..::₪BDC-Burma Democratic Concern ж မြန်မာပြည်သူတစ်ရပ်လုံးအားကိုယ်စားပြုသည်₪::..

အဆက်မပြတ်ထိုးစစ်ဆင်နိုင်ရေး နှင့် အပြီးသတ်ထိုးစစ်

မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်ကို နေအိမ်အကျယ်ချုပ်ချထားခြင်းမှ လွှတ်ပေးရမည့်အချိန် နီးလာ သောအခါ အမျိုးသားဒီမိုကရေစီအဖွဲ့ချုပ်အပါအ၀င် ဒီမိုကရေစီအင်အားစုများ၊ မြန်မာပြည်တွင် စစ်မှန်သောဒီမိုကရေစီ ထွန်းကားရေးကိုလိုလားသော မြင်တွေ့လိုသောနိုင်ငံတကာအသိုင်းအ၀ိုင်းကပါ သူမကိုလွှတ်ပေးရန်တောင်းဆိုသံများ ကျယ်လောင်လာခဲ့သည်။

ဒေါ်အောင်ဆန်းစုကြည်၏နိုင်ငံရေးအရှိန်အ၀ါ လွန်စွာကြီးမားသည်ကို ကောင်းစွာသိသော မြန်မာစစ်အာဏာပိုင်များသည် သူမကိုလွှတ်ပေးရမည်ကို ကြောက်ရွံ့စိုးရိမ်နေသည်။ ထို့ကြောင့် သူမအား ဆက်လက်ဖမ်းချုပ်နိုင်ရေးအတွက် ကြိုးပမ်း လုပ်ဆောင်လာခဲ့သည်။

ထိုအတွက်ပေါ်လာသည့်အကြောင်းတရပ်မှာ အမေရိကန်နိုင်ငံသားတဦးကို နေအိမ်တွင်ခေတ္တခိုလှုံခွင့်ပြုခဲ့သည့် ဒေါ် အောင်ဆန်းစုကြည်အား နေအိမ်အကျယ်ချုပ်ကန့်သတ်ချက်ကိုချိုးဖောက်သည့်အမှုဖြင့် နအဖစစ်အာဏာပိုင်များက တရားရုံးတင်စစ်ဆေးခြင်းပင်ဖြစ်သည်။

စစ်အာဏာပိုင်များက ထိုသို့ပြုလုပ်လိုက်သည့်အတွက် ဒေါ်အောင်ဆန်းစုကြည်ကိုလွှတ်ပေးရန် တစိုက်မတ်မတ်တောင်း ဆိုနေသူများ၏အသံ ပိုမိုကျယ်လောင်လာခဲ့သည့်အပြင် တောင်းဆိုမှုအရေအတွက်ပင် ပိုမိုများပြားလာခဲ့သည်။ တနည်း ဆိုရသော် ဒေါ်အောင်ဆန်းစုကြည်အားလွှတ်ပေးရန် နိုင်ငံတကာအသိုင်းအ၀ိုင်း၏ဖိအားပေးမှု တိုးတက်လာခဲ့လေသည်။

လွန်ခဲ့သောနှစ်အနည်းငယ်အတွင်းက နိုင်ငံတကာအသိုင်းအ၀ိုင်း၏ဖိအားသည် မြန်မာစစ်အာဏာပိုင်များအပေါ် ယခုလို ပြင်းပြင်းထန်ထန်ကျရောက်ခဲ့ခြင်းမျိုးမရှိခဲ့ပေ။ သို့သော်လက်ရှိအခြေအနေသည် ဒေါ်အောင်ဆန်းစုကြည်လွတ်မြောက် ရေးမျှော်လင့်ချက်များသည် ယခင်ကထက်စာလျှင် ပိုမိုမြင့်မားလာပြီဟု တွက်ဆနိုင်ပေသည်။

ထို့ကြောင့် ယခုအချိန်တွင် ထိုကဲ့သို့သောမြင့်မားလာနေသည့်မျှော်လင့်ချက်များ လက်တွေ့ဖြစ်မြောက်လာရေးအတွက် ပြည်တွင်းပြည်ပအင်အားစုအားလုံး (မြန်မာ့ဒီမိုကရေစီအင်အားစုများရော၊ နိုင်ငံတကာအသိုင်းအ၀ိုင်းကပါ) ၀ိုင်းဝန်း ကြိုးပမ်းကြရမည်ဖြစ်သည်။

သို့ဆိုလျှင် မည်သို့လုပ်ဆောင်ကြရမည်နည်း ဆိုသည့် မေးခွန်းထွက်ပေါ်လာပေသည်။

ပြည်တွင်းရှိအမျိုးသားဒီမိုကရေစီအဖွဲ့ချုပ်သည် ဒေါ်အောင်ဆန်းစုကြည်နှင့်ပတ်သက်သည့် တရားရင်ဆိုင်နေရမှုကို ဥပဒေ ရေးရာရှုထောင့်မှကြည့်ကာ ပြတ်ပြတ်သားသားလုပ်ဆောင်ကြိုးပမ်းရမည်ဖြစ်သည်။ တချိန်တည်းမှာပင် နိုင်ငံရေးပါတီဖြစ် သည့်အတွက် နိုင်ငံရေးနည်းအရလှုပ်ရှားမှုများကို ဆထက်ထမ်းပိုးဆောင်ရွက်ရန် လိုအပ်ပေသည်။ မိမိတို့ပါတီခေါင်း ဆောင်အား မတရားအကွက်ဆင်ကာ ဖမ်းဆီးထောင်ချရန်ကြိုးပမ်းမှုများမှလွတ်မြောက်လာစေရေးအတွက် တောင်းဆို လှုပ်ရှားမှုနှင့် ထိုတောင်းဆိုမှုများကို ပြည်သူလူထုက ထောက်ခံမှုပိုမိုပြုလုပ်လာရေးအတွက် ၀ိုင်းဝန်းဆောင်ရွက်ရမည်ဖြစ် သည်။ တနည်းဆိုလျှင် မြန်မာစစ်အာဏာပိုင်များအား အမျိုးသားဒီမိုကရေစီအဖွဲ့ချုပ်က ဖိအားစတင်ပေးလိုက်ခြင်းပင်ဖြစ် သည်။

အခြားဒီမိုကရေစီရေးအင်အားစုများနှင့် ပြည်သူလူထုတို့ကလည်း ဒေါ်အောင်ဆန်းစုကြည်အား မတရားဖမ်းဆီးထောင်ချ ရန် စစ်အာဏာပိုင်များ၏ကြိုးပမ်းချက်များကို မကျေနပ်ကြောင်း လက်မခံကြောင်းကို ဖမ်းဆီးခြိမ်းခြောက်နှိပ်စက်ခံရမှု အနည်းဆုံးဖြင့် လုပ်ဆောင်နိုင်ရန် လိုအပ်သည်။ လူထုက ထိုသို့လုပ်ဆောင်နိုင်ရေးကို နိုင်ငံရေးလှုပ်ရှားသူများက အကြမ်း မဖက်သော လူထုလှုပ်ရှားမှုအသွင်ဖြင့် နည်းလမ်းပြဦးဆောင်နိုင်ရမည်ဖြစ်သည်။ ထိုအတွက် နည်းဗျူဟာ၊ လုပ်ငန်းစဉ်၊ ငွေကြေး၊ ဆက်သွယ်ရေး စသည့် လိုအပ်ချက်များကို ပံ့ပိုးပေးရန် စီစဉ်ပေးရမည်။

ပြည်ပရောက် မြန်မာ့ဒီမိုကရေစီအင်အားစုအသီးသီးကလည်း မိမိတို့ရောက်ရှိရာ နိုင်ငံများတွင် စစ်အာဏာပိုင်များ၏ တရားမဲ့လုပ်ရပ်များကို ဆန့်ကျင်ကန့်ကွက်ကြောင်း ဆန္ဒထုတ်ဖော်ရုံမက၊ ဒေါ်အောင်ဆန်းစုကြည်လွတ်မြောက်ရေး အလွန်အမင်းအလိုရှိကြောင်းကို သက်ဆိုင်ရာနိုင်ငံအသီးသီးမှ အာဏာပိုင်များသိရှိစေရန် အင်နှင့်အားနှင့် ဆန္ဒထုတ်ဖော် ရန် လိုအပ်သည်။ ထိုသို့ပြုလုပ်ရုံဖြင့် မလုံလောက်သေးပါ၊ သက်ဆိုင်ရာအစိုးရအသီးသီးသို့ ဒေါ်အောင်ဆန်းစုကြည် လွတ်မြောက်ရေးသည် မြန်မာ့အနာဂတ်နိုင်ငံရေး၊ ဒေသတွင်းတည်ငြိမ်ရေး၊ ဒီမိုကရေစီရေး။ လူ့အခွင့်အရေးများ တိုးတက် လာစေရေးအတွက် မည်မျှအကျိုးသက်ရောက်မှုရှိစေသည်ကို ခိုင်ခိုင်မာမာပြောဆိုသုံးသပ်ဆွေးနွေးမှုများပြုလုပ်ကာ စည်းရုံးလှုံ့ဆော်ရန်လိုအပ်ပါသည်။ ထိုမျှမကသေး ပြည်တွင်းရှိ အင်အားစုများ၏ အကြမ်းမဖက်သောအောက်ခြေလူထု လှုပ်ရှားမှုများအတွက် လိုအပ်သော ငွေကြေး၊ နည်းလမ်းနှင့် အခြားအထောက်အကူပြုအရာများပံ့ပိုးပေးနိုင်ရေးကို စနစ် တကျလုပ်ဆောင်ရန်လိုအပ်သည်။ ယခုကဲ့သို့သောအခြေအနေအချိန်အခါမျိုးတွင် မိမိတို့အင်အားစုများအတွင်းနားလည် မှုအပြည့်အ၀ပေးကာ ဟန်ချက်ညီညီလုပ်ဆောင်နိုင်ရေးသည် အထူးအရေးကြီးသောလိုအပ်ချက်တရပ်ဖြစ်ပေသည်။

နိုင်ငံတကာအသိုင်းအ၀ိုင်းကလည်း မိမိတို့၏နိုင်ငံရေးသြဇာအရှိန်အ၀ါ၊ သံတမန်ရေးအဆက်အသွယ်၊စီးပွားရေးလက်နက် စသည်တို့ဖြင့် မြန်မာစစ်အာဏာပိုင်များအပေါ် ဖိအားဆက်တိုက်ပေးနိုင်ရန်လည်းလိုအပ်သည်။ ထို့အပြင် မြန်မာပြည်သို့ လက်နက်မရောင်းချရေးပိတ်ပင်တားမြစ်မှုများကိုလည်း တကမ္ဘာလုံးအတိုင်းအတာဖြင့် ၀ိုင်းဝန်းလုပ်ဆောင်လာရန်ကြိုးပမ်း လှုပ်ရှားနိုင်ရေးသည် အရေးကြီးသည်။ ကြေညာချက်များထုတ်ပြန်နေရုံဖြင့် မြန်မာအာဏာပိုင်များအပေါ် ထိရောက်သော ဖိအား ကျရောက်နိုင်မည်မဟုတ်ပေ။ လက်တွေ့ကျသည့်လုပ်ရပ်များ အထူးလိုအပ်နေသောအချိန်ဖြစ်သည်။ ထို့ကြောင့် လက်တွေ့ကျသည့်ထိရောက်သောလုပ်ရပ်များကို နိုင်ငံတကာအသိုင်းက မြန်မြန်ဆန်ဆန် ဖော်ဆောင်လာရေးအတွက် ပြည်ပရောက်အင်အားစုများက အချိန်ကိုက် ၀ိုင်းဝန်းကြိုးပမ်းရမည်ဖြစ်သည်။

ပြည်တွင်းနိုင်ငံရေးနှင့် စီးပွားရေးအကျပ်အတည်းများကို ရင်ဆိုင်နေရသည့် မြန်မာစစ်အာဏာပိုင်များသည် ဒေါ်အောင် ဆန်းစုကြည်အား ဆက်လက်ဖမ်းချုပ်နိုင်ရန် ကြိုးပမ်းခဲ့ချိန်မှစတင်ကာ ပြည်တွင်းပြည်ပ မျက်နှာစာအသီးသီးတွင် ခံစစ် အနေအထားသို့ ရောက်ရှိသွားခဲ့ပေသည်။

၁၉၈၈ ခုနှစ်တွင် အာဏာသိမ်းခဲ့သည့်အချိန်မှစတင်ကာ ရက်စက်ကြမ်းကြုတ်မှုများဖြင့် ဖိနှိပ်အုပ်ချုပ်နေခဲ့သည့်အတွက် မြန်မာပြည်သူလူထုမှာ အကြောက်တရားအောက်တွင် နေထိုင်နေရခဲ့ရသည်။ စစ်အာဏာရှင်များက မြန်မာပြည်တွင်းတွင် စိတ်ထင်တိုင်းချယ်လှယ်နိုင်နေပြီဟု ယူဆချက်များ ကျယ်ကျယ်ပြန့်ပြန့်ရှိနေသည်၊။ ထိုယူဆချက်သည် လက်တွေ့ကျ သည့်ယူဆချက်ဖြစ်သည်ကို အငြင်းပွားရန် မလိုအပ်ပေ။ သို့သော် မှန်ကန်သည်ဟု မဆိုနိုင်ပေ။ အကြောင်းမှာ ဒေါ်အောင် ဆန်းစုကြည်နှင့်ပတ်သက်သော တရားစီရင်ရေးတွင် ကြားနာချက်များကို အဆုံးသတ်ကာ ဇွန်လ ၅ ရက်နေ့တွင် စီရင်ချက် ချမှတ်မည်ဟု ပထမတကြိမ်ရက်ရွှေ့ခဲ့သည်။ တဖန် နောက်ထပ်သက်သေများကို ကြားနာရန်ငြင်းပယ်ခဲ့ပြီးမှ လက်ခံ သဘောတူခဲ့ခြင်းကြောင့် စီရင်ချက်သည် ဇွန်လ ၅ ရက်နေ့တွင် မဖြစ်နိုင်တော့ဆိုသည်မှာ ခိုင်မာလာခဲ့ပေပြီ။


ယူဆချက်တရပ်မှာ နိုင်ငံတကာ၏ဖိအားသည် မိမိတို့အပေါ်ကျရောက်နေမှု မလျော့ကျသေးသည့်အတွက် မြန်မာစစ် အာဏာပိုင်များသည် ဒေါ်အောင်ဆန်းစုကြည်အပေါ် စီရင်ချက်မချရဲသေးခြင်းဖြစ်သည်။ ထိုယူဆချက်အတိုင်း ဆက်လက် စဉ်းစားတွေးတောကြည့်လျှင် နိုင်ငံရေး၊ စီးပွားရေး၊ လူမှုရေး စသည့်နယ်ပယ်အသီးသီးတွင် အကျပ်အတည်းပေါင်းစုံ နှင့်ရင်ဆိုင်နေရသည့်ဖိအားများကို ခံနိုင်သည့်အနေအထားတွင် မရှိ ဆိုသည်ကို တွေ့လာရပေသည်။

ထိုအခြေအနေတွင် ပြည်တွင်းပြည်ပအင်အားစုများနှင့် နိုင်ငံတကာအသိုင်းအ၀ိုင်းအတွက် လုပ်စရာနည်းလမ်းမှာ တခု တည်းပင်ရှိတော့သည်၊ မြန်မာစစ်အာဏာပိုင်များအပေါ် နယ်ပယ်အသီးသီးမှ ဖိအားများဆက်တိုက်ပေးရေးပင်ဖြစ်သည်။ ဒေါ်အောင်ဆန်းစုကြည်အား ဖမ်းဆီးထောင်ချရန် အကွက်ချစီစဉ်ကာ အမျိုးသားဒီမိုကရေစီအဖွဲ့ချုပ်နှင့် ဒီမိုကရေစီ အင်အားစုများအား ထိုးစစ်ဆင်ခဲ့သော်လည်း တန်ပြန်ထိုးစစ်ကြောင့် စစ်အာဏာရှင်နအဖသည် ယခုအခါတွင် တိုက်စစ် အနေအထားမှ ခံစစ်အနေအထားကို ရောက်နေပေသည်။ ထို့ကြောင့် စစ်အာဏာရှင်နအဖအပေါ် ဖိအားဆက်တိုက်ပေး နေပါက အာဏာရှင်များ၏ခံစစ်ကျိုးပေါက်ကာ ပြိုလဲရမည့်အခြေဆိုက်လာနိုင်ပေသည်။

ထို့ကြောင့် စစ်အာဏာရှင်နအဖကို ယခုအခါ အဆက်မပြတ်ထိုးစစ်ဆင်မှုများဖြင့် အပြီးသတ်တိုက်ပွဲကို မည်သို့ဖော် ဆောင်ရေးကို အမျိုးသားဒီမိုကရေစီအဖွဲ့ချုပ်အပါအ၀င် ပြည်တွင်းအင်အားစုများ၊ ပြည်ပနိုင်ငံအသီးသီးရောက် မြန်မာ့ဒီမို ကရေစီအင်အားစုများ၊ နိုင်ငံတကာအသိုင်းအ၀ိုင်းတို့ အလေးထားစဉ်းစားလုပ်ဆောင်ကြရန် အထူးလိုအပ်နေပြီဖြစ်ပေ သည်။

ကျော်ကျော်စိုး
(ဂျပန်)
ဇွန်လ ၅ ရက်။ ၂၀၀၉ ခုနှစ်