၂၀၀၈ ခုနှစ်၊ နိုဝင်ဘာ ၂၇။
သတင်း-သန့်မျိုးထွေး(မိုးသောက်ကြယ်)၊ ဓါတ်ပုံ-သန်းဝင်း(BDA Group)
.jpg)
ပေါ်ထွန်းလာတော့မည့် ၃ ထပ်တိုက်မြန်မာဘုန်းကြီးကျောင်းပုံစံဂျပန်နိုင်ငံရောက် ဗုဒ္ဓဘာသာဝင် မြန်မာနိုင်ငံသားတို့၏ ထေရဝါဒကိုယ်ပိုင် ဘုန်းတော်ကြီးကျောင်းတခုကို အများ စုပေါင်းလှူတန်းအားထုတ်မှုဖြင့် ၂ဝဝ၉ ခုနှစ်၊ နှစ်ဆန်းပိုင်းတွင် တိုကျိုမြို့၌တည်ထောင်နိုင်တော့မည် ဖြစ်ကြောင်း ကျောင်းဖြစ်မြောက်ရေးကော်မတီဝင်များ၏ ပြောပြချက်အရသိရသည်။
''လွန်ခဲ့တဲ့(၆)နှစ်လောက်ကတည်းက တရားပွဲတွေဒီမှာ(တိုကျိုမှာ)ကျင်းပကြရင်း မြန်မာတို့ရဲ့ ထေရဝါဒ ကိုယ်ပိုင် မြန်မာဘုန်းကြီးကျောင်းတခုပေါ်လာ နိုင်ခဲ့ရင်ကောင်းမယ်လို့ ရည်ရွယ်ထားခဲ့ကြတာ...''ဟု ကျောင်းဖြစ်မြောက်ရေး ကော်မတီဝင်တဦးဖြစ်သူ ဦးအောင် သက်နိုင်(ခေါ်)ကိုအီးစိန်မှရှင်းပြသည်။
ရွှေဝါရောင်တော်လှန်ရေးဖြစ်ပေါ်ခဲ့သည့် ၂ဝဝ၇ ခုနှစ် နှစ်ကုန်ပိုင်းတွင် ပီနန်ဆရာတော်ကြီး ဂျပန်နိုင်ငံသို့ ကြွရောက်စဉ် မြန်မာအများက ဆရာတော်ကြီးထံ၌ (၁)နှစ်အတွင်း မြန်မာဘုန်းတော်ကြီးကျောင်း တခုပေါ်ပေါက်အောင် ကြိုးစားကြမည်ဟုကတိခံခဲ့ကြကြောင်း၊ ဆရာတော်ကြီး ကိုယ်တိုင်မှလည်း ကျောင်းဖြစ်မြောက်လာမည်ဆိုပါက အမေရိကန်ဒေါ်လာ(၅ဝ,ဝဝဝ)ငါးသောင်းကို ထောက်ပံပေးမည် ဟု မိန့်ကြားထားခဲ့ခြင်းကြောင့် အားလုံး၏ စေတနာ၊ သဒ္ဒါတရားထက်သန်စွာဖြင့် ကြိုးစားလှူတန်းမှုကြောင့် ကျောင်းဖြစ်မြောက်လာမှာမည်ဖြစ်ကြောင်းသိရသည်။
ကျောင်းတည်နေရာမှာ တိုကျိုမြို့အနောက်ဘက်၊ မြန်မာများနေထိုင်သည့်နေရာနှင့်မနီးမဝေး၊ အီခဲဘုကုရို(Ikebukuro)ဘူတာမှ တိုးဘု တိုးဂျိုး(TobuTojo Line) ရထားဖြင့် (၄)ဘူတာသာစီးရသည့် (Naka Iitabashi)အရပ်တွင်တည်ရှိမှာဖြစ်ကြောင်း၊ ဘူတာမှလမ်းလျှောက် လျှင် (၃)မိနစ်ခန့်သာကြာမြင့်ပြီး အထပ်(၃)ထပ်နှင့် အပေါ်ဆုံး၌ အထပ်ပို(၁)ထပ်ပါရှိသည်ဟုသိ ရသည်။ အကျယ်အားဖြင့် အထပ်တိုင်း သည် (ဂျပန်အခေါ် ဖျာ-၁၂ချပ် အခန်း) ပေ(၂ဝ)ပတ်လည်ခန့် ကျယ်ဝန်းသည်ဟုဆိုကြသည်။
''အခုကျောင်းဖြစ်လာမဲ့အဆောက်အဦက ဂျပန်ယန်း(၃၂)သိန်းအမေရိကန်ဒေါ်လာနဲ့ဆိုရင်(၃၂ဝ,ဝဝဝ)ကျပါတယ်။ ဒါပေမဲ့ ကျမတို့က နိုင်ငံခြားသား တွေဆိုတော့ ဝယ်ယူနိုင်ဖို့အတွက် အဆင်ပြေအောင်ရှေ့နေငှားခ၊ ဝန်ဆောင်ခတွေနဲ့ ဘုန်းကြီးကျောင်းပုံစံဖြစ်အောင် ပြင် ဆင်စားရိတ်နဲ့ပါပေါင်းလိုက်ရင် အားလုံးယန်း(၃၅)သိန်း(ယန်းသောင်း ၃,၅ဝဝ)လောက်ဖြစ်သွားတယ်။ အခုကောက်ခံရရှိထားပြီးတာက ယန်း(၁၅)သိန်းနဲ့ ပီနန်ဆရာတော်ကြီးက ထောက်ပံ့မှာနဲ့ဆိုရင် ယန်းသိန်း(၂ဝ)ပဲရပါသေးတယ်။ နိုဝင်ဘာ(၂၄) ရက်နေ့က ပထမဆုံး ရံအဖြစ် (၁ဝ)ရာခိုင်နှုန်းကိုပေးချေပြီးပါပြီ။ ကျန်တဲ့(၉ဝ)ရာခိုင်နှုန်း ကိုတော့လာမယ့်၂ဝဝ၉ခုနှစ်၊(၂)ပိုင်းထဲမှာ အပြီးပေးချေရပါမယ်။ ဒါကြောင့်နောက်ထပ်ယန်း(၁၅)သိန်း လောက်ကလိုနေပါသေးတယ်...''ဟုဒေါ်ခင်စန်းရီမှ ဆက်လက်ပြောပြသည်။
ထေရဝါဒဗုဒ္ဓဘာသာမြန်မာဘုန်းတော်ကြီးဖြစ်မြောက်ရေးအတွက် အလှူတော်ငွေများ လှူတန်းလိုပါက
ဦးမောင်မောင်လှ- ၀၉၀ ၉၀၀၈ ၂၁၁၃ ၊ ဦးတင်အောင်- ၀၉၀ ၃၂၁၂ ၈၉၆၃
ဒေါ်ခင်စန်းရီ- ၀၈၀ ၅၅၃၀ ၁၉၈၈ ၊ ဦးမောင်မောင်သန်း- ၀၉၀ ၈၁၀၃ ၉၈၃၄
ဒေါ်ခင်ခင်မိုး- ၀၉၀ ၅၅၅၉ ၇၀၁၇ ၊ ဒေါ်နွဲ့နွဲ့ကျော်- ၀၈၀ ၃၄၅၈ ၀၆၉၇
ဦးအောင်သက်နိုင်(ခ)ကိုအီးစိန်- ၀၇၀ ၆၉၈၃ ၉၀၉၂ ၊ ဦးစိုးမြင့်ရွှေ-၀၉၀ ၃၅၀၂ ၀၀၅၂
အိုးစုခဓမ္မာရုံ- ၀၃ ၃၉၁၆ ၁၉၅၆
ဘဏ်မှတဆင့် အလှူငွေပေးပို့လိုပါက-
MIZUHO BANK
(MCWA)
AC/NO: 193 2115650
No comments:
Post a Comment