ ရွေးကောက်ပွဲကို ၀င်ချင်လို့လည်း ၀င်လို့မရပါဘူး။ သူတို့ဟာ ဒီနေ့ နအဖရဲ့ အဓိကရန်ဘက်စာရင်းမှာပါနေတဲ့ အမျိုးသားဒီမိုကရေစီအဖွဲ့ချုပ်၊ ဗကပ စတာတွေထဲမှာ ပါဖူးပါတယ်။ လက်နက်လည်းချဖူးကြပါတယ်။ ဒီတော့ “တခါလက်နက်ချဖူးရင် အကြိမ်ကြိမ်လက်နက်ချနေရတယ်” ဆိုတဲ့ လက်နက်ချတို့ရဲ့ အစဉ်အလာအတိုင်း မသေမချင်း တိုင်းပြည်မှာအရေးကြီးတဲ့ ကိစ္စပေါ်လာတိုင်း စစ်အုပ်စုက လိုအပ်တယ်ဆိုရင် ထောက်ခံစာတွေ ရေးပေးနေရတာပါပဲ။ သူတို့ကိုယ်တိုင်ကတော့ လူထုအပေါ်ဘာသြဇာမှမရှိတော့ပါဘူး။ ဒါပေမယ့် သူတို့က အင်္ဂလိပ်စကားလုံးတွေနဲ့ သဘောတရားတွေထုတ်တတ်တော့ နအဖကိုလည်းဖားချင်၊ ဘာသဘောတရားအကြောင်းပြချက်နဲ့ ဖားရမှန်းမသိ ဖြစ်နေသူတွေအတွက် အထောက်အကူ ဖြစ်စေပါတယ်။
နောက်ပြီး နအဖကိုဖားချင်လို့ဖြစ်စေ၊ ပညာတတ်ဂိုက် ဖမ်းချင်လို့ဖြစ်စေ သူတို့ရေးတာတွေကို ဖော်ပြပေးနေတဲ့ မီဒီယာတွေလည်း ရှိနေပါတယ်။ ဒါကြောင့် သူတို့ရေးတာ၊ ပြောတာတွေဟာ တချို့လူတွေအတွက်တော့ အသုံး ၀င်တန်ဖိုးရှိတယ်လို့ပဲ ပြောရမယ်ထင်ပါတယ်။ ပြည်တွင်းက မြို့ပေါ်မှာနေသူတွေဆိုတော့ သူတို့ဟာ သူတို့နဲ့ပြိုင်ငြင်းလို့ မရမှန်းသိထားတဲ့အတိုင်း လူတကာကိုတိုက်ခိုက်တာ ဆွတာတွေလုပ်ကြပါတယ်။ တခါတလေမှာ သက်တော်ရှည် ဆရာ ဒဂုံတာရာကို သေဖော်ညှိတာလည်း လုပ်ကြပါတယ်။ ဆရာ့ခမျာ ဒင်းတို့မို့ပေကိုးဆိုပြီး မသိဟန်ဘဲ ဆောင်နေရဟန် တူပါတယ်။ ဒါပေမယ့် သူတို့ခမျာ ဖားသာဖားရ မျက်မာန်ရှမှာကိုတော့ ကြောက်နေရတဲ့ လက္ခဏာတွေလည်း မြင်နေရပါတယ်။
နောက်တမျိုးက စီးပွားရေးလုပ်ငန်းရှင်၊ ပညာတတ်လို့ ဆိုရမယ့်သူတွေဖြစ်ပါတယ်။ သူတို့က မဝေးလှတဲ့ ကုန်လွန် လေပြီးတဲ့သမိုင်းမှာ ဗိုလ်ခင်ညွန့်နဲ့နီးစပ်၊ ပတ်သက်ဖူးတယ်လို့ နားလည်ရပါတယ်။ သူတို့က ငွေကြေးတတ်နိုင်တော့ ကိုယ်ပိုင်မီဒီယာလည်းရှိတယ်၊ ပြည်ပအဆက်အသွယ်တွေလည်း ရှိပါတယ်။ ကမ္ဘာအနှံ့ရှိ ရှုပ်ထွေးလှတဲ့ အန်ဂျီအိုကွန် ရက်တွေနဲ့လည်း ပတ်သက်နေကြပါတယ်။ သူတို့က ရွေးကောက်ပွဲကို ၀င်မယ့်လက္ခဏာတွေဖော်ပြနေပါတယ်။ ဒါပေမယ့် ငွေကြေးရှင်လည်းဖြစ်၊ ပညာတတ်လည်းဖြစ်ဆိုတော့ သူများလိုပြာပြာသလဲမဖြစ်၊ တည်တည်ငြိမ်ငြိမ်နဲ့ပြောနိုင်၊ လှုပ်ရှား နိုင်ကြပါတယ်။ သူတို့မှာက နအဖစစ်အုပ်စုထဲက ဘယ်ထိပ်သီးနဲ့အဆက်အသွယ်ရှိတယ်ဆိုတဲ့ အရည်အသွေးမျိုး တွေလည်း ရှိနေပါသေးတယ်။ ဒါကြောင့် ဒီရွေးကောက်ပွဲနဲ့ သူတို့ရဲ့စီးပွားရေးတိုးချဲ့မှုဟာ ကင်းမှကင်းရဲ့လားလို့ တချို့က တွေး နေကြပါတယ်။ သူတို့ပြောတဲ့ သဘောတရားတွေမှာ နားယောင်စရာ ရှိကောင်းရှိနိုင်ပေမယ့် သူတို့ဘာကြောင့် ဒီရွေးကောက် ပွဲကို ထောက်ခံပါဝင်ချင်ကြတယ် ဆိုတာကတော့ ရှင်းနေတယ်လို့ ထင်ပါတယ်။
ဒီလိုအမျိုးအစားတွေခွဲပြောပြီဆိုရင် တစညလို တပ်မတော်အရာရှိဟောင်းများကိုလည်း ချန်ထားလို့မဖြစ်ပါဘူး။ သူတို့ကိုချန်လှပ်လို့မရပေမယ့် သူတို့ရဲ့တွေးခေါ်နည်း၊ ပြောကြားချက်စတာတွေကတော့ လူတိုင်းအဖို့ဘာမှမဆန်း၊ ရှုပ်ထွေး စရာလည်းမရှိတာမို့ ဒီဆောင်းပါးထဲမှာ ချန်လှပ်ထားခဲ့ပါမယ်။ တစညပဲ၊ ဒီလိုပဲ ပြောတော့မပေါ့လို့သာ မှတ်ထားလိုက်ကြပါစို့။
ဒါ့အပြင် နောက်တမျိုးကတော့ လူသစ်တန်းလို့ပြောရင် ရမလားပါပဲ၊ သူတို့က ပိုခြေသွက်ပါတယ်။ ပိုပြီး မျက်နှာပြောင်တယ်လို့ ပြောရင်တောင်ရမလားပါပဲ။ တကယ်က သူတို့ထဲက တချို့ဟာ ရှစ်လေးလုံး အရေးတော်ပုံတုန်းက အဖွဲ့အစည်းတချို့မှာ တတိယတန်းခေါင်းဆောင်လောက်လုပ်ဖူးပြီး အခြေအနေဆိုးလာတော့ ထိုင်သွား၊ ငုပ်သွားသူတွေ ဖြစ်ပါတယ်။ သူတို့အနေနဲ့ ရှစ်လေးလုံးခေါင်းဆောင်တွေအပေါ် အာဃာတတွေထားကြောင်း ဖော်ပြတာလည်း တခါတရံမှာ တွေ့ရပါတယ်။ ဒီအမျိုးအစားထဲမှာ သတိမပြုဘဲမနေနိုင်တဲ့ ဒွေးရောယှက်တင် ဖြစ်နေသူတွေလည်း ရှိပါသေးတယ်။ အဲဒါတွေကတော့ ကြံ့ဖွံ့လိုဟာ၊ သတင်းပေးလိုဟာတွေပါ ရောပါနေတာဖြစ်ပါတယ်။ အခုဖော်ပြခဲ့သူ အားလုံးထဲမှာ သူတို့ဟာ အပြတ်သားဆုံးလို့ တောင်ဆိုနိုင်ပါတယ်။ သူတို့က ဘာမှမကြောက်ဘူး ဆိုတာမျိုးလည်း ကြုံတိုင်းလိုလို ဖော်ပြကြပါတယ်။ အင်တာနက်မှာလည်းကျက်စား၊ သူတို့ရဲ့ဖုန်းနံပါတ်တွေကိုကြေညာ၊ ကိုယ့်ကိုယ်ကိုယ် အပြတ်ကြော်ငြာနေကြပါတယ်။ ဒါ့အပြင်သူတို့က ပြည်ပမီဒီယာတွေထဲမှာ “စိမ်ခေါ်လို့ကတော့ တိမ်ပေါ်ကိုတောင် တက်ထိုးမယ်” ဆိုတာမျိုးကိုလည်း ပြောကြပါတယ်။ သူတို့ဦးတည်တာက နအဖဆန့်ကျင်သူ အားလုံးကို ဖြစ်ပါတယ်။ ဒီလိုအခါမှာ သူတို့ကို နအဖက
လိုလားဟန်လည်းဖော်ပြနေတော့ သူတို့က ပိုကမ်းတက်တယ်လို့ ပြောနိုင်ပါတယ်။
ဒုက္ခသည်များ ပိုမိုလက်ခံရေး ပြင်ဆင်ထားရန် ထိုင်းကို အစီရင်ခံစာက တိုက်တွန်း
ဘရိုင်ယန်မက်ကာတန်
စနေနေ့၊ အောက်တိုဘာလ 03 ရက် 2009 ခုနှစ် 14 နာရီ 47 မိနစ်
မဇ္ဈိမ။ ။ ၀ါရှင်တန်အခြေစိုက် နိုင်ငံတကာ ဒုက္ခသည်များအဖွဲ၏ ယခုတပတ်ထုတ် အစီရင်ခံစာတစောင်က ထိုင်းနိုင်ငံ၏ လက်ရှိ ဒုက္ခသည်မူဝါဒကို ချီးကျူးပြောဆိုလိုက်ပြီး ထပ်မံ၍ အလုံးအရင်းနှင့် ၀င်ရောက်လာနိုင်သည့် ဒုက္ခသည်များအတွက်လည်း တိုးတက်သော မဟာဗျူဟာများထားရှိ၍ ပြင်ဆင်ထားရန်လိုကြောင်း ပြောကြားလိုက်သည်။ မြန်မာစစ်တပ်နှင့် တိုင်းရင်းသားအပစ်ရပ်အဖွဲ့များအကြား တိုက်ပွဲများဖြစ်ပွားလာခဲ့ပါက ပေါ်ပေါက်လာမည့် ပြည်တွင်းရွှေ့ပြောင်းဒုက္ခသည်များ အရေးအတွက်လည်း အလားတူ ပြင်ဆင်ထားရန်လိုကြောင်း ပြောဆိုတိုက်တွန်းထားသည်။
ဇွန်လအတွင်းက ဖြစ်ပွားခဲ့သော ဒီမိုကရက်တစ် တိုးတက်သော ဗုဒ္ဓဘာသာ ကရင်တပ်မတော် DKBA နှင့် ကရင်အမျိုးသားအစည်းအရုံး KUN အကြား တိုက်ပွဲများ ဖြစ်ပွားခဲ့သည့်အတွက်၎င်း၊ DKBA တပ်ဖွဲ့များက အဆိုပါဒေသကို ထိန်းချုပ်ရန် ကြိုးစားနေသည့်အတွက် ပေါ်ပေါက်လာသည့် လူ့အခွင့်အရေး ချိုးဖောက်မှုများကြောင့်၎င်း၊ ထိုင်းနိုင်ငံသို့ ဒုက္ခသည် ၄၈၆၂ ဦး ထွက်ပြေးရောက်ရှိလာခဲ့သည်။ ယင်းတို့သည် ထိုင်းနိုင်ငံ နယ်စပ်တလျှောက် ဖွင့်လှစ်ထားရှိသော ဒုက္ခသည်စခန်းများတွင် နဂိုကတည်းက ရောက်ရှိပြီဖြစ်သော သောင်းနှင့်ချီသည့် ဒုက္ခသည်များနှင့် ပူးပေါင်းမိကာ အရေအတွက်များ ထပ်တိုးသွားကြသည်။
ထိုင်းနိုင်ငံတွင်းသို့ ဇွန်လအတွင်းက ထွက်ပြေးရောက်ရှိလာခဲ့သော ဒုက္ခသည်များကို ထိုင်းနိုင်ငံတွင်းသို့ လုံခြုံစိတ်ချစွာ ဖြတ်ကျော်ခွင့်ပေး၍ ခိုလှုံခွင့်ပေးခဲ့သည့်အတွက် နိုင်ငံတကာ ဒုက္ခသည်များအဖွဲ့ - Refugees International (RI) အဖွဲ့ကြီးက ထိုင်းအရာရှိများကို ချီးကျူးပြောဆိုလိုက်သည်။ အဆိုပါဒုက္ခသည်များကို လိုအပ်သော လူသားချင်းစာနာသည့် အကူအညီများ ချက်ချင်းပေးအပ်နိုင်အောင် ကူညီဆောင်ရွက်ပေးနိုင်ရေး ညှိနှိုင်းဆောင်ရွက်ခဲ့ကြသည့်အတွက်လည်း နိုင်ငံတကာအဖွဲ့အစည်းများနှင့် ဒေသခံအစိုးရမဟုတ်သည့် အဖွဲ့အစည်းများကိုလည်း အလားတူ ချီးကျူးဂုဏ်ပြုလိုက်သည်။
ယခုနွေရာသီက ဖြစ်ပွားခဲ့သော တိုက်ခိုက်မှုများသည် စစ်အစိုးရ၏ မူဝါဒဖြစ်သော တိုင်းရင်းသား အပစ်ရပ်အဖွဲ့များကို အသစ်ဖွဲ့စည်းမည့် နယ်ခြားစောင့်တပ်ဖွဲ့ BGF အဖြစ် အသွင်ပြောင်းပေါင်းစည်းရေး၏ တိုက်ရိုက်အကျိုးသက်ရောက်မှုအဖြစ် ရှုမြင်ကြသည်။ အောက်တိုဘာလတွင် ထိုသို့ ပူးပေါင်းအသွင်ပြောင်းခြင်း မပြုမီ နယ်မြေများများကို ပိုမိုထိန်းချုပ်ထားလိုသည့်အတွက် DKBA က ထိုသို့တိုက်ခိုက်ခဲ့ခြင်း ဖြစ်သည်။ လူ့အခွင့်အရေးအဖွဲ့များနှင့် တိုင်းရင်းသား လက်နက်ကိုင် အဖွဲ့များ၏ အစီရင်ခံ ပြောကြားချက်များအရ ယခုနှစ် နှောင်းပိုင်းနှင့် ၂၀၁၀ ခုနှစ်အထိ ပြန်တွင်းရွှေ့ပြောင်းနေထိုင်ရသူများ IDP နှင့် ဒုက္ခသည်များ ပိုမိုများပြားလာဦးမည်ဟု ဆိုသည်။
အလားတူပင် နယ်ခြားစောင့်တပ်အဖြစ် ပြောင်းလဲရေးမူဝါဒကြောင့်လည်း ယင်းကို လက်မခံ ဆန့်ကျင်နေကြသည့် မြန်မာပြည်မြောက်ပိုင်းရှိ တိုင်းရင်းသားအဖွဲ့များနှင့် စစ်အစိုးရကြား တင်းမာမှုများ ဖြစ်ပွားနေသည်။ သြဂုတ်လအတွင်းက ဖြစ်ပွားခဲ့သော မြန်မာစစ်တပ်နှင့် ကိုးကန့် လက်နက်ကိုင်များအကြား တိုက်ပွဲများကြောင့်လည်း ဒုက္ခသည်ပေါင်း ၃၇၀၀၀ ခန့် တရုတ်ပြည်သို့ ထွက်ပြေးခဲ့ကြရသည်။ ဒေသတွင်း အဖွဲ့အစည်းများတွင် ကိုးကန့်အဖွဲ့မှာ အင်အားနည်းသော အဖွဲ့ဖြစ်သည့်အတွက် မြောက်ပိုင်းတွင် ပိုမိုကျယ်ပြန့်သော တိုက်ပွဲများ ထပ်မံဖြစ်ပွားလာခဲ့လျှင် ဒုက္ခသည်အရေအတွက် အမြောက်အမြား ထိုင်းနိုင်ငံနှင့် တရုတ်နိုင်ငံတွင်းသို့ ထွက်ပြေးရောက်ရှိလာနိုင်ကြပြီး ထောင်နှင့်ချီသော IDP များလည်း ၀င်ရောက်လာနိုင်ကာ နှစ်ပေါင်းများစွာ ဤပြဿနာ တည်ရှိနေနိုင်သည်ဟု ဆိုသည်။
ဇွန်လအတွင်းက ထွက်ပြေးလာခဲ့ကြသော ဒုက္ခသည်အမျာအပြား မိမိတို့အိုးအိမ်များရှိရာသို့ ပြန်လိုကြသော်လည်း RI ၏ အပြောအရ `မိမိတို့နှင့် တွေ့ဆုံစကားပြောခဲ့ရသူ မည်သူမျှ လက်ရှိအခြေအနေများတွင် အိမ်မပြန်လိုကြကြောင်း၊ နေရပ်ရင်း ကျေးရွာများတွင် မိုင်းများ ထောင်ထားခြင်း၊ DKBA တပ်ဖွဲ့များက အတင်းအကျပ် စစ်သားစုဆောင်းခြင်း၊ မြန်မာပြည်တွင်း ဆက်လက်နေထိုင်လိုသူများအပေါ် လူ့အခွင့်အရေးဖောက်ဖျက်မှုများကို ဆက်လက်ကျူးလွန်နေခြင်း စသည်တို့ကြောင့် မပြန်ရဲဖြစ်နေကြသည်´ ဟုဆိုသည်။ မြန်မာပြည်မြောက်ပိုင်းတွင် တိုက်ပွဲများ ဖြစ်ပွားလာခဲ့ပါက ယခုထက် ပိုမိုများပြားသော အတိုင်းအတာဖြင့် အလားတူအခြေအနေမျိုး ထပ်မံဖြစ်ပေါ်လာဦးမည်ဖြစ်သည်။
ထိုင်းနိုင်ငံရှိ ဒုက္ခသည်ပြဿနာကို ပိုမိုဆိုးရွားသွားစေသည်မှာ ထိုင်းနိုင်ငံက ကူညီဖြေရှင်း ဆောင်ရွက်ပေးနေသော တတိယနိုင်ငံ အခြေချရေးအစီအစဉ်သည် ၂၀၁၀ ခုနှစ်တွင် ရပ်ဆိုင်းသွားတော့မည့် အရေးပင်ဖြစ်သည်။ ယင်းအစီအစဉ်အရ ယခုထိ ဒုက္ခသည်ပေါင်း ၅၀၀၀၀ ကျော် တတိယနိုင်ငံများတွင် အခြေချနေထိုင်နိုင်ခဲ့ပြီးဖြစ်သည်။ ဤသို့ တတိယနိုင်ငံ အခြေချနေထိုင်ခွင့် ရွေးလမ်းများမရှိတော့ပါက ဒုက္ခသည်အများအပြားသည် ထိုင်းနိုင်ငံတွင် နှစ်ပေါင်းများစွာ ဆက်လက်နေထိုင်ရတော့မည်ဖြစ်သည်။ ရွှေ့ပြောင်းအခြေချခွင့်ကို ပိတ်ပစ်တော့မည့် အလားအလာ ရှိနေခြင်းက `ထိုင်းနိုင်ငံရောက် မြန်မာဒုက္ခသည်များ၏ အနာဂတ်ကို ကြည့်ရှုရန်နှင့် သူတို့၏ ဆင်းရဲဒုက္ခကို ဖြေရှင်းပေးရန်ကိစ္စ မည်မျှအရေးပါပုံကို မီးမောင်းထိုးပြနေသည်´ ဟု RI က ပြောသည်။
ထိုင်းနိုင်ငံတွင် ဆက်လက်နေထိုင်ရတော့မည့် အဆိုပါ ဒုက္ခသည် အများအပြားအတွက် ထိုင်းနိုင်ငံအနေနှင့် တိုးတက်သော မဟာဗျူဟာများဖြင့် အသင့်ပြင်ဆင်ထားရန် လိုသည်ဟု RI က ပြောသည်။ ဤအဖွဲ့၏ အကြံပေးချက်များတွင် ထိုင်းအစိုးရအနေဖြင့် `ဒုက္ခသည် အရေအတွက် ရာခိုင်နှုန်း အတော်များများကို လွတ်လပ်စွာ လှုပ်ရှားသွားလာခွင့်ပြုပြီး မိမိ ခြေထောက်ပေါ် မိမိရပ်တည်နိုင်စေရေး ခြေလှမ်းများကို စဉ်းစားထားသင့်သည်´ ဟု ပြောဆိုထားသည်။
နောက်ထပ် ဒုက္ခသည်များ ထပ်မံဝင်ရောက်လာမည့် အခြေအနေတွင် လက်ရှိဒုက္ခသည် မူဝါဒကို ဆက်လက်၍ ထိန်းသိမ်းထားရှိရန် ထိုင်းအစိုးရကို တက်ကြွစွာ ပြောဆိုအားပေးကြပါရန် အမေရိကန်၊ ဥရောပသမဂ္ဂနှင့် အခြားအစိုးရများကို ဤအဖွဲ့ကြီးက တောင်းဆိုထားသည်။ ထို့ပြင် ဤအဖွဲ့ကြီးက အဆိုပါ အစိုးရများကို လျင်မြန်စွာ ပြောင်းလဲပေါ်ထွက်လာနေသော ဒုက္ခသည်များ၏ လိုအပ်ချက်ကို ဖြည့်ဆည်းပေးနိုင်ရန် မြန်မာနိုင်ငံအတွက် လူသားချင်းစာနာသည့် အကူအညီများကိုလည်း ပြောင်းလွယ်ပြင်လွယ် ဆက်လက်ထားရှိကြပါရန်လည်း တိုက်တွန်းထားသည်။
မြန်မာနိုင်ငံမြောက်ပိုင်းတွင် တိုက်ပွဲများ ဖြစ်ပွားလာခဲ့ပါက ဤထောက်ခံတင်ပြချက်များသည် အထူးသဖြင့် အဓိကကျသော အချက်များဖြစ်သည်။ ယခုပင်လျှင် ထိုင်းနိုင်ငံရောက် ရှမ်းပြည်မှ ဒုက္ခသည်အရေအတွက်မှာ သောင်းနှင့်ချီ၍ ရှိနေပြီဖြစ်သည်။ သို့သော် ထိုင်းအစိုးရကမူ သူတို့အတွက် ယခုအထိ နယ်စပ်တွင် ဒုက္ခသည်စခန်းငယ်တခုသာ ဖွင့်လှစ်ခွင့်ပေးထားခဲ့သည်။ တိုက်ပွဲများ ဖြစ်ပွားခြင်းနှင့် လူ့အခွင့်အရေး ချိုးဖောက်ခံရမှုများကြောင့် ထွက်ပြေးလာရသူ ဒုက္ခသည်အများစုမှာ ထိုင်းနိုင်ငံရှိ တရားမ၀င် ရွှေ့ပြောင်းအလုပ်သမား ဈေးကွက်အတွင်းသို့ တိုးဝင်လုပ်ကိုင်နေကြရသည်။ ရှမ်းလူမျိုးအသိုင်းအ၀ိုင်းမှ အချို့ကမူ ဤသို့ နေထိုင်လုပ်ကိုင်ရသည်မှာ သူတို့အတွက် ပိုလွတ်လပ်မှုရှိသည်ဟု ဆိုသည်။ သို့သော် အခြားသူများကမူ သူတို့အနေနှင့် ဒုက္ခသည်များ ရထိုက်သည့် အခွင့်အရေးများ၊ အကူအညီများ ငြင်းပယ်ခံကြရသည်ဟု ဆိုသည်။
RI ကမူ မြန်မာနိုင်ငံနှင့် ထိုင်းနိုင်ငံနယ်စပ်ရှိ အကူအညီပေးရေး အေဂျင်စီများကို အစိုးရနှင့် ငြိမ်းချမ်းရေး အဖွဲ့များအကြား ပဋိပက္ခဖြစ်ပွားလာပါက ၀င်ရောက်ခိုလှုံလာမည့် ဒုက္ခသည်များနှင့် IDP အများအပြားကို ကိုင်တွယ်ဖြေရှင်းနိုင်ရန် မဟာဗျူဟာများ ချမှတ်ထားရန် တောင်းဆိုလိုက်သည်။
နိဂုံးချုပ်အနေဖြင့် ဤအဖွဲ့ကြီးက နယ်စပ်ဖြတ်ကျော် ဆောင်ရွက်မှုများကို အားပေးဆောင်ရွက်နိုင်ရေးအတွက် အလှူရှင်များကို နောက်ထပ် အနူးအညွတ်ပန်ကြားလိုက်သည်။ `ပြည်တွင်း ရွှေ့ပြောင်းဒုက္ခသည်များအရေး အကဲဖြတ်ရေး ဆောင်ရွက်နိုင်ရန် တီထွင်ဖန်တီးမှုရှိသည့် နည်းလမ်းများကို ထောက်ခံအားပေးပါရန်´ နှင့် လူသားချင်းစာနာသည့် အကူအညီပေးရေး အေဂျင်စီများအကြား လက်ရှိ ရှိနေသော သတင်းအချက် ဖလှယ်ရေးကို နောက်ထပ် အားဖြည့်ဆောင်ရွက်ပေးပါရန်လည်း တိုက်တွန်းတောင်းဆိုလိုက်သည်။ ဤသို့ ဖလှယ်နိုင်မှသာလျှင် နယ်စပ်တဖက်တချက်ရှိ ဒုက္ခသည်အသိုင်းအ၀ိုင်း တခုလုံးအပေါ် ပိုမိုကောင်းမွန်စွာ အကဲဖြတ်လုပ်ဆောင်နိုင်မည် ဖြစ်သည်။
Subscribe to:
Post Comments (Atom)
No comments:
Post a Comment